អ្នកទទួលបានការការពារពិសេស បើអ្នក​ជាមនុស្សពេញវ័យដែលមានពិការភាព ឬជាមនុស្សចាស់ដែលរងការ​រំលោភបំពាន ត្រូវគេទុកចោលមិនមានអ្នកមើលថែ ឬជាជន​គោលដៅចំពោះការប្រព្រឹត្តបទឧក្រិដ្ឋ ដោយសារតែពិការភាពរបស់អ្នក ។ 

1. តើអ្វីជាការរំលោភបំពាន? សូមចុចលើតំណមួយនេះ ដើម្បីស្វែងរកមើលថាតើអ្វីជាការរំលោភបំពាន
2. តើអ្វីជាការទុកចោលមិនមានអ្នកមើលថែ? សូមចុចលើតំណមួយនេះ ដើម្បីស្វែងរកមើលថាតើអ្វីជាការទុកចោលមិនមានអ្នកមើលថែ
3. តើអ្វីជាបទឧក្រិដ្ឋ? សូមចុចលើតំណមួយនេះ ដើម្បីស្វែងរកមើលថាតើអ្វីជាបទឧក្រិដ្ឋ

តើខ្ញុំត្រូវហៅទូរស័ព្ទទៅរកអ្នកណា?

បើអ្នក​រស់នៅក្នុងសហគមន៍ ដូចជារស់នៅក្នុងផ្ទះរបស់ខ្លួន សណ្ឋាគារ ឬកំពុងទទួលការថែទាំនៅមន្ទីរពេទ្យ គ្លីនិក ឬកម្មវិធីបណ្តុះបណ្តាល អ្នក​គួរទាក់ទងមកកាន់ ៖

• នាយកដ្ឋាន នគរបាលមូលដ្ឋាន  ឬនាយកដ្ឋានតម្រួតតំបន់របស់អ្នក ឬហៅទូរស័ព្ទមកលេខ 911 ។

និង

• ភ្នាក់ងារសេវាកម្មការពារមនុស្សពេញវ័យប្រចាំខោនធី (APS, County Adult Protective Services) របស់អ្នក ។ ដើម្បីស្វែងរកភ្នាក់ងារសេវាកម្មការពារមនុស្សពេញវ័យប្រចាំខោនធី របស់អ្នក សូមចុច ទីនេះ ។ 

បើអ្នករស់នៅក្នុងមណ្ឌលថែទាំ ដូចជាផ្ទះសម្រាប់រស់នៅជាក្រុម ផ្ទះផ្តល់ការថែទាំ ឬមណ្ឌលថែទាំដូចជផ្ទះសម្រាប់ស្នាក់នៅ (ដូចជាកន្លែងមានផ្តល់ជំនួយក្នុងការ​រស់នៅ ផ្ទះសម្រាប់រស់នៅដែលមានផ្តល់ម្ហូបអាហារ ឬផ្ទះសម្រាប់ផ្តល់ការថែទាំ) អ្នកគួរ​ទាក់ទង ៖

• នាយកដ្ឋាន នគរបាលមូលដ្ឋាន  ឬនាយកដ្ឋានតម្រួតតំបន់របស់អ្នក ឬហៅទូរស័ព្ទមកលេខ 911 ។

និង

• មន្ត្រីស៊ើបអង្កេតការផ្តល់ការថែទាំរយៈពេលវែង  (LTCO, Long-Term Care Ombudsman) ។ ដើម្បីស្វែងរកមើលកម្មវិធីស្មាក្តីសាធារណៈ ប្រចាំមូលដ្ឋានរបស់អ្នក សូមចុចទីនេះ ឬហៅទូរស័ព្ទមកកាន់ LTCO របស់រដ្ឋ ផ្នែកដោះស្រាយវិបត្ត តាមលេខ 1-800-231-4024 ។

និង

• ក្រសួងសុខាភិបាលរដ្ឋកាលីហ្វ័រនីញ៉ា (DPH, California Department of Public Health)  ។  ក្រសួងសុខាភិបាលរដ្ឋកាលីហ្វ័រនីញ៉ា គឺជាអ្នក​មើលការ​ខុសត្រូវ​មណ្ឌលសុខភាព និងជាអ្នក​ស៊ើបអង្កេតបណ្តឹងពាក់ព័ន្ធនឹងការរំលោភបំពាន ការទុកចោលមិនយកចិត្តទុកដាក់ និងការផ្តល់ការថែទាំមិនដិតដល់ ។ លេខទូរស័ព្ទនៃការិយាល័យប្រចាំមូលដ្ឋានរបស់អ្នក អាចរកបានដោយចុចទីនេះ ។

និង

• ការិយាល័យអគ្គមេធាវីរដ្ឋកាលីហ្វ័រនីញ៉ាផ្នែកការក្លែងបន្លំ Medi-Cal និងការរំលោភបំពានមនុស្សចាស់ (BMFEA, California Attorney General Bureau of Medi-Cal Fraud and Elder Abuse)  ដែលមានតួនាទីការពារអ្នកពីការរំលោភបំពាន ឬការទុកចោលមិនមើលថែនៅផ្ទះផ្តល់ការថែទាំ និងនៅមណ្ឌលផ្តល់ការថែទាំយូរអង្វែងផ្សេងៗទៀត។ ដើម្បីរាយការណ៍អំពីការរំលោភបំពានចំពោះអ្នក សូមទាក់ទងមកកាន់ការិយាល័យអគ្គមេធាវី តាមទូរស័ព្ទទាន់ហេតុការណ៍ដែលហៅដោយមិនអស់​ប្រាក់ គឺលេខ (800) 722-0432 ឬទាក់ទងតាមទំព័រវ៉ិប ដោយការចុចទីនេះ ។

ច្បាប់ និងបទបញ្ញត្តិ

• ក្រមរដ្ឋប្បវេណីកាលីហ្វ័រនីញ៉ា (Welf. & Inst. ​Code) §§ 15630-15632 ច្បាប់ការពាររដ្ឋប្បវេណីចំពោះការរំលោភបំពានលើមនុស្សចាស់ និងមនុស្សពេញវ័យដែលពិការ (Elder Abuse and Dependent Adult Abuse Civil Protection Act)
• ក្រមរដ្ឋប្បវេណីកាលីហ្វ័រនីញ៉ា (Welf. & Inst. Code) § 15700 ការបញ្ជូនមនុស្សពេញវ័យដែលងាយរងគ្រោះឲ្យទទួលបានការការពារ និងការ​ថែទាំ (Protective Placements and Custody of Endangered Adults)
• ក្រមរដ្ឋប្បវេណីកាលីហ្វ័រនីញ៉ា (Welf. & Inst.) §§ 15703-15705.40 សេវាកម្មការពារ
• ក្រមព្រហ្មទណ្ឌកាលីហ្វ័រនីញ៉ា (Cal. Pen. Code) § 368 ឧក្រិដ្ឋកម្មប្រឆាំងមនុស្សចាស់ និងមនុស្សពេញវ័យដែលពិការ (Crimes Against Elders and Dependent Adults)

តើអង្គការ Disability Rights California ជាអ្វី?

អង្គការ Disability Rights California គឺជាអង្គការមិនរកកម្រៃ ដែលធ្វើការគាំពារ និងជួយអ្នកដោះស្រាយបញ្ហាពាក់ព័ន្ធ​នឹងពិការភាពរបស់អ្នក ។  សេវាកម្មរបស់អង្គការយើងខ្ញុំ មានដូចជា ៖

1. ប្រាប់អ្នកឲ្យដឹងអំពីសិទ្ធិផ្លូវច្បាប់ សិទ្ធិពលរដ្ឋ និងសិទ្ធិទទួលបានសេវាកម្មរបស់អ្នក
2. ស៊ើបអង្កេតបណ្តឹងអំពីការប្រព្រឹត្តរំលោភរាងកាយ ផ្លូវភេទ ឬការទុកចោលមិនមើលថែទាំ
3. ធ្វើជាតំណាងជនពិការ ផ្នែកការអប់រំ ការរើសអើង អត្ថប្រយោជន៍ និងការងារ ។

បើអ្នក​មានបញ្ហាអ្វីមួយពាក់ព័ន្ធនឹងពិការភាពរបស់អ្នក អ្នកអាចទាក់ទងមកកាន់ការិយាល័យណាមួយរបស់យើងខ្ញុំ តាមលេខ 1-800-776-5746 ឬតាមអ៊ិនធឺណិត ដោយការចុចទីនេះ។

និយមន័យ ៖

ការរំលោភបំពាន គឺ ៖

ការរំលោភបំពាន អាចសំដៅលើរឿង 3 ផ្សេងគ្នា ៖

1. រំលោភបំពានរាងកាយ ៖
   Someone hurting your body on purpose
   • ឧទាហរណ៍ ៖ កាយវាយ ទាត់ធាក់ ដុត ខាំ អង្រួន ឬប្រើរបស់វាយលើរាងកាយអ្នក ។
   • ចំពោះស្ថានភាពនេះ គឺមិនចាំបាច់ទាល់តែមានការហើមជាំ ឬឈឺលើរាងកាយអ្នកឡើយ ទើបហៅថាអ្នកបានរងការរំលោភបំពានលើរាងកាយ ។
2. រំលោភបំពានផ្លូវភេទ ៖
   នរណាម្នាក់ប៉ះរាងកាយអ្នក ដោយមានបំណង ដែលធ្វើឲ្យអ្នកមិនសុខស្រួលក្នុងចិត្ត
   • ការប៉ះពាល់បរិវេណលាក់កំបាំងរបស់អ្នក
   • ប៉ះពាល់អ្នកពេលអ្នកពាក់ខោអាវងូតទឹក
   • ថតរូបអ្នកពេលអ្នកស្រាត
   • ប៉ះពាល់បរិវេណលាក់កំបាំងរបស់ពួកគេនៅពីមុខអ្នក
3. Emotional:
   Someone using words or non-physical ways to hurt you on purpose
   • ប្រើពាក្យសំដីគម្រាមអ្នក
   • ធ្វើឲ្យអ្នកខ្មាសគេដោយមានចេតនា
   • ជេរអ្នក
   • និយាយមើលងាយអ្នក
   • មិនឲ្យអ្នកជួបមនុស្សដែលអ្នកចង់ជួប
   • មិនឲ្យអ្នកធ្វើអ្វីដែលអ្នកពេញចិត្ត
   • បញ្ចេញកាយវិការគម្រាមកំហែងចំពោះអ្នក

ការមិនយកចិត្តទុកដាក់មើលថែ គឺ ៖

នៅពេលដែលនរណាម្នាក់ដែលមានតួនាទីមើលថែទាំអ្នក មិនធ្វើការថែទាំអ្នកតាមអ្វីដែលអ្នកត្រូវការ ដូចជា ៖

1. មិនឲ្យចំណីអាហារ សម្លៀកបំពាក់ គ្រប់គ្រាន់ ឬមិនផ្តល់ជម្រកស្នាក់អាស្រ័យ​ដល់អ្នក
2. មិនផ្តល់ឲ្យអ្នកនូវតម្រូវការផ្នែករាងកាយ និងវេជ្ជសាស្រ្ត
3. មិនសំអាតខ្លួនប្រាណឲ្យអ្នក
4. មិនឲ្យអ្នកលេបថ្នាំ
5. មិនជួយអ្នកក្នុងការ​ធ្វើចលនាជុំវិញកន្លែងរស់នៅ
6. មិនសំអាតបរិវេណរស់នៅ ដើម្បីអ្នកអាចដើរដោយមិនដួល

បទឧក្រិដ្ឋ គឺជា ៖

បើនរណាម្នាក់ រំលោភបំពានអ្នក ឬ មិនយកចិត្តទុកដាក់មើលថែទាំអ្នក  គឺគេហៅថាជាបទឧក្រិដ្ឋហើយ!!!

បទឧក្រិដ្ឋ ក៏មានរួមបញ្ចូលចំណុចមួយចំនួនទៀត ដូចជា ៖

1. ការធ្វើទុក្ខរាងកាយដោយខុសទំនង ៖
   • ឧទាហរណ៍ ៖ ចងអ្នកជាប់មិនឲ្យទៅណាមកណាបាន
   • ប្រើអ្វីមួយដើម្បីរារាំងអ្នកមិនឲ្យធ្វើចលនាបាន
   • ចាប់ ឬក្រៀកអ្នកកុំឲ្យធ្វើចលនាបាន
2. ការប្រើសារធាតុគីមី ឬថ្នាំពេទ្យដែលមិនត្រឹមត្រូវ ៖
   • ឧទាហរណ៍ ៖ ឲ្យអ្នកលេបថ្នាំដែលធ្វើឲ្យអ្នកងងុយគេង ឬអស់កំលាំងល្ហិតល្ហៃ តែវាមិនបានធ្វើឲ្យអ្នកមានអារម្មណ៍ធូរស្រាលក្នុងខ្លូនឡើយ
3. ការរំលោភ​ផ្នែក​ហិរញ្ញវត្ថុ ៖
   • ឧទាហរណ៍ ៖ នៅពេល​នរណាម្នាក់យកប្រាក់ ឬទ្រព្យ​សម្បត្តិរបស់អ្នក ដោយមិនមានការ​អនុញ្ញាតពីអ្នក
   • ទោះជាអ្នកនោះជាសមាជិកក្នុងគ្រួសារអ្នកក៏ដោយ ក៏ត្រូវចាត់ទុក​ជាការរំលោភហិរញ្ញវត្ថុដែរ បើពួកគេយកប្រាក់ ឬរបស់ទ្រព្យរបស់អ្នកដោយគ្មានការអនុញ្ញាតពីអ្នក ។