I. Ի՞նչ է SSI-ը:

Լրացուցիչ ապահովության եկամուտը (SSI, Supplemental Security Income) դաշնային կարիքների վրա հիմնված նպաստ է հաշմանդամություն ունեցող, կույր կամ տարեց (65 և ավելի բարձր) անձանց համար, որը կառավարվում է Սոցիալական ապահովության վարչության (SSA, Social Security Administration) կողմից:1 Երեխաները իրավունք ունեն ստանալու SSI, եթե համապատասխանում են իրավասության չափանիշներին.

1. Տարիք,
2. Եկամուտ,
3. Ռեսուրսներ,
4. Բնակություն,
5. Քաղաքացիություն և
6. Հաշմանդամություն:

Այս հրապարակման մեջ ներառված է երեխաների SSI-ի իրավասության բոլոր չափանիշները, բացառությամբ հաշմանդամության։

II. SSA-ի սահմանումը երեխայի SSI-ի համար

SSI-ի նպատակների համար SSA-ն երեխա ասելով հասկանում է.

1. 18 տարեկանից ցածր անձ կամ
2. 22 տարեկանից ցածր անձ, ով պարբերաբար հաճախում է դպրոց, քոլեջ կամ վերապատրաստման դասընթաց, որը նախատեսված է անհատին վճարովի աշխատանքի նախապատրաստելու համար:2

Խնդրում ենք նկատի ունենալ, որ (2) կատեգորիայի անձինք մնում են «երեխա» միայն այն նպատակով, որ շարունակեն ստանալ SSI երեխայի նպաստի չափով նույնիսկ 18 տարեկան դառնալուց հետո, չնայած նրանք չեն համապատասխանում հաշմանդամության չափահասի սահմանմանը: Սրանք հաճախ կոչվում են 301 բաժնի վճարումներ և ավելի մանրամասն կքննարկվեն ստորև բերված VII բաժնում՝ 18 տարեկան անձանց վերանայումների մասին։

Բացի այդ, երեխա համարվելու համար անձը չի կարող ամուսնացած լինել կամ ընտանիքի գլուխ լինել։3

III. Երեխայի եկամտի իրավասությունը

Նախքան ծնողական հատկացումների մասին խոսելը, որն այն մեթոդն է, թե ինչպես է SSA-ն որոշում, թե արդյոք 18 տարեկանից ցածր երեխան համապատասխանում է SSI-ին եկամտի և ունեցվածքի կանոններին, փաստաբանները պետք է հասկանան (1) SSA-ի հետադարձ ամսական հաշվառման համակարգը՝ հաշվետվության նպատակներով, և (2) SSI-ի ընթացիկ դրույքաչափը Կալիֆոռնիայի երեխաների համար:

ա. Ո՞րն է SSA-ի հետադարձ ամսական հաշվառման համակարգը:

SSA-ն օգտագործում է հետադարձ ամսական հաշվառման հաշվարկ SSI-ի իրավասության ժամանակահատվածում։4 Դա նշանակում է, եկամուտը, որը ծնողը հունվարին ստանում է և հաշվետվություն է ներկայացնում SSA-ին, որոշում է իրենց երեխայի SSI-ի գումարը երկու ամիս անց՝ մարտին:5 Թեև SSA-ն այդպես է որոշում ձեր երեխայի ամսական SSI-ի գումարը, SSA-ն կարող է դադարեցնել ձեր երեխայի նպաստները այն ամսին, երբ հայտնաբերում է, որ դուք ավելի բարձր եկամուտ եք ստացել:

Սովորաբար, երեխան իրավունք ունի վերականգնելու SSI-ն առանց նոր դիմումի, եթե ծնողների հաշվարկային եկամուտը բավականաչափ նվազում է կասեցմանը հաջորդող 11 ամիսների ընթացքում։6 Այնուամենայնիվ, եթե եկամտի որակազրկումը շարունակվի 12 ամիս, կասեցումը կարող է դառնալ դադարեցում։7

բ. Որքա՞ն է Կալիֆոռնիայում երեխաների վճարման դրույքաչափը 2025 թվականին:

2025 թվականին Կալիֆոռնիայում մինչև 18 տարեկան հաշմանդամ երեխան, ով համապատասխանում է իրավասության բոլոր չափանիշներին, կարող է ամսական ստանալ մինչև $1,064.27, որը ներառում է Կալիֆոռնիա նահանգի հավելավճարը։8 Արդյոք երեխան ստանում է SSI-ի ամբողջ գումարը՝ կախված է SSA-ի կողմից իրականացված ծնողական հատկացումների հաշվարկից։

գ. Ի՞նչ է ծնողական հատկացումը:

Ծնողական հատկացումը ծնողի եկամուտների և ռեսուրսների հաշվարկն է, որը պատկանում է 18 տարեկանից ցածր իրենց երեխային, որը կարող է ստանալ SSI:9 Ծնողից երեխային հատկացման կանոնները սահմանված են 20 Դաշնային կանոնակարգերի օրենսգրքի §§ 416.1160, 416.1161 և 416.1165 հոդվածներում։

Ծնողի եկամուտը ներառում է ինչպես վաստակած, այնպես էլ չվաստակած եկամուտները: «Վաստակած եկամուտը» կարող է ներառել ծնողի աշխատավարձը կամ ինքնազբաղվածությունից ստացված եկամուտը:10

Եկամուտները կարող են ներառել տնային աջակցության ծառայությունների (IHSS, In-Home Supportive Services) աշխատավարձը, որը ստացվում է հաշմանդամություն ունեցող չափահաս երեխայի համար աշխատելու համար, նույնիսկ եթե 18 տարեկանից բարձր երեխան ստանում է SSI 301 բաժնի վճարումները և ապրում է նույն տանը, ինչ դուք և ձեր SSI իրավասու երեխան:11

Ամեն ինչ, բացի աշխատավարձից, կարող է համարվել «չվաստակած եկամուտ»։ Չվաստակած եկամտի որոշ օրինակներ են՝ նվերներ, գործազրկության նպաստներ, պետական հաշմանդամության նպաստներ և սոցիալական ապահովության հաշմանդամության ապահովագրության նպաստներ։12

SSA-ը հաշվի կառնի բնական ծնող(ներ)ի, որդեգրող ծնողի(ներ)ի և/կամ խորթ ծնողի համախառն ամսական վաստակած եկամուտը և/ կամ չվաստակած եկամուտը, քանի դեռ նրանք ապրում են նույն տանը, ինչ SSI-ի համար դիմող երեխան:13 Եթե ծնողը չի ապրում նույն տանը, ինչ SSI-ին դիմող երեխան, այդ ծնողի եկամուտը չի հաշվարկվի:14

Եթե SSI ստացող երեխայի ծնողները ունեն համատեղ (50/50) խնամակալության պայմանավորվածություն, SSA-ն հաշվի կառնի այն ծնողի եկամուտները և միջոցները, որի հետ երեխան ապրում է հատկացման նպատակի համար առաջին ամսվա ընթացքում։15

դ. Ծնողական հատկացումների բացառությունները

SSA-ը չի իրականանցկացնի ծնողական հատկացման հաշվարկ, եթե ընտանիքը անօթևան է։16

SSA-ը նաև չի իրականացնի հատկացման հաշվարկ, եթե երեխան ապրում է մի անձի հետ, ով նրա ծնողը չէ և դասակարգվում է վճարման հատուկ կատեգորիայի տակ, որը կոչվում է «մեկ ուրիշի ընտանիքում հաշմանդամություն ունեցող անչափահաս երեխա»-յի դրույքաչափ, որը ներկայումս Կալիֆոռնիայում ամսական կազմում է $747.20:17

ե. Ծնողական հատկացման հաշվարկից բացառված եկամուտները

Ծնողական հատկացման հաշվարկից բացառվում են եկամտի հետևյալ տեսակները. 1) CalWORKs (ժամանակավոր օգնություն կարիքավոր ընտանիքներին), 2) ընդհանուր նպաստ/ընդհանուր օգնություն, 3) փախստականների դրամական օգնություն, 4) սննդի կտրոններ, այսինքն՝ CalFresh/SNAP, (5) IHSS վճարումներ 18 տարեկանից ցածր SSI իրավասու երեխա-դիմումատուի համար, ով ապրում է նույն տնային տնտեսությունում, (6) Բաժին 8 և այլ սուբսիդավորվող բնակարանային վճարներ և (7) երեխայի աջակցության գումարի մեկ երրորդը:18

զ. Որո՞նք են ծնողական հատկացման հաշվարկման քայլերը:

Այս ենթաբաժնում կներկայացվի ինը քայլ, որոնք ներգրավված են ծնողական հատկացման հաշվարկի մեջ՝ հիմնվելով հետևյալ մտացածին ընտանիքի վրա։ Մեր մտացածին տնային տնտեսությունում ունենք դիմորդ՝ Մաքս: Նա յոթ տարեկան երեխա է և հաշմանդամություն ունի։ Մաքսը ապրում է իր մոր և երեք կրտսեր քույրերի և եղբայրների հետ բնակարանում։ Մաքսը նախկինում երբեք չի դիմել SSI-ին։ Մաքսի մայրն աշխատում է և ամսական վաստակում է $3,500 (հարկերից առաջ) և չունի եկամտի այլ աղբյուր։

Քայլ 1. Որոշեք, թե որտեղ և ում հետ է ապրում երեխան, նաև տնային տնտեսության եկամտի աղբյուրները: Մեր օրինակում մեր իրավասու երեխան՝ Մաքսը ապրում է իր մայրիկի և երեք կրտսեր քույրերի և եղբայրների հետ, իսկ մայրիկը հարկերից առաջ ամսական $3,500 եկամուտ է վաստակում (համախառն եկամուտ)։

Քայլ 2. Որոշեք, թե քանի ոչ իրավասու երեխա է ապրում նույն տանը, ինչ SSI-ի դիմումատուն և հանեք ոչ իրավասու երեխայի վճարումը: Ոչ իրավասու երեխան SSI դիմողի ծնողի կամ նրա ծնողի ամուսնու բնական կամ որդեգրված երեխան է, ով ապրում է նույն տնային տնտեսությունում, ինչ SSI դիմումատուն, և իրավունք չունի ստանալու SSI նպաստները:19 Սա ներառում է երեխային, ով դիմել է SSI-ի համար և մերժվել է, նույնիսկ եթե SSA-ի մոտ բողոքարկումը առկախված է։

Այս օրինակում SSI-ի իրավասու երեխան 7 տարեկան է և ունի երեք կրտսեր քույր և եղբայր առանց հաշմանդամության, ովքեր ապրում են նրա հետ նույն տանը։ Մայրիկի վաստակած եկամտից ($3,500) հանեք բոլոր երեք կրտսեր քույրերի և եղբայրների համար ոչ իրավասու երեխայի գումարը։ Ոչ իրավասու երեխայի հանվող գումարը զույգի համար դաշնային նպաստների դրույքաչափը (FBR, Federal Benefit Rate) ($1,450 2025 թվականին) և անհատի համար FBR-ի ($967 2025 թվականին) տարբերությունն է։ Մեր օրինակում մենք կհանենք $483՝ 2025 թվականի ոչ իրավասու երեխայի դրույքաչափը երեք անգամ մայրիկի վաստակած եկամտից՝ $3,500, որը հավասար է $2051։

Քայլ 3. Հանել $20 ընդհանուր եկամտի բացառումը մնացած չվաստակած եկամտից: Այստեղ չվաստակած եկամուտ չկա, ուստի մնացած վաստակած եկամտից նվազեցնում ենք $20, որը հավասար է $2031։

Քայլ 4. Մնացած վաստակած եկամտից հանեք $65: Այստեղ $2,031 հանած է $65, որը կազմում է $1966։

Քայլ 5. Վերցրեք մնացածը և բաժանեք այն երկուսի: Այստեղ $1966 բաժանված է երկուսի հավասար է $983։

Քայլ 6. Հանեք ծնողական կենսաթոշակը: Ծնողական կենսաթոշակը միայնակ անձի համար FBR-ն է, եթե տնտեսությունում կա մեկ ծնող, կամ FBR է զույգի համար, եթե տնտեսությունում կա երկու ծնող։ Այստեղ $983-ից հանում ենք $967 մեկ ծնողի տան համար, որը $16 է։

Քայլ 7. Վերցրեք Կալիֆոռնիայում երեխայի համար SSI-ի ընթացիկ դրույքաչափը, որը կազմում է $1,064.27 և հանեք հատկացվող գումարը: Այստեղ մայրիկից իրավասու երեխային՝ Մաքսին հատկացվող գումարը $16 է։ Հետևաբար, եթե երեխան համապատասխանում է SSI-ի հաշմանդամության որոշմանը և իրավասության այլ չափանիշներին, ապա նրանց նպաստի ամսական գումարը կկազմի $1,048.27:20

Քայլ 8. Եթե տանը մեկից ավելի իրավասու երեխա կա, բաժանեք հատկացվող գումարը իրավասու երեխաների միջև: Եթե տանը կան 18 տարեկանից ցածր մի քանի երեխաներ, ովքեր հաշմանդամ են և երբեք չեն մերժվել SSI-ի կողմից, ապա 8-րդ քայլը հրահանգում է SSA-ին բաժանել հատկացվող գումարը իրավասու երեխաների միջև: Այստեղ տանը այլ իրավասու երեխաներ չկան։

Քայլ 9. Հանեք երեխայի վաստակած եկամուտը: 9-րդ քայլում SSA-ն կնվազեցնի երեխայի եկամուտները, սակայն դա հազվադեպ է լինում աշակերտների վաստակած եկամտի բացառման պատճառով, որն ավելի մանրամասն քննարկվում է III.h բաժնում ստորև։

է. Այլ ծնողական հատկացման հաշվառման մտացածին իրավիճակներ

Բացի այդ, խնդրում ենք հաշվի առնել հետևյալ վարկածները.

i. Օրինակ առաջին. ծնողը IHSS մատակարար է իր երեխայի և չափահաս երեխայի համար

Ջոյը SSI-ի իրավասու երեխա է, ով 4 տարեկան է և ապրում է իր հոր և ավագ եղբոր՝ Փունիթի հետ, ով 19 տարեկան է և ստանում է 301-րդ բաժնի վճարումները (տես ստորև բերված VII բաժինը) և ուսանող է: Ընտանիքն ապրում է բնակարանում։ Ջոյի հայրը աշխատում է որպես IHSS մատակարար և՛ Ջոյի, և՛ Փունիթի համար և վաստակում է $1,200 դոլար՝ տրամադրելով IHSS Ջոյին և $900՝ Փունիթին։ Նա ուրիշ եկամուտ չունի։ Ինչպե՞ս է SSA-ը որոշելու Ջոյին հատկացվող գումարը։

Այստեղ SSA-ն կբացառի Ջոյի հոր՝ Ջոյի համար որպես IHSS մատակարար աշխատելու եկամուտը, բայց կներառի չափահաս երեխայի խնամքից ստացված եկամուտը, չնայած նրանք ստանում են 301 բաժնի վճարումները: Հետևաբար, SSA-ը կվերցնի $900, որ Ջոյի հայրիկը վաստակում է Փունիթի համար IHSS տրամադրելու համար և կհանի $0 ոչ իրավասու երեխաների համար, քանի որ Փունիթը ոչ իրավասու երեխա չէ, քանի որ նրանք 18 տարեկանից բարձր են: SSA-ն այնուհետև կհանի $85, արդյունքը կբաժանի երկուսի և կհանի միայնակ ծնողական տան ծնողական կենսաթոշակը՝

$900 - $85 = $815 բաժանված 2-ի = $407.50 - $967 = -$559.50

Այստեղ հատկացվող գումարը բացասական թիվ է։ Այսպիսով, եթե Ջոյը բժշկական որակավորում ունենա SSI-ի համար, նա իրավունք կունենան ստանալու $1,064.27 ամբողջ գումարը։

ii. Օրինակ երկրորդ. երեխայի ծնողները ունեն 50/50 խնամակալության պայմանավորվածություն, իսկ դիմող ծնողը ամսական ստանում է $600 երեխայի աջակցության նպաստ:

Այս հաջորդ օրինակում ենթադրենք, որ մեր SSI-ի իրավասու երեխան՝ Արմանդոն ամսվա ընթացքում հավասար քանակությամբ ապրում է Ծնող 1-ի (Մարիա) և Ծնող 2-ի (Պեդրո) հետ տարբեր տներում: Այնուամենայնիվ, Մարիան այն ծնողն է, ով դիմում է SSI-ի համար Արմանդոյի անունից, և Արմանդոն ապրում է Մարիայի հետ ամսվա առաջին օրը, ամեն ամիս։ Մարիան ամսական $600 է ստանում Պեդրոյից և աշխատում է տեղի խանութում՝ ամսական վաստակելով $2,000։ Մարիայի տանը ուրիշ երեխաներ կամ մարդիկ չեն ապրում:

Այստեղ SSA-ը կբացառի երեխայի աջակցության $600-ի մեկ երրորդը, սակայն $400-ը կհամարվի երեխային պատկանող։ SSA-ը կհանի $85 Մարիայի ամսական համախառն եկամտից, որի արդյունքում կստանա $1,915, որն այնուհետև բաժանվում է, ինչը հավասար է $957.5-ի։ Այնուհետև հանվում է $967 ծնողական կենսաթոշակը, որը հավասար է բացասական $9.50-ի։ Թեև Մարիայից Արմանդոյին գումար չի հատկացվում, SSA-ը երեխայի համար SSI-ի ընդհանուր գումարից կհանի $400 (2/3 երեխայի աջակցության) դոլարի դիմաց, որը կազմում է $1,064.27, այնպես որ եթե պարզվի, որ Արմանդոն համապատասխանում է մյուս բոլոր իրավասության գործոններին, նրա ամսական նպաստը կկազմի $664.27:

ը. Ուսանողի վաստակած եկամտի բացառումը

Ուսանողի վաստակած եկամտի բացառումը (SEIE, Student Earned Income Exclusion) վերաբերում է բոլոր այն անհատներին, ովքեր 22 տարեկանից ցածր աշխատող ուսանողներ են, և ոչ միայն այն անձանց, ովքեր համապատասխանում են երեխայի SSI-ի սահմանմանը: SEIE-ը թույլ է տալիս 22 տարեկանից ցածր և կանոնավոր ուսումնական հաստատություն հաճախող անհատին եկամուտից հանել վաստակած գումարները։ 2025 թվականին նման անհատը կարող է բացառել ամսական մինչև $2,350 և տարեկան մինչև $9,460։21

Ուսանողը պարբերաբար հաճախում է ուսումնական հաստատություն, եթե աշակերտը անցնում է առնվազն մեկ դասընթաց և հաճախում է՝

1. քոլեջ կամ համալսարան՝ շաբաթական առնվազն 8 ժամ,
2. 7-12-րդ դասարանները՝ շաբաթական առնվազն 12 ժամ,
3. վերապատրաստման դասընթաց՝ շաբաթական առնվազն 12 ժամ (շաբաթական 15 ժամ, եթե դասընթացը ներառում է պրակտիկա) կամ
4. դասընթացներ/ծրագրեր կրճատված կրեդիտային բեռնվածությամբ կամ հաճախելիությամբ, ինչպես նշված է վերևում, եթե դա ուսանողի վերահսկողությունից դուրս գտնվող պատճառով է, օրինակ՝ հիվանդություն:22

IV. Երեխայի ռեսուրսների համապատասխանությունը

Ընդհանուր առմամբ, SSA-ն ունի ռեսուրսների սահմանաչափ՝ $2,000 միայնակ ծնողով տան համար և $3,000 երկու ծնողներով տան համար։ Սա լրացնում է իրավասու երեխայի անհատական ռեսուրսների սահմանաչափի՝ $2,000: Ռեսուրսները կանխիկ գումար են, անձնական գույք կամ անշարժ գույք, որը անձին պատկանում է կամ նա իրավունք ունի փոխակերպել կանխիկ գումարի (եթե արդեն կանխիկ չէ)։23 SSA-ը որոշում է, թե որքան հաշվելի ռեսուրսներ ունի մարդը՝ օգտագործելով ամսվա առաջին օրվա (FOM, First-of-the-Month) կանոնը։ Սա նշանակում է, որ մարդու հաշվելի ռեսուրսները հաշվարկվում են ամսվա առաջին օրը:24 Այնուամենայնիվ, ինչպես ծնողական եկամտի հատկացումը, SSA-ն ունի մի քանի բացառություններ ծնողական ռեսուրսների հատկացման ընդհանուր կանոնների ներքո։

Օրինակ՝ կենսաթոշակները կամ կենսաթոշակային ֆոնդերը, ինչպիսիք են անհատական կենսաթոշակային հաշիվները, KEOGH-ները կամ հարկային հետաձգված անուիտետները, չեն հաշվարկվի որպես ռեսուրս։25 Ի տարբերություն չափահասների ռեսուրսների SSI կանոնների, SSA-ն չի ակնկալում, որ ծնողները կծախսեն իրենց կենսաթոշակի ֆոնդերը, նախքան իրենց հաշմանդամ երեխաները կկարողանան որակավորվել SSI-ի համար։

SSA-ն նաև կբացառի. մեկ մեքենա տեղափոխման համար և մեկ տուն, եթե այնտեղ են ապրում ծնող(ներ)ը և երեխան։26 Այլ բացառություններ ներառում են կյանքի ապահովագրությունը, թաղման տարածքը և թաղման ֆոնդերը։ Բացի այդ, ծնողները ինը ամիս ունեն կրթության համար ձեռք բերված դրամաշնորհները և/կամ կրթաթոշակները ծախսելու համար, նախքան դրանք ռեսուրս կհամարվեն։27

SSA-ը նաև կբացառի ինքնասպասարկման համար անհրաժեշտ գույքը, ինչպիսին է աշխատանքային բեռնատարը, բացի սովորական մարդատար մեքենայից։ Սա կիրառելի կլինի, եթե ծնողը բեռնատարն օգտագործում է բացառապես իրենց առևտրի կամ բիզնեսի համար։28

V. Երեխայի բնակության իրավունքը

SSI-ի համար, ընդհանուր առմամբ, երեխաները պետք է բնակվեն Միացյալ Նահանգներում՝ SSI-ի նպաստները ստանալու համար։ Մեր փորձից ելնելով՝ SSA-ը կարող է ձեռք բերել Մեքսիկայի և Կալիֆոռնիայի միջև սահմանային հատման փաստաթղթեր և օգտագործել դրանք որպես հիմք՝ նպաստները դադարեցնելու համար։ Եթե SSA-ը կասկածում է, որ երեխան մեկ ամսվա ընթացքում ավելի շատ օր ապրում է այլ երկրում, քան ապրում է Միացյալ Նահանգներում, ապա, ամենայն հավանականությամբ, այն կձեռնարկի դադարեցումը՝ հիմնվելով բնակության պահանջների վրա։29

VI. Երեխայի քաղաքացիության իրավունքը

SSI-ի համար, ընդհանուր առմամբ, երեխաները պետք է լինեն Միացյալ Նահանգների քաղաքացիներ, կամ ոչ քաղաքացի, ով որակավորված օտարերկրացի է կամ Ներքին անվտանգության նախարարության կողմից որակավորված է օտարերկրացիների դասակարգումներից որևէ մեկում։30 Թեև երեխայի ծնողի ներգաղթի կարգավիճակը հաշվի չի առնվում, երեխայի SSI դիմումի վերաբերյալ կա բաժին, որը հարցնում է ներգաղթի կարգավիճակը այն տան յուրաքանչյուր անդամի համար, որտեղ ապրում է երեխա դիմողը:31 Նախքան նման տեղեկատվությունը դաշնային գործակալությանը հայտնելը ծնողները կարող են խորհրդակցել ներգաղթի փաստաբանի հետ։

Փախստականի կարգավիճակ կամ քաղաքական ապաստան ունեցող երեխաները կհամապատասխանեն SSI-ին Միացյալ Նահանգներ ժամանելուց հետո առաջին 7 տարիների ընթացքում։32

VII. 18 տարեկանների վերաորոշումներ

Երբ SSI-ի իրավասու երեխան դառնում է 18 տարեկան, SSA-ն կանցկացնի անձի նոր բժշկական գնահատում՝ օգտագործելով հաշմանդամության չափահասի սահմանումը և հինգ քայլանոց հաջորդական գնահատումը:33 Ծնողական հատկացումը դադարում է, երբ երեխան դառնում է 18 տարեկան։ Այնուամենայնիվ, SSA գրասենյակի կողմից կարող են կիրառվել սննդի աջակցության և սպասարկման կանոնները, երբ երեխան դառնում է 18 տարեկան՝ ձեր չափահաս երեխայի SSI-ի գումարը նվազեցնելու համար:

Սեղմեք այստեղ՝ ոչ դրամական աջակցության և սպասարկման մասին լրացուցիչ տեղեկություններ ստանալու համար, ինչպես նաև նոր կանոնների մասին, որոնք օգնում են ստացողներին պահպանել իրենց ամսական նպաստների մեծ մասը:

Փաստաբանները և ինքնապաշտպանները պետք է տեղյակ լինեն, որ SSA-ը կտեղեկացնի անձին, որ տեղի է ունենում 18 տարեկանի վերաորոշման գործընթացը և կարող է խնդրել, որ անհատը լրացնի ձևաթղթերը կամ մասնակցի խորհրդատվական քննությանը SSA-ի բժիշկներից մեկի հետ: Այնուհետև SSA-ը գրավոր ծանուցում կուղարկի իր որոշման մասին։ Եթե անձը համարվի հաշմանդամ չափահասի հաշմանդամության չափանիշների համաձայն, ապա նպաստները կշարունակվեն միայնակ չափահաս անձի համար SSI-ի դրույքաչափով, որը Կալիֆոռնիայում 2025 թվականին կազմում է $1,206.94։ Եթե այն դադարեցվում է հաշմանդամության չափահասի չափանիշին չհամապատասխանելու պատճառով, ապա անձը 60 օր ունի բողոքարկելու որոշումը, բայց միայն տասը (10) օր՝ բողոքարկման ժամանակահատվածում շարունակական նպաստներ խնդրելու համար։ SSA-ը նախատեսում է հինգ օր փոստային առաքման համար։ Օրինակ՝ 2025 թվականի հունիսի 1-ի դադարեցման մասին ծանուցումը պահանջում է, որ բողոքարկումը ներկայացվի մինչև 2025 թվականի հունիսի 16-ը՝ մինչև բողոքարկումը վճարված օգնությունը ստանալու համար։

Կարևոր է նաև այն, որ փաստաբանները իմանան, որ SSA-ը չի կարող անմիջապես դադարեցնել անձի նպաստները 18 տարեկան դառնալուց հետո, եթե նա դեռևս մասնակցում է անհատական կրթական ծրագրին կամ այլ մասնագիտական վերականգնողական ծրագրին: SSA-ը պետք է սպասի, մինչև նա ավարտի այս ծրագիրը, որպեսզի կարողանա դադարեցնել երեխաների SSI նպաստները: Սրանք կոչվում են 301-րդ բաժնի վճարումներ34, և կշարունակվեն այնքան ժամանակ, մինչև ձեր չափահաս երեխան ավարտի կրթական կամ մասնագիտական ծրագիրը, որին նա մասնակցում է:

VIII. Եզրակացություն

Երեխաների համար SSI իրավասության չափանիշները, ներառյալ ծնողների հատկացումների հաշվարկը, կարող են հիասթափեցնող լինել հաշմանդամություն ունեցող երեխային խնամող ծնողների համար, որոնք դիմում են SSA-ի օգնությանը։ Disability Rights California-ն հույս ունի, որ այս հրատարակությունը կօգնի պարզեցնել իրավասության այս չափանիշները: Մենք գնահատում ենք ձեր ժամանակը, որը հատկացրել եք այս հրատարակության ուսումնասիրությանը՝ ձեր ինքնապաշտպանությունը խթանելու համար։

• 1. 24 USC §§1381-1383f, 20 CFR § 416.101 և այլն,
• 2. 20 CFR § 416.1856; POMS SI 00501
• 3. Id.
• 4. 20 CFR § 416.420
• 5. POMS SI 02005.001
• 6. 20 CFR § 416.1323(b); POMS SI 02301.205
• 7. 20 CFR § 416.1335
• 8. Լրացուցիչ ապահովության եկամուտ Կալիֆոռնիայում, 2025 թ.
• 9. POMS SI 01310.001
• 10. 20 CFR § 416.1110
• 11. POMS SI 01320.175
• 12. 20 CFR § 416.1120 – 416.1121
• 13. POMS SI 01320.500
• 14. 20 CFR § 416.1165
• 15. POMS SI 01320.550
• 16. POMS SI 01310.140
• 17. Լրացուցիչ ապահովության եկամուտ Կալիֆոռնիայում, 2025 թ.
• 18. POMS SI 01320.100
• 19. 20 CFR § 416.1160(d)(iii)
• 20. POMS SI 01320.500
• 21. POMS SI 00820.510 և POMS SI 00501.020
• 22. POMS SI 00501.020
• 23. POMS SI 01110.100
• 24. POMS SI 01110.600
• 25. 20 CFR § 416.1202(b)
• 26. POMS SI 01110.210
• 27. POMS SI 01330.220
• 28. POMS SI 01130.500
• 29. Լրացուցիչ ապահովության եկամտի (SSI, Supplemental Security Income) պահանջներ
• 30. Լրացուցիչ ապահովության եկամտի (SSI, Supplemental Security Income) իրավասության պահանջներ
• 31. SSA-8000-BK Լրացուցիչ ապահովության եկամտի դիմում
• 32. POMS SI 00502.106; POMS SI 00502.106; POMS SI 00502.301
• 33. 20 CFR § 416.987
• 34. POMS DI 14505.001