Մինչև 1967թ. Կալիֆորնիայի հոգեկան առողջության համակարգը ներկա վիճակից շատ տարբեր էր: Հոգեկան առողջությանն առնչվող հաշմանդամություն ունեցող շատ ավելի անձինք ապրում էին նահանգային հիվանդանոցներում և խոշոր հաստատություններում՝ հաճախ իրենց կյանքը երկար ժամանակ այնտեղ անցկացնելով: Այնուհետև Կալիֆորնիան ընդունեց «Լանթերման-Պետրիս-Շորթի օրենքը» (Բարեկեցության և հաստատությունների օրենսգիրք, հոդված 5000 և հետևյալը): Անվանվելով իր հեղինակների անունով՝ նահանգային պետական օրենսդիր մարմնի ստորին պալատի անդամ Ֆրենկ Լանթերմանի և Կալիֆորնիա նահանգի սենատորներ Նիկոլաս Ս. Պետրիսի և Էլըն Շորթի անվամբ, LPS օրենքը նպատակ ուներ «վերջ տալ հոգեկան առողջության խնդիրներ ունեցող անձանց անհամապատասխան, անորոշ և ակամա պարտադիր բուժմանը»: Այն նաև սահմանեց արագ հոգեբուժական գնահատման և բուժման իրավունքը որոշ դեպքերում, և մանրամասն նկարագրեց հոգեկան առողջության խնդիրներով հաճախորդների պատշաճ իրավական ընթացակարգի պաշտպանության ձևերը: