Lawv yog dab tsi?

Ib qho nyiaj pab yog kev txhawb nqa uas tau txais los ntawm ib tus tswv ntiav hauj lwm uas yuav ua rau tus neeg tau txais txiaj ntsig tau txais nyiaj ntau dua li tus nqi tiag-tiag ntawm nws txoj hauj lwm. Tus neeg tau txais txiaj ntsig uas tau txais kev pab ntxiv, tus nqi kev tsim khoom uas raug txo, nquag so tsis tu ncua, los sis txoj hauj lwm tsawg dua tshaj li cov neeg ua hauj lwm sib koom ua hauj lwm zoo sib xws tuaj yeem tsim nyog tau txais nyiaj pab.

Ib qho xwm txheej tshwj xeeb yog hom nyiaj pab. Cov xwm txheej tshwj xeeb tshwm sim thaum tus neeg ua haujlwm tau txais kev txhawb nqa los sis kev pab cuam los ntawm lwm tus neeg uas tsis yog tus tswv ntiav hauj lwm, muaj peev xwm pab nyiaj rau tus neeg ua hauj lwm lub peev xwm los ua SGA. Lub chaw hauj lwm Txhim Kho Kev Ua Hauj Lwm Kom Rov Zoo (VR, Vocational Rehabilitation) hauv xeev, lub koom haum kho kom rov zoo hauv zej zog, los sis lwm tus neeg muab kev pab cuam tuaj yeem muab cov xwm txheej tshwj xeeb. Ib tus neeg tau txais txiaj ntsig uas siv tus kws qhia ua hauj lwm yuav tsim nyog muaj ib qho "mob tshwj xeeb".

Lawv ua hauj lwm li cas?

Hauv SSDI qhov kev pab cuam, thaum Xaus Saus txiav txim siab seb ib tus neeg tau txais cov nyiaj tau los ntau dua Qhov Dej Num Uas Tsim Cov Txiaj Ntsig Ntau (SGA, Substantial Gainful Activity), lawv yuav xav txog tus nqi ntawm tus neeg ua hauj lwm es tsis yog cov nyiaj tau los tag nrho tiag-tiag thaum muaj nyiaj pab los sis cov xwm txheej tshwj xeeb. 

Tej zaum Xaus Saus yuav hais kom tus neeg txais txiaj ntsig tus tswv hauj lwm pab txheeb xyuas seb puas muaj nyiaj pab. Tsis tas li ntawd, cov neeg tau txais txiaj ntsig kuj tseem tuaj yeem ua hauj lwm thiab thov kom xam txog cov nyiaj pab thiab cov xwm txheej tshwj xeeb. DOR cov kws pab tswv yim tseem tuaj yeem pab los ntawm kev muab cov ntaub ntawv los txhawb cov nyiaj pab uas tau thov. 

Vim li cas lawv thiaj tseem ceeb?

Thaum cov neeg tau txais txiaj ntsig SSDI ua hauj lwm thiab khwv tau nyiaj ntau dua SGA, lawv yuav tsis tsim nyog tau txais daim tshev SSDI. Txawm li cas los xij, yog tias lawv muaj cov nyiaj pab los sis cov xwm txheej tshwj xeeb Xaus Saus yuav suav tsawg dua rau ntawm lawv cov nyiaj tau los tag nrho. Tej zaum qhov no yuav ua rau lawv cov nyiaj tau los suav tau qis dua SGA uas txhais tau tias lawv yuav tau txais daim tshev SSDI txuas mus ntxiv. 

Puas xav tau kev pab rau cov ntaub ntawv no?

DRC WIPA tus nab npawb xov tooj: 888-768-7058

Ticket to Work Tau Daim Pib Ua Hauj Lwm: 866-968-7842

Daim ntawv qhia txog qhov tseeb no tau txais nyiaj los ntawm daim ntawv cog lus koom tes hauv Xaus Saus. Txawm hais tias Xaus Saus tau tshuaj xyuas cov ntaub ntawv no kom raug los xij, nws tsis yog kev sib txuas lus Xaus Saus yam raug cai. Peb tshaj tawm daim ntawv qhia txog qhov tseeb no ntawm US cov nqi them se.