Kev Pab Kev Kho Mob Rau Tus Neeg Mob Sab Nraud, kuj tseem hu ua AOT, yog lub tsev hais plaub txiav txim rau kev kho mob sab nraud rau cov neeg muaj kev mob hlwb puas hlwb.

Cov ntawv tshaj tawm no yog daim ntawv qhia tseeb uas hais txog yuav ua li cas koj thiaj li yuav xaus koj qhov kev txiav txim AOT.

Koj muaj cai rau ib tus kws lij choj yog lub nroog tau thov kom lub tsev hais plaub txiav txim koj rau AOT. Yog tias koj xav tau ib tus kws lij choj tab sis tsis muaj nyiaj txaus, koj tuaj yeem thov tus kws txiav txim kom muab tus neeg pej xeem los pab tiv thaiv koj.

Tom qab koj tau txiav txim rau AOT, muaj peb txoj hau kev uas koj tuaj yeem xaus AOT tau. Koj tuaj yeem xaus AOT los ntawm kev qhia ntawm lub rooj sib hais, los sis ntawm kev sau ntawv thov, tias koj tseem tsis tsim nyog rau AOT, los sis AOT tas sij hawm.

• Yog xav paub ntxiv txog yuav ua li cas koj thiaj li raug txiav txim rau AOT, koj tuaj yeem nyeem cov ntawv tshaj tawm hu ua “Yuav Ua Li Cas Koj Thiaj Raug Txiav Txim Mus Rau AOT.”
• Yog xav paub ntxiv txog seb koj puas tseem tsim nyog rau AOT, koj tuaj yeem nyeem cov ntawv tshaj tawm hu ua "Leej Twg Thiaj Raug Txiav Txim rau AOT."

Thov rau Lub Rooj Sib Hais

• Txhua txhua 60 hnub, tus thawj coj ntawm qhov kev pab yuav tsum tau tshaj ib cov lus tawm (hu ua daim ntawv lees paub) hais tias koj tseem tsim nyog rau AOT.1
• Yog tias koj tsis pom zoo, koj muaj cai thov lub rooj sib hais hauv tsev hais plaub txog seb koj puas tseem tsim nyog rau AOT raws li txoj cai.2
• Tus thawj coj yuav tsum qhia (ua pov thawj) tias koj tseem tsim nyog rau AOT raws li txoj cai.3
• Yog xav paub ntxiv txog seb koj puas tsim nyog rau AOT raws li txoj cai, koj tuaj yeem nyeem cov ntawv tshaj tawm hu ua “Leej Twg Thiaj Raug Txiav Txim rau AOT.”

Sau ib Tsab Ntawv Mus Thov

• Koj tuaj yeem sau ib tsab ntawv mus thov thaum koj ntseeg tias koj ua txhaum cai, los sis ua txhaum cai, raug txiav txim rau AOT.4
• Txhua lub sij hawm koj nyob hauv AOT, koj tuaj yeem sau ntawv mus thov yog koj xav tias koj tsis tsim nyog rau AOT raws li txoj cai. Thaum lub rooj sib hais hauv tsev hais plaub, tus thawj coj ntawm qhov kev pab AOT yuav tau ua pov thawj rau tus kws txiav txim tias koj tseem tsim nyog.
• Yog xav paub ntxiv txog seb koj puas tsim nyog rau AOT raws li txoj cai, koj tuaj yeem nyeem cov ntawv tshaj tawm hu ua “Leej Twg Thiaj Tuaj Yeem Raug Txiav Txim rau AOT.”

Kev Tag Sij Hawm Ntawm Qhov Kev Txiav Txim AOT

• Txoj kev kawg uas AOT tuaj yeem xaus yog thaum lub sij hawm ntawm lub tsev hais plaub AOT tau tag thiab tus thawj coj tsis thov kom lub tsev hais plaub txiav txim muab AOT rau koj ntxiv mus lawm.

Cov Ntaub Ntawv Qhia Ntxiv

Yog koj xav paub ntau ntxiv los sis koj muaj lus nug koj tuaj yeem:

• Nug koj tus kws lij choj: Koj muaj cai rau tus kws lij choj yog lub nroog tau nug (thov) lub tsev hais plaub txiav txim koj rau AOT. Yog tias koj xav tau ib tus kws lij choj tab sis tsis muaj nyiaj txaus, nug tus kws txiav txim plaub kom muab koj tus neeg tiv thaiv uas yog pej xeem. tsuas yog koj yuav tsum them nyiaj rau tus neeg pej xeem uas tuaj pab tiv thaiv yog tias koj muaj nyiaj rau.
• Hu rau koj lub nroog txog kev tawm suab rau Tus Neeg Mob Txoj Cai: Txhawm rau nrhiav kev tawm suab rauTus Neeg Mob Txoj Cai rau qhov chaws uas koj nyob hus rau (916) 504-5810 thiab nug txog koj lub zos qhov chaws tawm suab rau tus neeg mob txoj cais los si nyem mus saib tus Vev xaij hauv no: https://www.disabilityrightsca.org/post/patients-rights-advocacy-directory.
• Hus rau Disability Rights California at 1-800-776-5746.

• 1. § 5346(h).
• 2. § 5346(h).
• 3. § 5346(h).
• 4. § 5346(i).