Kev ua hauj lwm rau tus kheej yog dab tsi?

Kev ua hauj lwm rau tus kheej txhais tau tias yog "qhov chaw kev ua hauj lwm hauv qhov uas ib tug neeg ua hauj lwm hauv txoj hauj lwm uas xaiv los, muaj nyiaj tshaj thawj los sis muaj tus nqi, hauv nws tus kheej lub lag luam me, uas muaj kev tswj hwm thiab lub luag hauj lwm yuav tau lav txog kev txiav txim siab uas cuam tshuam rau kev ua lub lag luam" (9 CCR § 7024.9). 

Kev ua hauj lwm rau tus kheej tuaj yeem yog qhov kev xaiv zoo rau cov neeg uas muaj kev xiam oob qhab uas xav tau chaw ib puag ncig kev ua hauj lwm uas hloov pauv tau yooj yim.  Nws tuaj yeem pab txo qis cov teeb meem hauv chaw ua hauj lwm xws li kev tsis muaj kev thauj mus los tau; kev sab nkees; lub tuam tsev thiab cov chaw ua hauj lwm uas nkag cuag tsis tau; thiab kev xav tau kev pab ntiag tug. Kev Hloov Kho Tsab Cai Kev Kho Kom Rov Zoo Li Qub Xyoo 1998 xav kom muaj kev siv kev ua lag luam rau tus kheej los ua ib txoj hau kev uas tsim nyog yuav ua kom tau qhov txiaj ntsig ua tau txog kev ua hauj lwm yam huaj vam. Lub Thawj Fab Hauj Lwm Saib Xyuas Kev Rov Kho Kom Zoo Li Qub Tuaj (DOR) yuav muaj peev xwm pab tau koj kom tau koj lub hom phiaj kev ua hauj lwm hauv lub chaw kev ua lag luam rau tus kheej.

Kuv kawm paub ntau ntxiv txog kev ua lag luam rau tus kheej tau li cas?

Tam li yog tus neeg qhua uas txais kev pab cuam ntawm DOR, koj muaj cai tau txais ntaub ntawv qhia paub los ntawm DOR uas pab koj txiav txim siab tau yam muaj ntsiab lus zoo txog koj qhov chaw ua hauj lwm, kev pab cuam, thiab cov chaw muab kev pab cuam.  Ua ntej yuav tsim Txoj Phiaj Xwm Ntiag Tug rau Kev Ua Hauj Lwm (IPE) koj tus kws pab tswv yim txog kev rov kho kom zoo li qub tuaj tsim nyog ceeb toom qhia rau koj paub txog tus qauv cai thiab tus txheej txheem rau kev ntsuam xyuas seb qhov chaw kev ua lag luam rau tus kheej paus tsim nyog rau koj.  Koj tus kws pab tswv yim txog kev rov kho kom zoo li qub tuaj kuj tsim nyog muab ntaub ntawv qhia paub rau koj hais txog ciaj ciam ntawm kev pab cuam uas tej zaum DOR muab tau los pab rau cov neeg qhua uas txais kev pab cuam uas muaj cai tsim nyog ua tau kev ua hauj lwm hauv qhov chaw kev ua lag luam rau tus kheej thiab koj lub luag hauj lwm lav los txheeb xyuas thiab tau cov chaw muab kev pab cuam uas yuav yog qhov tseem ceeb los tsim thiab ua hauj lwm hauv lub lag luam me uas hais txog (9 CCR §7136.4).

Leej twg muaj cai tsim nyog rau kev ua lag luam rau tus kheej?

Yog koj xav paub txog qhov txiaj ntsig ua tau los ntawm kev ua lag luam rau tus kheej, koj yuav tsum qhia pom tias qhov chaw kev ua lag luam rau tus kheej yog qhov tsim nyog ua ntej tso. Qhov chaw ua lag luam ntawm tus kheej uas tau thov tuaj yog qhov tsim nyog thaum ua tau raws li tus qauv cai hauv qab no lawm:

• Nws haum raws li koj tus kheej li kev koom pab, suav nrog koj cov kev ua tau zoo ntiag tug, cov chaw muab kev pab cuam, cov kev saib ua qhov tseem ceeb tshaj plaws, cov kev txhawj xeeb, lub peev xwm, lub peev xwm ua tau, cov kev nyiam ua, thiab kev xaiv uas paub meej.
• Muaj feem yuav tsim tau nyiaj khwv tau los txaus nyob hauv ncua sij hawm uas muaj laj thawj tom qab koj pib khiav lub lag luam, tsis pub tshaj 12 lub hlis, los them rau cov nuj nqis kev khiav hauj lwm yam tsis tu ncua.  Qhov nyiaj khwv tau los uas tau txais tsim nyog yuav sib npaug rau lwm cov neeg uas tsis xiam oob qhab uas ua hauj lwm rau tus kheej hauv cov hauj lwm zoo sib xws thiab muaj cov kev paub zoo sib xws ntawd. 
• Koj yuav tsum muaj peev xwm tau txais tag nrho cov chaw muab kev pab cuam uas tsim nyog los tsim thiab khiav lub lag luam me uas thov tuaj suav nrog nyiaj pab rau cov nuj nqis kev khiav hauj lwm yam tsis tu ncua ntawm lub lag luam.

Saib hauv 9 CCR § 7136.6

DOR xav txog dab tsi thaum txiav txim siab seb qhov chaw kev ua lag luam rau tus kheej puas yog qhov tsim nyog rau kuv?

DOR yuav tsum tau txiav txim siab txog qhov ntaub ntawv qhia paub uas muaj, daim ntawv suav sau ntsiab lus txog koj lub lag luam me uas thov tuaj, thiab ntaub ntawv qhia paub uas tau txais los ntawm tus txheej txheem kev ntsuam xyuas (9 CCR § 7136.6(c)).

Kev ntsuam xyuas kev koom pab ntiag tug yog dab tsi?

Kev ntsuam xyuas txog cov kev koom pab ntiag tug yog kev tshawb nrhiav txog koj cov kev paub ntiag tug thiab lub peev xwm, kev txawj ntse fab tev niv, kev paub dhau los, kev kawm, keeb kwm fab nyiaj txiag, thiab ntaub ntawv teev tseg txog tej nuj nqis nyiaj qiv.  Yog koj xav tau kev cob qhia ntxiv los sis kev paub dhau los txhawm rau tsim koj lub lag luam me, DOR yuav txiav txim siab seb nws puas tuaj yeem pab tau koj kom tau txais kev cob qhia ntxiv los sis kev paub dhau los uas muaj feem cuam tshuam thiab muab cov kev pab cuam no tso rau hauv koj li IPE (9 CCR § 7136.7(a)).

Kev ntsuam xyuas yuav muaj yam tsawg kawg ib qho ntawm cov nqe hauv qab no: cov kev ntsuas txog kev ntsuam xyuas tus kheej, cov chaw muab kev pab cuam hauv vev xaib xws li cov uas muaj los ntawm Kev Tuav Tswj Cov Lag Luam Me, thiab kev koom nrog hauv cov rooj sib tham cob qhia txog kev ua lag luam rau tus kheej los sis rooj cob qhia (9 CCR § 7136.7(b)).  Tej zaum DOR kuj yuav xav txog koj li kev koom nrog rau cov kev pab cuam kev kawm ua hauj lwm hauv kev ntsuam xyuas koj cov kev koom pab ntiag tug (9 CCR §7136.7(c)).

DOR ntsuam xyuas kuv lub lag luam uas thov tuaj li cas?

Xub thawj, DOR yuav thov kom koj muab Daim Ntawv Suav Sau Ntsiab Lus Txog Lub Lag Luam Me uas muaj ntaub ntawv qhia paub yooj yim txog lub lag luam me uas thov tuaj ntawd. 

Daim Ntawv Suav Sau Ntsiab Lus Txog Lub Lag Luam Me tsim nyog muaj:

• Cov khoom lag luam los sis cov kev pab cuam uas tau thov tuaj txog lub lag luam me;
• Nyiaj khwv tau los thiab cov nuj qhis hauv txhua hli uas kwv yees cia ntawm lub lag luam me rau thawj 12 lub hlis ntawm kev khiav hauj lwm;
• Tus nab npawb ntawm cov sij hawm uas koj yuav ua hauj lwm hauv lub lag luam me hauv txhua hli;
• Cov nqi xub thawj uas tsim nyog los tsim lub lag luam me uas thov tuaj;
• Koj cov chaw muab kev pab cuam, piv txwv li, kev txuag nyiaj tseg los sis cov chaw muab kev pab cuam fab nyiaj txiag, khoom siv, cov tsheb, cov cuab yeej los sis lwm yam khoom uas koj muaj uas koj yuav siv rau koj lub lag luam me;
• Kev tshuaj ntsuam kiab khw thiab tus qauv ntaus tswv yim txog kev tshaj tawm lag luam rau lub lag luam me; thiab
• Qhov xav tau neeg ua hauj lwm ntawm lub lag luam me.

9 CCR § 7136.8(a)

Yog koj xav tau ntaub ntawv qhia paub ntxaws txog lub lag luam me uas thov tuaj los txiav txim siab txog lub peev xwm ntawm lub lag luam me, ciaj ciam ntawm kev pab cuam uas tsim nyog, thiab/los sis nws yuav muab tau txiaj ntsig li cas rau koj kom tau txais lwm cov chaw muab kev pab cuam, koj yuav tsim Txoj Phiaj Xwm Ntawm Lub Lag Luam Me.  Koj tuaj yeem tau txais kev pab nrog kev tsim Txoj Phiaj Xwm Ntawm Lub Lag Luam Me los ntawm DOR thiab los sis tau txais kev xa mus los ntawm DOR mus rau Teb Chaws Meskas Kev Tuav Tswj Cov Lag Luam Me, lub chaw pab cuam kev txhim kho lub lag luam me ntawm tsev kawm ntawv qib siab hauv lub zej zos, Cov Tuam Txhab Muab Kev Pab Cuam ntawm Cov Thawj Coj Uas So Noj Nyiaj Laus Lawm (SCORE) los sis Kws Sab Laj Txog Lub Lag Luam Me (9 CCR § 7136.8 (b - d)). 

Txoj Phiaj Xwm Txog Lub Lag Luam Me tsim nyog muaj:

• Qhov lus piav qhia txog lub lag luam me uas thov tuaj thiab cov khoom lag luam los sis cov kev pab cuam uas yuav muab;
• Hom koom haum lag luam;
• Kev tshuaj ntsuam kiab khw ntxaws, suav nrog kev txheeb qhia txog cov neeg qhua yuav khoom (luj qhab) uas yuav tuaj yuav, cheeb tsam teb chaws hauv qhov uas lub lag luam yuav muab khoom lag luam los sis kev pab cuam, thiab kev sib tw nyob hauv cheeb tsam ntawd uas yuav muaj;
• Txoj phiaj xwm uas piav qhia txog qhov uas cov khoom lag luam los sis cov kev pab cuam yuav raug coj mus muag thiab muab tshaj tawm;
• Cov sij hawm ua hauj lwm uas kwv yees cia rau kev pib cov kev khiav lub lag luam thiab kwv yees txog cov sij hawm ua hauj lwm uas cia siab tseg ua ntej kev khiav hauj lwm yuav pib;
• Txoj phiaj xwm fab nyiaj txiag uas yuav muaj kev kwv yees txog cov kev muag khoom uas kwv yees cia, nyiaj khwv tau los hauv txhua hli thiab cov nuj nqis kev lis hauj lwm rau thawj xyoo ntawm kev khiav hauj lwm, kev teev tseg ua nqe txog cov nqi uas tsim nyog los tsim lub lag luam, thiab kev kwv yees txog thaum uas lub lag luam yuav khwv tau nyiaj uas tshaj cov nuj nqis kev khiav hauj lwm;
• Lus piav qhia txog cov ntawv tso cai uas yuav tsum tau muaj, ntawv tso cai ua hauj lwm, los sis cov yam sib txawv txog kev faib cheeb tsam thiab kev tuav pov hwm;
• Lus piav qhia txog cov kev pab cuam ntawm lub tsev kawm txhim kho kom rov zoo li qub uas tus neeg thov los ntawm Lub Thawj Fab Saib Xyuas Hauj Lwm, kom haum nrog cov cai tswj hwm no; cov chaw muab kev pab cuam uas yuav tau txais los ntawm lwm cov chaw muab kev pab cuam los tsim thiab khiav hauj lwm rau lub lag luam me; cov nuj nqis kev khiav hauj lwm yam tsis tu ncua ntawm lub lag luam me yuav tau txais kev pab nyiaj li cas, txawm tias yuav yog los ntawm nyiaj khwv tau los uas kwv yees cia, cov nyiaj txais, los sis lwm qhov chaw los xij; thiab tus neeg yuav muab rau cov nuj nqis kev ua neej yooj yim li cas kom txog thaum lub lag luam me tsim tau nyiaj khwv tau los txaus; thiab
• Lus piav qhia txog cov hauj lwm uas tus neeg yuav ua hauv kev khiav hauj lwm rau lub lag luam thiab cov teev sij hawm uas cia siab tseg tias tus neeg yuav xav tau los ua hauj lwm kom tau qhov nyiaj khwv tau los uas kwv yees cia.

9 CCR § 7136.8(e)

DOR tuaj yeem pab tau kuv li cas nrog kev tsim kuv lub lag luam me?

DOR yuav muab kev ntsuam xyuas, kev pab fab tev niv, thiab kev cob qhia rau cov neeg qhua uas txais kev pab cuam uas muaj cai tsim nyog los pab tus neeg hauv kev npaj kom txhij rau txoj hauj lwm hauv qhov chaw kev ua lag luam rau tus kheej.  DOR kuj yuav pab nyiaj rau qee cov nqi uas them kiag ib teg xub thawj los tsim lub lag luam me uas tau thov los ntawd. 

Cov nqi uas them ua ib teg, xub thawj yog cov nqi uas yeej muaj raws li DOR li ciaj ciam ntawm kev pab cuam nthuav dav, cov nqi ntawv tso cai fab kev ua hauj lwm, kev yuav khoom los sis kev xauj tej cuab yeej los sis lwm yam khoom siv, khoom faj seeb thiab cov khoom siv xub thawj hauv rau lub hlis xub thawj ntawm kev khiav hauj lwm, thiab kev them nqi ntawm cov kev tso nyiaj tso xub thawj rau cov ntawv cog lus txog kev xauj tsev los sis cov khoom siv uas tsim nyog.  DOR tsuas yuav pab nyiaj rau cov kev pab cuam uas yog qhov tseem ceeb los pab tus neeg ua kom tau kev ua hauj lwm hauv qhov chaw ua lag luam ntawm tus kheej, xoos raws tus nqi, thiab yeej mus raws li cov nqi xub thawj uas keev muaj thiab kho tau raws li ib txwm muaj uas feem ntau yuav tsum tau muaj rau kev tsim cov lag luam me zoo sib xws li no. (9 CCR § 7137(a-c).  

Puas muaj tej yam uas DOR txwv tsis muab?

DOR txwv tsis pab nyiaj rau cov nqe hauv qab no:

• Cov nqi cuam tshuam txog kev nthuav dav lub lag luam me;
• Kev xauj los sis yuav av vaj tsev;
• Kev tsim kho los sis rov txhim kho thaj av vaj tsev;
• Kev them nqi se los sis cov nqi se kev muaj nuj nqis nrog lwm tus;
• Kev them nyiaj ntawm cov nqi ntawv muaj cai ua lag luam los sis rau kev tsim khoom lag luam;
• Kev rov tshab xyuas txog rau fab nyiaj txiag dua los sis kev them tej nuj nqis;
• Kev them nyiaj rov qab los sis kev them nyiaj ntawm kev poob peev uas tau tshwm sim hauv kev cuam tshuam nrog lub lag luam me;
• Kev yuav lub lag luam uas twb muaj nyob lawm los sis ntawm lag luam ncau ntawm lub lag luam;
• Kev yuav los sis xauj lub tsheb rau kev siv hauv kev khiav hauj lwm rau lub lag luam me;
• Cov nqi zog rau neeg ua hauj lwm thiab cov txiaj ntsig; thiab
• Kev pab nyiaj rau cov nuj nqis kev khiav hauj lwm yam tsis tu ncua.

9 CCR §7137(d)

Txhawm rau thaum uas koj lub lag luam me uas tau thov tuaj ntawd xav tau ib qho twg ntawm cov nqe uas teev tseg saum toj no, koj yuav tsum tau nrhiav kom muaj cov chaw muab kev pab cuam sab nraud ntawm DOR rau cov nuj nqis no.

Hom chaw muab kev pab cuam twg uas kuv yuav tsum tau txais los ntawm kuv tus kheej?

DOR pab cov neeg qhua uas txais kev pab cuam uas muaj cai tsim nyog nrog kev cob qhia, kev pab fab tev niv, thiab khoom faj seeb thiab cov khoom siv xub thawj los tsim lub lag luam me nkaus xwb.  Tus neeg qhua uas txais kev pab cuam yuav tsum muaj peev xwm yuav nrhiav kom tau tag nrho cov chaw muab kev pab cuam uas tsim nyog los tsim thiab khiav lub lag luam me uas tau thov tuaj tshaj li cov kev pab cuam uas tau los ntawm DOR ntawd.  DOR yuav tsum pab koj txheeb xyuas cov chaw muab kev pab cuam uas tsim nyog los tsim thiab khiav koj lub lag luam me (9 CCR §7136.9(a)(1)).

Cov nuj nqis kev khiav hauj lwm yam tsis tu ncua suav nrog tab sis tsis tas rau ntawm: nqi xauj tsev, cov khoom siv; kev tuav pov hwm; cov kev pab cuam tshaj lij; nyiaj hli thiab cov nqi se nyiaj hli; cov khoom muag; cov khoom faj seeb los sis cov khoom siv (siab tshaj thiab tshaj qhov khoom faj seeb thiab khoom siv xub thawj uas tau muab rau hauv ncua sij hawm ntawm rau lub hlis uas yog cov nqi xub thawj); kev tshaj tawm lag luam; kev poob nqi; kev kho thiab kev txhim kho saib xyuas ntawm thaj av vaj tsev; kev hloov pauv tej cuab yeej thiab khoom siv; cov nqi nom tswv thiab cov nqi kev ua tswv cuab; cov kev pab cuam uas muaj kev pab, xws li cov neeg saib xyuas, cov neeg nyeem, thiab cov neeg txhais lus uas yuav muab siv rau hauv kev khiav lub lag luam; thiab kev thauj mus los uas yuav muab siv hauv kev khiav lub lag luam (9 CCR § 7136.8(g)).  Koj yuav tsum tau txheeb xyuas cov chaw muab kev pab cuam tseem ceeb los pab nyiaj rau cov nqi no. 

Cov chaw muab kev pab cuam tuaj yeem yog cov kev pab nyiaj los sis khoom siv uas tam sim no koj muaj los sis cov uas tau los ntawm cov neeg hauv tsev neeg, kev siv cov kev pab cuam thiab cov txiaj ntsig sib npaug ntawd, kev pab nyiaj los ntawm pob nyiaj pab, cov khoos kas lav nyiaj txais, cov nyiaj pab rau kev txhim kho rau fab kev lag luam, thiab/los sis PASS (9 CCR § 7136.9(a)(1)). 

Yog tias lawv tsis kam muab kev pab nyiaj rau koj los ntawm qhov chaw sab nrauv ntawm DOR, DOR tuaj yeem xav txog kev txiav txim siab thiab cov laj thawj txog kev txiav txim siab li ntawd hauv kev ntsuam xyuas seb qhov chaw ua lag luam ntawm tus kheej puas yog qhov tsim nyog (9 CCR §7136.9(c)).

Kev Txoj Phiaj Xwm Ntiag Tug rau Kev Ua Hauj Lwm (IPE) rau kev ua lag luam rau tus kheej thiaj tau txais kev tsim thaum twg? 

IPE yuav tau txais kev tsim "sai li sai tau thaum qhov txiaj ntsig ntawm kev ua hauj lwm yam tsim nyog thiab cov kev pab cuam uas tseem ceeb yuav pab tau tus neeg kom ua tau qhov ntawd tau txais kev txheeb xyuas lawm" (9 CCR § 7136.5(a)).  Qhov no txhais tau tias koj thiab DOR yuav tsum tau pom zoo tias koj txoj phiaj xwm kev ua lag luam yog qhov yuav ua tau tiag thiab pom zoo hais txog cov hom kev pab cuam uas koj yuav tsum tau tsim rau koj lub lag luam me.

Qhov txiaj ntsig ua tau los ntawm kev ua hauj lwm yog kev ua hauj lwm hauv qhov uas koj yuav nrhiav kom tau hauj lwm ua thiab lus piav qhia txog qhov chaw ua lag luam ntawm tus kheej.  Piv txwv li, yog koj xav ua hauj lwm ua tus neeg ceev ntaub ntawv ntsig txog nyiaj txiag hauv koj tus kheej lub lag luam kev ceev nyiaj txiag uas koj yog tus thawj, tam li yog tus kws pleev ntsej muag kom zoo nkauj uas ua hauj lwm muaj ntawv cog lus rau cov neeg qhua uas txais kev pab cuam uas them rau koj ncaj qha, lwm yam ntxiv. (9 CCR § 7136.5(b)).

Tag nrho cov ntaub ntawv qhia paub uas muaj suav nrog daim ntawv suav sau ntsiab lus ntawm koj lub lag luam me uas tau thov tuaj yuav muab siv los ntsuam xyuas seb qhov chaw ua lag luam ntawm tus kheej puas yog qhov tsim nyog thiab yuav txheeb xyuas txog koj cov kev xav tau fab kev ua hauj lwm thiab cov kev pab cuam.  Yog xav paub ntau ntxiv, DOR yuav thov kom koj tsim Txoj Phiaj Xwm Npaj Lub Lag Luam Me (9 CCR § 7136.5(e)(1) thiab (2).

Kuv li IPE yuav tsum muaj dab tsi thiab?

Koj li IPE yuav tsum muaj ntaub ntawv qhia paub hais txog tias vim li cas qhov chaw ua lag luam ntawm tus kheej thiaj li yog qhov tsim nyog rau koj thiab cov hom kev pab cuam uas koj yuav tsum tau muaj los tsim koj lub lag luam me.  Qhov no yuav tsum muaj:

• Lus piav qhia txog cov nqi uas ua ib teg them, xub thawj twg ntawm kev tsim koj lub lag luam me uas DOR yuav duav roos.
• Koj lub luag hauj lwm uas yuav koom nrog hauv kev ua ntawv thov txog thiab kom tau txais cov chaw muab kev pab cuam uas tsim nyog ntxiv yam nquag plias.
• Hnub tim kwv yees cia uas koj yuav tsim thiab pib ua hauj lwm hauv koj lub lag luam me.
• Cov hau kev thiab tus qauv cai los ntawm qhov uas DOR yuav ntsuam xyuas qhov kev huaj vam ntawm koj lub lag luam me, thiab
• Kev xav tau uas cia siab tseg twg rau cov kev pab cuam tom qab kev ua hauj lwm.

9 CCR § 7136.5(e) thiab (f) 

Tam li yog ib feem ntawm kev txhim kho ntawm IPE koj tuaj yeem ua hauj lwm nrog DOR thiab/los sis tus kws pab tswv yim txog kev ua lag luam los tsim daim ntawv suav sau ntsiab lus txog lub lag luam thiab txoj phiaj xwm npaj lub lag luam (9 CCR § 7136.5(c) thiab 7136.8(a)).  Cov kev ntsuam xyuas tuaj yeem tshwm sim tau hauv lub sij hawm los sis tom qab kev tsim tau IPE (9 CCR § 7136.5(f) thiab (g)).  Koj li IPE yuav tau txais kev hloov kho thaum twg los tau yog txheeb xyuas tau covv kev pab cuam uas tseem ceeb ntxiv lawm (9 CCR § 7136.5(e)(3).

Yuav ua li cas yog kuv tsis tau kev pom zoo rau kev ua lag luam rau tus kheej?

Txhawm rau thaum uas koj ua tsis tau raws li tus qauv cai kev ntsuam xyuas saum toj no rau thaum los sis tom qab tau tsim muaj IPE lawm, koj thiab DOR yuav sab laj txog cov chaw kev ua hauj lwm uas yog lwm txoj kev xaiv, thiab IPE yuav tau txais kev tsim, los sis tau txais kev hloov kho kom haum raws li koj qhov kev xaiv uas paub meej mus rau qhov chaw kev ua hauj lwm uas yog lwm txoj kev xaiv (9 CCR §§ 7136.5(g), 7136.7(e), 7136.8(h) thiab 7136.9(d)).

Yog tias koj tsis pom zoo rau cov chaw ua hauj lwm uas yog lwm txoj kev xaiv, tej zaum koj qhov teeb meem ntawm DOR yuav raug kaw cia thiab DOR yuav thov kom koj xa tej khoom siv uas muab rau koj hauv qhov chaw ua lag luam ntawm tus kheej ntawd rov qab (9 CCR 7179.5). 

Yog koj tsis pom zoo nrog DOR txoj kev txiav txim siab, koj muaj cai thov kom rov txiav txim dua.  Yog xav paub ntau ntxiv hais txog koj cov cai thov kom rov txiav txim dua, thov nyem rau ntawm no los nyeem peb cov ntaub ntawv luam tawm, Daim Ntawv Qhia Qhov Tseeb Txog California Lub Thawj Fab Hauj Lwm Saib Xyuas Kev Rov Kho Kom Zoo Li Qub Tuaj Cov Kev Xaiv thiab Tus Txheej Txheem Ua Kev Thov Kom Rov Txiav Txim Dua.

DOR yuav pab kuv tom qab kuv tau tsim kuv lub lag luam me li cas thiab?

DOR yuav ntsuam xyuas koj li kev ua hauj lwm hauv kev ua lag luam rau tus kheej raws li tus qauv cai thiab cov hau kev uas tsim nyob hauv koj li IPE thiab tsis pub tsawg tshaj 90 hnub thiab siab txog 12 lub hlis.  Ncua sij hawm kev ntsuam xyuas pab kom DOR los txiav txim seb koj puas muaj peev xwm yuav saib xyuas kev ua hauj lwm tau seb koj puas xav tau kev cob qhia ntxiv los sis kev pab fab tev niv seb koj lub lag luam puas tsim tau nyiaj khwv tau los uas kwv yees cia thiab seb puas ua tau raws li tus qauv cai rau kev kawm ntawm kev teev tseg txog cov kev pab cuam. 

Hauv ncua sijh hawm kev ntsuam xyuas, yog tias koj thiab DOR txiav txim siab tias koj muaj kev nyuaj yuav tswj hwm tau koj li kev ua hauj lwm los sis koj lub lag luam tsim tsis tau qhov nyiaj khwv tau los uas kwv yees cia, DOR cov neeg ua hauj lwm uas muaj kev tshaj lij hauv kev ua lag luam rau tus kheej thiab/los sis DOR Tus Kws Pab Tswv Yim Txog Lub Lag Luam Me yuav pab koj txheeb xyuas cov teeb meem.  Tsis tas li ntawd lawv kuj yuav ntsuam xyuas kev cob qhia ntxiv los sis kev pab fab tev niv uas yuav pab koj daws kom tau cov teeb meem no.  Koj tus kws pab tswv yim txog kev rov kho kom zoo li qub tuaj yuav ntsuam xyuas txuas ntxiv mus thiab rov ntsuam xyuas seb cov teeb meem puas tau txais kev hais daws.  Yog DOR txiav txim siab tias kev cob qhia ntxiv los sis kev pab fab tev niv yuav pab tau fab kev tswj xyuas kev ua hauj lwm hauv qhov chaw kev ua lag luam rau tus kheej, DOR yuav sab laj txog cov chaw ua hauj lwm uas yog lwm txoj kev xaiv nrog koj, thiab koj li IPE yuav tsum tau txais kev hloov kho, raws li qhov tsim nyog (9 CCR § 7138).

Thaum twg kuv qhov teeb meem ntawm DOR yuav raug muab kaw cia yam tiav hlo?

Koj qhov teeb meem ntawmm DOR yuav raug muab kaw yam tiav hlo thaum tau ua tau raws li cov xwm txheej hauv qab no lawm:

• Kev ua hauj lwm yeej haum raws li IPE lawm,
• Koj ua tau raws li cov kev xav tau ntawm nyiaj khwv tau los uas kwv yees cia,
• Koj tau tswj hwm saib xyuas kev ua hauj lwm hauv qhov chaw kev ua lag luam rau tus kheej rau ncua sij hawm tsis luv dua 90 hnub (nws tuaj yeem tau txais kev txuas sij hawm mus ntxiv yog tsim nyog); thiab
• Koj thiab koj tus kws pab tswv yim txog kev rov kho kom zoo li qub tuaj pom zoo tias qhov txiaj ntsig ua tau los ntawm kev ua hauj lwm hauv qhov chaw kev ua lag luam rau tus kheej yeej mus tau raws siab xav lawm, thiab koj yeej ua hauj lwm tau zoo. 

Yuav ua li cas yog kuv xav tau kev pab cuam txog kev ua lag luam rau tus kheej los ntawm DOR?

Yog tias DOR tsis pom zoo rau koj li kev thov cov kev pab cuam kev ua lag luam rau tus kheej los sis yog tias koj muaj lus nug hais txog koj cov kev pab cuam kev ua lag luam ntawm tus kheej, koj yuav tiv tauj rau Lub Khoos Kas Muab Kev Pab Rau Tus Neeg Qhua Uas Txais Kev Pab (CAP) uas yog hu rau DRC ntawm (800) 776-5746 los sis TTY 1-800-719-5798; los sis mus rau www.disabilityrightsca.org.