Cov Kev Pab Cuam Ntsig Txog Kev Siv Tsheb Thauj Neeg Xa Neeg Mus Los rau Cov Neeg Tau Txais Medi-Cal

Publications
Dec 1, 2022
#F120.09

Cov Kev Pab Cuam Ntsig Txog Kev Siv Tsheb Thauj Neeg Xa Neeg Mus Los rau Cov Neeg Tau Txais Medi-Cal

Daim ntaub ntawv qhia txog qhov txuam thawj tseeb no piav qhia txog txoj hau kev tau txais kev thauj mus los mus rau koj cov kev teem caij sib ntsib rau fab kev kuaj mob los ntawm koj li Medi-Cal Managed Care Plan (MCP).Nyob tom ntu kawg ntawm daim ntawv no yuav sib tham txog txoj hau kev kom tau txais cov kev pab cuam ntsig txog kev siv tsheb thauj xa mus los yog tias koj muaj Fee-For-Service (FFS) Medi-Cal.

Sau daim ntawv no

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

Daim ntaub ntawv qhia txog qhov txuam thawj tseeb no piav qhia txog txoj hau kev tau txais kev thauj mus los mus rau koj cov kev teem caij sib ntsib rau fab kev kuaj mob los ntawm koj li Medi-Cal Managed Care Plan (MCP).Nyob tom ntu kawg ntawm daim ntawv no yuav sib tham txog txoj hau kev kom tau txais cov kev pab cuam ntsig txog kev siv tsheb thauj xa mus los yog tias koj muaj Fee-For-Service (FFS) Medi-Cal.

KEEB KWM

Muaj ob hom kev thauj mus los uas tau txais nyiaj pab los ntawm Medi-Cal rau kev mus cuag kws kho mob.Kev thauj neeg mob mus los uas tsis yog xwm txheej ceev (Nonemergency medical transportation, NEMT) yog kev thauj mus los uas siv lub tsheb thauj neeg mob, lub tsheb npav me uas muaj lub txaj rau neeg mob pw, los sis lub tsheb npav me uas muaj tshuab nqa rooj zaum muaj log nce rau cov neeg uas siv tsis tau kev thauj xa neeg kho mob mus los rau zej tsoom los sis ntiag tug.Pib siv tau hauv Lub Xya Hlis Ntuj Tim 1, 2017, txhua qhov MCP kuj yuav tsum tau muab Kev Thauj Neeg Mus Los Uas Tsis Yog Fab Kev Kho Mob (NMT) kom mus siv tau cov kev pab cuam uas tsim nyog rau fab kev kho mob thiab. Kev thauj mus los uas tsis yog fab kev kho mob (Nonmedical transportation, NMT) yog kev siv tsheb thauj xa neeg mus los uas siv lub tsheb ntiag tug los sis tsheb pab cuam zej tsoom sawv daws rau cov neeg uas tsis muaj lwm txoj hau kev yuav mus tau rau lawv cov kev teem caij ntsib kws kho mob.

Qhov kev pab cuam yog “qhov tseem ceeb rau fab kev kho mob” thaum uas nws yeej tsim nyog thiab tseem ceeb yuav pov thaiv tau lub neej txoj sia, tiv thaiv kev mob nkeev hnyav los sis kev xiam oob qhab hnyav, los sis pab ua kom qhov mob hnyav ntawd ntaug zog.1

Cov qauv piv txwv ntawm cov kev pab cuam ntawm NMT yuav muaj kev thauj neeg mus rau thiab los ntawm kev mus ntsib tus kws kho mob, mus rau lub khw muag tshuaj los sis lub chaw muag khoom kho mob uas yuav mus nqa daim ntawv sau yuav tshuaj, mus nqa tej khoom kho mob los sis cov cuab yeej, mus saib xyuas tus me nyuam mos uas muaj mob hauv Chav Kho Mob Hnyav Rau Me Nyuam Yaus (NICU), los sis kom tau txais lwm cov kev pab cuam uas tau txais kev duav roos los ntawm Medi-Cal, suav nrog cov kev pab cuam txog kev noj qab haus huv fab kev puas siab puas ntsws thiab kev kho hniav.

Txij thaum Lub Kaum Hlis Ntuj Tim 1, 2017 los, MCP kuj yuav tsum tau muab NMT rau Medi-Cal cov kev pab cuam uas tsis tau txais kev duav roos nyob hauv MCP daim ntawv cog lus huv si suav nrog, tab sis tsis tas rau ntawm, cov kev pab cuam txog kev noj qab haus huv ntsig txog kev puas siab puas ntsws tshwj xeeb, kev tsis meej pem los ntawm kev siv tshuaj muaj yees, kev kho hniav, thiab lwm cov kev pab cuam twg uas muab los ntawm Medi-Cal FFS lub lab npauv xa neeg.2

I. Kev Thauj Neeg Mob Mus Los Uas Tsis Yog Xwm Txheej Ceev (NEMT)

NEMT yog qhov txiaj ntsig kev pab ntawm Medi-Cal uas tau txais kev duav roos thaum tus tswv cuab xav kom tau txais cov kev pab cuam uas tseem ceeb fab kev kho mob, thiab cov kev pab cuam uas kws kho mob, kws kho hniav, tus kws kho ko taw, tus kws muab kev pab cuam kho mob txog kev noj qab haus huv fab kev puas siab puas ntsws los sis kev tsis meej pem los ntawm kev siv tshuaj muaj yees los sis tus kws kho mob uas kho mob tau sau ua daim ntawv qhia.3

a. Kuv yuav paub tau li cas tias kuv ho tsim nyog tau txais NEMT?

Cov MCP yuav tsum tau muab cov kev pab cuam NEMT yog tias koj qhov zwj ceeb fab kev kho mob los sis lub cev ua rau mus siv tsis tau txoj hau kev ntawm kev thauj pej xeem mus los-los sis kev thauj mus los ntiag tug li sawv daws siv tau, thiab yuav tsum tau muaj kev thauj mus los kom tau txais cov kev pab cuam uas tsim nyog rau fab kev kho mob.4 Cov MCP yuav tsum muab NEMT rau cov tswv cuab uas mus tsis taus kev li ib txwm los sis tsis muaj peev xwm sawv tau los sis mus taus kev yam tsis muaj kev pab, xws li cov uas siv lub txheem muaj plaub ceg pab mus kev los sis tus pas nrig, thiab xyuas kom paub tseeb tias muaj kev pab kom mus txog chaw kiag.Yam tsawg kawg, cov MCP yuav tsum tso cai hom NEMT uas muaj tus nqi qis tshaj plaws uas muab tau kev pab cuam raws li koj cov kev xav tau fab kev kho mob, raws li tau txais kev txiav txim siab los ntawm tus kws ua hauj lwm tshaj lij fab kev kho mob.5NEMT cov kev pab cuam yuav tsum tau txais kev tso cai ua ntej, tshwj kiag cov uas raug xa tawm kiag tam sim ntawd ntawm kev pw hauv tsev kho mob ntawm theem kev saib xyuas maj rawm mus rau lub tsev kho mob muab kev saib xyuas maj rawm, lub chaw muaj kev paub rau kev tu mob (SNF), lub chaw muab kev saib xyuas (tu) mob theem nrab los sis chav kho mob kev puas siab puas ntsws uas muaj nyob ua ke, los sis lub chaw kho kev puas siab puas ntsws maj rawm rau tus neeg mob pw kho hauv tsev kho mob yam tsim nyog ib qho twg.6

b. Yuav ua li cas yog tias kuv xav tau cov kev pab cuam uas TSIS tau txais kev duav roos los ntawm kuv li MCP daim ntawv cog lus?

Hais txog Medi-Cal cov kev pab cuam nyob sab nraud ntawm MCP daim ntawv cog lus lawm, MCP yuav tsum siv zog kom kawg siab los pab thiab sib koom cov kev pab cuam ntawm NEMT kom tau.Cov MCP yuav tsum muab cov kev pab cuam uas tsim nyog rau fab kev kho mob rau koj rau tag nrho cov ntawv sau qhia yuav tshuaj uas tau sau muab los ntawm koj (cov)tus kws muab kev saib xyuas kho mob ntawm Medi-Cal thiab cov uas tau txais kev tso cai hauv Medi-Cal Rx.Cov MCP yuav tsum xyuas kom paub tseeb tias tsis muaj kev txwv txog kev tau txais NEMT tsuav yog tias koj cov kev pab cuam yeej tsim nyog rau fab kev kho mob thiab koj tau txais kev tso cai ua ntej rau NEMT lawm xwb.

c. Yuav ua li cas yog tias MCP tus tswv cuab yog me nyuam yaus?

Yog tias tus tswv cuab yog tus me nyuam yaus, cov MCP kuj yuav tsum muab kev thauj mus los rau niam thiab txiv los sis tus neeg saib xyuas me nyuam thiab.Tej zaum cov MCP yuav npaj NEMT rau tus me nyuam yaus uas tsis muaj niam txiv mus ua ke nrog daim ntawv lus pom zoo ntawm tus me nyuam yaus leej niam thiab txiv los sis tus neeg saib xyuas me nyuam, tshwj tsis yog tias tus me nyuam yaus uas tab tom nrhiav Medi-Cal cov kev pab cuam uas Muaj Kev Pom Zoo Los Ntawm Me Nyuam Yaus xws li kev saib xyuas kho mob ntsig txog kev tsim noob neej.Ua ntej yuav npaj kev thauj mus los rau cov me nyuam yaus uas tsis muaj niam txiv mus nrog ua ke, MCP yuav tsum xyuas kom paub tseeb hais tias lawv tau txais tag nrho cov foos kev pom zoo ua ntawv sau yam tsim nyog lawm.TSIS tas yuav muaj kev pom zoo los ntawm niam thiab txiv rau Medi-Cal cov kev pab cuam uas muaj Kev Pom Zoo Los Ntawm Me Nyuam Yaus.

d. Muaj cov hom kev pab cuam ntawm NEMT twg rau kuv thiab?

Yog tias koj qhov zwj ceeb mob ntsig txog lub cev los sis fab kev kho mob ua rau koj siv tsis rau cov hau kev ntawm kev thauj mus los rau zej tsoom sawv daws los sis ntiag tug li ib txwm sawv daws siv tau thiab yuav tsum tau muaj kev thauj mus los rau koj kom tau txais kev saib xyuas kho mob uas tsim nyog, 7 ces cov MCP yuav tsum tau npaj muab plaub hom kev thauj mus los ntawm NEMT tom ntej no:8

i. Cov Kev Pab Cuam Tsheb Thauj Neeg Mob Ntawm NEMT rau:

  • Hloov ntawm cov chaw muab kev pab cuam kho mob rau cov tswv cuab uas xav tau kev txhaj tshuaj dai dej (IV) yam tsis tu ncua, kev ntsuam xyuas fab kev kho mob los sis kev soj ntsuam;9
  • Hloov tawm ntawm lub chaw muab kev saib xyuas (tu) mob maj rawm mus rau lwm lub chaw muab kev saib xyuas (tu) mob maj rawm;10
  • Thauj cov tswv cuab uas nyuam qhuav tau siv cov pa oxygen pab tsis ntev los no (siv tsis tau rau cov tswv cuab uas muaj mob hlab ntsws o uas kho zoo tsis tu qab uas yeej muaj lawv tus kheej lub raj pa oxygen kom siv tau tas li);11
  • Thauj cov tswv cuab uas muaj cov yam ntxwv mob zoo tsis tu qab uas xav tau cov pa oxygen pab yog tias yuav tsum tau muaj kev ntsuam xyuas.12

ii. Cov Kev Pab Cuam Uas Tsheb Npav Me Muaj Tshuab Tsaws Neeg Mob Zaum Rooj Muaj Log

Lub tsheb npav me muaj tshuab tsaws neeg mob zaum rooj muaj log yog lub tsheb uas lawv muab hloov kho uas muab los siv rau lub hom phiaj ntawm kev muab NEMT rau cov neeg caij tsheb uas muaj cov yam ntxwv fab mob kho mob ruaj khov uas xav siv lub tsheb npav muaj tshuab tsaws rooj zaum muaj log los sis txaj thawb neeg mob, thiab uas tsis muaj tej cuab yeej kho mob los sis tus neeg ua hauj lwm kho mob nrog ua ke tas li uas yuav tsum tau muaj rau kev saib xyuas kho mob tshwj xeeb uas tau txais nyob hauv kev thauj neeg mob.Cov MCP yuav tsum tau muab cov kev pab cuam tsheb npav me uas muaj tshuab tsaws rooj zaum muaj log yog tias koj tus yam ntxwv fab kev kho mob thiab ntawm lub cev TSIS mus raws li cov kev pab cuam thauj neeg mob ntawm NEMT los xij, tab sis ua tau raws li tag nrho cov nqe hauv qab no:

  • Tseev kom thauj koj mus hauv seem uas pw khwb rwg los sis ntxeev tiaj vim tias koj tsis muaj peev xwm yuav zaum taus hauv lub sij hawm thauj mus;13 THIAB
  • Tseev kom muaj qhov cuab yeej kev nyab xeeb tshwj xeeb zoo tshaj thiab tshaj yam uas feem ntau yuav muaj hauv cov tsheb thauj neeg taug kev mus los, cov tsheb tav xij, los sis lwm hom kev thauj pej xeem mus los.14

iii. Cov Kev Pab Cuam Uas Tsheb Npav Me Muaj Rooj Zaum Muaj Log

Cov MCP yuav tsum tau muab cov kev pab cuam tsheb npav me uas muaj rooj zaum muaj log thaum koj tus yam ntxwv fab kev kho mob thiab ntawm lub cev TSIS mus raws li cov kev pab cuam tsheb npav me muaj rooj zaum muaj log los xij, tab sis ua tau raws li cov nqe hauv qab no ib qho twg:

  • Koj zaum tsis tau hauv lub tsheb ntiag tug, tsheb tav xij, los sis lwm hom kev thauj pej xeem mus los rau ncua sij hawm uas yuav tsum tau siv los thauj mus ntawd;15 OR
  • Yuav tsum tau thauj koj nyob saum lub rooj zaum muaj log los sis tau txais kev pab mus rau thiab los ntawm chaw nyob, lub tsheb, thiab qhov chaw kho mob vim tias muaj kev txwv ntawm lub cev los sis fab siab ntsws uas tsis taus;16LOS SIS
  • Yuav tsum tau muaj cuab yeej kev nyab xeeb tshwj xeeb zoo tshaj yam uas feem ntau yuav muaj nyob hauv cov tsheb thauj neeg mus los, tsheb tav xij, los sis lwm hom kev thauj neeg mus los.17
    Koj tuaj yeem tsim nyog kom lub tsheb npav me muaj rooj zaum muaj log thauj mus yog tias koj muaj ib nqe twg ntawm cov yam ntxwv li tom ntej no THIAB koj tus kws kho mob xa daim foos Nqe Lus Hais Ua Pov Thawj Ntawm Kws Kho Mob uas kws kho mob kos npe rau tuaj (muab los sib tham ntxiv hauv qab no):18
    • Kev tsis meej pem fab kev puas siab puas ntsws hnyav heev
    • Mob tuag lub cev yav hauv
    • Cov neeg tau txais kev lim ntshav vim raum tuag lawm
    • Koj muaj tus yam ntxwv mob kho zoo tsis tu qab uas xav tau pa oxygen tab sis tsis tas muaj kev soj ntsuam xyuas

iv. NEMT saum Nruab Ntug

Cov MCP yuav tsum muab NEMT saum nruab ntug thaum nws ho tsim nyog vim rau qhov koj muaj qhov tus yam ntxwv mob los sis vim tias siv tsis tau kev thauj mus los hauv pem teb lawm.19 Koj tus kws kho mob, tus kws kho hniav, tus kws kho mob ko taw, tus kws muab kev pab cuam txog kev noj qab haus huv fab kev puas siab puas ntsws, los sis kev tsis meej pem los ntawm kev siv tshuaj muaj yees yuav tsum xa daim ntawv lus txib sau ua daim ntawv uas piav qhia tias vim li cas thiaj li tsim nyog siv kev thauj mus los saum nruab ntug.20

e. NEMT Cov Foos Nqe Lus Hais Ua Pov Thawj Ntawm Tus Kws Kho Mob (PCS)

Koj yuav tsum muaj daim foos Nqe Lus Hais Ua Pov Thawj Ntawm Tus Kws Kho Mob uas tau kev pom zoo uas tso cai muab NEMT los ntawm koj tus kws muab kev pab cuam.Txhua tus MCP yeej nyias muaj nyias daim foos PCS li lawm.Koj tuaj yeem thov daim foos los ntawm koj tus kws kho mob hauv kev hu xov tooj rau, hauv khoos phis tawj, tim ntsej tim muag, los sis lwm txoj hau kev uas tsim los ntawm koj lub MCP.Yog tias MCP ua kev hloov pauv ib qho twg rau daim foos PCS txij thaum daim ntawv kev pom zoo zaum dhau los tau txais los ntawm DHCS, MCP yuav tsum rov xa daim ntawv pom zoo tuaj dua.PCS daim foos raug muab siv los txiav txim siab txog theem kev pab cuam yam tsim nyog rau cov tswv cuab.Thaum uas koj tus kws kho mob sau muab daim foos kev thauj mus los lawm, MCP tsis tuaj yeem yuav kho tau kev tso cai ntawd lawm.Yam tsawg kawg, koj tus kws kho mob yuav tsum muab cov ntaub ntawv qhia paub tom ntej no tso ua ke nrog rau:

  • Kev Saib Qhov Tseeb Txog Cov Kev Txwv Fab Kev Siv Hauj Lwm: Koj tus kws kho mob yuav tsum teev tseg koj cov kev txwv thiab qhia txog cov kev txwv rau lub cev thiab fab kev kho mob tshwj xeeb uas ua rau koj mus tsis taus kev yam tsis muaj kev pab los sis kev thauj mus los yam muaj laj thawj los ntawm cov tsheb thauj pej xeem los sis tsheb ntiag tug.
  • Hnub Tim Xav Tau Kev Pab Cuam: Muab cov hnub tim pib thiab xaus rau cov kev pab cuam NEMT siab txog qhov siab kawg nkaus 12 lub hlis.
  • Hom Kev Thauj Mus Los Uas Xav Tau: Teev qhia hom kev thauj mus los uas xav tau thaum tau txais cov kev pab cuam: tsheb thauj neeg mob, tsheb npav me muaj tshuab tsaws rooj zaum muaj log, tsheb npav me muaj rooj zaum muaj log, los sis kev thauj mus los saum nruab ntug.
  • Nqe Lus Hais Ua Pov Thawj: Koj tus kws kho mob yuav tsum ua pov thawj tias tau siv qhov tsim nyog fab kev kho mob los txiav txim siab txog hom kev thauj mus los uas koj xav tau.

Koj tus kws muab kev saib xyuas kho mob yuav tsum xa Daim Foos PCS mus rau MCP kom tau kev pom zoo txog cov kev pab cuam NEMT thiab MCP yuav tsum siv daim foos PCS los muab hom kev pab cuam NEMT uas tsim nyog rau koj.

i. Cov Kev Zam Txog Daim Foos PCS

Cov MCP tuaj yeem muab kev tso cai hauv xov tooj rau cov kev thov txog NEMT thaum koj xav tau kev pab cuam uas tsim nyog rau fab kev kho mob uas tau txais kev duav roos los ntawm MCP ntawm tus yam ntxwv uas maj rawm thiab tsis tuaj yeem xa tau daim foos PCS mus ua ntej tau yam tsim nyog hlo li.21 Li cas los xij, kev tso cai hauv xov tooj tseem yuav siv tau yog tias muaj daim ntawv thov kev tso cai los lees paub tso lawm xwb.Kuj tsis tas yuav muaj cov foos PCS rau cov neeg muab tej khoom nruab nrog pub dawb hauv kev hloov pauv Khoom Nruab Nrog Tseem Ceeb (MOT) uas thov cov kev pab cuam NEMT los xyuas kom paub tseeb tus neeg muab khoom nruab nrog pub dawb muaj lub peev xwm yuav mus tau tom tsev kho mob rau kev hloov pauv MOT li.

II. Kev Thauj Mus Los Uas Tsis Yog Rau Fab Kev Kho Mob (NMT)

Cov MCP yuav tsum npaj kom tau NMT rau tag nrho Medi-Cal cov kev pab cuam, suav nrog cov uas TSIS tau txais kev duav roos los ntawm MCP daim ntawv cog lus.Cov kev pab cuam uas tsis tau txais kev duav roos hauv MCP daim ntawv cog lus suav nrog, tab sis tsis tas rau ntawm, kev noj qab haus huv ntsig txog kev puas siab puas ntsws tshwj xeeb, kev tsis meej pem los ntawm kev siv tshuaj muaj yees, kev kho hniav, thiab lwm cov txiaj ntsig twg uas tau txais los ntawm FFS, suav nrog cov kev pab cuam ntawm khw muag tshuaj uas tau muab rau koj los ntawm Medi-Cal Rx.

a. Kuv yuav paub tau li cas tias kuv tsim nyog tau txais NMT los sis NEMT?

NMT tsis muaj kev thauj cov neeg uas yuav tsum tau txais kev thauj mus los uas siv lub tsheb thauj neeg mob, lub tsheb npav me uas muaj tshuab tsaws rooj zaum muaj log, lub tsheb npav me muaj rooj zaum muaj log, los sis kev thauj mus los saum nruab ntug.Piv txwv li, koj tus kws kho mob tuaj yeem sau kom muab NMT yog tias tam sim no koj siv lub rooj zaum muaj log, tab sis koj tuaj yeem mus tau ib leeg yam tsis tos kev pab los ntawm neeg tsav tsheb li.Ib yam li NEMT, NMT yuav tsum yog txoj hau kev ntawm kev thauj mus los uas muaj tus nqi qis tshaj plaws uas ua tau raws li koj cov kev xav tau.

b. Cov kev pab cuam NMT twg uas muaj rau kuv?

Cov MCP yuav tsum tau npaj kom muaj Phau Ntawv Qhia Txog Cov Kev Pab Cuam Tswv Cuab rau koj uas yuav muaj cov ntaub ntawv qhia paub txog cov txheej txheem kom tau txais cov kev pab cuam NMT.Phau Ntawv Qhia Txog Cov Kev Pab Cuam Tswv Cuab yuav tsum muaj lus piav qhia txog cov kev pab cuam NMT thiab cov xwm txheej hauv kev siv kev pab cuam ntawm NMT.Tiv tauj koj txoj phiaj xwm kev saib xyuas kho mob uas muaj kev tswj xyuas yog tias koj xav tau ib daim ntawv theej ntawm koj Phau Ntawv Qhia Txog Cov Kev Pab Cuam Tswv Cuab.

c. Yam tsawg kawg, cov MCP yuav tsum muab cov kev pab cuam NMT tom ntej no:22

Kev thauj mus los ib lwm kev los ntawm lub tsheb thauj neeg taug kev, lub tsheb tav xij, los sis lwm hom tsheb thauj pej xeem los sis tsheb ntiag tug, suav nrog mus raws lub nkoj hla dej,23 los sis kev them nyiaj rov qab rau qhov mais kev uas tau khiav kev rau cov hom phiaj fab kev kho mob thaum siv lub tsheb ntiag tug los thauj mus los thiab koj yog tus npaj cia thiab tsis yog los ntawm tus neeg muab kev pab cuam kev thauj mus los, cov pib tsheb npav, cov ntawv caij tsheb tav xij, los sis cov pib tsheb ciav hlau.24

NMT li kev thauj mus los ib lwm kev yuav muaj rau cov nqe hauv qab no:

  • Cov kev pab cuam uas tau txais kev duav roos yam tsim nyog rau fab kev kho mob
  • Kev mus nqa daim ntawv sau yuav tshuaj uas yuav muab xa raws kev xa ntawv tuaj rau koj tsis tau
  • Mus nqa cov khoom siv kho mob, cov tes taw cuav, tej cuab yeej pab txheem pob txha, thiab lwm yam cuab yeej siv kho mob

Cov MCP yuav tsum muab NMT hauv tus yam ntxwv uas siv tau ntawm lub cev thiab raws teb chaws toj roob hauv pes rau koj thiab haum raws li lub xeev thiab tsoom fwv cov kev cai lij choj hais txog cov cai ntawm neeg xiam oob qhab uas tsim nyog.

Cov MCP yuav tsum tuaj txhob tsis pub dhau 15 feeb ntawm lawv qhov kev teem caij uas tau teem tseg.Yog tias tus kws muab kev pab cuam NMT tuaj tsis txhob ntawm lub sij hawm tuaj tos raws li teem sij hawm tseg, MCP yuav tsum muab lwm qhov NMT kom tau los sis tso cai rau koj los teem sij hawm rau NMT uas tsis nyob hauv pab pawg koom tes lwm txoj thiab them nyiaj rov qab rau NEMT uas tsis nyob hauv pab pawg koom tes ntawd.25

d. Kuv puas yuav tsum tau muaj kev tso cai ua ntej rau cov kev pab cuam NMT?

NMT tsis xav tau kev tso cai ua ntej, li cas los xij cov MCP yuav siv tus txheej txheem kev tso cai ua ntej rau kev pom zoo muab cov kev pab cuam NMT thiab rov tso cai cov kev pab cuam dua hauv txhua 12 lub hlis thaum uas ho tsim nyog yuav ua li ntawd.26 “Kev tso cai ua ntej” yog kev txiav txim siab los ntawm koj lub tuam txhab muab kev tuav pov hwm kev noj qab haus huv los sis txoj phiaj xwm tuav pov hw tias qhov kev pab cuam saib xyuas kev noj qab haus huv los sis txoj phiaj xwm kev kho mob yog qhov tsim nyog rau fab kev kho mob.

Yog tias MCP txiav txim siab kom muaj tus txheej txheem kev tso cai ua ntej rau NMT, nws yuav tsum tau siv tsab ntawv Ceeb Toom txog Kev Nqis Tes Ua (NOA) los ceeb toom qhia rau cov tswv caub paub txog MCP li kev txiav txim siab thiab tus tswv cuab li kev muaj cai yuav thov kom rov txiav txim dua.27 MCP kuj yuav tsum tau xyuas kom paub tseeb tias tau txais NMT raws sij hawm rau lawv cov tswv cuab kom tau txais tag nrho cov kev pab cuam Medi-Cal uas tsim nyog rau fab kev kho mob lawm.28 Qhov no txhais tau tias muaj cov kev txwv txog qhov ntev npaum li cas uas koj yuav tsum tau tos kom tau txais cov kev pab cuam thiab cov kev pab cuam qeeb twg uas yeeb vim yog NEMT los sis NMT tsis ua rau cov kev txwv ntawv ntev zog tuaj.Yog xav paub ntau ntxiv txog kev nkag cuag tau rau cov qauv cai kev saib xyuas kho mob raws sij hawm, mus siab hauv daim ntawv #5610.01 Medi-Cal Managed Care Cov Qauv Cai Hais Txog Sij Hawm thiab Ncua Kev Deb mus rau Cov Kws Muab Kev Pab Cuam Kho Mob, muaj nyob rau ntawm no: https://www.disabilityrightsca.org/publications/medi-cal-managed-care-time-and-distance-standards-for-providers.

e. Cov kev pab cua twg TSIS tau txais kev duav roos los ntawm NMT?

NMT TSIS duav roos cov kev taug kev mus rau qhov chaw uas tsis yog fab kev kho mob los sis cov kev teem caij uas tsis tsim nyog rau fab kev kho mob.

f. Kev tso cai rau lub tsheb thauj mus los ntiag tug muaj txoj cai li cas thiab?

Koj li MCP yuav tsum tso cai cia siv lub tsheb ntiag tug thaum tsis muaj lwm txoj hau kev thauj mus los yam tsim nyog los sis tau txais los ntawm MCP yam tsim nyog lawm.29 Cov tsheb ntiag tug tuaj yeem yuav muaj tus tswv cuab lub tsheb ntiag tug, los sis lub tsheb ntawm tus phooj ywg los sis tus tswv cuab hauv tsev neeg.Qhov no tsis xam nrog cov tsheb uas cuam tshuam rau cov kev ua lag luam, xws li Uber los sis Lyft.Ua ntej yuav thov siv lub tsheb ntiag tug, koj yuav tsum siv kom tag cov kev xaiv kev thauj mus los uas tsim nyog tso thiab lees paub tias tsis muaj lwm txoj hau kev twg lawm txawm tias yuav yog mus ntawm tus kheej, hauv khoos phis tawj, los sis hauv kev hu xov tooj mus rau koj li MCP los xij.30 Qhov no tuaj yeem muaj kev txheeb xyuas qhov tseeb tias koj tsis muaj ntawv tso cai tsav tsheb siv tau los sis tsis muaj lub tsheb uas siv tau; tsis tuaj yeem taug kev los sis tos rau cov kev pab cuam fab kev kho mob los sis kev kho hniav ib qho nkaus xwb; los sis koj muaj kev txwv ntawm lub cev, fab kev paub, fab kev puas siab puas ntsws, los sis fab kev loj hlob.31

III. Cov Nqe Lus Nug Uas Keev Pom rau NEMT thiab NMT

a. Kuv li MCP puas yuav duav roos cov nuj nqis kev taug kev uas muaj feem cuam tshuam rau NEMT los sis NMT?

Cov MCP yuav tsum duav roos cov nuj nqis kev taug kev uas cuam tshuam rau kev thauj mus los uas tau txiav txim siab tias tsim nyog rau NEMT thiab NMT, suav nrog tus nqi ntawm kev thauj mus los thiab cov nuj nqis uas tsim nyog yam muaj laj thawj rau cov pluas mov noj thiab chaw pw rau koj thiab koj tus neeg saib xyuas thiab ua huaj lwm saum dav hlau/tus neeg saib xyuas uas tuaj nrog.Yog tias koj tus neeg saib xyuas tsis yog tus tswv cuab hauv tsev neeg, lawv qhov nyiaj yog qhov nuj nqis kev taug kev uas tau txais kev duav roos.32Cov MCP yuav siv kev tso cai ua ntej thiab cov kev tswj hwm kev tswj xyuas kev siv rau cov nuj nqis siv taug kev uas muaj feem sib cuam tshuam, suav nrog cov qauv cai rau kev txiav txim siab seb tus neeg saib xyuas puas yog qhov tsim nyog.Qhov no tsis tau txwv MCP kom tsis pub tseev kom muaj daim foos PCS rau tag nrho cov kev tso cai NEMT.

Cov nuj nqis siv taug kev uas cuam tshuam rau kev thauj mus los yuav tsum tau txais kev them rov qab uas xam rov qab mus yav dhau los.Txhawm rau tsim nyog tau txais kev them rov qab uas xam rov qab mus yav dhau los, yuav tsum tau teev tseg qhov kev pab cuam NEMT los sis NMT thiab cov nuj nqis uas muaj feem sib cuam tshuam cia kom raws li MCP cov cai thiab cov txheej txheem.Yog tias koj ua tsis tau raws li MCP tus txheej txheem kev tso cai ua ntej, MCP tsis tas yuav duav roos koj cov nuj nqis siv taug kev uas muaj feem sib cuam tshuam ntawd hlo li.

i. Kev Them Nyiaj

Cov MCP yuav tsum tau muaj cov txheej txheem cia los npaj muab cov hau kev them nyiaj tom ntej no rau cov nuj nqis siv taug kev uas muaj feem sib cuam tshuam:

  • Kev Them Nyiaj Rov Qab Rau Tus Tswv Cuab: Cov MCP tuaj yeem them nyiaj rov qab rau cov tswv cuab rau cov nuj nqis siv taug kev uas tau kev pom zoo ntawd.Kev them nyiaj rov qab yuav tsum duav roos koj thiab koj tus neeg saib xyuas cov nuj nqis tiag tsuav yog tias cov nuj nqis ntawd muaj laj thawj thiab tau txais kev txhawb nqa los ntawm cov ntawv pov thawj them nyiaj.Yog tias koj los sis koj tsev neeg tau them rau cov nuj nqis siv taug kev ua ntej lawm, cov MCP yuav tsum pom zoo thiab them nyiaj rov qab rau koj tsis pub dhau 60 hnub raws ntawv qhia hnub hli tom qab lees paub meej tias MCP twb tau txais tag nrho cov ntawv pov thawj kev them nyiaj uas yuav tsum tau muaj thiab cov ntaub ntawv lawm.
  • Kev Them Nyiaj Ua Ntej rau Tus Neeg Muab Kev Pab Cuam: Yog tias koj thiab koj tus neeg saib xyuas uas tuaj nrog tsis muaj peev xwm them tau ua ntej, cov MCP yuav tsum them ua ntej rau cov neeg muab kev pab cuam rau cov nuj nqis siv taug kev uas muaj feem sib cuam tshuam ntawd, suav nrog cov nqi pluas mov thiab chaw so.Koj yuav tsum qhia ua pov thawj rau MCP tim ntsej tim muag, hauv khoos phis tawj, los sis hauv kev hu xov tooj tias koj tsis muaj peev xwm them ua ntej rau cov nuj nqis siv taug kev uas muaj feem sib cuam tshuam ntawd tau.

ii.Chaw So thiab Cov Pluas Mov

Yog tias MCP tsis them ua ntej rau koj thiab koj tus neeg saib xyuas uas nrog tuaj cov nqi chaw so thiab/los sis pluas mov, ces MCP yuav tsum tau muab kev them nyiaj rov qab rau cov nuj nqis txog chaw so thiab pluas mov uas tau txais kev pom zoo ntawd.Kev them nyiaj rov qab yuav tsum duav roos cov nuj nqis tiag, yog tias cov nuj nqis ntawd muaj laj thawj thiab tau txais kev txhawb nqa los ntawm cov ntawv pov thawj them nyiaj.Cov MCP yuav saib cov ntawv pov thawj cov nqi pluas mov thiab chaw so raws hnub ntawm IRS los ua qhov qauv qhia.33 Tam li yog ib feem ntawm tus txheej txheem kev tso cai ua ntej, cov MCP yuav npaj kom muaj chaw so rau koj, yog tias nws nyob rau hauv ncua deb uas muaj laj thawj txaus ntawm qhov chaw uas koj yuav tau txais cov kev pab cuam uas tsim nyog fab kev kho mob.(Cov)Daim ntawv siv them nqi pluas mov hauv tsev kho mob yuav raug muab lov tawm ntawm cov nuj nqis pluas mov uas koj thiab koj tus neeg saib xyuas xa tuaj.

iii.Lwm Cov Nuj Nqis Tseem Ceeb

Yog tias MCP tsis them ua ntej rau lwm cov nuj nqis tseem ceeb (xws li, nqi nres tsheb, nqi khiav dhau kev) uas tau tshwm sim los ntawm tus tswv cuab thiab tus neeg saib xyuas uas mus nrog, MCP yuav tsum tau muab kev them nyiaj rov qab rau cov nuj nqis ntawd.Xws li cov nuj nqis txog chaw so thiab pluas mov, kev them nyiaj rov qab yuav tsum duav roos cov nuj nqis tiag, yog tias cov nuj nqis ntawd muaj laj thawj thiab tau txais kev txhawb nqa los ntawm cov ntawv pov thawj them nyiaj.

b. Kuv yuav ua li cas tau yog tias kuv li MCP tsis pom zoo rau kuv qhov kev thov txog NEMT los sis NMT?

Yog tias MCP tsis pom zoo rau koj qhov kev thov txog NEMT los sis NMT raws li qhov tsim nyog fab kev kho mob, theem kev thauj mus los uas tau thov tuaj, los sis tsis kam them rau nqi kev thauj mus los, koj tuaj yeem thov kom rov txiav txim dua txog qhov kev txiav txim siab nrog koj li MCP.Qhov kev thov kom rov txiav txim dua yog kev tshuaj xyuas los ntawm koj li MCP txog kev tsis pom zoo.34 Koj yuav tsum ua ntawv txodg koj qhov kev thov kom rov txiav txim dua tsis pub dhau 60 hnub tom qab koj tau txais tsab ntawv ceeb toom txog kev tsis pom zoo no.Yog xav paub ntau ntxiv txog kev sau ntawv lus thov kom rov txiav txim dua nrog koj li MCP, ua ke nrog cov cai hais txog kev thov kom rov txiav txim dua ntxiv suav nrog lub rooj sib hais txog kev ncaj ncees qib xeev thiab Kev Tshuaj Xyuas Fab Kev Kho Mob Ntawm Chaw Ua Hauj Lwm Ywj Pheej, saib daim ntawv luam tawm #5606.01 Medi-Cal Managed Care: Cov Kev Thov Rov Txiav Txim Dua thiab Cov Kev Tsis Zoo Siab, muaj nyob hauv online.Nias rau ntawm no los nyeem kom paub ntau ntxiv hais txog Medi-Cal Managed Care:Cov Kev Thov Rov Txiav Txim Dua thiab Cov Kev Tsis Zoo Siab.Dhau ntawd lawm, cov lus teb rau cov nqe lus nug uas nquag nug tas li uas pab tau zoo hais txog cov kev pab cuam NEMT thiab NMT muaj nyob hauv online.Nias rau ntawm no kom paub ntau ntxiv hais txog DHCS Pawg Ua Hauj Lwm Txog Kev Thauj Mus Los Cov Nqe Lus Nug Uas Nquag Nug Tas Li (FAQs).

c. Kuv muaj FFS Medi-Cal. Kuv puas tseem yuav tau txais cov kev pab cuam ntsig txog kev thauj mus los no thiab?

Pib hauv Lub Xya Hli Ntuj Tim 1, 2018, cov neeg uas tau txais FFS tag nrho txhua yam thiab cov poj niam uas cev xeeb me nyuam (lub sij hawm cev xeeb me nyuam thiab rau sij hawm 60 hnub tom qab yug me nyuam tag) tuaj yeem siv tau cov kev pab cuam NMT mus rau thiab los ntawm cov kev pab cuam fab kev kho mob, kev noj qab haus huv ntsig txog kev puas siab puas ntsws, kev tsis meej pem los ntawm kev siv tshuaj muaj yees, los sis kev kho hniav uas tau txais kev duav roos los ntawm Medi-Cal.35Tsis tas li ntawd kev thauj mus los kuj yuav tau txais kev duav roos rau ib tug neeg mus nrog tus neeg tau txais txiaj ntsig ntawm Medi-Cal thaum uas ho tsim nyog, xws li tus neeg saib xyuas uas yuav tau nrog tus neeg laus mus los sis rau niam thiab txiv coj lawv tus me nyuam mus ntsib tus kws kho mob.

d. Kuv muaj cai tau txais ob qhov kev pab cuam rau Medi-Cal thiab Medicare.Kuv siv cov kev pab cuam ntsig txog kev thauj mus los uas tau txais kev pab nyiaj los ntawm Medi-Cal mus rau tom sij hawm teem caij ntsib ntawm Medicare puas tau?

Koj tuaj yeem siv tau cov kev pab cuam NEMT thiab NMT los ntawm koj li Medi-Cal txoj phiaj xwm kev saib xyuas kho mob uas muaj kev tswj xyuas tau.36 Nws tsis tseem ceeb tias koj yuav tau txais Medicare los ntawm txoj phiaj xwm siab txuam ua ke xws li Cal MediConnect, txoj phiaj xwm Medicare tsis sib txuam ua ke, los sis Original Medicare los xij li.

Txhawm rau kom siv tau NMT, hu xov tooj los sis xa email rau tus neeg tiv tauj txog kev thauj mus los ntawm koj cheeb tsam nroog.Daim ntawv teev npe txog cov neeg tiv tauj hauv cheeb tsam nroog yam txhij txhua muaj nyob hauv online.Nias ntawm no rau daim ntawv teev npe txog Cov Neeg Tiv Tauj Hauv Cheeb Tsam Nroog Txog NMT.37 Yog tias koj tseem tsis muaj peev xwm yuav siv tau cov kev pab cuam NMT los ntawm koj tus neeg tiv tauj hauv cheeb tsam nroog uas hais los saum toj no ces, xa cov lus nug xav paub tag nrho mus rau DHCS-Benefits@dhcs.ca.gov uas muaj kev xa theej CC mus rau Raquel.Sanchez@dhcs.ca.gov. Koj kuj tuaj yeem hu tau rau San Diego Lub Chaw Hauj Lwm Nhyob Chaw Tshav Puam cov ntaub ntawv tiv tauj ((916) 688-6131) rau cov kev thov txog FFS NEMT (txawm yog tias koj tsis yog tus neeg nyob hauv Cheeb Tsam Nroog San Diego los xij).

Thaum kawg nod, yog tias koj tseem tsis muaj peev xwm tau txais NMT los ntawm koj lub cheeb tsam nroog thiab DHCS tus neeg tiv tauj saum toj no, koj muaj cai yuav thov txog kev txiav txim plaub ntug uas mloog ob tog lus los ntawm lub xeev.Koj yuav tsum ua daim ntawv thov txog kev txiav txim plaub ntug uas mloog ob tog lus tsis pub dhau 90 hnub txij thaum tau txais Tsab Ntawv Ceeb Toom txog Kev Nqis Tes Ua (NOA) uas tsis pom zoo txog koj li kev thauj mus los.Koj yuav thov kev txiav txim plaub ntug uas mloog ob tog lus hauv xov tooj los ntawm kev hu rau Feem Saib Xyuas Hauj Lwm Txog Kev Txiav Txim Plaub Ntug Uas Mloog Ob Tog Lus Los Ntawm Lub Xeev tau ntawm (800) 743-8525, los sis sau ntawv mus los ntawm kev sau kom tiav "Daim Ntawv Thov txog Kev Txiav Txim Plaub Ntug Uas Mloog Ob Tog Lus Los Ntawm Lub Xeev" nyob rau sab tom qab ntawm koj daim NOA los sis sau koj daim ntawv thov rau hauv lwm daim ntawv sib cais ib daim kheej.Koj yuav tsum sau koj lub npe thiab xeem, chaw nyob, naj npawb xov tooj, lub npe ntawm cheeb tsam nroog uas tau tsis pom zoo txog koj qhov kev thov ntsig txog kev thauj mus los, thiab qhov laj thawj ntxaws tias vim li cas koj tsis pom zoo thiab xav kom muaj kev txiav txim paub ntug uas mloog ob tog lus los ntawm lub xeev no tib si rau.Xa koj daim ntawv thov hauv ib qho twg ntawm cov hau kev tom ntej no:

  1. Xa raws kev xa ntav los sis ntawm tus kheej mus rau cheeb tsam nroog lub thawj fab hauj lwm saib xyuas chaw pab nyiaj txiag rau cov neeg txom nyem ntawm qhov chaw nyob uas qhia pom hauv koj daim NOA.
  2. Xa raws kev xa ntawv mus rau Xeev California Lub Thawj Fab Saib Xyuas Hauj Lwm Kev Pab Cuam Rau Fab Sim Neej – Feem Saib Xyuas Hauj Lwm Kev Txiav Txim Plaub Ntug Uas Mloog Ob Tog Lus Los Ntawm Lub Xeev, P.O. Box 944243, Mail Station 9-17-37, Sacramento, CA 94244-2430.
  3. Xa raws fev mus rau (833) 281-0905
  4. Koj tuaj yeem xa daim ntawv thov txog kev txiav txim plaub ntug uas mloog ob tog lus tau hauv online [Ntawv Thov Ntawm No]

Peb xav hnov los ntawm koj! Thov sau kom tiav daim ntawv soj ntsuam tom ntej no hais txog peb cov ntaub ntawv luam tawm thiab qhia rau peb paub seb peb ua hauj lwm zoo li cas! [Ua Daim Ntawv Soj Ntsuam]

Hais txog kev pab fab kev cai lij choj ces hu rau 800-776-5746 los sis sau kom tiav daim foos kev thov txog kev pab. Hais txog lwm cov hom phiaj tag nrho ces hu rau 916-504-5800 (CA Sab Qaum Teb); 213-213-8000 (CA Sab Qab Teb).

California Cov Cai Ntawm Neeg Xiam Oob Qhab tau txais nyiaj pab los ntawm ntau qhov chaw, hais txog daim ntawv teev npe tag nrho ntawm cov chaw muab nyiaj pab, mus rau ntawm http://www.disabilityrightsca.org/Documents/ListofGrantsAndContracts.html.