មានការផ្លាស់ប្ដូរ​ សំខាន់ៗចំពោះច្បាប់ Lanterman អំពីបណ្តឹង​ឧទ្ធរណ៍ ។ នេះគឺជាកំណែខ្លី  ដែលមិនបាន​ដាក់បញ្ចូល ព័ត៌មានលម្អិត​ទាំងអស់ ឡើយ ។ សម្រាប់​ព័ត៌មាន​លំអិត សូម​អាន សិទ្ធិក្រោម​ ច្បាប់ Lanterman Act និង ពង្រាង​ច្បាប់ព្រឹទ្ធិ​សភា 188 (2021-22)។

វត្តមាន​របស់​មេធាវី ក្នុង​អង្គសវនាការ  ៖ មានដែនកំណត់​ថា តើពេលណាទើប​មេធាវីនៃ​មជ្ឈមណ្ឌលប្រចាំតំបន់ អាចចូលរួមការប្រជុំក្រៅផ្លូវការ, ការប្រជុំ​សម្រុះសម្រួល និងអង្គសវនាការ ។ សូមអាន​ សេចក្តី​ណែនាំ  របស់ DDS ចុះថ្ងៃទី 20 ខែ​កញ្ញា ឆ្នាំ 2022 ។

ផ្ញើ​បណ្តឹង​ឧទ្ធរណ៍ទៅកាន់ DDS ៖ ផ្ញើ​បណ្តឹង​ឧទ្ធរណ៍ទៅកាន់ DDS គឺមិន​មែន​ផ្ញើ​ទៅកាន់ មជ្ឈមណ្ឌលប្រ​ចាំ​តំបន់ ឡើយ ។ DDS នឹង​ប្រាប់​​មជ្ឈមណ្ឌល​ប្រចាំ​តំបន់ និង OAH ឲ្យ​ដឹង​អំពី​រឿង​នេះ ។ ផ្ញើតាមអ៊ីនធឺណិត ដោយប្រើ គេហទំព័រ ដំណើរការបណ្ដឹងឧទ្ធរណ៍ របស់ DDS, ដោយផ្ញើអ៊ីមែលទៅអាសយដ្ឋាន appealrequest@dds.ca.gov ឬផ្ញើ​តាមប្រៃសនីយ៍ ។

បន្ទាត់​ពេល​វេលា​សម្រាប់​ប្តឹង​ឧទ្ធរណ៍ ៖ អ្នកមានពេល​ចំនួន 60 ថ្ងៃ រាប់បន្ទាប់ពីថ្ងៃ​ដែល​អ្នកទទួលបានការ​ជូនដំណឹងអំពី​ចំណាត់​ការ ដើម្បីប្តឹងឧទ្ធរណ៍ ។ អ្នក​មាន​ពេល 30 ថ្ងៃ ដើម្បី​​ប្តឹង​ឧទ្ធរណ៍ ប្រសិន​បើ​អ្នក​ត្រូវ​ការ ​ជំនួយ​ខណៈពេលកំពុងរង់ចាំ (សេវានៅ​ដដែល) ។

ជម្រើស​នៃដំណើរការ​បណ្តឹង​ឧទ្ធរណ៍ ៖ អ្នកអាចជ្រើសរើសយក ការរួមបញ្ចូលគ្នា​ណាមួយ នៃការប្រជុំក្រៅផ្លូវការ, ការប្រជុំសម្រុះសម្រួល និងសវនាការ ។ អ្នក​អាច​ដូរ​សេចក្តី​ស្នើសុំ​របស់​អ្នក នៅពេល​ក្រោយ ។ ការផ្លាស់ប្តូរសកម្មភាពនេះ  អាចបណ្តាលឱ្យមានការពន្យារពេល​សវនាការ ។

ការ​សម្រុះ​សម្រួល​ដែល​ជា​កាតព្វកិច្ច ៖ មជ្ឈមណ្ឌលប្រ​ចាំ​តំបន់ ត្រូវ​ចូលរួម​ក្នុង​កិច្ចប្រជុំ​សម្រុះ​សម្រួល បើ​អ្នក​ចង់​ធ្វើ​ការ​សម្រុះ​សម្រួល ។

សេចក្តីថ្លែងការ​ណ៍អំពី​ជំហរ និងការ​ដោះដូរ​ភស្តុតាង ៖ មជ្ឈមណ្ឌល​ប្រចាំតំបន់​ត្រូវតែផ្តល់ឱ្យអ្នក នូវសេចក្តីថ្លែងការណ៍អំពីជំហររបស់ខ្លួន ជាភាសាដែលអ្នកពេញចិត្ត ចំនួន 2 ថ្ងៃ នៃថ្ងៃធ្វើការ មុនថ្ងៃ​សវនាការ ចូល​មកដល់ ។ ប្រសិនបើអ្នកមិនមានមេធាវីទេ អ្នកត្រូវតែផ្តល់ឱ្យ​មជ្ឈមណ្ឌល​ប្រចាំ​តំបន់ នូវបញ្ជីឈ្មោះសាក្សី និងរបាយកាណ៍ ចំនួន 2 ថ្ងៃ នៃថ្ងៃ​ធ្វើការ មុនថ្ងៃ​សវនាការ ចូល​មកដល់ ។

ការ​ផ្លាស់​ប្តូរ​នៅឯ ការិយាល័យ​សវនាការ ៖ មន្ត្រី​សវនាការ​​ ត្រូវ​តែ​ដំណើរ​ការអង្គ​​សវនាការ ​ដោយ “ប្រកាន់​ខ្ជាប់អព្យាក្រិត្យ​ភាព” ។ ការ​ប្រកាន់​ខ្ជាប់នូវ​អព្យាក្រឹតភាព គឺជា​ការ​ជម្រុញឲ្យ​មានការចែករំលែកព័ត៌មានគ្នា​ចំពោះ​ភាគីទាំងអស់ ដោយសេរី និងបើកចំហ ។

ការពិចារណាឡើងវិញលើ​សេចក្តី​សម្រេច​របស់​ចៅក្រម ៖ អ្នក ឬមជ្ឈមណ្ឌល​ប្រចាំតំបន់ អាចស្នើសុំឱ្យមានការពិចារណាឡើងវិញលើ​សេចក្តី​សម្រេច​របស់​ចៅក្រម ក្នុងរយៈពេល 15 ថ្ងៃបន្ទាប់ពីសវនាការ ចេញ​សេចក្តី​សម្រេច​នេះ ប្រសិនបើនៅ​ក្នុង​សេចក្តី​សម្រេច​នោះ មិន​ឆ្លុះ​បញ្ចាំង​ការ​ពិត ឬទិដ្ឋភាពច្បាប់ ។

ការ​អនុវត្តន៍​សេចក្តី​សម្រេច​របស់​សវនាការ ៖ មជ្ឈមណ្ឌល​​ប្រចាំ​តំបន់ ​ត្រូវ​តែ​ធ្វើ​តាម​ការ​សម្រេច​​របស់​សវនាការ ​ក្នុង​រយៈពេល 30 ថ្ងៃ ។ ពួកគេ ត្រូវ​ប្រាប់អ្នក និង DDS ឲ្យបាន​ដឹង បើ​មិនអាច​អនុវត្ត​តាម​សេចក្តីសម្រេច​ នេះបានទេនោះ ។