Nov yog qee yam tseem ceeb uas yuav tsum xav txog ua ntej txhua qhov kev xaiv tsa los pab ua kom ntseeg tau tias koj muaj kev pov npav xaiv tsa kom zoo.Koj tuaj yeem sau koj daim phiaj xwm npaj pov npav ntawm koj tus kheej tau rau ntawm peb nplooj ntawv tom ntej.Koj tuaj yeem xaiv qhia koj txoj phiaj xwm npaj rau lwm tus uas txhawb nqa koj, tab sis koj tsis tas yuav qhia nws los tau.

Yog tias koj muaj lus nug dab tsi, koj tuaj yeem tiv tauj rau koj lub chaw ua hauj lwm xaiv tsa hauv cheeb tsam nroog, los sis koj tuaj yeem hu rau California Lub Chaw Hauj Lwm Saib Xyuas Pej Xeem Txoj Cai Rau Cov Neeg Xiam Oob Qhab Tus Xov Tooj Saib Xyuas Kev Pov Npav Xaiv Tsa: (888) 569-7955.

Kev sau npe pov npav xaiv tsa: Koj yuav tsum tau sau npe kom thiaj li pov npav xaiv tsa tau.

• Koj puas tau sau npe pov npav xaiv tsa?
• Koj lub npe thiab chaw nyob puas hloov tshiab hauv koj qhov kev sau npe pov npav xaiv tsa?
• Yog tias koj nyob hauv ib qho kev saib xyuas, ub tsev hais plaub puas tau ua kev txiav txim kom koj tsis txhob pov npav?

Kev pov npav xaiv tsa siv daim ntawv xaiv tsa uas xa tuaj rau koj: Cov ntawv xaiv tsa uas raug xa mus rau txhua tus neeg pov npav xaiv tsa uas tau sau npe ua ntej Hnub Xaiv Tsa.

• Koj puas xav pov npav xaiv tsa uas siv daim ntawv xaiv tsa uas xa tuaj hauv chaw xa ntawv rau koj?
• Koj puas tuaj yeem kos cim thiab/los sis ua tau daim ntawv xaiv tsa?
• Koj puas xav kom muab koj cov ntaub ntawv pov npav ua lwm hom ntawv?
• Yog koj xav siv ib txoj kev xaiv tsa los ntawm kev xa ntawv nyob deb hauv lub lab npauv xa ntawv (RAVBM) es tsis yog siv daim ntawv xaiv tsa uas xa tuaj rau koj, koj puas muaj cov thev naus laus zis uas koj xav tau?
• Koj puas tuaj yeem kos npe tau koj lub npe? Yog tsis tau, koj puas paub koj cov kev xaiv?
• Yog tias koj tuaj yeem xa koj daim npav xaiv tsa rov qab los ntawm chaw xa ntawv, hauv lub thawv pov npav, los sis mus rau qhov chaw pov npav, koj puas tuaj yeem xa koj daim ntawv xaiv tsa rov qab ua ntej hnub tas sij hawm?
• Koj puas xav tau kev pab nrog tej hauj lwm uas cuam tshuam nrog kev pov npav xaiv tsa? Yog li ntawd, leej twg yuav pab koj, yuav pab koj li cas, thiab thaum twg? Koj puas muaj ib txoj phiaj xwm npaj thib ob?

Kev pov npav ntawm qhov chaw pov npav los ntawm tus kheej: Txawm hais tias yuav xa daim ntawv xaiv tsa hauv chaw xa ntawv los xij, koj tseem tuaj yeem pov npav tau rau ntawm qhov chaw pov npav xaiv tsa, qhov chaw pov npav, los sis chaw ua hauj lwm xaiv tsa hauv cheeb tsam nroog.

• Koj puas xav tau (los sis nyiam) pov npav xaiv tsa ntawm qhov chaw pov npav los ntawm tus kheej?
• Qhov chaw nyob ntawm qhov chaw pov npav xaiv tsa koj yuav siv?
• Hnub twg thiab sij hawm twg yog hnub qhov chaw pov npav xaiv tsa qhib?
• Koj puas muaj txoj kev mus rau qhov chaw pov npav tau?
• Koj puas paub txog cov hau kev xaiv mus pov npav tsa uas siv tau rau qhov chaw ntawd?
• Koj puas xav tau kev pab nrog tej hauj lwm uas cuam tshuam nrog kev pov npav xaiv tsa? Yog tias muaj, puas muaj leej twg uas koj xav thov kom mus nrog koj thaum koj pov npav xaiv tsa? Lawv puas khoom?

Rub tawm Daim Phiaj Xwm Pov Npav Xaiv Tsa ntawm no:

Txoj Phiaj Xwm Pov Npav Xaiv Tsa (.pdf)

Thov Nco Ntshoov Hais Tias: Yog xav nkag mus rau cov yam ntxwv kev nkag cuag ntawm daim PDF thov qhib daim ntawv hauv Adobe Acrobat.