1. Lub Thawj Fab Hauj Lwm Saib Xyuas Kev Rov Kho Kom Zoo Li Qub Tuaj puas pab tau nrog kev kawm thiab kev cob qhia kom kuv tuaj yeem tau ib txoj hauj lwm?

Tau. Yog koj xav tau kev pab no kom ua tau raws li koj lub hom phiaj kev ua hauj lwm ces Lub Thawj Fab Hauj Lwm Saib Xyuas Kev Rov Kho Kom Zoo Li Qub Tuaj (DOR) yeej pab tau. Qhov no suav muaj kev cob qhia ntawm lub tsev kawm ntawv qib siab hauv lub zej zos, tsev kawm txuj siab uas siv sij hawn plaub xyoos, tsev kawm theem siab, cov khoos kas kawm ua hauj lwm thiab cov khoos kas tau ntawv pov thawj.

Tuaj yeem muab tau “kev cob qhia qib siab” hauv ntau fab sib txawv suav nrog, kev kawm xaij, thev naus laus zis, kev tsim qauv vaj tse, kev kawm lej (suav nrog kev kawm xaij fab khoos phis tawj), kev kawm tshuaj, kev cai lij choj, los sis kev lag luam, thiab ntau yam ntxiv, los pab cov neeg txhim kho tau lawv cov hauj lwm. Nyem rau ntawm no los nyeem txog txoj cai tswj hwm hais txog kev cob qhia ntawm DOR.

DOR yuav muaj peev xwm muab nyiaj pab txhua yam rau koj li kev cob qhia los ntawm lub tsev kawm ntawv ntiav, los sis lub tsev kawm ntawv uas tsis nyob hauv xeev, nws nce raws li koj lub hom phiaj kev ua hauj lwm thiab koj cov kev xav tau ntiag tug xwb. Feem ntau, DOR yuav them rau kev xaiv kev cob qhia uas muaj nuj nqis tsawg tshaj plaws rau koj lub hom phiaj kev ua hauj lwm. Saib cov lus nug 7-12 hauv qab no kom paub ntxiv seb DOR txiav txim siab seb ntau npaum li cas lawv yuav them rau cov kev pab cuam kev cob qhia li cas, suav nrog kev cob qhia ntiav thiab kev cob qhia tsis nyob hauv xeev.

2. DOR txiav txim siab txog theem kev cob qhia uas lawv yuav them rau li cas?

DOR yuav muab tau kev pab cuam cob qhia uas tsim nyog yuav muab tau cov kev txawj ntse thiab ntaub ntawv cim thawj qhia tus kheej rau koj kom ua tau raws li koj lub hom phiaj kev ua hauj lwm.

Piv txwv li, yog koj lub hom phiaj IPE yog ua kom tau ib tug neeg ua hauj lwm pab tib neeg, ces kev cob qhia yuav muaj txog kev tau txais qib kawm hauv fab kev ua hauj lwm fab tib neeg thiab ua kom dhau qhov kev xeem kom tau daim ntawv tso cai.

3. Kuv xaiv lub hom phiaj kev ua hauj lwm uas tsis yog theem pib puas tau?

Tau. Koj yeej TSIS muaj kev txwv txog kev xaiv cov hauj lwm "theem pib" li (xws li. Cov hauj lwm uas feem ntau xav tau kev cob qhia tsawg zog thiab feem ntau them tus nqi zog qis dua txoj hauj lwm uas tsis yog theem pib).

Nyob rau yav dhau los, DOR tsuas tau pab nrog kev ua hauj lwm theem pib xwb, tab sis txoj cai lij choj tau hloov pauv hauv xyoo 2014 nrog kev tsim tau Tsab Cai Hais Txog Lub Hwv Tsam Rau Kev Muaj Tswv Yim Zoo Ntawm Neeg Ua Hauj Lwm (WIOA). Tam sim no DOR yuav pab cov neeg los txhim kho lawv cov hwv tsam ntawm kev ua hauj lwm, thiab kom muaj peev xwm tau txais kev them nyiaj siab thiab cov hauj lwm uas muaj txiaj ntsig zoo.

4. Kuv nrhiav tsis tau txoj hauj lwm nrog kuv lub hom phiaj kev ua hauj lwm tam sim no. DOR pab kuv puas tau nrog kev cob qhia ntxiv los sis nrog qib theem siab zog?

Tau. Yog tias koj yog DOR tus neeg qhua uas txais kev pab cuam tam sim no ces koj yuav thov kom muaj kev hloov pauv rau koj Txoj Phiaj Xwm Ntiag Tug rau Kev Ua Hauj Lwm (IPE) kom muaj kev pab cuam ntau zog xws li kev cob qhia ntxiv, yog koj xav tau los nrhiav ib txoj hauj lwm uas ua tau raws li koj lub hom phiaj. Los sis koj thov kom DOR los hloov pauv koj lub hom phiaj tau, uas tuaj yeem muaj kev cob qhia rau qib theem siab zog.

Yog tias koj tsis yog DOR tus neeg qhua uas txais kev pab cuam, koj yuav qhib qhov xwm txheej tshiab nrog DOR los thov kev pab kom ua tau raws li lub hom phiaj kev ua hauj lwm xab phaub tau, uas yuav muaj kev cob qhia rau theem qib siab zog. DOR yuav ua zoo xav txog koj cov kev txawj ntse, lub peev xwm thiab kiab khw kev ntiav neeg ua hauj lwm los pab txiav txim siab seb koj txoj kev xaiv ntawm lub hom phiaj puas yuav sib haum zoo.

5. Kuv mus koom nrog kev cob qhia ib nrab sij hawm puas tau?

Tau. Koj mus koom nrog kev cob qhia ib nrab sij hawm tau kawg vim rau qhov koj li kev xiam oob qhab los sis lwm yam txuam thawj tseeb. Piv txwv li, yog koj twb ua hauj lwm thaum nruab hnub los them koj tej nuj nqis thiab tsuas mus koom tau kev cob qhia rau thaum hmo ntuj ib nrab sij hawm xwb, ces DOR yuav muaj peev xwm pab tau koj. Tej zaum koj yuav tau kev pab fab nyiaj txiag tsawg zog yog koj koom hauv kev cob qhia ib nrab sij hawm, thiab yog li ntawd nws yog qhov tseem ceeb yuav qhia rau koj tus kws pab tswv yim paub tias vim li cas kev cob qhia ib nrab sij hawm thiaj li yog qhov tseem ceeb rau koj kom ua tau raws li koj lub hom phiaj.

6. Cov kev pab cuam thiab kev txhawb nqa twg muaj rau kuv thaum kuv koom nrog hauv kev cob qhia?

Thaum tau txais cov kev pab cuam cob qhia, DOR yuav muab tau kev pab cuam thiab kev txhawb nqa sib txawv rau koj. Cov qauv piv txwv txog cov kev txhawb nqa no suav muaj, tab sis tsis tas rau ntawm, cov hauv qab no:

• kev pab cuam muab kev pab ntiag tug;
• cov phau ntawv thiab lwm cov khoom siv ntsig txog tsev kawm ntawv;
• khoom siv los sis cuab yeej
• kev thauj mus los, xws li daim pib tsheb los sis nyiaj yuav roj tsheb;
• cov kev hloov pauv tsheb kom koj siv tau lub tsheb
• Thev Naus Laus Zis Pab (AT), xws li cov khoos phis tawj, cov software, cov cuab yeej nyeem ntawv, cov cuab yeej xam lej, cov tsom iav saib kom pom loj, kev cob qhia siv AT, lwm yam ntxiv;
• kev txuas rau is taws nem;
• kev saib xyuas txhim kho cov nqi xws li cov tsoos tsho hauv tsev kawm ntawv, kev ua ib teg tso nyiaj rau cov nqi hluav taws xob thiab dej, thiab nqi chaw nyob hauv tsev kawm ntawv hauv qee cov xwm txheej;
• lwm cov khoom lag luam thiab kev pab cuam uas muab xam tias yog qhov tseem ceeb rau koj los ua kom tau raws li koj lub hom phiaj kev ua hauj lwm.

Thaum koom nrog hauv lub tsev kawm ntawv qib siab nom tswv pab los sis tsev kawm txuj siab, yog koj xav tau kev pab cuam uas tsim nyog, koj yuav tsum tau thov lawv ncaj qha los ntawm lub chaw hauj lwm ntawd. Qhov no suav nrog cov kev pab cuam muab kev pab ntiag tug xws li cuab yeej nyeem ntawv, cov neeg txhais lus thiab cov neeg teev ntaub ntawv tseg. Li cas los xij, yog koj tsis muaj peev xwm tau cov kev pab cuam uas koj xav tau los ntawm lub tsev kawm ntawv, koj yuav thov kom DOR muab lawv rau koj yog koj xav tau qhov kev pab cuam ntawd vim koj muaj kev xiam oob qhab.

7. Kuv puas yuav tau them rau kuv cov kev pab cuam cob qhia?

Txoj cai lij choj hais tias cov kev pab cuam cob qhia raug zam tsis tas them nqi ntawm tus neeg qhua uas txais kev pab cuam, uas txhais tau tias koj tsis tas yuav them rau kev pab cuam ntawd li. Qhov no suav nrog tus nqi kawm ntawv, cov nqi phau ntawv, cov khoom siv, kev qhia ntxiv, thiab cov ntaub ntawv ntsig txog kev cob qhia. Nyem rau ntawm no los nyeem txog txoj cai tswj hwm hais txog cov cai kev them nyiaj ntawm tus neeg qhua uas txais kev pab cuam.

Thov nco ntsoov hais tias DOR tsuas yuav them rau cov kev pab cuam tej nuj nqis tsawg tshaj plaws uas ua tau raws li koj cov kev xav tau nkaus xwb. Piv txwv li, yog koj xaiv koom nrog hauv tsev kawm ntawv qib siab li 4-xyoos rau koj ob xyoos xub thawj, koj yuav tsum tau them rau tus nqi uas them tsis tag ntawm tsev kawm ntawv qib siab hauv zej zog sau ntawd, tshwj tsis yog koj qhia tau tias vim li cas kev tuaj kawm hauv tsev kawm qib siab 4-xyoos rau hauv ob xyoos xub thawj thiaj li tseem ceeb yuav ua kom tau raws li koj cov kev xav tau. Zoo ib yam li ntawd, yog koj xaiv kawm hauv tsev kawm ntawv ntiav, tej zaum koj yuav tsum tau them tus nqi uas them tsis tag ntawm tus nqi tsev kawm ntawv nom tswv pab ntawd. Yog xav paub ntxiv txog kev pab nyiaj rau cov tsev kawm ntawv ntiav thiab cov tsev kawm qib siab 4-xyoos ces mus saib hauv nqe lus nug 9-10 hauv qab no.

8. Kuv puas yuav tsum tau siv kuv cov nyiaj muab kev pab fab nyiaj txiag thiab cov kev pab kev kawm them rau tus nqi ntawm kuv li kev cob qhia?

Tau. DOR yuav tsis them rau koj cov kev pab cuam cob qhia tshwj tsis yog koj yeej "siv zog kawg nkaus" los ceev koj li kev pab ntawm qhov nyiaj pab cia los them rau txhua yam los sis ib feem ntawm koj li kev cob qhia ua ntej tso. Kev siv zog kawg nkaus txhais tau tias koj yuav tsum ua ntawv thov cov nyiaj pab ntawm nom tswv thiab siv cov nyiaj pab no mus them rau tus nqi ntawm koj cov nuj nqis kev cob qhia, ua ntej DOR yuav them tau rau cov nqi uas tseem tshuav twg. Txawm yog tias koj tsis muaj cai tsim nyog tau kev pab fab nyiaj txiag los xij, koj tseem yuav tsum tau ua ntawv thov kom tau nyiaj pab thiab qhia txog kev tsis kam pab rau DOR. Muaj ob peb qhov kev zam rau txoj cai no, suav nrog cov khoom plig thiab cov kev pab fab kev kawm raws li qhov tsim nyog, Cov Phiaj Xwm rau Kev Ua Kom Tau Kev Txhawb Nqa Rau Tus Kheej (PASS), thiab cov nyiaj pab ntiag tug uas tsis yog tsoom fwv muab. DOR siv tsis tau cov nyiaj pab no mus them rau tus nqi ntawm koj li kev cob qhia.

DOR yuav txiav txim siab txog theem nyiaj pab uas lawv yuav muab rau koj cov kev xav tau fab kev cob qhia los ntawm kev lov tus nqi tag nrho tawm ntawm koj cov nyiaj pab fab kev kawm thiab/los sis cov khoom plig tawm ntawm cov nqi ntawm koj cov nqi kawm, nqi phau ntawv, cov khoom siv, kev saib xyuas txhim kho thiab kev thauj mus los. Qhov nyiaj tseem tshuav yog tus nqi uas DOR yuav them rau. Nyem rau ntawm no los nyeem txog txoj cai tswj hwm hais kev siv zog kawg nkaus.

Yam tseem ceeb yuav tau nco ntsoov yog tias DOR tsis them rau cov chav kawm kom txog thaum koj kawm tiav koj cov chav kawm rau phaj kawm. Thaum koj cov kev pab cuam cob qhia tau kev pom zoo lawm, tsev kawm ntawv qib siab los sis tsev kawm txuj siab uas koj mus kawm yuav tsum tau lees txais "kev tso cai/daim ntawv cog lus yuav them" los ntawm DOR. Ces lub tsev kawm ntawv yuav xa ib daim ntawv sau nqi tuaj rau DOR rau thaum yuav kaw txhua phaj kawm. Nws yog qhov tseem ceeb uas koj yuav muab ntaub ntawv qhia paub rau DOR txog cov hnub tim thiab cov nqi ua ntej yuav tag phaj kawm kom DOR thiaj yuav tsim tawm kev tso cai tau, uas yuav pab kom koj rau npe kawm tau hauv tsev kawm los sis tsev kawm qib siab.

9. Kuv puas yuav tsum tau mus kawm hauv tsev kawm qib siab hauv zej zog ua ntej kuv tso npe hauv tsev kawm qib siab plaub-xyoos los sis tsev kawm txuj siab?

Txoj cai lij choj hais tias cov neeg qhua uas txais kev pab cuam uas tau txais kev cob qhia theem tsev kawm ntawv qib siab yuav tsum mus kawm hauv tsev kawm ntawv qib siab hauv zej zog ua ntej thiab tom qab ntawd mam pauv mus rau tsev kawm qib siab hauv xeev plaub-xyoos los sis tsev kawm txuj siab, vim tias feem ntau qhov ntawd yog lwm txoj kev xaiv uas muaj tus nqi qis zog.

Li cas los xij, muaj qee cov kev zam rau txoj cai no. Yog koj qhia pom tau tias kev mus kawm hauv tsev kawm ntawv qib siab plaub xyoos los sis tsev kawm txuj siab yuav sib npaug rau los sis tsawg dua kev mus kawm hauv tsev kawm ntawv qib siab hauv zej zog rau ob xyoos xub thawj, ces DOR yuav pom zoo pab nyiaj rau tsev kawm ntawv qib siab plaub-xyoos. Los sis, yog koj yeej qhia pom tau tias kev mus kawm hauv tsev kawm ntawv qib siab hauv lub zej zos uas tsis yog tsev kawm qib siab 4-xyoos yuav ua rau kawm tau qeeb heev hauv koj li kev nrhiav hauj lwm vim cov laj thawj ntsig txog kev xiam oob qhab, DOR yuav pom zoo pab nyiaj rau tsev kawm qib siab 4-xyoos. Hauv lwm txoj kev xaiv, yog tus nqi ntawm lub tsev kawm ntawv qib siab plaub-xyoos los sis tsev kawm txuj siab uas siab dua lub tsev kawm ntawv qib siab hauv zej zog thiab koj qhia tsis tau tias vim li cas tsev kawm ntawv qib siab 4-xyoos thiaj li tseem ceeb, koj yuav tau lav them rau qhov nyiaj tshuav ntawm koj cov nuj nqis ntsig txog kev kawm rau ob xyoos tsev kawm xub thawj.

Nyem rau ntawm no los nyeem txog txoj cai tswj hwm hais txog kev cob qhia theem tsev kawm ntawv qib siab.

10. DOR puas them rau kuv li kev cob qhia los ntawm tsev kawm ntawv ntiav?

DOR yuav tso cai muab kev cob qhia ntawm tsev kawm ntawv txuj siab ntiav yog muaj ib qho xwm txheej los sis ntau qhov hauv qab no:

1. Tsev kawm ntawv ntiav yuav ua tau raws li koj cov kev xav tau zoo dua; los sis
2. Tus nqi yuav qis dua lub tsev kawm ntawv nom tswv pab; los sis
3. Tsis muaj kev cob qhia hauv tsev kawm ntawv nom tswv pab; los sis
4. Kev mus kawm hauv tsev kawm ntawv nom tswv pab yuav ua rau ua tau qeeb heev hauv kev ua tau raws li lub hom phiaj kev ua hauj lwm.

Nyem rau ntawm no los nyeem txog txoj cai tswj hwm hais txog kev pab nyiaj kawm hauv tsev kawm ntawv ntiav.

Yog koj ua tau raws li ib qho ntawm cov kev zam saum toj no, ces DOR yuav pab nyiaj rau tus nqi uas tseem tshuav ntawm koj li kev mus kawm ntawv suav nrog tus nqi kawm ntawv, nqi phau ntawv, cov khoom siv, kev thauj mus los thiab kev saib xyuas txhim kho ntawm tsev kawm ntawv qib siab ntiav los sis tsev kawm txuj siab tom qab tau txais koj cov nyiaj pab rau kev pab fab nyiaj txiag thiab kev pab rau kev kawm.

Yog koj ua tsis tau raws li ib qho ntawm cov kev zam saum toj no, tej zaum koj tseem yuav xaiv kawm tau hauv tsev kawm ntiav rau koj li kev cob qhia los pauv rau tsev kawm ntawv nom tswv pab. Li cas los xij, yog koj xaiv kawm hauv tsev kawm ntawv ntiav, thiab muaj tsev kawm ntawv nom tswv txaus yuav ua kom tau raws li koj cov kev xav tau txog kev cob qhia, koj yuav tau lav rau cov nqi uas tseem tshuav tshaj tus nqi tsev kawm ntawv nom tswv pab.

11. DOR puas them rau kuv li kev cob qhia hauv lwm lub xeev sib txawv?

Tau. Tej zaum DOR yuav them rau koj li kev cob qhia uas tsis nyob hauv xeev. Yog tsis muaj cov tsev kawm ntawv los sis cov chav kawm uas tsim nyog hauv California, los sis, yog kev tuaj kawm hauv lub khoos kas kev cob qhia hauv California yuav ua rau muaj qhov nyuaj yam tsis tsim nyog ces DOR yuav them rau tus nqi tsev kawm ntawv nthiav tag nrho tau. Nyem rau ntawm no los nyeem txog txoj cai tswj hwm hais txog kev cob qhia uas tsis nyob hauv xeev.

Tsis tas li ntawd koj kuj xaiv mus kawm tau ahuv tsev kawm ntawv qib siab uas tau txais kev lees txais nyob lwm lub xeev tam li yog ib feem ntawm koj txoj kev xaiv uas paub meej. Li cas los xij, yog kev cob qhia uas koj xav tau muaj nyob hauv xeev, DOR yuav muab tau nyiaj pab siab txog tus nqi hauv xeev thiab koj yuav tau lav them rau qhov nyiaj ib txhia uas tsis them ntawd.

12. Thaum twg uas DOR yuav tsum kev them rau kev cov kev pab cuam cob qhia tau?

Thaum koj kawm tiav kev cob qhia uas tsim nyog rau koj lub hom phiaj kev ua hauj lwm, DOR yuav tsis them rau koj li kev cob qhia ntxiv lawm. Tej zaum DOR kuj yuav tsum cov kev pab cuam kev cob qhia yog kawm tsis tau. Yog lub khoos kas kev cob qhia ua tsis tau raws li koj cov kev xav tau, tej zaum koj yuav xav txog kev mus tham nrog koj tus kws pab tswv yim hauv DOR txog kev hloov pauv koj lub khoos kas. Nyem rau ntawm no los nyeem txoj cai tswj hwm uas piav qhia seb thaum twg DOR thiaj li yuav tsum cov kev pab cuam kev cob qhia tau.

Yog koj tsis pom zoo nrog DOR li kev txiav txim siab yuav tsum muab koj cov kev pab cuam kev cob qhia, koj tsim nyog mus tham nrog koj tus kws pab tswv yim ntawm DOR thiab/los sis tus thawj saib xyuas hauj lwm kiag tam sim ntawd. Yog thaum uas koj tsis muaj peev xwm daws tau koj qhov kev tsis pom zoo, koj muaj cai yuav thov Kev Tshuaj Xyuas Fab Kev Tswj Hwm nrog Tus Thawj Tswj Hwm Hauv Cheeb Tsam, los sis los thov Kev Sib Kho, thiab/los sis Kev Txiav Txim Plaub Ntug Txog Kev Ncaj Ncees txog qhov teeb meem no.

Yog yuav thov kev pab hauv kev daws cov kev sib cov nyom nrog DOR ntsig txog cov kev pab cuam kev cob qhia fab kev kawm los sis lwm yam teeb meem ntawm DOR, tej zaum koj yuav tiv tauj tau Lub Khoos Kas Muab Kev Pab Tus Neeg Qhua Uas Txais Kev Pab tau ntawm (800) 776-5746.