Ի՞նչ են սրանք:

Սուբսիդիան գործատուի կողմից տրամադրվող աջակցությունն է, որը կարող է հանգեցնել նրան, որ շահառուն ստանա աշխատավարձ, որը գերազանցում է իր աշխատանքի իրական արժեքը: Շահառուն, ով ստանում է լրացուցիչ օգնություն, արտադրողականության նվազեցված մակարդակ, հաճախակի ընդմիջումներ կամ ավելի քիչ աշխատանքային պարտականություններ, քան նմանատիպ աշխատանքի իր գործընկերները, կարող է որակավորվել սուբսիդավորման համար:

Հատուկ պայմանը սուբսիդիայի տեսակ է: Հատուկ պայմաններ գոյություն ունեն, երբ աշխատողը ստանում է աջակցություն կամ ծառայություններ ոչ թե գործատուից, այլ մեկ ուրիշից, ինչը պոտենցիալ մեծացնում է SGA-ի կատարման նրանց կարողությունը: Պետական մասնագիտական վերականգնման (VR, Vocational Rehabilitation) գործակալությունը, համայնքային վերականգնողական գործակալությունը կամ այլ ծառայություններ մատուցողը կարող են տրամադրել հատուկ պայմաններ: Շահառուն, ով օգտվում է աշխատանքի մարզչի ծառայություններից, կարող է իրավասու լինել «հատուկ պայմանի» համար:

Ինչպե՞ս է դա աշխատում:

SSDI ծրագրի շրջանակներում, երբ Սոցիալական ապահովության վարչությունը որոշում է, թե արդյոք ինչ-որ մեկը վաստակում է ավելին, քան Էական շահութաբեր գործունեությունը (SGA, Substantial Gainful Activity), այն հաշվի կառնի անձի աշխատանքի արժեքը, այլ ոչ թե սուբսիդիաների կամ հատուկ պայմանների առկայության դեպքում իրական համախառն եկամուտը: 

Սոցիալական ապահովության վարչությունը կարող է խնդրել շահառուի գործատուին օգնել ստուգելու սուբսիդավորման առկայությունը: Շահառուները կարող են նաև նախաձեռնություն ցուցաբերել և պահանջել, որ սուբսիդիաները և հատուկ պայմանները դիտարկվեն: DOR խորհրդատուները կարող են նաև օգնել ՝ տրամադրելով փաստաթղթեր, որոնք հաստատում են հայտարարված սուբսիդիաները: 

Ինչո՞ւ է դա կարևոր:

Եթե SSDI շահառուներն աշխատում և վաստակում են SGA-ից բարձր, նրանք կարող են իրավասու չլինել SSDI չեկի համար: Այնուամենայնիվ, եթե նրանք ստանում են սուբսիդիաներ կամ շնորհվել են հատուկ պայմաններ, Սոցիալական ապահովության վարչությունը կհաշվարկի նրանց համախառն վաստակի ավելի փոքր մասը: Սա կարող է հանգեցնել նրան, որ նրանց հաշվարկվող եկամուտը ցածր լինի SGA-ից, ինչը նշանակում է, որ նրանք կշարունակեն ստանալ SSDI չեկ: 

Այս տեղեկատվության հետ կապված օգնության կարիք ունե՞ք:

WIPA DRC-ի ընդունարանի հեռախոսահամարն է՝ 888-768-7058

Ticket to Work թեժ գիծ՝ 866-968-7842

Այս տեղեկագիրը ֆինանսավորվում է Սոցիալական ապահովության վարչության համագործակցության համաձայնագրի շրջանակներում: Չնայած Սոցիալական ապահովութան վարչությունը ստուգել է այս փաստաթղթի ճշգրտությունը, այն Սոցիալական ապահովության վարչության պաշտոնական հաղորդագրություն չէ: Այս տեղեկագիրը հրապարակվում է ԱՄՆ հարկատուների հաշվին: