សេវាដឹកជញ្ជូនសម្រាប់អ្នកទទួលបានសេវា Medi-Cal

Publications
#F120.06

សេវាដឹកជញ្ជូនសម្រាប់អ្នកទទួលបានសេវា Medi-Cal

នេះប្រាប់អ្នកពីរបៀបទទួលបានការដឹកជញ្ជូនទៅកាន់ការណាត់ជួបពេទ្យពីគម្រោងថែទាំដែលគ្រប់គ្រងដោយ Medi-Cal របស់អ្នក។ ការថែទាំដែលត្រូវបានគ្រប់គ្រងគឺជាមធ្យោបាយមួយដើម្បីផ្តល់ និងចំណាយសម្រាប់ការថែទាំសុខភាព។ អ្នកទទួលបានការថែទាំសុខភាពភាគច្រើនរបស់អ្នកពីគម្រោងថែទាំដែលត្រូវបានគ្រប់គ្រង។ ផែនការថែទាំដែលត្រូវបានគ្រប់គ្រងគឺជាបណ្តាញរៀបចំនៃអ្នកផ្តល់សេវាថែទាំសុខភាពដែលផ្តោតលើការថែទាំបឋម និងការការពារ។ ហាងស្រាក៏ប្រាប់អ្នកពីរបៀបទទួលបានសេវាដឹកជញ្ជូន ប្រសិនបើអ្នកមានថ្លៃសេវា ឬ Medi-Cal ប្រពៃណី។

ប័ណ្ណ​ព័ត៌មាន​នេះ​ ពន្យល់​ពី​របៀប​ក្នុង​ការ​ទទួល​បាន​​ការ​ដឹក​ជញ្ជូន​​អ្នក​ទៅ​កាន់​ការ​​ណាត់​ជួប​វេជ្ជសាស្រ្ត​​ពី​​គម្រោង​​ថែទាំ​ដែល​​មាន​ការ​​គ្រប់​គ្រង (MCP) ​នៃ​កម្មវិធី Medi-Cal របស់​អ្នក​។​ នៅ​ខាង​ចុងនៃ​​ឯកសារ​បោះ​ពុម្ព​ផ្សាយ​នេះ​ មាន​ការពិភា​ក្សា​​អំពី​របៀប​ទទួល​បាន​​សេវា​ដឹកជញ្ជូន​​ ក្នុង​ករណី​​អ្នក​មាន​​ Medi-Cal ​ដែល​ជា​សេវា​ឥតគិត​ថ្លៃ (FFS)។

សាវតារ​

ការ​ដឹកជញ្ជូន​​វេជ្ជសាស្រ្ត​មិន​មែន​សង្គ្រោះ​បន្ទាន់​ (NEMT) ធ្លាប់​ត្រូវ​​បាន​គេ​ទទួលស្គាល់​ជា​យូរ​ណាស់​មក​ហើយ​ថា​​ជា​​អត្ថប្រយោជន៍​មួយ​​​ដែល​​មានការ​​​រ៉ាប់រង​ដោ​យ​ Medi-Cal។ នៅ​ពេល​​ចូល​ជា​ធរមាន​នៅ​ថ្ងៃ​ទី​1 ខែកក្កដា​ ឆ្នាំ​2017 គ្រប់​​ MCP ទាំ​ង​​​អស់​​ត្រូវ​ផ្តល់​​​ការ​ដឹកជញ្ជូន​មិនមែ​ន​វេជ្ជសាស្រ្ត​ (NMT) ដើម្បី​ទទួល​បានសេវា​ដែ​ល​​មាន​ភាព​​​ចាំ​បាច់​ផ្នែក​វេជ្ជសាស្រ្ត​​, សេវា​រាប់​បញ្ចូ​ល​​ដោយ​ MCP និង​សេវា​កាត់​ចេ​ញ​​ ​ដែល​មិន​ត្រូវ​បាន​រ៉ាប់រង​​ក្រោម​កិច្ចសន្យា​ MCP។​ (សូមមើល​  WIC Section 14132​(ad))។ សេវា​នានា​ ដែល​មិន​ត្រូ​វបាន​ផ្តល់​ជូន​តាមរយៈ MCP ​ត្រូវ​បាន​ចា​ត់​​ទុក​ថា​ “​សេវាកាត់​ចេញ​​”​ នៃ​ការ​ថែទាំ​ដែល​មាន​ការ​គ្រប់គ្រង​។​ សេវា​​មួយ​ គឺ​ត្រូវ​ចាត់​ទុក​​ថា​ “​មាន​ភាព​ចាំ​បាច់​ផ្នែក​វេជ្ជសាស្រ្ត​”​ នៅ​ពេល​​ដែល​សេវា​នោះ​​​មានភាព​ចាំ​បាច់​និង​សមស្រប​ដើម្បី​ការពារ​អាយុជីវិត​ ​បង្ការ​ជំងឺ​ធំដុំ​ណាមួយ​​ ឬ​ពិការភាព​ធ្ងន់ធ្ងរ​​​ ឬ​​ដើម្បី​កាត់​បន្ថយ​​ការ​ឈឺ​ចាប់​ធ្ងន់ធ្ងរ​។​ (WIC Section 14059.5.)

សេវា NMT រួម​បញ្ចូល​នូវ​ការ​ដឹកជញ្ជូន​​ទៅ​​និង​មក​ពី​​ការ​ជួប​ពិគ្រោះ​ជំងឺ​ជាមួយ​​​វេជ្ជបណ្ឌិត​​, ឱសថ​ស្ថាន​ ឬ​ក្រុមហ៊ុន​ផ្គត់ផ្គង់​​ផ្នែក​​​វេជ្ជសាស្រ្ត​​ដើម្បី​​ទទួល​យក​​​​​វេជ្ជបញ្ជា​​, បរិក្ខារ​ឬ​ឧបករណ៍​​វេជ្ជសាស្រ្ត​​, ចូលទៅ​​​មើល​កុមារ​ឈឺ​នៅ​​អង្គភាពថែទាំ​សង្គ្រោះ​បន្ទាន់​សម្រាប់​កុមារ​ទើប​កើត​​ (NICU), ឬ​ដើម្បី​ទទួល​បាន​សេវា​​ដែល​រ៉ាប់រង​ដោយ​​ Medi-Cal ​ផ្សេង​ទៀត​​, រួម​បញ្ចូល​ទាំង​សេវា​សុខភាព​ផ្លូវ​ចិត្ត ​​និង​សេវា​ទន្តសាស្រ្ត​ផង​ដែរ​​។  (សូមមើល​ អត្ថប្រយោជន៍​ការ​ដឹកជញ្ជូន​មិនមែន​វេជ្ជសាស្រ្ត​​របស់​ Medi-Cal​។)

គិត​ត្រឹម​ថ្ងៃ​ទី​​1 ខែ​តុលា​ ឆ្នាំ​​2017, MCPs ក៏​ត្រូវ​ផ្តល់​នូវ​​​ NMT សម្រាប់​​​សេវា​ Medi-C​al​  ដែល​មិន​ត្រូវ​បាន​រ៉ាប់រងនៅ​ក្រោម​​កិច្ចសន្យា​​ MCP (“សេវា​ថែទាំ​សុខភា​​​​​ពកាត់​ចេញ​​”) រួមមាន​ជា​អាទិ៍​ សេ​​​វា​​សុខភាព​ផ្លូវ​ចិត្តឯកទេស​​ជំងឺ ​ដោយ​សារ​​ការ​ប្រើ​សារធាតុ​ញៀន​ សេវា​ទន្តសាស្រ្ត​ និង​សេវា​ដទៃ​ផ្សេង​ទៀត​​ ដែល​ប្រគល់​​ជូន​​តាមរយៈ​ប្រព័ន្ធ​ប្រគល់​ទំនិញ​​ Medi-Cal FFS។ (សូមមើល​ លិខិត​គម្រោង​ទាំង​អស់​​ 17-010 សេវា​ដឹក​ជញ្ជូន​វេជ្ជសាស្រ្ត​​មិនមែន​សង្គ្រោះ​បន្ទាន់​ និង​សេវា​ដឹក​ជញ្ជូន​មិនមែន​វេជ្ជសាស្រ្ត​​។)

I.  ការ​ដឹកជញ្ជូនវេជ្ជសាស្រ្ត​មិនមែន​សង្គ្រោះ​បន្ទាន់​​ (NEMT)

NEMT គឺ​ជា​អត្ថប្រយោជន៍​​ដែល​រ៉ាប់រង​ដោយ​ Medi-Cal នៅ​ពេល​​​សមាជិក​ម្នាក់​​ត្រូវ​ការ​ទទួល​បាន​សេវា​ដែល​ចាំបាច់​ផ្នែក​វេជ្ជសាស្រ្ត​ និង​នៅ​ពេល​ចេញវេជ្ជបញ្ជា​​ជាលាយលក្ខណ៍​អក្សរ​ដោ​យ​គ្រូពេទ្យ​ ទន្តពេទ្យ គ្រូពេទ្យ​​ឯកទេស​ជើង​​ អ្នក​ផ្តល់​សេវា​​សុខភាព​ផ្លូវ​ចិត្ត​ ឬ​អ្នកផ្តល់សេវា​សម្រា​ប់​​​ជំ​ងឺ​ដោយ​ការ​ប្រើសារធាតុ​​ញៀន​។

a.   តើ​ខ្ញុំ​អាច​ដឹង​បាន​​ថា​ខ្ញុំ​មាន​លក្ខណៈ​សម្បត្តិ​ទទួល​បាន​ NEMT ដោយ​របៀប​ណា​?​

ប្រសិន​បើ​ស្ថានភាព​វេជ្ជសាស្រ្ត​ ឬ​រាង​កាយ​របស់​អ្នក​ រារាំង​អ្នក​មិន​ឲ្យ​ប្រើប្រាស់​​មធ្យោបាយ​ដឹកជញ្ជូន​សាធារណៈ​ឬ​ឯកជន​​​បាន​ដូច​ប្រក្រតី​​ ហើយ​​ការ​ដឹកជញ្ជូន​​​ គឺ​ត្រូវ​ការ​ជា​ចាំ​បាច់​​សម្រាប់​ទទួល​បាន​សេវា​ដែល​មាន​លក្ខណៈ​ចាំ​បាច់​ផ្នែក​វេជ្ជសាស្រ្ត​ នោះ​ MCP ​​តម្រូវ​ឲ្យ​ផ្តល់​ជូន​ដល់​​​​អ្នក​នូវ​សេវា​ NEMT ដែល​​មាន​លក្ខណៈ​សមស្រប​ផ្នែក​វេជ្ជសាស្រ្ត​។​ (22 CCR Sections 51323​(a), (b)(2)(C))។ MCPs ត្រូវ​ផ្តល់​ជូននូវ​​​​ NEMT សម្រាប់​សមាជិក​ដែល​ពុំ​អាច​​ដើរ​បាន​ ឬ​ពុំ​អាច​ឈរ​​ឬ​ដើរ​បាន​​ដោយ​ពុំ​មាន​ជំនួយ​​ (ដូច​ជា​អ្នក​​ដែល​ប្រើប្រាស់កៅ​អីជំនួយការ​​ដើរ​ ​ឬ​ឈើ​ច្រត់​​) និង​​ធានា​នូវ​ជំនួយ​នៅ​តាម​ផ្ទះ​។​​ ក្នុង​កម្រិត​​អប្បបរមា​, MCPs ត្រូវ​អនុញ្ញាត​ឲ្យ​មានថ្លៃ​ចំណាយ​ទាប​បំផុត​នៃ​​​​ប្រភេទ​​​សេវា​ NEMT ​​ដែល​បំពេញទៅ​​តាម​តម្រូវ​ការ​ផ្នែក​​​វេជ្ជសាស្រ្ត​របស់​អ្នក​។ សេវា NEMT ត្រូវ​​ទទួល​បាន​​​ការ​អនុញ្ញាត​ជា​មុន​ លើកលែង​តែ​សេវា​ដែលផ្ទេរ​ពី​​មន្ទីរពេទ្យអ្នក​ជំងឺ​​​ក្នុងនៅ​​​កម្រិត​នៃ​ការ​ថែទាំ​សង្រ្គោះ​​​បន្ទាន់​ ​​​ទៅកាន់​មន្ទីរ​ពេទ្យ​ថែទាំ​សង្គ្រោះ​បន្ទាន់​​​, វេជ្ជស្ថាន​ថែទាំ​ជំនាញ​​ (SNF), ឬ​មន្ទីរថែទាំ​មធ្យម​ដែល​មាន​អាជ្ញាប័ណ្ណ​។ (22 CCR Section 51323​(b)(2)(C))។

b.   ចុះ​ប្រសិន​បើ​ខ្ញុំ​​​ត្រូវ​ការ​សេវា​ដែល​មិន​រ៉ាប់រង​​ដោយ​កិច្ចសន្យា​ MCP របស់​ខ្ញុំ​ តើ​ខ្ញុំ​ត្រូវ​​ធ្វើ​ដូចម្តេច​?​

សម្រាប់​សេវា Medi-Cal ស្ថិត​នៅ​ក្រៅ​​កិច្ចសន្យា​របស់​ MCP, នោះ​ MCP ត្រូវ​ខិត​ខំ​ប្រឹង​ប្រែង​ឲ្យ​បាន​ល្អ​បំផុត​​ដើម្បី​ស្វែង​រក​​ និង​សម្របសម្រួល​ NEMT។ MCPs ត្រូវ​ធានា​ថា​ ពុំ​មា​ន​ការ​កំណត់​ណាមួយ​​ក្នុងការ​ទទួល​បាន​​ NEMT នោះ​ទេ​ ឲ្យ​តែ​សេវា​​របស់​អ្នក​​មាន​លក្ខណៈ​ចាំ​បាច់​ផ្នែក​វេជ្ជសាស្រ្ត​ ហើយ​អ្នក​បាន​ទទួល​​ការ​អនុញ្ញាត​ជា​​មុន​​សម្រាប់​​ NEMT។​

c.   ចុះ​ប្រសិន​បើ​សមាជិក​​ MCP ជា​អនីតិជនវិញ​​ តើ​ត្រូវ​ធ្វើ​ដូច​ម្តេច​?

ប្រសិន​បើ​សមាជិកនោះ​​​ជា​អនីតិជន​​, MCPs ក៏​ត្រូវ​​ផ្តល់ជូន​​​នូវ​ការ​ដឹកជញ្ជូន​​សម្រា​​​ប់​​​​ឪពុក/ម្តាយ​ ឬ​អាណាព្យាបាល​។ MCPs អាច​ធ្វើ​ការ​រៀប​ចំ​​ NEMT សម្រាប់​អនីតិជ​ន​​​​​ណាម្នាក់​ដែល​​​គ្មាន​អ្នក​អមដំណើរ​​ ដែល​​​​ការ​យល់​ព្រម​ជាលាយលក្ខណ៍​អក្សរ​របស់​ឪពុក/ម្តាយ​ ឬ​អាណាព្យាបាល​រប​ស់​អនីតិជន​​, លើកលែង​តែ​អនីតិជន​នោះ​កំពុង​ស្វែង​រក​នូវ​សេវា​​ Medi-Cal ដែល​មាន​ការ​យល់ព្រ​ម​ពី​អនីតិជន​ ដូច​ជា​ការ​ថែទាំសម្រាប់​ការ​បន្ត​ពូជ​ជា​ដើម​។​ នៅ​មុន​ពេល​រៀប​ចំ​ការ​ដឹកជញ្ជូន​សម្រាប់   ​អនីតិជន​ដែល​​គ្នាន​អ្នក​អមដំណើរ​ នោះ​ MCP ត្រូវ​​ប្រាកដ​ថា​ខ្លួន​បាន​ទទួល​នូវ​ទម្រង់បែបបទ​នៃ​កា​រយល់ព្រម​ជា​លាយលក្ខណ៍​អក្សរ​​ដែល​ចាំបាច់​ទាំង​អស់​។​ កា​រយល់​ព្រម​របស់​ឪពុកម្តាយ​ គឺ​​មិន​ត្រូវ​បាន​តម្រូវ​ជា​ចាំ​បាច់​សម្រាប់​​សេវា Medi-Cal ដែល​មាន​ការ​យល់ព្រម​ពី​អនីតិជន​នោះ​ទេ​។​

d.   តើ​ប្រភេទ​នៃ​សេវា​ NEMT អ្វី​ខ្លះ​ដែល​មាន​ផ្តល់​ជូន​សម្រាប់​ខ្ញុំ​​?

ប្រសិន​បើ​ស្ថានភាព​វេជ្ជសាស្រ្ត​ ឬ​រាង​កាយ​របស់​អ្នក​ រារាំង​អ្នក​មិន​ឲ្យ​ប្រើប្រាស់​​មធ្យោបាយ​ដឹកជញ្ជូន​សាធារណៈ​ឬ​ឯកជនដូច​ប្រក្រតី​​​បាន​ ហើយ​​ការ​ដឹកជញ្ជូននោះ​​​​ គឺ​ត្រូវ​ការ​ជា​ចាំ​បាច់​​សម្រាប់​​​​ទទួល​សេវាដែល​មាន​លក្ខណៈ​ចាំបាច់​ផ្នែក​​​វេជ្ជសាស្រ្ត​​​ នោះ​ MCP ​ត្រូវ​​​​ផ្តល់​​​នូវគំរូ​នៃ​​ការ​ដឹកជញ្ជូន​​​​ NEMT ចំនួន​បួន​ប្រភេទ​ដូច​ខាង​ក្រោម​​៖​​

i.    សេវា​រថយន្ត​សង្គ្រោះ​បន្ទាន់​​​ NEMT សម្រាប់​៖​

  • ​ការ​ផ្ទេរ​ពី​មន្ទីរថែទាំមួយ​ទៅ​មន្ទីរ​ថែទាំ​មួយ​ទៀត​​ ​​សម្រាប់​សមាជិក​​ដែល​តម្រូវ​ឲ្យ​មាន​ការ​ចាក់​ថ្នាំ​​ជា​បន្ត​បន្ទាប់​ (IV) ការ​គ្រប់គ្រងតាមដាន​ ឬ​ការ​អង្កេត​ផ្នែក​វេជ្ជសាស្រ្ត​​
  • ​ការ​ផ្ទេរ​ពី​មន្ទីរ​ថែទាំ​សង្រ្គោះ​បន្ទាន់​​​​ទៅ​​​មន្ទីរថែទាំ​សង្គ្រោះ​បន្ទាន់​​​​ផ្សេង​ទៀត​
  • ​ការ​ដឹកជញ្ជូន​​​សមាជិក​​ដែល​ធ្លាប់​​​ដាក់បំពាក់​អុកស៊ីសែន​ (ពុំ​អនុវត្ត​ចំពោះ​សមាជិក​ណា​ដែល​មាន​ជំងឺ​ហើម​សួត​រ៉ាំរ៉ៃ​​ដែល​​ត្រូវ​យក​អុកស៊ីសែន​តាម​ខ្លួន​សម្រាប់​ប្រើប្រាស់​​ជា​បន្ត​បន្ទាប់នោះ​ទេ​​)​
  • ការ​ដឹកជញ្ជូន​សម្រាប់​សមាជិក​ដែល​មាន​ស្ថានភាព​ជំងឺ​រ៉ាំ​រ៉ៃ​ ដែល​ត្រូវ​ការ​អុកស៊ីសែន​ ប្រសិន​បើ​ត្រូវ​ការ​ឲ្យ​មាន​ការ​គ្រប់គ្រង​តាម​ដាន​

ii.    សេវារថយន្តដឹកជញ្ជូនខ្នាតតូច​ដែល​មាន​ឧបករណ៍​លើកដាក់​​​​

រថយន្តដឹកជញ្ជូនខ្នាតតូច​ដែល​មាន​ឧបករណ៍​លើកដាក់​ គឺ​ជា​យាន​ជំនិះ​ដែល​បាន​​​​កែច្នៃ​​​ ដែល​ត្រូវ​បានប្រើប្រាស់​សម្រាប់​គោលបំណង​​នៃ​ការ​ផ្តល់​ជូន NEMT សម្រាប់​អ្នក​ដំណើរ​​ដែល​មាន​​ស្ថានភាពសុខភាព​ថេរ​​ ដែល​ត្រូវ​ការ​ប្រើប្រាស់​ឧបករណ៍​លើកដាក់​ ឬ​គ្រែ​ពេទ្យ​ ហើយ​ដែល​​ពុំ​ត្រូវ​បាន​ដាក់​បំពាក់​ជា​ប្រចាំ​ជា​មួយ​នឹង​បរិក្ខារ​វេជ្ជសាស្រ្ត​ ឬ​បុគ្គលិក​ពេទ្យ​ដែល​ត្រូវ​ការ​ចាំ​បាច់​​​សម្រាប់​​​​ការ​ថែទាំឯកទេស​ដែល​ផ្តល់​ជូន​នៅ​ក្នុង​រថយន្ត​សង្គ្រោះ​បន្ទាន់​។​ MCPs ត្រូវ​ផ្តល់​នូវ​សេវា​រថយន្តដឹកជញ្ជូនខ្នាតតូច​ដែល​មាន​ឧបករណ៍​លើកដាក់ ប្រសិន​បើ​ស្ថានភាព​វេជ្ជសាស្រ្ត​និង​​រាង​កាយ​​របស់​អ្នក​ ពុំ​​បំពេញ​តាម​លក្ខខណ្ឌ​​​តម្រូវ​ការ​នៃ​សេវា​រថ​យន្ត​សង្គ្រោះ​បន្ទាន់​​​ NEMT ប៉ុន្តែ​​ត្រូវ​បំពេញ​តាម​លក្ខខណ្ឌ​ទាំង​ពីរ​ដូ​ច​ខាងក្រោម​៖​

  • តម្រូវ​ឲ្យ​សមាជិក​នោះ​ទទួល​​​បានការ​​​ដឹកជញ្ជូន​​ដោយ​ដាក់​ឲ្យ​ដេកផ្ងារ ឬ​ដេកផ្កាប់​ ដោយសារ​គាត់​ពុំ​អាច​អង្គុយ​បាន​ក្នុង​អំឡុង​ពេល​នៃ​ការ​ដឹកជញ្ជូន​។ និង​​
  • តម្រូវ​ឲ្យ​មាន​ឧបករណ៍​សុវត្ថិភាព​ឯកទេស​​ច្រើន​ជាង​​ និង​លើស​ពី​​អ្វី​​ដែល​មាន​ផ្តល់​ជូន​ជា​ធម្មតា​នៅតាម​​រថយន្ត​ដឹកអ្នក​ដំណើរ​ រថយន្ត​តាក់ស៊ី​ ឬ​ទម្រង់​​​នៃ​ការ​ដឹកជញ្ជូន​​  សាធារណៈ​​ដទៃ​ផ្សេង​ទៀត​។​ (22 CCR Section 51323(2)(A)(1), (B).)

iii.    សេវារថយន្តដឹកជញ្ជូនខ្នាតតូច​ដែល​មាន​កៅ​អី​រុញ​

MCPs ត្រូវ​ផ្តល់​នូវ​សេវារថយន្តដឹកជញ្ជូនខ្នាតតូច​ដែល​មាន​កៅ​អី​រុញ​ នៅ​ពេល​​ស្ថានភាព​វេជ្ជសាស្រ្ត​និង​​រាង​កាយ​របស់​អ្នក​ ពុំ​​​បំពេញ​តាម​លក្ខខណ្ឌ​​​តម្រូវ​ការ​នៃ​សេវា​រថ​យន្ត​ដឹកជញ្ជូន​ខ្នាត​តូច​ដែលមាឧបករណ៍​លើកដាក់​​ NEMT ប៉ុន្តែ​​ត្រូវ​បំពេញ​តាម​លក្ខខណ្ឌ​ណាមួយ​​ដូ​ច​ខាងក្រោម​៖​

  • អ្នក​ពុំ​អាច​អង្គុយ​នៅ​ក្នុង​យានជំនិះ​ រថយន្ត​តាក់ស៊ី​ ឬ​ទម្រង់​នៃ​ការ​ដឹកជញ្ជូន​សាធារណៈ​ផ្សេង​ទៀត​​សម្រាប់​រយៈ​ពេល​​ដែល​ត្រូវ​ការ​ចាំ​បាច់​​​ដើម្បី​ដឹកជញ្ជូន។​ ឬ​
  • អ្នក​ត្រូវ​​ដឹកជញ្ជូនតាម​​កៅអី​រុញ​ ឬ​ទទួល​បាន​ជំនួយដឹកជញ្ជូន​​​​ទៅកាន់​និង​មកពី​លំនៅ​​ដ្ឋា​​​ន​ ទទួល​បាន​​យានជំនិះ​ និង​កន្លែង​ព្យាបាល​ដោយសារ​​ពិការភាព​​រាង​កាយ​ ឬ​ការកំណត់​ផ្នែក​​ផ្លូវ​ចិត្ត​ ឬ​
  • ត្រូវ​ការ​ឲ្យ​មាន​ឧបករណ៍​សុវត្ថិភាព​ឯកទេស​​ខាង​លើ​ ​​ដែល​អាចមាន​ផ្តល់​ជូន​ជា​ទូទៅ​​នៅ​ក្នុង​រថយន្ត​ដឹកភ្ញៀវ​ តាក់ស៊ី​ ឬ​ទម្រង់​នៃ​ការ​ដឹកជញ្ជូន​ដទៃ​ផ្សេង​ទៀត​ (22 CCR Sections 51323(3)(A)-(C))

អ្នក​អាច​មាន​លក្ខណៈសម្បត្តិ​ទទួល​បាន​​​​ការដឹកជញ្ជូនតាម​រថយន្ត​ខ្នាតតូច​ដែល​មាន​កៅ​អី​រុញ​ ​ប្រសិនបើ​​អ្នកមាន​ស្ថានភាព​ណាមួយ​ដូច​ខាងក្រោម​ ហើយ​វេជ្ជបណ្ឌិត​របស់​អ្នក​ប្រគល់​នូវ​​ទម្រង់​​បែប​បទ​នៃលិខិត​បញ្ចាក់​ពី​​​គ្រូ​ពេទ្យ​​ដែល​បាន​ចុះ​ហត្ថលេខា​រួច​​ (មាន​​ពិភាក្សា​បន្ថែម​នៅ​ខាងក្រោម)៖​

  • ការវង្វេងវង្វាន់​ស្មារតី​ធ្ងន់ធ្ងរ​
  • ការស្លាប់មួយ​ចំហៀង​ខ្លួន​/ការ​ខ្វិន​ជើង​ទាំង​ពីរ​
  • អ្នក​ទទួល​ការ​លាង​ឈាម​
  • អ្នក​មាន​ស្ថានភាពជំងឺ​រ៉ាំ​រ៉ៃ​​ ដែល​តម្រូវ​ឲ្យ​មានពាក់​​អុកស៊ីសែន​ ប៉ុន្តែ​ពុំ​តម្រូវ​ឲ្យ​មាន​ការ​គ្រប់គ្រង​​តាម​ដាន​នោះ​ទេ​

iv.    NEMT តាម​ជើង​អាកាស​

MCPs ត្រូវ​ផ្តល់​នូវ​​​ NEMT តាម​ជើង​អាកាស​ នៅ​ពេល​​ណា​​ចាំបាច់​ ដោយ​មូលហេ​​​​​​តុ​​ស្ថានភាព​សុខភាព​របស់​អ្នក​ ឬ​ដោយសារ​ការ​ដឹកជញ្ជូន​តាម​ផ្លូវ​គោក​ ពុំ​អា​ច​​ធ្វើ​ទៅ​បាន​។​ វេជ្ជបណ្ឌិត​​​របស់​អ្នក​ ទណ្ឌបណ្ឌិត​ គ្រូពេទ្យ​ឯកទេស​ជើង​ អ្នក​ផ្តល់សេវា​​សុខភាព​ផ្លូវ​ចិត្ត​ ឬ​អ្នកផ្តល់សេវាសម្រាប់​​ជំងឺ​ដោយ​សារ​ប្រើ​សារធាតុញៀន​ ត្រូវ​ផ្តល់​​ការ​បញ្ជាទិញ​ជាលាយលក្ខណ៍​អក្សរ​ ដែល​ពន្យល់​ពីមូលហេតុ​​ដែលបញ្ជាក់​ថា​​​ការ​ដឹកជញ្ជូន​តាម​ផ្លូវ​អាកាស​មាន​ភាព​ចាំ​បាច់​។​

e.   ទម្រង់​បែប​បទ​​លិខិត​បញ្ជាក់​របស់​​គ្រូពេទ្យ ​(PCS) សម្រាប់​​ NEMT ​

​MCP នីមួយ​ៗ​​មាន​ទម្រង់បែប​បទ​​ PCS ផ្ទាល់ខ្លួន​​។​ អ្នក​អាច​ស្នើសុំ​ទម្រង់​បែប​ប​ទ​​មួយ​ពី​វេជ្ជបណ្ឌិត​របស់​អ្នក​តាម​​ទូរសព្ទ​ អេឡិចត្រូនិក​ ដោយ​ផ្ទាល់​ ឬ​វិធីណាមួយ​ផ្សេង​ទៀត​​ដែល​បាន​បង្កើត​ឡើង​ដោយ​​ MCP របស់​អ្នក​។​ នៅ​ពេល​ណា​ដែល​វេជ្ជបណ្ឌិត​របស់​អ្នក ចេញ​បញ្ជា​​ចំពោះ​​ទម្រង់​នៃ​ការ​ដឹកជញ្ជូន​ណាមួយ​​, នោះ​ MCP មិន​អាច​ធ្វើ​ការ​ផ្លាស់ប្តូរ​​នូវ​​ការ​អនុញ្ញាត​​នោះ​បាន​ទេ​។​ នៅ​ក្នុង​ចំនួន​អប្បបរមា​ វេជ្ជបណ្ឌិត​របស់​អ្នក​ ត្រូវ​រួម​បញ្ចូល​នូវ​ព័ត៌មានដូច​​ខាងក្រោម​៖​

  • ការ​បញ្ជាក់​​សមត្ថភាព​ផ្នែក​​​មុខងារ​៖ វេជ្ជបណ្ឌិត​របស់​អ្នក​ ត្រូវ​រៀប​ចំ​ឯកសា​រ​​អំពីសមត្ថភា​​​​​​​​​ព​​កំណត់​​ផ្នែក​រូប​រាងកាយ​ និង​វេជ្ជសាស្រ្ត​​របស់​អ្នក​​ ដែល​រា​​រាំ​ង​​​អ្នក​​ពី​​ការ​ដើរ​តាម​ធម្មតា​ ដោយគ្មាន​ជំនួយ​ ឬ​ការ​ដឹកជញ្ជូន​​ដោយ​យាន​ជំ​និះ​​សាធារណៈ​ឬ​ឯកជន។
  • កាលបរិច្ឆេទ​នៃ​សេវា​កម្ម​ដែល​ចាំ​បាច់​​​​៖​ ផ្តល់​នូវ​​កាលបរិច្ចេទ​ចាប់​ផ្តើម​និង​បញ្ចប់​​សេវា​ NEMT រហូត​ដល់​​រយៈពេល​​អតិបរមា​ចំនួន​ 12 ខែ​។​
  • មធ្យោបាយ​ដឹក​ជញ្ជូន​​ដែល​ចាំ​បាច់​៖​ រថយន្ត​សង្គ្រោះ​បន្ទាន់​ រថយន្តដឹកជញ្ជូន​ខ្នាត​តូច​ដែល​មាន​​ឧបរកណ៍​លើកដាក់​ រថយន្តដឹកជញ្ជូន​ខ្នាត​តូច​ដែល​មាន​កៅអី​រុញ ឬ​​ការ​ដឹកជញ្ជូន​តាម​ផ្លូវ​អាកាស​។​
  • របាយការណ៍​បញ្ជាក់​៖​ ​រាង​កាយ​របស់​អ្នក​ ត្រូវ​បញ្ជាក់​ថា​ ភាព​ចាំ​បាច់​ផ្នែក​វេជ្ជសាស្រ្ត​ ត្រូវ​​បាន​ប្រើប្រាស់​​ដើម្បីកំណត់​​នូវ​ប្រភេទ​នៃ​ការ​ដឹកជញ្ជូន​​ដែល​អ្នក​ត្រូវ​ការ​។​

II.  ការ​ដឹកជញ្ជូនមិនមែន​វេជ្ជសាស្រ្ត​ (NMT)

MCPs ត្រូវ​ផ្តល់​នូវ​​ NMT សម្រាប់​សេវា​ Medi-Cal ទាំង​អស់​ រួម​បញ្ចូល​ទាំង​​សេវា​នានា​ដែល​ពុំ​​បា​​​​ន​រ៉ាប់រង​​​​ក្រោម​កិច្ចសន្យា​របស់​​ MCP​។​ សេវា​នានា​ដែល​រ៉ាប់រង​នៅ​ក្រោម​កិច្ចសន្យា​ MCP ប៉ុន្តែ​មិន​កំណត់​ត្រឹម​​សេវា​សុខភាពផ្លូវ​ចិត្ត​ឯកទេស​ អ្នកជំងឺ​ដោយ​ការ​ប្រើសារធាតុញៀន និង​អត្ថប្រយោជន៍​ដទៃ​ផ្សេង​​ដែល​មាន​ផ្តល់​ជូន​តាម​រយៈ​​ FFS។

a.   តើ​ខ្ញុំ​អាច​ដឹង​បាន​​ថា​ខ្ញុំត្រូវ​ការ​ NMT ឬ​ NEMT ដោយ​របៀប​ណា​?​

NMT ពុំ​រាប់​បញ្ចូល​នូវ​ការ​ដឹកជញ្ជូន​នូវ​​​អ្នក​ដែល​ត្រូវ​ដឹកជញ្ជូន​​ដោយរថយន្ត​សង្គ្រោះ​​បន្ទាន់​ រថយ​​ន្តដឹកជញ្ជូន​ខ្នាត​តូច​ដែល​មាន​​ឧបរកណ៍​លើកដាក់​ រថយន្តដឹកជញ្ជូ​ន​​ខ្នាត​តូច​ដែល​មាន​កៅអី​រុញ ឬ​​ការ​ដឹកជញ្ជូន​តាម​ផ្លូវ​អាកាស​ឡើយ​។ ឧទាហរណ៍ វេជ្ជបណ្ឌិត​របស់​អ្នក​​អាច​ចេញ​បញ្ជា​សម្រាប់​​ NMT ប្រសិន​បើ​​បច្ចុប្បន្ន​នេះ​ អ្នក​ប្រើ​ប្រាស់​កៅ​អី​រុញ​​ ប៉ុន្តែ​​អ្នកពុំ​អាច​ដើរ​បាន​ដោយ​គ្មានជំនួយ​ពី​អ្ន​កបើកបរ​។​ ដូច​គ្នា​នឹង​ NEMT ដែរ សំណើសុំ​​ NMT ត្រូវ​មាន​តម្លៃ​ថោកសមរម្យ​​​សម្រាប់​មធ្យោបាយ​នៃ​ការ​ដឹកជញ្ជូន​​ដែល​បំពេញ​តាម​តម្រូវ​ការ​​របស់​អ្នក​។

b.   តើ​​​សេវា​ NMT អ្វី​ខ្លះ​ដែល​មាន​ផ្តល់​ជូន​សម្រាប់​ខ្ញុំ​​?

  • ការ​ដឹកជញ្ជូន​ទៅ​មក​តាម​រថយន្ត​ដឹកអ្នក​ដំណើរ​ តាក់​ស៊ី ឬ​ទម្រង់​នៃ​យានជំ​​​និះ​​សាធារណៈ​​​​ឬ​ឯកជន​ផ្សេង​ទៀត​ រួម​ទាំង​​រថយន្ត​គិត​ប្រាក់​​​តាមចំនួន​ម៉ាយ​ ​សម្រាប់​គោលបំណងផ្នែក​​វេជ្ជសាស្រ្ត​​ដោយ​សមាជិក​ណាម្នាក់​ និង​មិនមែន​តាម​រយៈ​ឈ្មួញកណ្តាល​នៃ​ការ​ដឹកជញ្ជូន​ ប័ណ្ណ​ជិះ​រថយន្តក្រុង​ សក្ខីបត្រ​​តាក់ស៊ី​ ឬ​សំបុត្រ​ជិះ​រថភ្លើង​។​
  • ការ​ធ្វើដំណើរទៅមក​​ NMT គឺ​មាន​ផ្តល់​ជូន​សម្រាប់​ចំណុច​ដូច​ខាងក្រោម​៖​
    • សេវា​វេជ្ជសាស្រ្ត​ចាំ​បាច់​ដែល​មាន​ការ​រ៉ាប់រង​
    • ការ​ជ្រើសរើស​ឪសថ​មាន​វេជ្ជបញ្ជា​ ដែល​ពុំ​អាចផ្ញើ​ទៅ​អ្នក​​​​​ដោយ​ផ្ទាល់​បាន​តាម​ប្រៃសណីយ៍​
    • ការ​ជ្រើសរើស​សម្ភារៈ​ផ្គត់ផ្គង់​វេជ្ជសាស្រ្ត​ ធ្មេញសិប្បនិម្មិត​ រណប​ទប់​ជើង​ និង​បរិក្ខារ​វេជ្ជសាស្រ្ត​ដទៃ​ផ្សេង​ទៀត​
  • MCPs ត្រូវ​ផ្តល់​​ NMT នៅ​ក្នុង​លក្ខណៈ​ដែល​អាច​ចេញ​ចូល​បាន​ផ្នែក​រូបរាង​កាយ​និង​ភូមិសាស្រ្ត​​ជូន​ដល់​អ្នក​ និង​មានភាព​ស្រប​គ្នា​​ជាមួយ​ច្បាប់ស្តីពី​សិទ្ធិ​ពិការភាព​របស់​រដ្ឋ​និង​សហព័ន្ធ​​

c.   តើ​ខ្ញុំ​អាច​ទទួល​បាន​ការ​អនុញ្ញាត​សម្រាប់​សេវា​ NMT ដោយ​របៀប​ណា​?​

MCPs ត្រូវ​ប្រើ​ប្រាស់​ដំណើរការ​នៃ​ការ​អនុញ្ញាត​ជា​មុន​សម្រាប់​ការ​អនុម័ត​សេវា NMT និងអនុញ្ញាត​ផ្តល់​សេវា​នេះ​​​ជូន​ជា​រៀង​រាល់​​ 12 ខែ​ម្តង​ តាម​ការ​ចាំ​បាច់។ ការ​រ៉ាប់រង​លើ​​ NMT រួម​បញ្ចូល​នូវ​ថ្លៃ​ដឹក​ជញ្ជូន​សម្រាប់​អ្នក​ និង​ការ​អមដំណើរ​​​​​អ្នក​ម្តង​​ ដែល​ត្រូវ​មាន​ការ​អនុញ្ញាត​ជាមុន​​នៅ​ត្រឹម​ពេល​នៃ​ការ​សុំ​​ NMT ដំបូង​។​ ដូច​គ្នា​​នឹង​ NEMT ដែរ​ MCPs ​ធ្វើ​ការ​រៀប​ចំ​​ NMT សម្រាប់​អនីតិជន​ដែល​គ្មាន​អ្នក​​អម​ដំណើរ​​ ដែល​មាន​​ការ​យល់ព្រម​ជាលាយលក្ខណ៍​អក្សរ​​របស់​ឪពុក​ម្តាយ​ឬ​អាណាព្យាបាល​។

MCPs មាន​កាត​ព្វកិច្ច​​ក្នុង​ការ​​បំពេញ​តាម​ស្តង់ដា​នៃ​​ការ​ទទួល​បាន​​​សេវា​កម្មទាន់ពេលវេលា​សម្រាប់​សេវា​ថែទាំ​សុខភាព​។​ (22 CCR Section 1300.51(d)(H))។ នេះ​មាន​ន័យ​ថា​ មាន​ដែនកំណត់​​ចំពោះ​ថាតើ​​រយៈ​ពេលយូរ​ប៉ុណ្ណា​​ដែល​អ្នក​ត្រូវ​រង់ចាំ​ដើម្បី​ទទួលបាន​សេវាកម្ម​ និង​ការ​ពន្យារពេល​ណាមួយ​ ដោយសារ​​ NEMT ឬ NMT ពុំ​បាន​ធ្វើ​ការកំណត់​នោះ​​ឲ្យ​បាន​យូរ​បន្ថែម​ទៀត​​។​ MCPs ដែល​មាន​​អាជ្ញាប័ណ្ណ​​ Knox-Keene ក៏​ត្រូវ​ការ​ជា​ចាំ​បាច់​​ផង​ដែរ​ ​ដើម្បី​បំពេញ​តាម​ស្តង់ដា​ទទួល​បាន​សេវា​ទាន់​ពេលវេលា​​ ដែល​មាន​ចែង​នៅ​ក្នុង​ 28 CCR Section 1300.67​.2.2។ សម្រាប់​ព័ត៌មាន​បន្ថែមស្តីពី​​​ស្តង់ដា​នៃ​ការ​ទទួលបាន​ការថែទាំ​ឲ្យ​ទាន់ពេលវេលា​, សូមមើលឯកសារ​បោះ​ពុម្ព​ផ្សាយ​ #5610.01 ស្តង់​ដា​​ពេលវេលា​និង​ការ​ថែទាំដែល​មាន​ការ​គ្រប់គ្រង​របស់​ ​Medi-Cal សម្រាប់​​​អ្នក​ផ្តល់​សេវា​​ ដែល​មាន​ផ្តល់​ជូន​​តាម​ប្រព័ន្ធ​អនឡាញ​៖​ ស្តង់​ដា​​ពេលវេលា​និង​ការ​ថែទាំដែល​មាន​ការ​គ្រប់គ្រង​របស់​ ​Medi-Cal សម្រាប់​អ្នក​ផ្តល់​សេវា​

d.   តើ​សេវាកម្ម​អ្វី​ខ្លះ​ដែល​មិន​ត្រូវ​បាន​រ៉ាប់រង​ដោយ​ NMT?

NMT ពុំ​បាន​រ៉ាប់រង​លើ​​ការ​ធ្វើ​ដំណើរ​ទៅ​កាន់​ទីកន្លែង​មិនមែន​វេជ្ជសាស្រ្ត​ ឬ​ការណាត់​ជួបវេជ្ជសាស្រ្ត​ ដែល​ពុំ​មាន​លក្ខណៈ​ចាំ​បាច់​ផ្នែក​វេជ្ជសាស្រ្ត​នោះ​ទេ​។

e.   តើ​មាន​លក្ខខណ្ឌ​តម្រូវ​អ្វី​ខ្លះ​ដើម្បី​អនុញ្ញាត​​ NMT ដោយ​យានជំនិះ​ឯកជន​?

MCP ​របស់​អ្នក​ ត្រូវ​អនុញ្ញាត​ឲ្យ​មាន​ការ​ប្រើប្រាស់​យានជំនិះ​ឯកជន​​នៅ​ពេល​ដែ​ល​​គ្មាន​មធ្យោបាយ​​ដឹកជញ្ជូន​ផ្សេង​ទៀត​ដែល​អាច​មាន​​ផ្តល់​ជូន​សមស្រប​ ឬ​ត្រូវ​បា​ន​​ប្រគល់​ដោយ​ MCP។ នៅ​មុន​ពេល​ដាក់​ពាក្យ​ស្នើសុំ​ការ​ប្រើប្រាស់​យានជំនិះ​ឯកជន​ អ្នក​ត្រូវ​ប្រើប្រាស់​ឲ្យ​អស់​លទ្ធភាព​នូវ​រាល់​ជម្រើស​នៃ​ការ​ដឹកជញ្ជូន​ផ្សេង​ទៀត​ដែល​សមស្រប​ និង​ត្រូវ​បញ្ជាក់​ថា​ គ្មាន​មធ្យោបាយ​ផ្សេង​ទៀត​​ដែល​អាច​ស្វែ​ង​រក​បាន​​ដោយ​ផ្ទាល់​​ តាម​អេឡិចត្រូនិក​ ឬ​តាម​ទូរសព្ទ​​ទៅកាន់​​ MCP របស់​អ្នក​។​ នេះ​អាច​រួម​បញ្ចូល​នូវ​ការ​បញ្ជាក់​ថា​តើ​ អ្នក​ពុំ​មាន​ប័ណ្ណបើកបរ​ដែល​មាន​សុពលភាព​ ឬ​យានជំនិះ​ដែល​មាន​ដំណើរ​ការ​ដែល​អាច​មាន​ផ្តល់​ជូន​ប្រើប្រាស់​, មិន​អាច​ធ្វើ​ដំណើរ​បាន​ឬ​ត្រូវ​រង់ចាំ​​សេវា​វេជ្ជសាស្រ្ត​ ឬ​ទណ្ឌសាស្រ្ត​តែ​ម្នាក់​ឯង​បាន​​, ឬ​អ្នក​មាន​សមត្ថភា​ព​កំណត់​​​ផ្នែក​រាង​កាយ​ ពុទ្ធិ​ ផ្លូវ​ចិត្ត​ ឬ​ការ​លូត​លាស់​។​

តើ​ខ្ញុំ​អាច​ធ្វើ​អ្វី​បាន​ខ្លះ​ ប្រសិន​បើ​​ MCP របស់​​ខ្ញុំ​ បដិសេធ​សំណើសុំ​របស់​ខ្ញុំ​សម្រាប់​​ NEMT ឬ NMT?

ប្រសិន​បើ​​ MCP របស់​អ្នក​បដិសេធសំណើ​​សុំ​​​ NEMT ឬ NMT របស់​អ្នក​ផ្អែកលើ​​ភា​​​ព​ចាំ​បាច់​ផ្នែក​វេជ្ជសាស្រ្ត​​ កម្រិត​នៃ​ការ​ដឹកជញ្ជូន​​ដែល​បានស្នើឡើង​​ ឬ​បដិសេ​ធ​​មិន​បង់ប្រាក់​​ការ​ដឹកជញ្ជូន​ នោះ​អ្នក​អាច​​ប្តឹង​ឧទ្ធរណ៍​ចំពោះ​សេចក្តី​សម្រេច​​នោះ​ជាមួយ​​ MCP របស់​អ្នក​។​ បណ្ដឹង​ឧទ្ធរណ៍​ គឺ​ជា​ការ​ត្រួត​ពិនិត្យ​ឡើង​វិញ​ជា​ថ្មី​​​ដោ​យ​ MCP ​ចំពោះ​ការ​បដិសេធ​នោះ​។ (42 CFR Section 438.400(b)). អ្នក​ត្រូវ​ដាក់​ពាក្យ​បណ្តឹង​ឧទ្ធរណ៍​របស់​អ្នក​នៅ​​ក្នុង​រយៈ​ពេល​ 60 ថ្ងៃ​ បន្ទាប់​ពី​អ្នក​ទទួល​បាន​​ការ​ជូនដំណឹង​នៃ​ការ​បដិសេធ​នេះ​។​ សម្រាប់​ព័ត៌មាន​បន្ថែម​ស្តីពី​ការ​ដាក់​ពាក្យ​បណ្តឹង​ឧទ្ធរណ៍​ជាមួយ​ MCP, សូមមើល​ឯកសារ​បោះ​ពុម្ពផ្សាយ​​ #5606.01

ការថែទាំ​ដែល​មាន​ការគ្រប់​ដោយ​ Medi-Cal៖​ បណ្តឹង​ឧទ្ធរណ៍​ និង​បណ្តឹង​សាទុក​ អាច​ស្វែង​រកបា​ន​តាម​ប្រព័ន្ធ​អនឡាញ​។​ សូមចុចនៅទីនេះ សម្រាប់ព័ត៌មានបន្ថែមអំពីការថែទាំដែលមានការគ្រប់គ្រងតាមដានរបស់ Medi-Cal៖ បណ្ដឹងឧទ្ធរណ៍ និងបណ្តឹងសាទុក ​​​​​ ​បន្ថែម​លើ​នេះ​ ចម្លើយ​​ដែល​មាន​សារៈសំខាន់​ចំពោះ​សំណួរ​ដែល​មាន​សាកសួរ​ញឹកញាប់​ពាក់ព័ន្ធ​នឹង​សេវា​ NEMT និង​ NMT គឺ​មាន​ផ្តល់​ជូន​តាម​ប្រព័ន្ធ​​អនឡាញ​។​ សូម​ចុច​នៅ​ទី​នេះ​សម្រាប់​ព័ត៌មាន​បន្ថែម​ស្តីពី​​សំណួរ​ដែល​មាន​ការ​សា​ក​សួរ​ញឹកញ៉ាប់​ (FAQs) អំពី​ក្រុមការងារ​ដឹកជញ្ជូន​របស់​​ DHCS

ខ្ញុំ​មាន​​ FFS Medi-Cal។  តើ​ខ្ញុំ​នៅ​តែ​បន្ត​​​ទទួល​បាន​​សេវា​ដឹកជញ្ជូន​​ទៀត​ដែរ​ឬទេ​?

គិត​ចាប់​ពី​ថ្ងៃទី​​1 ខែកក្កដា​ ឆ្នាំ​​2018 តទៅ​ អ្នក​ទទួល​បាន​សេវា​​ FFS ពេញ​លេញ​ និង​ស្រ្តី​មាន​ផ្ទៃ​ពោះ​ (ក្នុង​អំឡុង​ពេល​មាន​ផ្ទៃ​ពោះ​ និង​រយៈពេល​​ 60 ថ្ងៃ​ក្រោយ​ការ​សម្រាល​​) អាច​ទទួល​បាន​សេវា​​ NMT ទៅកាន់​និង​មក​ពី​​​​វេជ្ជសាស្រ្តថែទាំ​ សេវា​​សុខភាព​ផ្លូវ​ចិត្ត​ សេវា​​​ជំងឺ​ដោយ​សារ​ការ​​ប្រើ​សារធាតុ​​ញៀន​ ឬ​សេវា​ទណ្ឌ​សាស្រ្ត​។​  (WIC Section 14132(ad)(1)). ​ការ​ដឹកជញ្ជូន​ ក៏​ទទួល​បាន​ការ​រ៉ាប់រង​​សម្រាប់​បុគ្គល​​ម្នាក់​​ដើម្បី​ធ្វើ​ដំណើរ​​​​ជាមួយ​អ្នកទទួល​ផល​​ពីកម្មវិធី​ Medi-​Cal នៅ​ពេល​ណា​ដែល​ចាំ​បាច់​ ដូច​ជា​​ការ​​អមដំណើរ​មនុស្ស​ចាស់​ ឬ​សម្រាប់​ឪពុកម្តាយ​​​ក្នុង​ការ​នាំ​កូន​របស់​ពួកគេ​ទៅ​ជួប​​វេជ្ជបណ្ឌិត​។​

ដើម្បី​ទទួល​បាន​ NMT សូម​ទូរសព្ទ​ឬ​អ៊ីម៉ែល​​ព័ត៌មាន​​ទំនាក់​ទំនង​អំពី​​​ការ​ដឹកជញ្ជូន​ពី​ខោនធី​របស់​អ្នក​។​ បញ្ជី​ពេញ​លេញ​​នៃ​ព័ត៌មាន​ទំនាក់ទំ​នង​របស់​ខោនធី​ គឺ​មាន​ផ្តល់​ជូន​តាម​អនឡាញ​។​ សូម​ចុច​នៅ​ទី​នេះ​សម្រាប់​បញ្ជី​ព័ត៌មាន​ទំនាក់​ទំនង​ខោនធី​សម្រាប់​​ NMT 1

ប្រសិន​បើ​​អ្នក​នៅ​តែ​មិន​អាច​ទទួល​បាន​សេវា​ NMT តាមរយៈព័ត៌មាន​ទំនាក់​ទំន​ង​​​ខោនធី​របស់​អ្នក​ដូច​ខាង​លើ​ សូមផ្ញើសំណួរ​ទាំង​អស់​​ទៅកាន់​ DHCS-Benefits​@dhcs.ca.gov ដោយចម្លង​បន្ត​ទៅកាន់​ Raquel.Sanchez@dhcs.ca.gov។  អ្នក​ក៏​អាច​ទូរសព្ទ​ទៅការិយាល័យមូលដ្ឋាន​​​ San Diego​ តាមរយៈ​លេខ​ ((916) 688-6131) សម្រាប់​សំណើសុំ​ FFS NEMT (បើ​ទោះ​បី​ជា​មិនមែន​ជា​ពលរដ្ឋ​ស្នាក់​នៅ​ខោនធី​ San Diego ក៏​ដោយ​)។

ចុងក្រោយ ប្រសិន​បើ​​អ្នក​នៅ​បន្ត​មិន​អាច​ទទួល​បាន​​ NMT តាមរយៈ​ខោនធី​របស់​អ្ន​​​​ក​ និងតាម​​ព័ត៌មាន​ទំនាក់​ទំនង​របស់​​ DHCS ខាងលើ អ្នក​មាន​សិទ្ធិ​​​ស្នើសុំ​សវនា​​​​​​​​​កា​រ​របស់​រដ្ឋ​ផង​ដែរ​។ អ្នក​ត្រូវ​ដាក់​សំណើសុំ​សវនាការ​របស់​អ្នក​​ក្នុង​រយៈពេល​​ 90 ថ្ងៃ​បន្ទាប់​ពី​ទទួល​​បាន​ការ​ជូនដំណឹង​អំពី​ចំណាត់ការ​​ (NOA) ដែល​ធ្វើ​ការ​បដិសេ​ធ​​​ការ​ដឹកជញ្ជូន​​របស់​អ្នក​។​ អ្នក​អាច​ស្នើសុំ​​សវនាការ​មួយ​តាម​ទូរសព្ទ​ឬ​ដោយ​ហៅ​ទូរសព្ទទៅ​អង្គភាព​សវនាការ​រដ្ឋ​ (State Hearings Division) តាម​រយៈ​លេខ​ (80​0​) 743-8525, ឬ​ជា​លាយលក្ខណ៍​អក្សរ​​ដោយ​បំពេញ​​ “សំណើសុំ​សវនាការ​រដ្ឋ​​” នៅ​ផ្នែក​ខាង​ខ្នង​​នៃ​​ NOA របស់​អ្នក​ ឬសរសេរ​សំណើរ​សុំ​របស់​អ្នក​​នៅ​លើ​ក្រដា​ស​ដាច់​ដោយ​ឡែក​។ អ្នក​ត្រូវ​​រួម​បញ្ចូល​នូវ​ឈ្មោះ​ពេញលេញ​ អាសយដ្ឋាន​ លេខទូរស​​​​​​​​ព្ទ​ ឈ្មោះ​របស់​ខោនធី​ ដែល​បាន​បដិសេធ​​សំណើសុំ​ការ​ដឹកជញ្ជូន​របស់​អ្នក​ និង​បញ្ជាក់​លម្អិត​អំពីមូលហេតុ​ដែល​អ្នក​មិន​យ​ល់​ស្រប​ និង​ចង់​ឲ្យ​សវនាការ​រដ្ឋ​​មួយ​។​ ប្រគល់​សំណើសុំ​ជា​លាយ​លក្ខ​ណ៍​អក្សរ​​របស់​អ្នក​តាម​របៀប​ណា​មួយ​ដូច​ខាងក្រោម​៖​

  1. តាម​ប្រៃសណីយ៍​ ឬ​ដោយ​ផ្ទាល់​ទៅកាន់​​ការិយាល័យ​សុខុមាលភាព​​របស់​ខោនធី​នៅ​អាសយដ្ឋាន​ដែល​មាន​បង្ហាញ​ជូន​នៅ​​ NOA របស់​អ្នក​។​
  2. តាមប្រៃសណីយ៍​ទៅកាន់ California Department of Social Services – State Hearings Division, P.O. Box 944243, Mail Station 9-17-37, Sacramento, CA 94244-2430។
  3. តាម​ទូរសារទៅកាន់លេខ​​ (916) 651-2789 ឬ (916) 651-5210។
 

ការបដិសេធ៖  ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វា​គឺ​ជា​បច្ចុប្បន្ន​កាល​បរិច្ឆេទ​បាន​ប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

  • 1. សូមកត់សម្គាល់​ថា​ ឯកសារ​នេះ​ គប្បី​មាន​ចំណង​ជើង​ថា​​ NMT មិនមែន​ NEMT ដូច​មាន​ចុះ​បញ្ជី​ព័ត៌មាន​​​​​​ NMT នោះ​ទេ។

 

 

Click links below for a downloadable version.