Nagkaroon ng makabuluhang mga pagbabago sa Batas na Lanterman (Lanterman Act) tungkol sa mga apela. Ito ay isang maikling bersyon na wala ng lahat ng mga detalye. Para sa mga detalye, mangyaring basahin ang  Mga Karapatan sa Ilalim ng Batas na Lanterman at Panukalang Batas sa Senado 188 (2021-22).

Pagdalo ng mga Abogado sa Proseso ng Apela: Mayroong mga limitasyon kung kailan maaaring dumalo ang abogado ng rehiyunal na sentro sa isang impormal na pagpupulong,  pamamagitan, at pagdinig. Tingnan ang kautusan ng DDS na may petsang Setyembre 20, 2022.

Ipadala ang mga Apela sa DDS: Ipadala ang mga apela sa DDS, hindi sa rehiyunal na sentro.  Sasabihin ng DDS sa rehiyunal na sentro at OAH. Ipadala online gamit ang website ng proseso ng apela ng DDS, sa pamamagitan ng email sa appealrequest@dds.ca.gov, o sa pamamagitan ng koreo.

Mga Timeline para sa mga Apela: Mayroon kang 60 araw pagkatapos mong makatanggap ng abiso ng aksyon upang umapela.  Mayroon kang 30 araw upang umapela kung kailangan mo ng bayad na tulong habang hinihintay ang pagdinig (mananatiling pareho ang mga serbisyo).

Mga Opsyon sa Proseso ng Apela: Maaari kang pumili ng anumang kumbinasyon ng impormal na pagpupulong, pamamagitan, at pagdinig.  Maaari mong baguhin ang iyong kahilingan sa ibang pagkakataon. Ang pagbabago ay maaaring magresulta sa isang pagpapatagal.

Inaatas na Pamamagitan: Dapat lumahok ang rehiyunal na sentro sa pamamagitan kung gusto mo ito.

Mga Pahayag ng Posisyon at Palitan ng Patunay: Dapat bigyan ka ng rehiyunal na sentro ng pahayag ng posisyon sa iyong mas gustong wika 2 araw ng negosyo bago ang pagdinig.  Kung wala kang abogado, dapat mong bigyan ang rehiyunal na sentro ng listahan ng saksi at mga ulat 2 araw bago ang pagdinig.

Mga Pagbabago sa Tanggapan ng Pagdinig: Dapat isagawa ng opisyal ng pagdinig ang pagdinig nang may “nakikibahaging niyutralidad.” Hinihikayat ng nakikibahaging niyutralidad ang malaya at bukas na pagbabahagi upang tulungan ang lahat ng mga partido na maglabas ng impormasyon.

Muling Pagsasaalang-alang: Ikaw o ang rehiyunal na sentro ay maaaring humiling ng muling pagsasaalang-alang sa loob ng 15 araw ng pasya sa pagdinig kung mayroong mali sa katotohanan o batas.

Pagpapatupad ng mga Pasya sa Pagdinig: Dapat sumunod ang rehiyunal na sentro sa pasya ng pagdinig sa loob ng 30 araw.  Dapat nilang sabihin sa iyo at sa DDS kung hindi nito magagawa.