ការទទួលបានការគាំទ្រផ្នែកទំនាក់ទំនងតាមរយៈ Medi-Cal
ការទទួលបានការគាំទ្រផ្នែកទំនាក់ទំនងតាមរយៈ Medi-Cal
តើអ្នកបានដឹងទេថា ប្រសិនបើអ្នកទទួល Medi-Cal ហើយពិការភាពរបស់អ្នកធ្វើឲ្យអ្នកមានការលំបាកក្នុងការប្រាស្រ័យទាក់ទង នោះ Medi-Cal អាចបង់ប្រាក់សម្រាប់ជំនួយផ្នែកទំនាក់ទំនងដែលអ្នកត្រូវការ?
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
តើអ្នកបានដឹងទេថា ប្រសិនបើអ្នកទទួល Medi-Cal ហើយពិការភាពរបស់អ្នកធ្វើឲ្យអ្នកមានការលំបាកក្នុងការប្រាស្រ័យទាក់ទង នោះ Medi-Cal អាចបង់ប្រាក់សម្រាប់ជំនួយផ្នែកទំនាក់ទំនងដែលអ្នកត្រូវការ?
1. តើអ្វីទៅជា Medi-Cal?
Medi-Cal គឺកម្មវិធី Medicaid” របស់រដ្ឋ California។ Medi-Cal ផ្តល់នូវការរ៉ាប់រងលើការថែទាំសុខភាពជូនដល់ពលរដ្ឋដែលមានប្រាក់ចំណូលកម្រិតទាប។ ប្រសិនបើអ្នកទទួលបាន Supplemental Security Income (SSI) (ប្រាក់ចំណូលសន្តិសុខបន្ថែម) អ្នកនឹងទទួលបាន Medi-Cal ដោយស្វ័យប្រវត្តិ។ Medi-Cal គឺគ្រាន់តែសម្រាប់ការទទួលបានឱសថ ឬទៅជួបជាមួយវេជ្ជបណ្ឌិតប៉ុណ្ណោះនោះទេ។ Medi-Cal ក៏អាចរួមបញ្ចូលនូវសេវាកម្មនិងឧបករណ៍អេឡិចត្រូនិកមួយចំនួនដែលអ្នកត្រូវការសម្រាប់ការទំនាក់ទំនងផងដែរ។
2. តើការគាំទ្រផ្នែកទំនាក់ទំនងមានអ្វីខ្លះ?
“ការគាំទ្រផ្នែកទំនាក់ទំនង” គឺជាឧបករណ៍អេឡិចត្រូនិកឬសេវាកម្មដែលអាចជួយដល់បុគ្គលដែលមានពិការភាពក្នុងការប្រាស្រ័យទាក់ទង។ ពេលខ្លះ ជំនួយផ្នែកទំនាក់ទំនង ត្រូវបានគេហៅថា Augmentative Communication Devices (ACD) (ឧបករណ៍ទំនាក់ទំនងបន្ថែម) Augmentative and Alternative Communication (AAC) (វិធីសាស្ត្រទំនាក់ទំនងបន្ថែម និងជំនួស) Assistive Technology (AT) (បច្ចេកវិទ្យាជំនួយ) ឬ Durable Medical Equipment (DME) (បរិក្ខារវេជ្ជសាស្រ្តដែលប្រើប្រាស់បានយូរ)។
3. តើខ្ញុំមានសិទ្ធិទទួលបានការគាំទ្រផ្នែកទំនាក់ទំនងពី Medi-Cal ដែរឬទេ?
បាទ/ចាស។ Medi-Cal នឹងបង់ថ្លៃសម្រាប់ការគាំទ្រផ្នែកទំនាក់ទំនង ប្រសិនបើវេជ្ជបណ្ឌិតរបស់អ្នក សម្រេចថាវាមាន “ភាពចាំបាច់ផ្នែកវេជ្ជសាស្រ្ត” សម្រាប់អ្នក។ ជាទូទៅ សេវាកម្ម បរិក្ខារផ្គត់ផ្គង់ និងឧបករណ៍អេឡិចត្រូនិក ត្រូវចាត់ទុកថា “មានភាពចាំបាច់ផ្នែកវេជ្ជសាស្រ្ត” នៅពេលដែលសេវានោះ “មានភាពចាំបាច់និងសមស្របដើម្បីការពារអាយុជីវិត បង្ការជំងឺធ្ងន់ធ្ងរ ឬពិការភាពធ្ងន់ធ្ងរ ឬដើម្បីកាត់បន្ថយការឈឺចាប់ធ្ងន់ធ្ងរ។” សម្រាប់កុមារដែលមានអាយុក្រោម 21 ឆ្នាំ ពាក្យថា “ភាពចាំបាច់ផ្នែកវេជ្ជសាស្រ្ត” មានន័យថា “ភាពចាំបាច់ដើម្បីព្យាបាលឬធ្វើឲ្យប្រសើរឡើងនូវវិការៈ និងជំងឺផ្លូវកាយនិងជំងឺផ្លូវចិត្ត និងស្ថានភាពសុខភាពផ្សេងទៀត។”
នៅក្នុងករណីភាគច្រើន Medi-Cal ត្រូវមានការឯកភាពដើម្បីបង់ប្រាក់សម្រាប់ថ្លៃឧបករណ៍នោះជាមុន នៅមុនពេលដែលអ្នកអាចទទួលបានឧបករណ៍នោះ។ នេះហៅថា “ការអនុញ្ញាតជាមុន"។ ក្នុងចំណោមចំណុចដទៃផ្សេងទៀត ការអនុញ្ញាតជាមុន អាចរួមបញ្ចូលនូវលិខិតមួយច្បាប់ពីវេជ្ជបណ្ឌិត ឬគ្រូពេទ្យព្យាបាល ដែលនិយាយថា អ្នកមានតម្រូវការផ្នែកវេជ្ជសាស្រ្តសម្រាប់ឧបករណ៍នោះ។ បន្ថែមលើនេះ Medi-Cal នឹងបង់តែថ្លៃឧបករណ៍ដែលមានតម្លៃទាប ដែលនឹងបំពេញតាមតម្រូវការរបស់អ្នកតែប៉ុណ្ណោះ។
ខាងក្រោមនេះ គឺជាឧទាហរណ៍មួយចំនួនអំពីការគាំទ្រផ្នែកទំនាក់ទំនង៖ ដែលអ្នកអាចទទួលបានពី Medi-Cal៖
- ឧបករណ៍ Dynavox (ឌីណាវ៉ុក) និង Speech Generating Devices (SGDs) (ឧបករណ៍បង្កើតសម្តី) ដទៃផ្សេងទៀត។
- PECs និងទម្រង់ផ្សេងទៀតនៃប្រព័ន្ធទំនាក់ទំនងផ្អែកតាមរូបភាព។
- ផ្ទាំងតួអក្សរ ឬផ្ទាំងអក្ខរក្រម។
- កុំព្យូរទ័រថែបលីត ដូចជា iPad ជាដើម ប្រសិនបើត្រូវប្រើសម្រាប់ជាឧបករណ៍ទំនាក់ទំនង។
- សេវាកម្មនានាដែលពាក់ព័ន្ធនឹងការវាយតម្លៃ ឬការព្យាបាលដើម្បីស្វែងយល់ពីរបៀបប្រើប្រាស់ឧបករណ៍នោះ។
ប្រសិនបើប្រភេទនៃការគាំទ្រផ្នែកទំនាក់ទំនងដែលអ្នកត្រូវការ ពុំអាចស្វែងរកបានដោយផ្ទាល់តាមរយៈ Medi-Cal នោះទេ អ្នកអាចបន្តស្នើសុំវាពីវេជ្ជបណ្ឌិត ឬអ្នកផ្តល់សេវាថែទាំសុខភាពដទៃផ្សេងទៀតជា “សេវាជំនួយគាំទ្រសមស្រប”។ នេះអាចរួមបញ្ចូលនូវអ្នកបកប្រែភាសាសញ្ញា ដៃគូទំនាក់ទំនង ឬឯកសារជាអក្សរស្ទាប ឬអក្សរព្រីនទំហំធំ។
សម្រាប់ព័ត៌មានបន្ថែមស្តីពីសិទ្ធិក្នុងការទទួលបានការទំនាក់ទំនងប្រកបដោយប្រសិទ្ធភាពពីកម្មវិធីរបស់រដ្ឋាភិបាលដូចជា Medi-Cal ជាដើម សូមមើល U.S. Department of Justice (ក្រសួងយុត្តិធម៌សហរដ្ឋអាមេរិក) លក្ខខណ្ឌតម្រូវរបស់ ADA៖ ការទំនាក់ទំនងប្រកបដោយប្រសិទ្ធភាព https://www.ada.gov/effective-comm.htm។
4. តើខ្ញុំទទួលបានការគាំទ្រផ្នែកទំនាក់ទំនងដែលខ្ញុំត្រូវការបានដោយរបៀបណា?
ជជែកជាមួយវេជ្ជបណ្ឌិត គ្រូពេទ្យព្យាបាលស្តារមុខងារវិជ្ជាជីវៈ ឬអ្នកផ្តល់សេវាថែទាំសុខភាពដទៃផ្សេងទៀតរបស់អ្នកអំពីតម្រូវការរបស់អ្នក និងស្នើសុំឲ្យពួកគេប្រគល់លិខិតអនុញ្ញាតមួយច្បាប់ជូនដល់ Medi-Cal សម្រាប់រូបអ្នក។
5. តើខ្ញុំត្រូវធ្វើអ្វីខ្លះប្រសិនបើ Medi-Cal សម្រេចចិត្តថា ខ្ញុំមិនអាចទទួលបានការគាំទ្រផ្នែកទំនាក់ទំនងដែលខ្ញុំត្រូវការ?
អ្នកអាចប្តឹងឧទ្ធរណ៍បាន។ ប្រសិនបើអ្នកមិនសប្បាយចិត្តជាមួយនឹងសេចក្តីសម្រេចរបស់ Medi-Cal ទេ អ្នកអាចស្នើសុំសវនការយុត្តិធម៌ណាមួយរបស់ Medi-Cal បាន។ ប្រសិនបើអ្នកស្ថិតនៅក្នុងគម្រោងថែទាំសុខភាពរបស់ Medi-Cal ដែលមានការគ្រប់គ្រង អ្នកអាចប្តឹងសាទុកជាមួយនឹងគម្រោងនោះបាន និងស្នើសុំសវនាការយុត្តិធម៌មួយ ប្រសិនបើអ្នកមិនពេញចិត្តនឹងសេចក្តីសម្រេចរបស់គម្រោងនេះ។ ប្រសិនបើអ្នកស្ថិតនៅក្នុងគម្រោងថែទាំដែលមានការគ្រប់គ្រង អ្នកក៏អាចមានលទ្ធភាពក្នុងការស្នើសុំការត្រួតពិនិត្យវេជ្ជសាស្រ្តឯករាជ្យ (IMR) ជាមួយនឹង California Department of Managed Health Care (DMHC) (នាយកដ្ឋានការថែទាំសុខភាពដែលមានការគ្រប់គ្រងរបស់រដ្ឋកាលីហ្វ័រញ៉ា) បានផងដែរ។ ប្រសិនបើអ្នកចង់ស្នើសុំ IMR ជាទូទៅ អ្នកត្រូវប្តឹងឧទ្ធរណ៍ជាមុនទៅកាន់គម្រោងថែទាំដែលមានការគ្រប់គ្រង។ អ្នកអាចចូលទៅកាន់តំណភ្ជាប់នេះ ដើម្បីទទួលបានព័ត៌មានបន្ថែម៖ http://www.dhcs.ca.gov/services/medi-cal/Pages/Medi-CalFairHearing.aspx។ ប្រសិនបើអ្នកមានសំណួរណាមួយអំពីសិទ្ធិក្នុងការប្តឹងឧទ្ធរណ៍របស់អ្នក អ្នកក៏អាចទូរសព្ទទៅកាន់ Disability Rights California (អង្គការសិទ្ធិជនពិការរដ្ឋកាលីហ្វ័រញ៉ា) បានផងដែរ។
Disability Rights California (អង្គការសិទ្ធិជនពិការរដ្ឋកាលីហ្វ័រញ៉ា) បានរៀបចំខិត្តប័ណ្ណព័ត៌មានសម្រាប់ជាផ្នែកមួយនៃគម្រោង Communication Disabilities Access Network (បណ្តាញដើម្បីទទួលបានការប្រស្រ័យទាក់ទងសម្រាប់ជនពិការ )។ គម្រោងនេះ គឺដើម្បីង្កើត បណ្តុះបណ្តាល និងដំណើរការបណ្តាញថ្នាក់ដឹកនាំមួយដើម្បីធ្វើការផ្សព្វផ្សាយគាំពារដល់ការគាំទ្រផ្នែកទំនាក់ទំនង។ គម្រោងនេះ ទទួលបានមូលនិធិពី Ability Central (អង្គការលើកកម្ពស់សមត្ថភាព)ដែលពីមុនមកហៅថា Disability Communications Fund (មូលនិធិទំនាក់ទំនងសម្រាប់ជនពិការ)។ Ability Central (អង្គការលើកកម្ពស់សមត្ថភាព)គាំទ្រកម្មវិធីនិងបច្ចេកវិទ្យាដែលផ្តល់ប្រយោជន៍ដល់ការទំនាក់ទំនង និងទទួលបានព័ត៌មានអំពីតម្រូវការនៃពលរដ្ឋ California ដែលមានពិការភាព។ សម្រាប់ព័ត៌មានបន្ថែម សូមមើល http://dcfund.us/