Ի՞նչ կպատահի իմ SSI նպաստների հետ, եթե ես անցնեմ աշխատանքի:

Սա ամենահաճախ տրվող հարցերից մեկն է, որը տալիս են Լրացուցիչ սոցիալական նպաստի ծրագրից օգտվողները (Supplemental Security Income - SSI), ովքեր ցանկանում են աշխատել:

Սոցիալական ապահովության վարչությունը (Social Security Administration - SSA) տրամադրում է աշխատանքի ընդունման աջակցություն, իրականացնում է աշխատանքի ընդունման խթանիչ ծրագրեր, որոնք կարող են օգնել Ձեզ աշխատանքի ընդունվելու հարցում:  Աշխատանքի ընդունման աջակցությունը/խթանիչ ծրագրերը թույլ են տալիս Ձեզ պահպանել աշխատանքի անցնելու ընթացքում SSI-ով Ձեզ վճարվող գումարները և MediCal ծածկույթը:  Ստորև քննարկվում է SSA-ի կողմից տրամադրվող աշխատանքի ընդունման աջակցությունը/աշխատանքային խթանիչ ծրագրերը, որոնք նախատեսված են SSI ծրագրից օգտվող այն մարդկանց համար, ովքեր աշխատում են:

SSI ծրագրով առաջարկվող աշխատանքի ընդունման աջակցություն/աշխատանքի ընդունման խթանիչ ծրագրեր

Հաշվարկային եկամուտ. Եթե Դուք ստանում եք վճարումներ SSI ծրագրով և աշխատում եք, SSA-ը պետք է սահմանի Ձեր հաշվարկային եկամուտը (countable income - CI):  Հաշվարկային եկամուտը աշխատանքի դիմաց ստացած Ձեր ամսական համախառն եկամուտների գումարն է, որը հաշվարկվում է Ձեր SSI վճարումների նկատմամբ:  Այլ կերպ ասած՝ Ձեր SSI չեքը կնվազեցվի հաշվարկային եկամտի գումարի չափով:

Ձեր հաշվարկային եկամտի հաշվարկը. Երբ SSA-ը որոշում է, թե Ձեր եկամուտները ինչ չափով են նվազեցնելու Ձեր SSI վճարումը, SSA-ը հաշվարկում է Ձեր աշխատանքի դիմաց ստացած հաշվարկային եկամուտը՝ թույլ տալով որոշակի մասհանումների ու ծախսերի նվազեցումներ Ձեր համախառն աշխատանքային եկամտից:  Այդ ծախսերը և մասհանումները ներառում են.

• Մասհանում ընդհանուր եկամտից (General Income Exclusion - GIE) – 20 ԱՄՆ դոլարի չափով GIE-ը հանվում է ցանկացած տեսակի եկամտից՝ աշխատանքի վարձատրումից ստացած կամ անաշխատ եկամտից:
• Մասհանում աշխատանքային եկամտից (Earned Income Exclusion - EIE) – 65 ԱՄՆ դոլարի չափով EIE-ը հանվում է միայն աշխատանքի վարձատրումից ստացած եկամտից:
• Հիսուն տոկոս (50%) չհաշվարկվող գումար, այս ենթագումարի հիսուն տոկոսը հանվում է, քանի որ Ձեր աշխատած յուրաքանչյուր 2 ԱՄՆ դոլարի համար SSA-ը նվազեցնում է Ձեր SSI վճարումը 1 ԱՄՆ դոլարով:
• Առողջական անբավարար վիճակով պայմանավորված աշխատանքային ծախսը (Impairment Related Work Expense - IRWE) Ձեր առողջական անբավարար վիճակի հետ կապված ծախսն է, որը վճարում եք Ձեր գրպանից Ձեր աշխատանքը հնարավոր դարձնող ապրանքների ու ծառայությունների դիմաց և որը չի փոխհատուցվում որևէ մեկի կողմից:
• Մասհանում ուսանողի աշխատանքային եկամտից (Student Earned Income Exclusion - SEIE), սա մասհանում է այն ուսանողի աշխատանքային եկամտից, ով հաշմանդամ է և աշխատում է:  Ուսանողը պետք է լինի 22 տարեկան կամ ավելի փոքր և դասերը ստանա որևէ դպրոցում կամ տանը:
• Կույր անձի աշխատանքային ծախսը (Blind Work Expense - BWE) այն ծախսն է, որը կատարում է SSI ծրագրից օգտվող կույր անձը իր աշխատանքի համար:  Միայն կույր անձը կարող է ունենալ BWE ծախսեր:
• Ինքնաօժանդակման պլանը (Plan for Achieving Self Support - PASS) գործիք է, որը SSI ծրագրից օգտվողին թույլ է տալիս իր եկամտից/ռեսուրսներից մի մասն առանձին կուտակել՝ որևէ հատուկ աշխատանքային նպատակ իրականացնելու համար:
• Ինքնաօժանդակման համար էական գույքն (Property Essential for Self Support - PESS) այն գույքն է, որն ունի ինքնազբաղված կամ անկախ աշխատողը և որի նշանակությունն էական է գործունեությունը հաջող իրականացնելու համար:  SSI վճարումների համար համապատասխանությունը որոշող CI-ի հաշվարկում այս գույքը/ռեսուրսը չի հաշվարկվի:

Ձեր SSI վճարման գումարի հաշվարկումը.  Որոշելու համար, թե որքան SSI գումար Դուք պետք է ստանաք, SSA-ը Ձեր SSI չեքից հանում է Ձեր հաշվարկային եկամուտը՝ նոր SSI վճարման գումար ստանալու համար, եթե կարող է լինել այդպիսին:  Կալիֆորնիայում Ձեր SSI չեքում համատեղված են դաշնային և նահանգային պետական վճարումները:  Ձեր SSI չեքը ներառում է.

• Նպաստի դաշնային գումար (Federal Benefit Rate - FBR) – FBR-ը այն առավելագույն գումարն է, որը դաշնային կառավարությունը վճարում է SSI նպաստների համար (733.00 ԱՄՆ դոլար 2016թ.-ին):
• Նահանգային լրավճարի ծրագիր (State Supplement Program) - SSP-ն այն առավելագույն գումարն է, որը Կալիֆորնիա նահանգը վճարում է SSI նպաստների համար (ներկայումս կազմում է156.40 ԱՄՆ դոլար ոչ կույրերի համար /211.40 ԱՄՆ դոլար կույրերի համար): 

Օրինակ.  Դուք աշխատում եք և ստանում եք ամսական 1,000.00 ԱՄՆ դոլար համախառն աշխատավարձ:  Դուք նաև ստանում եք 889.40 ԱՄՆ դոլար (հաշմանդամների համար) կամ 944.40 ԱՄՆ դոլար (կույրերի համար) SSI վճարում և ունեք SSI-ին կապված MediCal ծածկույթ: 

MediCal ծածակույթ. Կան MediCal-ի տարբեր դասակարգումներ, որոնց SSI ծրագրի ստացողը կարող է համապատասխանել՝ MediCal-ի ծառայություններն ստանալու համար:  Այդ ծրագրերն են.

• SSI-ին կապված MediCal - SSA օրենքով ցանկացած ժամանակ, երբ ստանում եք $1.00 SSI վճարումներում, Դուք իրավունք ունեք օգտվել MediCal-ի ծածկույթից ամբողջական ծավալով:
• Բաժին 1619b, MediCal – Սոցիալական ապահովության օրենքի (Օրենք) բաժին 1619b-ը թույլ է տալիս Ձեզ պահպանել MediCal ծածկույթը, եթե Ձեր SSI կանխիկ վճարումը կորցնելու միակ պատճառը եղել են Ձեր եկամուտները:  MediCal ծածկույթը կարող եք պահպանել մինչև պետական “շեմը”, որը 2015թ. կազմել է 37,805 ԱՄՆ դոլար:  Ձեր անհատական բժշկական ծախսերից ելնելով՝ Դուք կարող եք MediCal-ի նահանգային մարմնի հետ բանակցել նաև անհատական շեմ: 250% Կալիֆորնիայի հաշմանդամների աշխատանքային ծրագիր (250% California Working Disabled Program - 250% CWD ծրագիր)-  250% CWD ծրագիրը Կալիֆորնիայի Medicaid “Buy-in” ծրագիրն է, որը Ձեզ թույլ է տալիս գնել MediCal ծածկույթն ամբողջական ծավալով նահանգային MediCal համակարգով:
• Տարեց, հաշմանդամ մարդկանց դաշնային նվազագույն զամբյուղին (Aged, Disabled Federal Poverty Level - A&DFPL) համապատասխան MediCal – A&DFPL ծրագիրը տրամադրում է ամբողջական ծավալով MediCal այն անհատներին, ովքեր բավարարում են եկամտային և գույքային պահանջները:  Կույր մարդիկ կարող են նույնպես համապատասխանել A&DFPL ծրագրին, եթե նրանք ունեն ֆիզիկական հաշմանդամություն:
• Բժշկական կարիքների MediCal ծրագիր (Medically Needy MediCal program) - Բժշկական կարիքների ծրագիրը MediCal ծրագիր է, որով անհատը, կախված եկամտից, կարող է ստանալ ծախսերի համատեղ վճարում կամ "ծախսերի կիսում":

Արագացված վերականգնում. Ticket to Work ծրագրի արագացված վերականգնման (expedited reinstatement - EXR) դրույթը հեշտացնում է Ձեզ համար Ձեր նպաստների վերականգնումը:  Որոշակի հանգամանքներում SSI նպաստները կարող են վերականգնվել անգամ, եթե Դուք SSI նպաստ ստանալու համար համապատասխան չեք եղել շարունակաբար տասներկու (12) կամ ավելի ամիսների ընթացքում առանց նոր դիմում տալու:

Արագացված վերականգնման դրույթը Ձեզ թույլ է տալիս տեղեկացնել SSA-ին, որ Դուք այլևս չունեք եկամուտներ, որոնք Ձեզ դարձնում են անհամապատասխան SSI վճարումներ ստանալու համար:  Դուք կարող եք պահանջել, որ Ձեզ անհրաժեշտ է վերականգնել Ձեր նպաստները:  Ձեր նպաստները կարող են վերսկսվել մոտավորապես երեքից վեց շաբաթվա ընթացքում:

SSA աշխատանքի ընդունման աջակցության/աշխատանքի ընդունման խթանիչ ծրագրերի վերաբերյալ մանրամասն տեղեկատվության համար կարող եք այցելել Սոցիալական ապահովության կայքէջ www.socialsecurity.gov հասցեով կամ ստանալ SSA հրապարակման կրկնօրինակը՝ Redbook on Employment Supports:  Դուք կարող եք  նաև կապվել SSA-ի Աշխատանքի ընդունման խթանիչ ծրագրերի տարածքային կոորդինատորի, Աշխատանքի ընդունման խթանիչների պլանավորման և աջակցության ծրագրի Ձեր տարածքային մարմնի հետ:  Դուք կարող եք կապվել նաև PABSS ծրագրի  հետ 800-776-5746 հեռախոսահամարով կամ այցելել Կալիֆորնիայի հաշմանդամների իրավունքների հարցերով զբաղվող կազմակերպության կայքէջ www.disabilityrightsca.org հասցեով:

SSA-ը ստուգել է հետևյալ հրապարակման միայն տեխնիկական ճշտությունը, այնուամենայնիվ այս փաստաթուղթը չպետք է համարվի որպես SSA պաշտոնական փաստաթուղթ: