តើអ្វីបង្កឱ្យមានជម្លោះជាមួយអ្នកជិតខាង?

ជម្លោះជាមួយអ្នកជិតខាងគឺជារឿងធម្មតានៅក្នុងទីក្រុងដែលមានមនុស្សច្រើនរស់នៅ។ ប្រសិន​បើ​អ្នក​កំពុង​មានបញ្ហាជាមួយអ្នកជិតខាង វាអាចរំខានខ្លាំងណាស់។  សំឡេងឆ្កែព្រុស វាយដំពិដាន ឬធុំក្លិន​ធ្វើ​ម្ហូ​បអាចជារឿងរំខាន ប៉ុន្តែវាប្រហែល​ជាមិន​អាចធ្វើលើសព្រំដែន ហើយ​អាចប្តឹងតាមផ្លូវច្បាប់បាន។ សាកមើលថាតើអាកប្បកិរិយានេះកើតឡើង "ច្រើនដង និងឥតឈប់ឈរ" ឬអត់។ សាកមើលថា​តើ​អាកប្បកិរិយានេះគឺជាបទរំខាន​នៅក្រោម​ច្បាប់​ឬអត់។ 

តើអាកប្បកិរិយារបស់អ្នកជិតខាងអ្នកគឺជាបទរំខាន ឬគ្រាន់តែជាការរំខាន?

ដើម្បីចាត់វិធានការផ្លូវច្បាប់ អាកប្បកិរិយារបស់អ្នកជិតខាងរបស់អ្នកត្រូវតែ​ជា "បទរំខាន"។ បទរំខាន​ត្រូវ​​បានកំណត់ដោយច្បាប់ថាជាអ្វីមួយដែល "មិនសមហេតុផល គ្មា​ន​ហេតុផល ឬខុស​ច្បាប់ ដែលវា​រំខាន​យ៉ាងខ្លាំងដល់លទ្ធភាពរបស់​អ្នកក្នុង​ការ​រស់នៅដោយសន្តិភាព ឬរីករាយរស់​នៅក្នុង​ផ្ទះរបស់​អ្នក"។  (Wolford v. Thomas, 190 Cal. App. 3d 347, 358 (1987)។ 

ឧទាហរណ៍ទូទៅនៃអាកប្បកិរិយាដែលគឺជាបទរំខានគឺសំឡេងរំខានខ្លាំងពេកដែលចេញមកពីឆ្កែ​ព្រុស​​ឥត​ឈប់ ស្តេរ៉េអូ ឬទូរទស្សន៍បើកឮខ្លាំងៗ បន្ទាប់ពី​ម៉ោងស្ងប់ស្ងាត់ ឬវាយដំ​លើ​កម្រាល​ឥដ្ឋ ឬពិដាន​ឥត​ឈប់ឈរ។ ឧទាហរណ៍មួយទៀតនៃបទរំខានគឺ​ឧក្រិដ្ឋកម្ម​ដែលកំពុងធ្វើ​ឡើង​លើ​បរិវេណអចលនទ្រព្យ ដូច​ជា​ពេស្យាចារ ឬការលក់គ្រឿងញៀន។ ឧទាហរណ៍ទីបី​នៃបទរំខាន​គឺ​អ្នក​ជិតខាងពាក់​ព័ន្ធ​នឹង​អាកប្ប​កិរិយាប្រមាថ ឬសកម្មភាព ដូចជាការទុកសំរាម និងរបស់​របរ​ផ្សេងៗច្រើនពេក ដែលប​ណ្តា​ល​ឱ្យមាន​សត្វក​ន្លាត កណ្តុរ ឬស្រមោចច្រើនពាសពេញ។ 

តើអ្វីទៅជាជម្រើសរបស់ខ្ញុំក្នុងការបញ្ឈប់អាកប្បកិរិយានេះ?  

ប្រសិនបើអាកប្បកិរិយានេះធ្វើឲ្យរំខាន ប៉ុន្តែមិនពាក់ព័ន្ធនឹងបទរំខានទេ នៅ​មានរឿងជា​ច្រើន​ដែល​អ្នក​អាចធ្វើបាន៖ 

1. និយាយជាមួយអ្នកជិតខាង 

អ្នកអាចនិយាយជាមួយអ្នកជិតខាងរបស់អ្នក ហើយស្នើសុំឱ្យពួកគេ​បន្ថយ​កម្រិ​តសំឡេង ឬលុប​បំបាត់ក្លិនស្អុយ។ ការប្រាស្រ័យទាក់ទងជាវិជ្ជមានជាមួយអ្នកជិតខាងអាចទប់ស្កាត់ជម្លោះមិនឱ្យឈានដល់ថ្នាក់មានការសម្រុះសម្រួលគ្នា ឬប្តឹងផ្តល់គ្នា។

2. សាកល្បងការសម្រុះសម្រួលគ្នា  

ប្រសិនបើការព្យាយាមរបស់អ្នកដើម្បីព្យាយាមដោះស្រាយអាកប្បកិរិយាដោយផ្ទាល់ជាមួយអ្នក
ជិត​ខាងរបស់អ្នកមិនមានប្រសិទ្ធភាព អ្នកអាចសាកល្បង​ការស​ម្រុះសម្រួលគ្នា។ ការសម្រុះ​
ស​ម្រួ​ល​​គ្នា​ផ្តល់ឱកាសសម្រាប់មនុស្សទាំងពីរដើម្បីបង្ហាញពីក្តីកង្វល់ និងស្វែង​រកដំណោះ​ស្រាយ​ដ៏​មានសក្តានុពល។  

3. និយាយជាមួយម្ចាស់ផ្ទះ 

ប្រសិនបើអ្នក និងអ្នកជិតខាងមានម្ចាស់ផ្ទះតែមួយ អ្នកអាចសុំម្ចាស់ផ្ទះចូល​ធ្វើអន្ដរាគមន៍​បញ្ឈប់​អាកប្បកិរិយារំខាននោះ។  

គោលបំណងគឺព្យាយាមដោះស្រាយបញ្ហាដោយមិនចាំបាច់ឡើងតុលាការ។ អត្ថប្រយោជន៍មួយ​ទៀត​គឺរក្សាទំនាក់ទំនងល្អជាមួយអ្នកជិតខាង និងម្ចាស់​ផ្ទះ​រ​បស់អ្នក។ 

ប្រសិនបើអាកប្បកិរិយារបស់អ្នកជិតខាងគឺជាបទរំខាន ហើយអ្នកត្រូវឡើង​តុលា​ការ តើអ្នក​មាន​ដំណោះស្រាយអ្វីខ្លះ?  

1. ប្តឹងអ្នកជិតខាងរបស់អ្នក

 អាចយកសំណុំរឿងនេះប្តឹងអ្នកជិតខាងទៅតុលការពីបទរំខាន។  អ្នកអាចប្តឹងអ្នកជិតខាង​របស់អ្នកសងសំណងទាំងការខាតបង់ប្រាក់ និង​អ​ធិបញ្ជា (ដីកាបង្គាប់ពីតុលាការដើម្បីបញ្ឈប់​អាកប្បកិរិយានោះ) ដើម្បីបញ្ឈប់​អំពើ​ប្រមាថ។ CAL. CIV. CODE § 3501។  

ជាឧទាហរណ៍ ប្រសិនបើអ្នកជិតខាងវាយដំពិដានរបស់អ្នកជាប់ៗគ្នា​ជាច្រើន​ម៉ោ​ង​ជារៀង​រាល់​យប់​ក្នុងគោលបំណងដែលធ្វើឱ្យអ្នកគេងមិនលក់ អ្នក​អាច​មាន​សំណុំរឿងប្តឹងផ្តល់​ពួក​គេ​បាន។ 

បើទោះជាតុលាការមិនចេញដីកាបង្គាប់ឱ្យបញ្ឈប់ការរំខានក៏ដោយ ក៏តុលា​ការអាចចេញដីកា​បង្គាប់​ឱ្យអ្នកជិតខាងដែលបង្កបទរំខានឱ្យបង់ប្រាក់តាមសាលក្រម។ នេះអាចមាន​ប្រសិទ្ធ​ភាព​ក្នុងការដោះស្រាយការរំខានបាន។ 

2. ប្តឹងម្ចាស់ផ្ទះរបស់អ្នក

ទោះបីជាបទរំខានអាចបណ្តាលមកពីអ្នកជួលផ្សេងទៀតនៅក្នុងអគារ និង​មិន​មែនបង្ក​ឡើង​ដោយម្ចាស់ផ្ទះក៏ដោយ ម្ចាស់ផ្ទះអាចទទួលខុសត្រូវ ប្រសិន​បើប្រាប់ពួកគេអំពីបញ្ហានេះ ហើយ​ពួក​គេ​មិនប្តឹងអ្នកជួលដែលប្រព្រឹត្ត​ល្មើស​នោះទេ។  ទោះបីជាវាមិនអាចធ្វើឡើងជាលាយលក្ខណ៍​អក្សរ​ក៏ដោយ រាល់កិច្ចសន្យាជួល​ទាំង​អស់នៃរដ្ឋ California រួមមានកិច្ចព្រមព្រៀង នៃ "ការ​អាស្រ័យផលដោយស្ងៀមស្ងាត់"។ CAL. CIV. CODE § 1927។ ម្ចាស់ផ្ទះមាន​កាតព្វ​កិច្ច​ធានា​ថា​អ្នក​ជួល​អាចកាន់កាប់ដោយស្ងៀមស្ងាត់(រស់នៅ និ​ងប្រើប្រាស់) នូវ​ផ្ទះជួលរបស់​ពួក​គេ​ដោយ​មិន​មាន​ការ​រំខាន ហើយក្នុង​ករណី​ធ្ងន់​ធ្ងរអាចចាត់វិធានការបណ្តេញ​អ្នកជួលដែលរំខាន​ដើម្បីបញ្ឈប់ការរំខាន។ Davis v. Gomez, 207 Cal. App. 3d 1401, 1404 (1989)។  

3. ការបណ្តេញដោយសន្និដ្ឋានលើកាលៈទេសៈ

ជម្រើសដ៏មានសក្តានុពលមួយទៀតគឺប្តឹងម្ចាស់ផ្ទះពី "បទបណ្តេញ​ដោ​យសន្និ​ដ្ឋាន​លើកាលៈទេ​សៈ​"។ នៅពេលដែលបទរំខានខ្លាំងដល់ចំណុចដែលអ្នកជួលត្រូវរើចេញពីអាផាតមិន អ្នកជួលអាច​ប្តឹង​​ម្ចាស់ផ្ទះពីបទបណ្តេញដោយសន្និដ្ឋានលើកាលៈទេសៈបន្ទាប់ពីពួកគេរើចេញ។ 

 របៀបរៀបចំសម្រាប់សំណុំរឿងរបស់អ្នក  

1. រក្សាកំណត់ត្រានៃបទរំខាននីមួយៗ។ ត្រូវប្រាកដថាដាក់ព័ត៌មានលម្អិត ដូចជា​កាល​បរិច្ឆេទ ពេលវេលាកើតហេតុ និងអាកប្បកិរិយាបែបណា។ 
2. ព្យាយាមពិភាក្សាអំពីករណីទាំងនេះជាមួយអ្នកជិតខាង និង/ឬម្ចាស់ផ្ទះ ដើម្បី​ព្យាយាម​រក​ដំណោះស្រាយ។ ចងក្រងឯកសារអំពីកិច្ចខិតខំប្រឹងប្រែងរបស់អ្នក។ 
3. ប្រសិនបើជម្រើសទាំងនេះមិនមានប្រសិទ្ធភាពទេ អ្នកអាចដាក់ពាក្យ​បណ្តឹង​ទាមទារ​សំណង​តូចតាចពីអ្នកជិតខាងពីបទរំខាន និង/ឬម្ចាស់ផ្ទះពី​បទរំ​លោ​ភលើកិច្ច​ព្រម​ព្រៀង​នៃការអាស្រ័យផលដោយស្ងៀមស្ងាត់ ឬការបណ្តេញ​ដោយ​សន្និដ្ឋានលើ​កាលៈ​ទេសៈ។ ឯកសារគឺជាគន្លឹះក្នុងការដាក់ពាក្យបណ្តឹងទាមទារសំណងតូចតាច។ សរសេរ​លិខិតទៅអ្នកជិតខាង ឬម្ចាស់ផ្ទះដែលពិពណ៌នាអំពីករណីទាំង​នេះ​ដោ​យ​លម្អិត​ដោយ​ផ្អែកលើឯកសាររបស់អ្នក។ ទាមទារឱ្យគេបញ្ឈប់ ឬម្ចាស់ផ្ទះរារាំងអាកប្បកិរិយារបស់​អ្នក​ជិតខាង។ ផ្តល់ឱ្យពួកគេនូវពេលវេលាប៉ុន្មានថ្ងៃដើម្បីឆ្លើយតបទៅនឹងលិខិតរបស់អ្នក។ ប្រសិនបើពួកគេមិនធ្វើឆ្លើយតបទេ អ្នកអាចដាក់ពាក្យបណ្តឹងទាមទារ​សំណ​ង​តូច​តាចបាន។