Զեկուցում տարեց կամ չափահաս հաշմանդամ անձանց հանդեպ գործադրված բռնության վերաբերյալ
![DRC Logo](/sites/default/files/default_images/default_banner.png)
Զեկուցում տարեց կամ չափահաս հաշմանդամ անձանց հանդեպ գործադրված բռնության վերաբերյալ
Դուք պաշտպանության հատուկ միջոցներ ունեք, եթե չափահաս հաշմանդամ կամ տարեց եք, ով բռնության է ենթարկվել, արհամարհվել կամ հանցագործության թիրախ է դարձել հաշմանդամության պատճառով:
Հրաժարում պատասխանատվությունից: Այս հրապարակումը միայն իրավական տեղեկատվություն է և ձեր անհատական իրավիճակի վերաբերյալ իրավաբանական խորհրդատվություն չէ: Այն արդի է տեղադրման օրվա դրությամբ: Մենք փորձում ենք պարբերաբար թարմացնել մեր նյութերը։ Այնուամենայնիվ, օրենքները պարբերաբար փոփոխվում են։ Եթե ցանկանում եք համոզվել, որ օրենքը չի փոխվել, դիմեք DRC կամ մեկ այլ իրավաբանական գրասենյակ:
Դուք պաշտպանության հատուկ միջոցներ ունեք, եթե չափահաս հաշմանդամ կամ տարեց եք, ով բռնության է ենթարկվել, արհամարհվել կամ հանցագործության թիրախ է դարձել հաշմանդամության պատճառով:
- Ի՞նչ է բռնությունը: Սեղմեք ստորև տրված հղմանը՝ պարզելու, թե ինչը կարող է համարվել բռնություն:
- Ի՞նչ է արհամարհանքը: Սեղմեք ստորև տրված հղմանը՝ պարզելու, թե ինչը կարող է համարվել արհամարհանք:
- Ի՞նչ է հանցագործությունը: Սեղմեք ստորև տրված հղմանը՝ պարզելու, թե ինչը կարող է համարվել հանցագործություն:
Ո՞ւմ պետք է զանգահարեմ:
Եթե Դուք ապրում եք համայնքում, ինչպես օրինակ՝ Ձեր սեփական տանը, հյուրանոցում, կամ հիվանդանոցում խնամք եք ստանում, կլինիկական կամ ուսուցման ծրագրի եք մասնակցում, ապա պետք է դիմեք՝
- Ոստիկանության Ձեր տեղական բաժանմունք կամ ոստիկանապետի վարչությանը կամ կամ 911:
Եվ
- Ձեր վարչաշրջանի չափահասների պաշտպանության ծառայությունների (APS, Adult Protective Services) գործակալությանը: Ձեր վարչաշրջանի APS գործակալությունը գտնելու համար սեղմեք այստեղ:
Եթե Դուք ապրում եք այնպիսի հաստատությունում, ինչպես օրինակ՝ խմբային տանը, ծերանոցում կամ ինտերնատում (օրինակ աջակցված ապրելակերպով կամ ծերանոցում ապրելու դեպքում), ապա պետք է դիմեք՝
- Ոստիկանության Ձեր տեղական բաժանմունք կամ ոստիկանապետի վարչությանը կամ կամ 911:
Եվ
- Երկարաժամկետ խնամքի օմբուդսմենին ( Long-Term Care Ombudsman) (LTCO): Ձեր տեղական օմբուդսմենի ծրագիրը գտնելու համար սեղմեք այստեղ կամ զանգահարեք նահանգային LTCO ճգնաժամային հեռախոսահամարով՝ 1-800-231-4024:
Եվ
- Կալիֆորնիայի հանրային առողջապահության վարչություն ((The California Department of Public Health (DPH)): DPH-ը ստուգում է առողջապահական հաստատությունները և հետաքննում է բռնությանը, արհամարհանքին կամ վատ խնամքին վերաբերող բողոքները: Ձեր տեղական գրասենյակի հեռախոսահամարը կարելի է գտնել՝ սեղմելով այստեղ:
Եվ
- Կալիֆորնիայի գլխավոր դատախազության (The California Attorney General) Medi-Cal-ի խարդախությունների և տարեցների բռնության գրասենյակը (BMFEA), որն աշխատում է ծերանոցներում կամ երկարաժամկետ խնամքի այլ հաստատություններում Ձեզ բռնությունից կամ արհամարհանքից պաշտպանելու համար: Ձեր հանդեպ գործադրված բռնության մասին զեկուցելու համար դիմեք գլխավոր դատախազության անվճար թեժ գծին՝ (800) 722-0432 հեռախոսահամարով կամ կայքէջին՝ սեղմելով այստեղ:
Օրենքներ և կանոնակարգեր
- Կալիֆորնիայի Բարեկեցության և հաստատությունների Օրենսգիրք, §§ 15630-15632 Տարեցների բռնություն և կախում ունեցող չափահասների բռնության քաղաքացիական պաշտպանության օրենք (Cal. Welf. & Inst. Code §§ 15630-15632 Elder Abuse and Dependent Adult Abuse Civil Protection Act)
- Կալիֆորնիայի Բարեկեցության և հաստատությունների Օրենսգիրք § 15700 Պաշտպանիչ տեղադրումներ և վտանգի տակ գտնվող չափահասների խնամակալություն (Cal. Welf. & Inst. Code § 15700 Protective Placements and Custody of Endangered Adults)
- Կալիֆորնիայի Բարեկեցության և հաստատությունների Օրենսգիրք §§ 15703-15705.40 Պաշտպանիչ ծառայություններ (Cal. Welf. & Inst. Code §§ 15703-15705.40 Protective Services)
- Կալիֆորնիայի Քրեական օրենսգիրք § 368 տարեցների և կախում ունեցող չափահասների հանդեպ կատարված հանցագործություններ (Cal. Pen. Code § 368 Crimes Against Elders and Dependent Adults)
Ի՞նչ է «Disability Rights California»-ն:
«Disability Rights California»-ն ոչ առևտրային կազմակերպություն է, որն աշխատում է՝ պաշտպանելու և աջակցելու Ձեզ այն խնդիրների դեպքում, որոնք Դուք կարող եք ունենալ Ձեր հաշմանդամության առնչությամբ: Ծառայությունները, որոնք մենք կարող ենք տրամադրել, ներառում են՝
- Ձեզ տեղեկացնելը Ձեր օրինական, քաղաքացիական և ծառայությունների իրավունքների մասին.
- Հետաքննական բողոքներ ֆիզիկական բռնության, սեռական բռնության կամ արհամարհանքի մասին.
- Հաշմանդամ անձանց կրթության, խտրականության, նպաստների և զբաղվածության ոլորտներում ներկայացուցչություն.
Եթե Դուք որևէ հարց ունեք Ձեր հաշմանդամության առնչությամբ, Դուք կարող եք դիմել մեր գրասենյակներից որևէ մեկին՝ զանգահարելով 1-800-776-5746 հեռախոսահամարով կամ ինտենետի միջոցով՝ սեղմելով այստեղ:
Սահմանումներ.
Բռնություն.
Բռնությունը կարող է 3 տարբեր արտահայտում ունենալ.
- Ֆիզիկական
Ինչ-որ մեկը դիտմամբ ցավեցնում է Ձեր մարմինը:- Օրինակ՝ հարվածել, ոտքով հարվածել, այրել, խայթել, թափահարել կամ առարկա օգտագործել՝ Ձեզ հարվածելու համար:
- Կարիք չկա, որ Դուք կապտուկ կամ ցավ ունենաք, որպեսզի համարվի, որ Դուք ֆիզիկական բռնության եք ենթարկվել:
- Սեռական
Ինչ-որ մեկը դիտմամբ հպում է Ձեր մարմնին, երբ Դուք դրանից անհարմար եք զգում:- Ձեր սեռական օրգաններին դպչելը.
- Լոգանքի հագուստ հագած ժամանակ Ձեզ դիպչելը:
- Մերկ ժամանակ Ձեզ նկարելը:
- Իր սեռական օրգաններին Ձեր առջև կանգնելով դիպչելը:
- Էմոցիոնալ
Ինչ-որ մեկն օգտագործում է բառեր և ոչ ֆիզիկական ձևեր՝ Ձեզ դիտմամբ նեղելու համար- Ձեզ բառերով ահաբեկելը.
- Դիտմամբ Ձեզ նեղելը.
- Ձեզ անիծելը.
- Ձեզ խոսքակոխ անելը.
- Ձեզ հեռու պահելն այն մարդկանցից, ում Դուք ցանկանում եք հանդիպել.
- Ձեզ հաճույք պատճառող բաներից հեռու պահելը.
- Ձեր դեմ սպառնալից շարժումներ կատարելը:
Արհամարհանք.
Երբ ենթադրվում է, որ ինչ-որ մեկը պետք է հոգ տանի Ձեր մասին, բայց չի հոգում Ձեր կարիքները, օրինակ՝
- Ձեզ բավարար չափով սնունդ, հագուստ կամ ապաստարան չի տրամադրում.
- Չի հոգում Ձեր ֆիզիկական և բժշկական կարիքները.
- Ձեզ մաքուր չի պահում.
- Ձեզ չի տալիս Ձեր դեղամիջոցները.
- Ձեզ չի օգնում տեղաշարժվել.
- Տարածքը մաքուր չի պահում, որպեսզի Դուք առանց ընկնելու տեղաշարժվեք:
Հանցագործություն.
Երբ ինչ-որ մեկը բռնություն է գործադրում Ձեր հանդեպ կամ արհամարհում է Ձեզ, դա հանցագործություն է:
Հացագործությունը նաև մի քանի ավելի բաներ է ներառում, որոնք են՝
- Ֆիզիկական սահմանափակման ոչ պատշաճ օգտագործում.
- Օրինակ Ձեզ կապում է ինչ-որ մի տեղ, որտեղից Դուք չեք կարող շարժվել.
- Որևէ այլ բանի օգտագործում՝ կանխելու Ձեր շարժվելը.
- Ճանկում կամ այնպես է բռնում Ձեզ, որ Դուք չեք կարողանում շարժվել:
- Քիմիական սահմանափակման կամ դեղամիջոցների ոչ պատշաճ օգտագործում.
- Օրինակ՝ Ձեզ այնպիսի դեղամիջոցներ տալը, որոնք Ձեզ քնկոտ կամ հոգնած են դարձնում, բայց չեն նպաստում Ձեր ավելի լավ զգալուն:
- Ֆինանսական բռնություն.
- Օրինակ՝ երբ ինչ-որ մեկը վերցնում է Ձեր դրամը կամ գույքը՝ առանց Ձեր թույլտվության: