Dab Tsi Ua Rau Muaj Kev Tsis Sib Haum Ntawm Neeg Nyob Koom Zej Zog? 

Cov kev tsis sib haum xeeb ntawm neeg nyob koom zej zos keev nquag pom muaj nyob hauv cov nroog uas muaj neeg nyob coob.Yog tias koj muaj teeb meem nrog neeg nyob koom zej zog, yog ib qho uas ua rau meem txom heev.  Tus dev tsem, kev tsoo ru tsev, los sis cov ntxhiab tsw thaum ua noj tuaj yeem yuav ua rau meem txom heev, tab sis cov no yuav tsis yog kev ua txhaum cai thiab yuav dhau mus ua kev txiav txim rau fab kev cai lij choj tau.Kev ntsuas xyuas yog seb tus cwj pwm ntawd puas yog "muaj qhov ntsiab lus tseem ceeb thiab muaj tsis tu ncua" xwb.Qhov kev ntsuas xyuas no txiav txim siab seb tus cwj pwm ntawd puas xam tias yog kev txhob txwm ua kom muaj kev meem txom raws li txoj cai hais tseg los tsis yog. 

Tus Cwj Pwm Ntawm Tus Neeg Uas Nyob Koom Zej Zog Nrog Koj Puas Yog Txhob Txwm Ua Los Sis Tsuas Yog Kev Ua Rau Meem Txom Xwb? 

Txhawm rau yuav txiav txim rau fab kev cai lij choj, tus cwj pwm ntawm koj tus neeg nyob koom zej zos yuav tsum yog "kev txhob txwm ua."Kev txhob txwm ua tau muab teev tseg cia los ntawm kev cai lij choj tias yog qee yam uas yog "tsis muaj laj thawj, tsis tsim nyog, los sis txhaum kev cai uas ua rau muaj cov kev cuam tshuam rau koj txoj kev ywj siab nyob hauv los sis rau kev nyob hauv koj lub tsev kom kaj siab lug tau."  (Wolford v. Thomas, 190 Cal. App.3d 347, 358 (1987). 

Cov qauv piv txwv keev pom txog tus cwj pwm uas ua rau muaj kev txhob txwm ua kom muaj suab nrov dhau uas tshwm sim los ntawm tus dev tsem tas li, cuab yeej tso suab nkauj nrov los sis This Vis uas nrov tom qab lub sij hawm tsis muaj suab nrov lawm, los sis kev tso lub qhov rooj los sis ru tsev tsis tu ncua.Lwm qhov qauv piv txwv ntawm kev txhob txwm ua yog kev ua txhaum cai uas ua nyob hauv lub tsev xws li kev ua niam ntiav los sis kev muag yeeb tshuaj.Qhov qauv piv txwv thib peb ntawm kev txhob txwm ua kom meem txom yog neeg nyob koom zej zog muaj feem cuam tshuam hauv tus cwj pwm los sis qhov dej num uas tsis tsim nyog, xws li kev cia cov khib nyiab los sis tej khaub ub khaub no ntau dhau uas ua rau muaj kab laum, nas, los sis ntsaum coob dhau. 

Kuv Cov Kev Xaiv Txog Kev Ua Kom Tsum Tus Cwj Pwm No Muaj Dab Tsi Thiab?  

Yog tias tus cwj pwm li no ua rau meem txom tab sis tsis ua rau muaj kev txhob txwm ua kom meem txom, tseem yuav muaj ntau yam uas koj yuav ua tau: 

1. Nrog Tus Neeg Nyob Koom Zej Zos Tham 

Koj yuav tham tau nrog tus neeg nyob koom zej zos thiab thov kom lawv ua kom lub zuab yau zog los sis ua kom cov ntxhiab tsw phem ntawd ploj mus.  Kev sib tham kom zoo nrog cov neeg nyob koom zej zos kom tsis pub kev tsis sib haum xeeb mus txog rau theem uas yuav muaj kev sib hais los sis kev sib hais txiav txim plaub ntug. 

2. Sim Muaj Kev Sib Kho  

Yog tias koj qhov kev xav sim sib daws kho txog tus cwj pwm ncaj qha nrog koj tus neeg nyob koom zej zos ntawd siv tsis tau, koj yuav sim muaj kev sib hais sib kho tau.Kev sib hais sib kho yuav muab tau lub hwv tsam rau tag nrho ob tog neeg los hais qhia txog cov kev txhawj xeeb thiab tshawb nrhiav cov hau kev uas yuav ua tau.  

3. Nrog Tus Tswv Tsev Sib Tham 

Yog tias koj thiab tus neeg nyob koom zej zos muaj tib tug tswv tsev, koj yuav thov kom tus tswv tsev ntawd muaj feem xyuam nrog thiab pab kom tsum tus cwj pwm ua kom meem txom ntawd.  

Lub hom phiaj yog los sim thiab daws qhov teeb meem kom tsis tas yuav mus rau tom tsev hais plaub.Lwm qhov txiaj ntsig yuav tau txais yog kev ua kom kev sib raug zoo tseem zoo li qub nrog koj cov neeg nyob koom zej zos thiab tus tswv tsev. 

YOG TIAS TUS CWJ PWM NTAWM TUS NEEG NYOB KOOM ZEJ ZOG UA RAU MUAJ KEV TXHOB TXWM UA THIAB KOJ YUAV TSUM TAU MUS TOM TSEV HAIS PLAUB, KOJ YUAV MUAJ KEV SIB HAIS SIB KHO TAU LI CAS?  

1. Foob Koj Tus Neeg Nyob Koom Zej Zog 

 Tus neeg nyob koom zej zos tuaj yeem foob txog rooj plaub kev txhob txwm ua kom muaj kev meem txom mus rau hauv tsev hais plaub tau.  Koj yuav foob koj tus neeg nyob koom zej zos tau rau tag nrho cov kev puas tsuaj fab nyiaj txiag thiab cov lus txwv (qhov lus txib tuaj ntawm tsev hais plaub kom tsum tus cwj pwm) los tsum qhov kev ua yam tsis tsim nyog ntawd.CAL.CIV.CODE § 3501.  

Piv txwv li, Yog tias tus neeg nyob koom zej zos txhob txwm khob koj lub ru tsev tsis tu ncua ntev txog ntau teev hauv txhua hmo uas ua rau koj pw tsis tau, koj hyuav muaj kev foob tawm tsam rau lawv tau. 

Txawm yog tias tsev hais plaub tsis muaj lus txib kom tsum kev cuam tshuam ntawd tau los, tsev hais plaub tuaj yeem txib kom tus neeg nyob koom zej zos uas tsim muaj kev meem txom ntawd them kev txiav txim kom them nuj nqi.Tej zaum qhov no yuav siv tau hauj lwm zoo hauv kev hais daws txog kev cuam tshuam. 

2. Foob Koj Tus Tswv Tsev

Txawm tias kev ua kom meem txom yuav tshwm sim los ntawm lwm tus neeg xauj tsev hauv lub tuam tsev thiab tsis yog tus tswv tsev los xij, tus tswv tsev yuav muaj qhov yuav tau lav yog tias qhia rau lawv paub hais txog qhov teeb meem thiab lawv ho tsis ua dab tsi rau tus neeg xauj tsev uas ua txhaum ntawd.Txawm tias yuav tsis sau ua daim ntawv mus kiag los, tag nrho California cov ntawv tso xauj tsev yuav muaj lus cog tseg txog “kev nyob yam ntsiag to”.CAL.CIV.CODE § 1927.Cov tswv tsev muaj lub luag hauj lwm yuav xyuas kom paub tseeb tias cov neeg xauj tseg tuaj yeem muaj (nyob hauv thiab siv) yam ywj pheej txog lawv chav tsev xauj yam tsis muaj kev cuam tshuam, thiab hauv cov xwm txheej uas tsis zoo cov tswv tsev yuav tau siv txoj cai ntiab cov neeg xauj tsev uas ua rau muaj kev meem txom ntawm tawm kom tsum tau txoj kev thab ua kom meem txom.Davis v. Gomez, 207 Cal. App.3d 1401, 1404 (1989).  

3. Kev Ntiab Tawm Uas Tsis Yog Tab Meeg Hais

Lwm txoj kev xaiv uas yuav ua tau yog ua kev sib foob txog "kev ntiab tawm uas tsis yog tab meeg hais" tawm tsam rau tus tswv tsev.Thaum muaj kev ua kom meem txom tshwm sim mus txog rau qhov uas tus neeg xauj tsev yuav tsum tau tsiv tawm ntawm lub chav tsev, tus neeg xauj tsev yuav foob tawm tsamm tau rau tus tswv tseg txog kev ntiab tawm uas tsis yog nws tag meeg hais tom qab uas cov neeg xauj tswv tsev lawm. 

 Txoj Hau Kev Npaj Rau Koj Rooj Plaub  

1. Khaws cov ntaub ntawv teev tseg txog txhua qhov xwm txheej txog kev ua kom meem txom cia.Nco ntsoov muab tej ntaub ntawv ntxaws sau rau xws li hnub tim, sij hawm ntawm qhov xwm txheej thiab tus cwj pwm zoo li cas. 
2. Sim sib tham txog cov xwm txheej nrog tus neeg nyob koom zej zos thiab/los sis tus tswv tsev los sim thiab nrhiav txoj hau kev daws teeb meem.Teev tseg txog koj cov kev sim ua ntawd. 
3. Yog tias tsis muaj ib txoj hau kev twg yuav pab tau, koj yuav coj tau qhov teeb meem mus rau Lub Tsev Hais Plaub Txog Kev Thov Lus Muaj Cai Me tawm tsam rau tus neeg nyob koom zej zos rau Kev Ua Kom Meem Txom thiab/los sis tus tswv tsev txog Kev Ua Txhaum Cov Lus Cog Tseg txog Kev Nyob Ntsiag To los sis Kev Ntiab Tawm Uas Tsis Yog Tab Meeg Hais.Cov ntaub ntawv teev tseg yog qhov tseem ceeb rau kev ua kom muaj kev txiav txim hauv Lub Tsev Hais Plaub Txog Kev Thov Lus Muaj Cai Me.Sau ib tsab ntawv mus rau tus neeg nyob koom zej zos los sis tus tswv tsev uas piav qhia txog cov xwm txheej kom ntxaws raws li koj cov ntaub ntawv teev tseg.Xav kom lawv tsum los sis tus tswv tsev tiv thaiv tus neeg nyob koom zej zos tus cwj pwm.Muab sij hawm ob peb hnub rau lawv kom teb rov qab rau koj.Yog tias lawv tsis teb tuaj, koj tuaj yeem foob kom muaj kev txiav txim ntawm Lub Tsev Hais Plaub Txog Kev Thov Lus Muaj Cai Me tau.