ព័ត៌មាន​ក្នុង​សន្លឹងព័ត៌មាន​ពិតនេះ ត្រូវបានដកចេញពី​ឯកសារ​ការធ្វើឲ្យការប្រកប​មុខរបរផ្ទាល់ខ្លួនមានដំណើរការសម្រាប់ជនមានពិការភាព (Making Self- employment Work for People with Disabilities) (Griffin & Hammis, 2003) ។

តើអ្វីជាមុខរបរផ្ទាល់ខ្លួន?

 ការប្រកបមុខរបរផ្ទាល់ខ្លួន ត្រូវបានត្រូវបានបង្កើតឡើងដោយមានជំនឿថា មនុស្សមានភាពខ្លាំង មានចំណាប់​អារម្មណ៍ មានចំណង់ចំណូលចិត្ត និងមានសមត្ថភាពពីកំណើត ដើម្បីបំពេញការងារប្រកបដោយសមត្ថភាព នៅពេលទទួលបានជម្រើស ការគោរព ក្តីសង្ឃឹម និងឱកាស ។

តើអ្វីខ្លះជាអត្ថប្រយោជន៍នៃការប្រកបមុខរបរផ្ទាល់ខ្លួន?

• សេដ្ឋកិច្ចសហរដ្ឋអាមេរិក មានលក្ខណៈ​ជួយ​ឲ្យការប្រកបមុខរបរផ្ទាល់ខ្លួន​របស់ពលរដ្ឋម្នាក់ៗ មានការ​លូតលាស់​ខ្លាំង ។
• ការប្រកបមុខរបរ​ផ្ទាល់ខ្លួន ផ្តល់ជូន​អ្នក​ទទួលជំនួយ​ពី​សន្តិសង្គម នូវ​ជំនួយហិរញ្ញវត្ថុ ក្នុងអំឡុង​ដំណាក់​កាល​ចាប់ផ្តើម​នៃ​មុខរបរ ។
• អ្នក​ដែល​មានមុខរបរខ្លួនឯង ដែលមានពិការ​ភាព អាចមានឱកាស​ទទួលបាន​​ធនធាន នៃ​ទុនជាជម្រើស ដើម្បីកសាង​មុខ​របរ​របស់ខ្លួន ។
• ការ​ប្រកប​មុខរបរផ្ទាល់ខ្លួន អាច​សាកសម​ចំពោះ​​មនុស្ស​ដែល​មាន​ពិការ​ភាព​ធ្ងន់ធ្ងរ ។
• ការប្រកបមុខរបរ​ផ្ទាល់ខ្លួន អាច​ឲ្យបុគ្គលនោះរៀប​ចំ​ម៉ោងពេល​ធ្វើការ ដោយអនុលោម​ទៅតាម​ផលិតភាព​ រោគសញ្ញាពិការភាព និងគោលបំណង​របស់ខ្លួន ។

តើ​ខ្ញុំ​អាចមាន​មុខ​របរផ្ទាល់ខ្លួន​ប្រភេទណាខ្លះ?

• កម្មសិទ្ធិទោល – ម្ចាស់ និងអ្នក​ចាត់ចែង​មុខរបរ គឺជាមនុស្សតែមួយ ។
• ភាពជាដៃគូ – ជាមុខរបរ​ដែល​មាន​ម្ចាស់​ច្រើន​ជាង​មួយនាក់ ដែលផលចំណេញ ឬកំហាតទាំងអស់ ត្រូវ​បែងចែកក្នុង​ចំណោម​ដៃគូទាំងអស់ ។
• ក្រុមហ៊ុន​ទទួល​ខុសត្រូវ​មានកំណត់ (LLC, Limited Liability Company) – ជាប្រភេទ​ដៃគូរកស៊ី ដែល​អនុញ្ញាតឲ្យមានការកាត់បន្ថយចំពោះ​ការទទួលខុសត្រូវ​បំណុល​របស់​​ម្ចាស់​ ចំពោះ​សាជីវកម្ម​ ហើយ​ការ​បង្កើត​​ការ​រកស៊ីក្នុង​ភាពជាដៃគូបែបនេះ បានទទួលអត្ថប្រយោជន៍ផ្នែកការ​បង់ពន្ធ ។
• សាជីវកម្ម – ជាទូទៅ ជាក្រុមហ៊ុន​ដែលមាន​បុគ្គលិក ថ្លៃមេធាវី និងថ្លៃអាជ្ញា  ប័ណ្ណ ។

តើ​ខ្ញុំអាចមានមុខរបរផ្ទាល់ខ្លួន ហើយ​នៅទទួលបាន​អត្ថ​ប្រយោជន៍សន្តិសុខសង្គមទៀតដែរឬទេ?

ការលើកទឹកចិត្តសន្តិសុខសង្គម​ដើម្បី​ការងារ អាច​យកមកប្រើ ដើម្បី​ជួយ​អ្នក​ក្នុង​ការ​​សម្រេច​បាន​គោលបំណង​ការ​បង្កើត​មុខ​របរ​ផ្ទាល់ខ្លួនរបស់អ្នក ។ វាជាប្រការ​សំខាន់​ដែល​អ្នក​ត្រូវ​មាន​ផែន​ការ​ទទួលជំនួយ ដើម្បី​ជាប្រយោជន៍ និងអាច​យល់បានថាតើការលើកទឹកចិត្ត​សន្តិសុខសង្គម​ដើម្បី​ការងារ អាចជួយ​អ្នក​បាន​យ៉ាង​ដូចម្តេច ។

តើខ្ញុំអាចទទួលបានជំនួយពីណា?

នាយកដ្ឋាន​ស្តារនីតិសម្បទា (DOR, Department of Rehabilitation) ៖ http://www.oal.ca.gov

មជ្ឈមណ្ឌលការងារ​អាមេរិកាំង (American Job Centers) ៖  https://www.edd.ca.gov/jobs.htm

បណ្តាញការងារ (EN, Employment Network) ៖ http://www.yourtickettowork.com

ផែនការលើកទឹកចិត្ត និងគម្រោងជំនួយដើម្បីការងារ (WIPA, Work Incentive Planning and Assistance Projects) ៖ https://www.ssa.gov/work/WIPA.html

ការការពារ និងការ​តស៊ូមតិ​ដើម្បី​អ្នកទទួល​ជំនួយពីសន្តិសុខសង្គម (PABSS, Protection and Advocacy for Beneficiaries of Social Security) ៖ http://www.disabilityrightsca.org ឬហៅទូរស័ព្ទ​មកលេខ 800-776-5746

(SSA, Social Security Administration) បាន​ពិនិត្យឡើង​វិញនូវ​ឯកសារនេះ ដើម្បី​​បញ្ជាក់តែពី​ភាពត្រឹមត្រូវប៉ុណ្ណោះ តែទោះជាយ៉ាងណាក៏ដោយក៏​ឯកសារ​នេះ មិន​អាច​ចាត់ទុក​ជាឯកសារ​ផ្លូវការរបស់ SSA ដែរ។