Qee lub sij hawm cov qhua ntawm Feem Hauj Lwm Kho Kom Zoo Rov (DOR, Department of Rehabilitation) tau hais tias DOR tsuas tuaj yeem pab nrog ua hauj lwm “qib-nkag” nkaus xwb. Qhov no siv los ua ib feem ntawm txoj cai, tab sis nws tsis yog qhov tseeb ntxiv lawm.

Txoj Cai Tswj Hwm Kev Tsim Kho Tshiab thiab Lub Cib Fim Rau Kev Ua Hauj Lwm (WIOA, Workforce Innovation and Opportunity Act) yog tsoom fwv txoj cai lij choj uas tau ua qee cov hloov pauv txog txoj hau kev lub xeev muab cov kev pab cuam kho kev ua hauj lwm kom zoo rov los. Raws li WIOA, California cov cai tau raug hloov kho tshiab kom tshem tawm lo lus “qib-nkag” ​​thiab tam sim no suav nrog “kev cob qhia qib siab,” kom cov tib neeg tuaj yeem mauj peev xwm siab tshaj plaws rau lawv hauj lwm thiab tau txais cov nyiaj ua hauj lwm siab los ntawm kev pab ntawm DOR.

Txoj cai lij choj tau hais li cas txog kev qib-nkag?

Lo lus “qib-nkag” tau nyob rau hauv txoj cai hais txog cov kev pab cuam kev cob qhia (9 C.C.R. Tshooj 7154). Txoj cai no tau hais tias DOR yuav tsum tsuas yog muab cov kev pab cuam cob qhia rau ob qho laj thawj nkaus xwb:

1. Txhawm rau kom ua tiav lub hom phiaj ntawm txoj hauj lwm.
2. Txhawm rau npaj tus qhua kom haum rau kev ua hauj lwm nyob rau qib nkag.

Txoj cai lij choj hais li cas tam sim no?

Txoj cai tau raug hloov kho tshiab kom tshem tawm lo lus “qib nkagl” thiab nws raug hloov ua lo lus “kev ua hauj lwm sib xyaw yam muaj kev sib tw.” Nws kuj tau ntxiv tias “kev cob qhia qib siab.” Qhov no yog qhov kev hloov pauv zoo vim nws qhia meej tias DOR yuav tsum muab cov kev pab cuam cob qhia los pab tus neeg kom txog rau lawv lub hom phiaj IPE. Qhov no tuaj yeem suav nrog kev cob qhia qib siab, xws li kev kawm qib siab, kawm tiav los sis kev kawm tiav pas lis nyas ej. Nov yog yam uas txoj cai lij choj tshiab hais tias:

1. Cov kev pab cuam cob qhia tsuas yog muab rau qhov tsim nyog kom ua tiav ib qho los sis tag nrho ob qho ntawm cov hauv qab no:
   1. Txhawb pab kev ua tiav ntawm lub hom phiaj kev ua hauj lwm.
   2. Npaj ib tug neeg kom muaj kev txawj ntse thiab lub peev xwm tsim nyog los ua ib tug neeg ua hauj lwm muaj kev sib tw sib tw rau kev ua hauj lwm sib xyaw yam muaj kev sib tw.
2. Tej zaum qhov kev cob qhia qib siab tuaj yeem muab nyob rau hauv, tab sis tsis txwv rau, feem kev tshawb fawb, thev naus laus zis, kev tsim kho vaj tse, lej (xws li kev tshawb fawb fab khoos phis tawm), tshuaj, kev cai lij choj, los sis kev lag luam;

Kev xaiv ntawm cov kev pab cuam cob qhia yuav tsum ua raws li cov kev xav tau ntawm tus tib neeg thiab lub sij hawm, kev muaj, thiab tus nqi ntawm kev cob qhia.

Txhua qhov chaw cob qhia uas muaj cov cuab yeej los ua kom tau raws li cov kev xav tau rau kev cob qhia tshwj xeeb ntawm tus tib neeg thiab ua tau raws li cov qauv teev tseg hauv zaj lus 3, tshooj me 7 ntawm cov cai no yuav raug siv.

Lus Taw Qhia Ntxiv

Nov yog qee qhov lus qhia txog kev pab cuam fab kev txawj los ntawm Lub Chaw Pab Cuam Kev Txawj Rau Kev Kho Kom Txoj Kev Ua Hauj Lwm Zoo Los rau Kev Tswj Xyuas Kev Ua Tau Zoo(VRTAC-QM, Vocational Rehabilitation Technical Assistance Center for Quality Management) uas tseem qhia meej tias DOR yuav tsum tsis txhob txwv cov qhua tsuas yog cov hauj lwm qib nkag xwb:

“…Lub khoos kas VR tsis yog tsuas los muab cov neeg uas muaj kev xiam oob qhab tso rau hauv cov hauj lwm qib-kag nkaus xwb tab sis yog los pab lawv kom tau txais kev ua hauj lwm tsim nyog, muab lub zog tshwj xeeb, cov chaw muab kev pab cuam, saib tseem ceeb ua ntej, cov kev txhawj xeeb, cov peev xwm, cov kev muaj peev xwm, cov kev txaus siab, thiab kev xaiv yam muaj paub rau lawv. Qhov thaj tsam twg uas cov koom haum VR yuav tsum pab cov tib neeg tau txais kev tsim nyog ua kom muaj kev nce qib hauv lawv txoj hauj lwm los ntawm kev muab cov kev pab cuam VR nyob ntawm seb cov tib neeg puas tau ua tiav txoj hauj lwm uas ua raws li tus qauv no.”

Yog muaj lus nug los sis muaj kev txhawj xeeb txog DOR, koj tuaj yeem tiv tauj rau peb tus xov tooj ntawm 1-800-776-5746.