Cov Cai Ntawm Tsev Kawm Ntawv Tom Qab Kev Puas Tsuaj

Your children have the right to attend the school they were attending even if you are living outside the school district’s boundaries. This is called “school of origin rights” under federal law (the McKinney Vento Act) to help maintain school stability for students. Contact your children’s school and ask to speak with their homeless education liaison.

Sau daim ntawv no

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

Cov Cai rau Txhua Tus Tub Ntxhais Kawm

Peb yuav tsum tau rhais tawm vim muaj kev puas tsuaj.

Koj cov me nyuam muaj cai mus kawm rau lub tsev kawm uas lawv tau mus kawm txawm tias koj tsis nyob sab nraud ntawm cov ciam cheeb tsam tsev kawm ntawv los xij. Qhov no hu ua "cov cai ntawm lub tsev kawm ntawv uas xub kawm" raws li tsoom fwv teb chaws tsab cai (Tsab Cai McKinney Vento) los pab tswj kev ruaj khov ntawm lub tsev kawm ntawv rau cov tub ntxhais kawm ntawv. Tiv tauj rau koj cov me nyuam lub tsev kawm ntawv thiab thov tham nrog lawv tus neeg lis hauj lwm txog kev kawm rau neeg tsis muaj vaj tsev nyob.

Yog tias koj cov me nyuam yuav tuaj kawm rau lawv lub tsev kawm dhau los ntawd tau, los sis koj tsis xav tias yuav yog qhov zoo tshaj plaws rau lawv, tsoom fwv teb chaws txoj cai lij choj kuj hais tias koj mus tso npe rau lawv rau hauv lub tsev kawm ntawv uas nyob ze rau qhov koj tab tom nyob no tau thiab. Qhov no vim yog tsoom fwv tsab kev cai lij choj (Tsab Cai McKinney Vento) uas hais tias cov me nyuam yaus tsis muaj vaj tsev nyob yuav tuaj yeem tso npe tau rau hauv lub tsev kawm ntawv uas nyob ze rau qhov uas lawv tab tom nyob ntawd. Tiv tauj cheeb tsam tsev kawm ntawv hauv zej zog thiab qhia rau lawv tias koj yuav tsum tau tsiv mus vim muaj kev puas tsuaj thiab xav tso npe koj tus me nyuam npe rau hauv tsev kawm ntawv. Yog xav paub ntau ntxiv, mus saib hauv DRC cov ntaub ntawv luam tawm txog cov cai ntawm cov tub ntxhais kawm ntawv tsis muaj vaj tsev nyob.

Vim li cas kuv thiaj yuav tau tso npe kuv tus me nyuam rau hauv tsev kawm ntawv?

Kev mus kawm ntawv tom qab muaj ib qho kev puas tsuaj yog qhov zoo rau cov me nyuam yaus coob leej vim tias nws pab kom lawv rov qab mus rau kev kawm ntawv li ib txwm tau thiab pab kom lawv caum cuag lawv tej hauj lwm tom tsev kawm ntawv. Qee cov tub ntxhais kawm ntawv kuj yuav tau noj mov los ntawm cov khoos kas pluas tshais thiab pluas su, uas yuav pab tau rau cov tsev neeg uas tsis muaj mov noj vim muaj kev puas tsuaj los sis them tsis taus nqi khoom noj. Tsev kawm ntawv kuj muab sij hawm rau cov niam thiab txiv los ua tej yam los pab tsev neeg kom zoo rov los ntawm kev puas tsuaj.

Kuv tus me nyuam mus kawm ntawv puas tau yog tias peb nyob hauv lub tsev nkaum ib ntus?

Tau.Tsis muaj teeb meem txog qhov uas koj tab tom nyob kiag li. Koj yeej nyob tau hauv lub tsev nkaum ib ntus, lub kaus ntaub, lub tsheb tsev, tsev tos qhua loj, tsev tos qhua me, tshav puam vov ntaub, hauv koj lub tsheb, hauv vaj ncig ua si, los sis nrog cov phooj ywg los sis cov txheeb ze nyob. Koj tus me nyuam muaj cai yuav mus kawm ntawv tau hauv California.

Cov ntaub ntawv twg uas kuv tus me nyuam yuav tsum tau muaj thiaj rov qab mus kawm tau ntawv?

Yog tias koj yuav tsum tau tsiv tawm vim muaj kev puas tsuaj koj tus me nyuam yuav tso npe tau rau hauv tsev kawm ntawv kiag tam sim ntawd uas tsis tas muab ntaub ntawv uas feem ntau cov tsev kawm ntawv xav tau li, xws li ntawv pov thawj txog chaw nyob, cov ntaub ntawv teev txog kev kawm, los sis ntaub ntawv teev txog kev txhaj tshuaj tiv thaiv kab mob (ntaub ntawv teev txog cov koob tshuaj). Koj tus me nyuam lub tsev kawm ntawv tshiab yuav tiv tauj lawv lub tsev kawm ntawv qub kom tau cov ntaub ntawv teev tseg no.

Kuv yuav mus koom nrog kuv tus me nyuam txoj kev kawm hauv lub sij hawm los sis tom qab muaj kev puas tsuaj no tau li cas?

Cov niam txiv muaj cai yuav muaj feem xyuam hauv kev txiav txim siab hais txog lawv tus me nyuam txoj kev kawm. Cov tsev kawm ntawv yuav nrhiav cov hau kev uas muaj tswv yim zoo los xyuas kom paub tseeb muaj kev koom nrog ntawm niam thiab txiv, suav nrog kev teeb tsa lub rooj sib tham hauv oos lais (virtual) yog tias tus niam txiv lub sij hawm khoom raug kev cuam tshuam los ntawm kev puas tsuaj. Tsis tas li ntawd, cov tsev kawm ntawv yuav tsum yuav li koj hom lus uas nyiam siv los sis txoj hau kev ntawm kev sib txuas lus.

Cov Cai Ntxiv rau Cov Tub Ntxhais Kawm Ntawv uas muaj Kev Xiam Oob Qhab

Yuav ua li cas yog tias kuv tus me nyuam uas muaj kev xiam oob qhab?

Cov tsev kawm ntawv yuav tsum ua kom paub tseeb tias txhua tus tub ntxhais kawm ntawv, suav nrog cov tub ntxhais kawm ntawv uas muaj kev xiam oob qhab, muaj kev nkag cuag tau rau lawv txoj kev kawm, suav nrog kev siv tau cov ntaub ntawv thiab cov platform rau thaum muaj kev puas tsuaj. Piv txwv li, yog tias lub tsev kawm ntawv pauv mus rau kev kawm hauv oos lais, cov kev pab cuam kuj yuav muaj cov ncauj lus piav hom kaw, cov cuab yeej nyeem nab cos, cov ntawv luam loj, los sis lwm hom ntaub ntawv. Yuav tsum muab cov no teev tseg rau hauv Txoj Phiaj Xwm 504. Yog tias koj tus me nyuam muaj cai tsim nyog rau kev kawm ntawv tshwj xeeb, yuav tsum tau muab teev tseg rau hauv lawv qhov IEP, muab sib tham kom meej ntxaws ntxiv rau hauv qab no.

Cov ntaub ntawv qhia paub ntxiv txog Txoj Phiaj Xwm 504 muaj nyob hauv qab no.

Kuv tus me nyuam puas yuav tau txais lawv cov kev pab cuam txog kev kawm ntawv tshwj xeeb uas teev tseg nyob hauv lawv Lub Khoos Kas Kev Kawm Rau Ib Tug Neeg Zuj Zus ("IEP") txuas mus ntxiv txawm tias lub tsev kawm ntawv tau kaw lawm vim muaj kev puas tsuaj?

Koj tus me nyuam muaj cai yuav siv tau cov kev pab cuam txog kev kawm ntawv tshwj xeeb uas lawv xav tau nyob rau lub tsev kawm ntawv nom tswv pab twg los tau. Txoj cai no tau txais kev tiv thaiv los ntawm tsoom fwv teb chaws thiab California txoj cai lij choj. Cov kev pab cuam ntawm IEP uas koj tus me nyuam yuav tsum tau txais rau thaum kaw tsev kawm ntawv yuav tsum tau muab teev tseg rau hauv koj tus me nyuam qhov IEP hauv tshooj "Txoj Phiaj Xwm Thaum Muaj Xwm Txheej Ceev". Ntaub ntawv qhia paub ntxiv txog Txoj Phiaj Xwm Thaum Muaj Xwm Txheej Ceev Ntawm IEP muaj nyob hauv qab no.

Yog tias koj tus me nyuam qhov IEP tsis muaj tshooj no los sis koj tsis pom zoo nrog qhov ntawd, koj yuav tsum thov kom muaj lub rooj sib tham ntawm IEP los ua cov kev tshuaj xyuas dua tshiab. Lub tsev kawm ntawv yuav tsum teeb tsa lub rooj sib tham txog IEP tsis pub dhau 30 hnub txij thaum koj ua kev thov. Cov ntaub ntawv qhia paub ntxiv txog txoj hau kev thov lub rooj sib tham txog IEP muaj nyob ntawm no.

Kuv tus me nyuam puas yuav tau txais lawv cov kev pab cuam kev kawm tshwj xeeb txuas mus ntxiv txawm yog tias peb tsiv tawm thiab lawv mus kawm rau cheeb tsam tsev kawm ntawv tshiab lawm?

Tau, koj tus me nyuam lub cheeb tsam tsev kawm ntawv tshiab yuav tsum muab cov kev pab cuam thiab cov kev txhawb nqa uas teev tseg nyob hauv koj tus me nyuam qhov IEP. Yog tias lub cheeb tsam tsev kawm ntawv tshiab xav hloov pauv koj tus me nyuam qhov IEP, lawv yuav tsum sib tham txog cov kev hloov pauv uas tau hais txog no nrog koj ua ntej nyob rau ntawm lub rooj sib tham IEP thiab kom tau koj li kev pom zoo tso.

Txawm yog tias koj tsis muaj tus me nyuam tej ntaub ntawv los xij, xws li lawv li IEP los xij, koj tus me nyuam yuav tsum tau txais cov kev pab cuam txog kev kawm ntawv tshwj xeeb. Yog tias koj tus me nyuam lub tsev kawm ntawv tshiab muab tsis tau cov ntaub ntawv teev tseg los ntawm lawv lub tsev kawm ntawv qub, koj yuav qhia rau lub tsev kawm ntawv tshiab tias koj tus me nyuam cov kev xav tau yog li cas tau. Lub tsev kawm ntawv yuav tsum ua hauj lwm nrog koj los muab kom tau cov kev pab cuam zoo tib yam ntawd uas koj tus me nyuam ib txwm tau txais los sis ua hauj lwm nrog koj thiab koj tus me nyuam los tsim txoj phiaj xwm tshiab.

Cov ntaub ntawv qhia paub ntxiv txog Tus txheej txheem ntawm IEP muaj nyob hauv qab no.

Yuav ua li cas yog tias kuv tus me nyuam tsis tau txais lawv cov kev pab cuam IEP rau thaum muaj kev puas tsuaj los sis tom qab ntawd?

Yog tias lub tsev kawm ntawv muab tsis tau koj tus me nyuam cov kev pab cuam ntawm IEP rau thaum muaj kev puas tsuaj los sis thaum tsev kawm ntawv kaw, tej zaum tus tub ntxhais kawm yuav muaj cai xaiv cov kev pab cuam tau (kev kawm los them rau qhov ntawd") los ua muab rau cov kev pab cuam uas lawv tsis tau txais ntawd.

Yog tias koj tus me nyuam tsis tau txais lawv cov kev pab cuam ntawm IEP, koj tsim nyog khaws cov ntaub ntawv teev tseg seb yog cov kev pab cuam twg uas lawv tsis tau txais thiab thaum twg. Tom qab ntawd koj yuav tsum thov kom muaj lub rooj sib tham ntawm IEP los sib tham txog cov kev pab cuam uas koj tus me nyuam tsis tau txais thiab cheeb tsam tsev kawm ntawv yuav muab cov kev pab cuam ntawd li cas.

Yuav ua li cas yog tias kev puas tsuaj tau cuam tshuam rau kuv tus me nyuam li kev xiam oob qhab thiab lawv xav tau cov kev txhawb nqa tshiab los sis sib txawv dua yav dhau los?

Tej zaum koj tus me nyuam yuav xav tau cov kev pab cuam, cov kev txhawb nqa los sis cov kev pab cuam tshiab rau thaum los sis tom qab muaj kev puas tsuaj. Piv txwv li, koj tus me nyuam yuav muaj tus zwj ceeb fab kev kho mob uas ua rau mob loj tuaj los ntawm cov pa taws hluav taws kub hav zoov (xws li. mob hawb pob) los sis yuav muaj cov kev xav tau txog kev noj qab haus huv fab kev puas siab puas ntsws tshiab tom qab ntsib kev raug mob ntsig txog kev puas tsuaj. Yog tias koj tus me nyuam twb muaj Txoj Phiaj Xwm 504 los sis IEP lawm, koj yeej yuav thov tau lub rooj sib tham los sib tham txog koj tus me nyuam cov kev xav tau uas muaj kev hloov pauv ntawd. Yog tias koj tus me nyuam tseem tsis tau muaj Txoj Phiaj Xwm 504 los sis IEP, ces koj yuav thov kom muaj cov kev ntsuam xyuas kom pom seb koj tus me nyuam puas muaj cai tsim nyog tau.

Cov ntaub ntawv qhia paub ntxiv txog txoj hau kev thov Kev Ntsuam Xyuas Txog Txoj Phiaj Xwm 504 los sis cov kev hloov pauv rau koj tus me nyuam Txoj Phiaj Xwm 504 muaj nyob ntawm no.

Cov ntaub ntawv qhia paub ntxiv txog kev thov txog kev ntsuam xyuas txog IEP los sis cov kev hloov pauv rau koj tus me nyuam qhov IEP muaj nyob ntawm no.

Kuv yuav ua li cas thiaj paub tseeb tias kuv tus me nyuam uas muaj kev xiam oob qhab muaj kev nyab xeeb yog tias muaj xwm txheej ceev los sis kev puas tsuaj tshwm sim thaum lawv nyob rau ntawm tsev kawm ntawv?

Cov tsev kawm ntawv yuav tsum muaj Txoj Phiaj Xwm Kev Nyab Xeeb Hauv Tsev Kawm Ntawv Yam Txhij Txhua uas yuav muaj qhov hais tias nws yuav pab kom cov tub ntxhais kawm ntawv muaj kev nyab xeeb tau li cas rau thaum muaj xwm txheej ceev los sis kev puas tsuaj. Cov phiaj xwm no yuav tsum muaj cov kev pab cuam los sis cov kev hloov pauv rau cov tub ntxhais kawm ntawv uas xiam oob qhab. Piv txwv li, yuav tsum tau muab txoj phiaj xwm kev khiav tawm ntawm chav kawm ntawv uas muaj cov ntaiv rau tus tub ntxhais kawm ntawv uas siv lub rooj zaum muaj log.

Yog tias koj txhawj xeeb txog koj tus me nyuam txoj kev nyab xeeb ntawm lub tsev kawm ntawv thaum muaj kev puas tsuaj los sis thaum muaj xwm txheej ceev, koj yuav thov kom muaj lub rooj sib tham txog IEP los sis 504 los sib tham txog koj tus me nyuam cov kev xav tau ntsig txog kev xiam oob qhab uas tsis thooj leej twg.

Ua tsaug rau Cov Kev Pab Cuam Fab Kev Cai Lij Choj Hauv Koog Zej Zog ntawm Cheeb Tsam Nroog Los Angeles, Lone Star Qhov Kev Pab Fab Kev Cai Lij Choj thiab Lub Chaw Pab Cuam Txog Kev Cai Lij Choj Rau Neeg Tsis Muaj Tsev Nyob Hauv Teb Chaws rau kev siv lawv cov chaw muab kev pab cuam.