1.Kev Them Nyiaj Tshaj Raws Nqe Lus II thiab Nqe Lus XVI nyob hauv Txoj Cai Tswj Hwm Kev Ruaj Ntseg Rau Zej Tsoom yog dab tsi? 

Kev them nyiaj tshaj tshwm sim thaum tus neeg tau txais txiaj ntsig tau txais cov txiaj ntsig tu nqi ntau dua li qhov lawv muaj cai, tau txais nyob rau ib lub hlis twg.1 Kev them nyiaj tshaj tuaj yeem tshwm sim hauv cov xwm txheej Nqe Lus II Kev So Hauj Lwm Noj Nyiaj Laus, Cov Neeg Dim, thiab Kev Tuav Pov Hwm Xaus Saus Rau Kev Xiam Oob Qhab, nrog rau cov xwm txheej txiaj ntsig hauv Nqe LUs XVI Cov Nyiaj Tau Los Ntxiv Rau Kev Ruaj Ntseg (SSI) tib si.

2.Kuv Yuav Ua Li Cas Yog Lub Chaw Tshwj Xyuas Kev Ruaj Ntseg Rau Zej Tsoom (SSA) Hais Tias Kuv Tau Them Nyiaj Tshaj Lawm thiab Kuv Xav Tias SSA Ua Tsis Yog Lawm?

Yog tias SSA hais tias koj muaj ib qho Kev Them Nyiaj Tshaj, koj muaj cai los Thov rau Kev Dov Txiav Txim Siab Dua uas yog SSA txoj cai los thov kom rov txiav txim dua.Saib cov lus nug 10, 12, thiab 18hauv qab no.Lwm qhov kev xaiv yog los thov kom ib qho Kev Xam ntawm Kev Them Nyiaj Tshaj.Saib cov lus nug 13-18and 22-26 hauv qab no.

3.Dab Tsis Tuaj Yeem Ua Rau Muaj Kev Them Nyiaj Tshaj?

Muaj ntau txoj hauv kev uas Cov Kev Them Nyiaj Tshaj tuaj yeem tshwm sim tau.Cov Kev Them Nyiaj Tshaj tuaj yeem tshwm sim vim ib tus neeg tsis tau tshaj qhia cov ntaub ntawv uas lawv yuav tsum tau tshaj tawm rau SSA.Txawm tias thaum ib tus neeg tshaj tawm txhua yam rau SSA uas lawv yuav tsim nyog ua los xij, SSA tseem ua tsis tau qhov kev hloov kho uas tsim nyog rau cov nyiaj them txhua hli, ua rau muaj Cov Kev Them Nyiaj Tshaj.Saib cov lus nug 4 thiab 5 kom paub ntau ntxiv hais txog qhov kev tshaj tawm.

4.Kuv Yuav Tsum Tau Tshaj Qhia Li Cas Kom Txo Qhov Yuav Muaj Tau ntawm Kev Them Nyiaj Tshaj?

Koj yuav tsum tau tshaj qhia qee yam xwm txheej uas tuaj yeem cuam tshuam rau koj cov txiaj ntsig SSI los sis SSDI, los sis koj qhov kev tsim nyog tau txais txuas ntxiv rau cov no, hauv thawj 10 hnub ntawm lub hli tom qab qhov kev hloov pauv tau tshwm sim.2 Nws yuav siv SSA ib hlis txij li hnub koj tshaj qhia ua ntej nws siv cov ntaub ntawv los kho koj cov nyiaj pab txhua hli.Piv txwv li, qhov kev hloov pauv ntawm cov nyiaj tau los nyob rau Lub Ib Hlis Ntuj, uas koj tshaj qhia ua ntej Lub Ob Hlis Ntuj Tim 10, yuav tsum muaj kev cuam tshuam hauv koj daim tshev Lub Peb Hlis Ntuj.Yog tias SSA tsis tau txais cov ntaub ntawv raws sij hawm, nws tsis tuaj yeem kho koj daim tshev tau, thiab koj tuaj yeem tau txais Qhov Kev Them Nyiaj Tshaj.

Koj yuav tsum tshaj qhia:3

1. Tag nrho cov nyiaj tau los uas khwv tau thiab tsis tau khwv;
2. Cov kev hloov pauv hauv cov nyiaj tau los uas khwv tau thiab tsis tau khwv;
3. Kev hloov pauv hauv koj txoj kev ua neej nyob, xws li kev hloov chaw nyob los sis kev hloov pauv ntawm koj tsev neeg;
4. Kev hloov pauv hauv koj cov chaw muab kev pab cuam;
5. Kev sib nrauj, kev sib yuav, los sis kev sib cais nyob;
6. Kev tsim nyog tau txais rau lwm cov txiaj ntsig; los sis,
7. Tawm hauv Teb Chaws Meskas mus ib ntus (ntev li 30 hnub los sis ntev dua sib law liag), ntawm lwm cov xwm txheej tshaj qhia tau uas tau teev tseg hauv 20 C.F.R. Tshooj 416.708.

Kev tsis qhia cov xwm txheej no txhais tau hais tias koj qhov txiaj ntsig SSI los sis SSDI yuav xam raws li cov ntaub ntawv uas muaj tsis txhij los sis tsis raug.Yog tias tom qab ntawd SSA paub txog cov ntaub ntawv uas muaj tsis txhij los sis tsis raug, nws tuaj yeem hloov kho koj cov nyiaj them, txawm tias nws twb tau them koj lawm los xij.Ib qho kev them nyiaj uas ntau tshaj qhov koj muaj cai tau, yuav raug xam raws li Kev Them Nyiaj Tshaj.Tom qab ntawd SSA yuav tshaj tawm tsab ntawv ceeb toom txog Kev Them Nyiaj Tshaj.Nws yog ib qho tseem ceeb kom paub tias koj tuaj yeem tau txais daim ntawv ceeb toom txog Kev Them Nyiaj Tshaj txhua lub sij hawm.Yog koj tau hais rau SSA txog cov kev hloov pauv lawm thiab SSA tseem hais tias koj tau them nyiaj tshaj lawm, saib nqe lus nug13-18 thiab 22-26 hauv qab no hais txog kev thov ib qho Kev Zam.

5.Vim li cas SSA Thiaj Tsub Nqi Rau Kuv nrog Qhov Kev Them Nyiaj Tshaj Txawm Tias Kuv Twb Tau Tshaj Qhia Cov Kev Hloov Pauv Raws Sij Hawm Lawm?

Qee lub sij hawm cov tib neeg tshaj qhia txog cov kev hloov pauv ntsig txog raws sij hawm, tab sis SSA tseem ua tsis tau rov qab xam cov txiaj ntsig dua thiab ces yuav muaj Kev Them Nyiaj Tshaj tshwm sim.Piv txwv li, qee tus neeg tshaj qhia txog cov kev hloov pauv rau lawv cov nyiaj tau los thaum lawv rov qab mus ua hauj lwm, tab sis SSA tseem tsis hloov pauv lawv cov nyiaj txhua hli.Feem ntau cov neeg tau txais tsis paub tias lawv tau txais kev them nyiaj ntau tshaj lawm txog thaum lawv tau txais ntawv ceeb toom los ntawm SSA ntau lub hlis los sis ntau xyoo tom qab.Hauv qhov xwm txheej no, txawm tias tus neeg tau txais kev them nyiaj tshaj lawm los xij, nws tsis yog kev txhaum ntawm lawv tus kheej.Kev zam txim Qhov Kev Zam yuav yog qhov kev xaiv zoo tshaj plaws hauv qhov xwm txheej no.Saib cov lus nug 13-18 and 22-26.

6.Leej Twg Yuav Tsum Them Rov Qab Qhov Nyiaj Them Tshaj?

Tej zaum SSA yuav pom cov neeg hauv qab no muaj lub luag hauj lwm los them rov qab rau Qhov Kev Them Nyiaj Tshaj:4

1. Koj, tus neeg tau txais SSI los sis SSDI;
2. Koj Tus Neeg Sawv Cev Txais Kev Them Nyiaj (Rep.Payee).Yog xav paub ntau ntxiv, saib cov lus nug7;
3. Nyob hauv qee qhov xwm txheej, koj tus neeg txhawb nqa, yog tias koj yog neeg txawv teb chaws uas tau txais SSI los sis SSDI5;
4. Koj tus txij nkawm yog tias thaum lub sij hawm Them Nyiaj Tshaj koj tau nyob ua ke thiab SSA tsis tuaj yeem rub tau rov qab los ntawm koj6; los sis,
5. Koj cov cuab yeej cuab tam thiab/los sis cov cuab yeej cuab tam ntawm koj Tus Neeg Sawv CevTxais Nyiaj, tus txij nkawm, los sis tus txhawb nqa.7

7.Kuv Tus Neeg Sawv CevYuav Tuaj Yeem Lav Ris Ntiag Tug Rau Kev Them Nyiaj Tshaj?

Yog tias koj Tus Neeg Sawv Cev Txias Nyiaj tau siv cov nyiaj uas them tshajyam tsis raug, SSA tuaj yeem tsub rau Qhov Nyiaj Tshaj los ntawm koj Tus Neeg Sawv CevTxais Nyiaj ncaj qha.Ua lwm lo lus hais, koj Tus Neeg Sawv CevTxais Nyiaj yuav tau lav them ntawm tus kheej rau Qhov Kev Them Nyiaj Tshaj.8 Yog tias cov nyiaj tsis tau siv rau koj qhov kev txhawb nqa los sis kev saib xyuas, ces koj Tus Neeg Sawv CevTxais Nyiaj tsuas yuav lav rau Qhov Kev Them Nyiaj Tshaj xwb, txawm tias lawv tsis paub txog Qhov Kev Them Nyiaj Tshaj los xij.9

Yog tias cov nyiaj them SSI los sis SSDI tau siv rau koj qhov kev txhawb nqa thiab kev saib xyuas thiab koj Tus Neeg Sawv CevTxais Nyiaj uas paub lawm los sis yuav tsum paub txog Qhov Kev Them Nyiaj Tshaj, ces koj thiab koj Tus Neeg Sawv CevTxais Nyiaj ob leeg yuav yog tus lav ris rau Qhov Kev Them Nyiaj Tshaj.10 Txawm li cas los xij, yog tias cov nyiaj them SSI/SSDI raug siv rau koj qhov kev txhawb nqa thiab kev saib xyuas, thiab koj Tus Neeg Sawv CevTxais Nyiaj tsis paub txog qhov tseeb nyob ib puag ncig ntawm Kev Them Nyiaj Tshaj, ces koj yog tus lav ris rau Qhov Kev Them Nyiaj Tshaj.11

8.SSA Puas Yuav Muab ib Daim Ntawv Ceeb Toom txog Qhov Kev Them Nyiaj Tshaj Rau Kuv?

Muaj.Koj muaj cai tau txais ib tsab ntawv ceeb toom yog tias SSA xav tias koj muaj Kev Them Nyiaj Tshaj.Daim ntawv ceeb toom yuav tsum muaj cov ntaub ntawv hauv qab no:12

1. Vim li cas thiaj muaj Kev Them Nyiaj Tshaj;
2. Tus nqi ntawm Kev Them Nyiaj Tshaj;
3. Lub hli uas Them Nyiaj Tshaj tshwm sim;
4. Ib daim ntawv teev txog cov nyiaj uas tau them thiab qhov yuav tsum tau them;
5. Tus nqi ntawm kev hloov kho rau koj daim tshev SSI/SSDI yog tias koj tsis them tag nrho thiab txuas ntxiv tau txais SSI/SSDI;
6. Koj txoj cai thov ib qho Kev Zam thiab/los sis xa daim ntawv thov kom rov txiav txim dua (Thov rau Qhov Kev Rov Txiav Txim Siab Dua); thiab,
7. Txoj hau kev thov rau ib qho Kev Zam Txim thiab/los sis ib qho Kev Thov rau Kev Txiav Txim Siab Dua (Thov Kom Rov Txiav Txim Dua).

Tsis tas li ntawd, yuav xa ib tsab ntawv ceeb toom rau koj Tus Neeg Sawv CevTxais Nyiaj thiab/los sis koj tus neeg sawv cev yam raug cai los sis tus neeg pab tswv yim yog tias lawv muaj Daim Ntawv Tus Neeg Sawv Cev Uas Tau Txais Kev Tso Cai SSA 169613 ntawm cov ntaub ntawv nrog SSA Lub Chaw Hauj Lwm Ntawm Thaj Chaw uas muab kev pab rau koj.

Yog tias tsab ntawv los sis ib tus neeg los ntawm SSA qhia rau koj tias koj muaj qhov Kev Them Nyiaj Tshaj lawm, tab sis koj tsis tau txais tsab ntawv ceeb toom txog Kev Them Nyiaj Tshaj, thov SSA xa ib daim rau koj.

9.Yuav Muaj Dab Tsi Tshwm Sim rau Kuv Li SSI los sis SSDI Yog Tias Kuv Muaj ib qho Kev Them Nyiaj Tshaj?

SSA tau ua cov kev hloov pauv uas muaj txiaj ntsig zoo, dav rau nws txoj cai Kev Them Nyiaj Tshaj hauv xyoo 2024.Cov no suav nrog cov kev hloov pauv rau qhov nyiaj ntau tshaj plaws uas SSA tuaj yeem tau txais los ntawm tus neeg cov txiaj ntsig SSDI yog tias lawv tsis teb nyob rau hauv 60 hnub rau daim ntawv ceeb toom Kev Them Nyiaj Tshaj.Raws li cov kev hloov pauv nyob hauv xyoo 2024 no, hauv qhov xwm txheej ntawd, SSA tsuas tuaj yeem txiav 10% ntawm ib tus neeg cov SSDI txhua hli los rov qab rau Kev Them Nyiaj Tshaj nkaus xwb.14

Txawm li cas los xij, thaum Lub Plaub Hlis Ntuj Tim 25, 2025, SSA tau tshaj tawm Tsab Ntawv Xwm Ceev hu ua “Hloov Kev Txiav Tus Nqi Qhov Txiaj Ntsig Uas Them Nyiaj Tshaj Nqe II mus rau Kev Txiav 50 feem pua ​​​​tshem tawm Feem Pua.”Tsab Ntawv Xwm Ceev no hais tias SSA yuav txiav 50% ntawm tus neeg tau txais li SSDI yog tias lawv tsis teb rau SSA tsab ntawv ceeb toom txog Kev Them Nyiaj Tshaj dhau li ntawm 90 hnub, thiab qhov no siv tau rau txhua daim ntawv tshaj tawm tom qab Lub Plaub Hlis Ntuj Tim 25, 2025.15

Hais txog SSI, yog tias ib tus neeg tsis teb rau daim ntawv ceeb toom txog Kev Them Nyiaj Tshaj dhau li 60 hnub, ces SSA yuav txiav li 10% ntawm lawv cov txiaj ntsig txhua hli, siab txog $96.70 hauv xyoo 2025.16

Koj tuaj yeem hais kom SSA txiav tus nqi sib txawv tau tas li.Piv txwv li, koj tuaj yeem nug SSA tias seb koj puas tuaj yeem them rov qab $10 toj ib hlis yog tias qhov ntawd yog qhov nyiaj tag nrho uas koj tuaj yeem them taus.17

10.Kuv Puas Tuaj Yeem Thov Kom Rov Txiav Txim Siab Dua rau ib qho Kev Them Nyiaj Tshaj thiab Tsom Cov Kev Txiav Tawm los ntawm Qhov Tshwm Sim?

Muaj.Txhawm rau kom tau txais koj li SSI/SSDI yam tsis muaj kev hloov pauv dab tsi li, koj yuav tsum xa hauv koj Daim Ntawv Thov rau Kev Rov Txiav Txim Siab Dua (Kev Thov Rov Txiav Txim Dua) tsis pub dhau 10 hnub tom qab tau txais tsab ntawv ceeb toom txog Kev Them Nyiaj Tshaj.18

SSA xav hais tias koj tau txais tsab ntawv ceeb toom tsis pub dhau tsib hnub tom qab hnub tawm tsab ntawv ceeb toom.Piv txwv li, yog tias koj daim ntawv ceeb toom sau hnub tim 1 Lub Ib Hlis Ntuj, SSA xav tias koj tau txais ua ntej Lub Ib Hlis Ntuj Tim 6.Hauv qhov piv txwv no, Qhov Kev Thov rau Kev Rov Txiav Txim Siab Dua yuav xa txog SSA ua ntej Lub Ib Hlis Ntuj Tim 16.Yog tias koj thov rov txiav txim dua li ntawm 10 hnub, SSA yuav tsis txo koj cov nyiaj pab kom txog thaum ua qhov kev txiav txim kawg.Qhov no yog hu ua kev pab them cov nqi theem mus lawm uas tseem tos thiab nws yog koj li txheej txheem raws txoj cai.19

Raws li POMS SI 02301.310, pib siv tau thaum 12/10/2024, “Cov neeg tau txais uas thov kom rov txiav txim dua 11 hnub los sis ntev tshaj tom qab, tab sis nyob rau hauv 60 hnub tom qab tau txais tsab ntawv ceeb toom ua ntej [ntawm Kev Them Nyiaj Tshaj] yuav raug txiav tab sis yuav rov qab them rov qab rau kev them nyiaj ntawm [Qib Kev Them Nyiaj Uas Tau Txais Kev Pov Thaiv] PPL.”20 Qib Kev Them Nyiaj Uas Tau Txais Kev Pov Thaiv yog “cov nyiaj pab tsis tau txiav uas tus neeg txais yuav tau txais txuas ntxiv mus kom txog thaum muaj kev txiav txim siab ntawm thawj theem ntawm kev thov rov txiav txim dua.”21

Yog tias koj ntsib nrog ib qho xwm txheej uas ua rau koj tsis tuaj yeem xa koj daim ntawv thov rov txiav txim dua rau kev pab them tus nqi lawm uas tseem tos nyob rau hauv lub qhov rais 60-hnub, koj tseem tuaj yeem tau txais kev them nyiaj txuas ntxiv yog tias SSA pom tias muaj qhov laj thawj zoo rau koj ua ntawv thov lig.Saib nqe lus nug 12hauv qab no yog xav paub ntxiv txog Lub Laj Thawj Zoo.

11.Kuv Yuav Ua Li Cas Los Pab Txhawb Nqa los sis Tswj Rau SSA Daim Ntawv Ceeb Toom Hais Txog Kev Them Nyiaj Tshaj?

Feem ntau muaj rau txoj hauv kev sib txawv los daws qhov Kev Them Nyiaj Tshaj:

1. Kev Thov Rov Txiav Txim Dua (SSA hu qhov no ua Kev Thov Kev rau Kev Rov Txiav Txim Siab Dua);
2. Ua ntawv thov rau Kev Zam rau Kev Them Nyiaj Rov Qab (Kev Zam);
3. Kev thov rov txiav txim dua thiab ua ntaub ntawv thov Kev Zam nyob rau tib lub sij hawm;
4. Sib Tham Txog Kev Them Nyiaj Uas Ua Tsis Tau Raws Nqe Lus (saib nqe lus nug 19)
5. Tsis txhob ua dab tsi li; los sis,
6. Tshaj tawm kev ua lag luam poob peev.

Txhua qhov kev ua, tshwj tsis yog tsis ua dab tsi li xwb, tau muab piav qhia ntxiv hauv qab no lawm.

12.Thaum Twg Nws Thiaj Tsim Nyog Rau Kuv Thov Rov Txiav Txim Dua?

Ua ntawv thov kom rov txiav txim dua yog tias:22

1. Daim ntawv ceeb toom txog Kev Them Nyiaj Tshaj qhia koj cov nyiaj nyiaj tau los tsis raug;
2. Daim ntawv ceeb toom txog Kev Them Nyiaj Tshaj qhia koj cov nyiaj pab tsis raug;
3. Koj tsis ntseeg tias koj tshuav ntau npaum li SSA hais tias koj tshuav tsis tau them;
4. Koj ntseeg tias koj tsis tau txais kev them nyiaj ntau tshaj; thiab/los sis,
5. Koj tsis muaj lub luag hauj lwm them rov qab.23

Yog tias qhov tseeb hauv SSA daim ntawv ceeb toom tsis raug, ces koj yuav tsum thov rov txiav txim dua.Tsis tas li ntawd, koj tseem tuaj yeem thov ib lub “rooj sib tham tsis raws cai” los ntsib nrog ib tus neeg los ntawm koj li SSA Lub Chaw Hauj Lwm Ntawm Thaj Chaw kom saib qhov Kev Them Nyiaj Tshaj nrog koj.24

Muaj ntau ntau txoj hauv kev sib txawv los Thov Kev Rov Txiav Txim Siab Dua: (1) los ntawm kev hu xovtooj mus rau SSA, (2) ntawm kev xa--email, fev, los sis nqa mus rau: daim ntawv sau rau ntawm SSA daim foos SSA-561-U2 (02_2025) (los sis ntaus/sau rau ntawm daim ntawv) uas hais tias koj xav thov rov txiav txim dua vim tias koj tsis pom zoo nrog tsab ntawv ceeb toom Kev Them Nyiaj Tshaj (suav nrog hnub tim ntawm tsab ntawv ceeb toom) thiab/los sis koj tsis pom zoo nrog SSA cov lus qhia tseeb hauv tsab ntawv ceeb toom.

Nyem qhov no los thov rov txiav txim dua hauv oos lais ntawm Kev Thov rau Kev Txiav Txim Siab Dua Hauv Oos Lais

Yog tias koj tsis tuaj raws li sij hawm teej caij 60-hnub rau kev thov rov txiav txim dua, koj tseem tuaj yeem thov rov txiav txim dua tau yog tias koj muaj “laj thawj zoo.”25 Qhov laj thawj zoo uas tshwm sim, piv txwv li, yog tias mob hnyav los sis kev tuag hauv koj tsev neeg yog lub laj thawj koj tsis tuaj yeem thov rov txiav txim dua hauv 60 hnub.26

13.Kev Zam yog dab tsi, thiab Thaum Twg Nws Thiaj Tsim Nyog Rau Kuv Thov Rov Txiav Txim Dua?

Qhov Kev Zam yog koj qhia SSA, thaum muaj qhov Kev Them Nyiaj Tshaj tuaj yeem tshwm sim, nws tsis yog kuv qhov kev txhaum, thiab kuv yuav tsum tsis txhob them rov qab.Koj yuav tsis tau them rov qab qhov Kev Them Nyiaj Tshaj yog tias SSA muab kev tso cai rau koj qhov kev thov Kev Zam.27 Yog tias SSA tsis tuaj yeem pom zoo koj daim ntawv thov Kev Zam, lawv yuav tsum muaj lub rooj sib tham ntiag tug nrog koj.Nyob ntawm lub rooj sab laj, koj thiab SSA yuav tham txog qhov Kev Them Nyiaj Tshaj thiab cov ntaub ntawv hauv koj cov ntaub ntawv.Yog tias SSA tsis kam lees txais qhov Kev Zam tom qab koj lub rooj sib tham, koj tuaj yeem thov rov txiav txim dua qhov tsis lees txais.28

Thaum thov qhov Kev Zam, feem ntau, koj yuav tsum qhia tias qhov Kev Them Nyiaj Tshaj tsis yog koj qhov txhaum thiab ib qho ntawm cov no siv tau:29

1. Nws yuav yog kev txom nyem nyiaj txiag los them cov nyiaj rov qab vim tias koj yuav tsum tau siv nyiaj los them rau cov nqi kev ua neej nyob.Npaj kom txhij los xa cov nqi kom pom tias koj siv tag nrho koj cov nyiaj tau los rau cov nuj nqis txhua hli;30
2. Yog tias koj tseem tau txais SSI los sis SSDI, qhov kev them rov qab yuav tawm tsam lub hom phiaj natwm cov khoos kas no uas muaj los pab cov neeg xiam oob qhab them rau cov kev xav tau theem pib xws li zaub mov, khaub ncaws, thiab nqi xauj;31
3. Kev them rov qab yuav yog “tawm tsam rau kev ncaj ncees thiab lub siab xav zoo,” piv txwv li, qhov chaw koj tso siab rau ntawm koj cov nyiaj SSI uas tom qab ntawd pom tias tsis raug, thiab xum poob qhov kev muaj nqis los sis hloov koj mus rau qhov phem dua vim qhov no;32
4. Yog tias koj muaj kev nkag cuag cov kev pab cuam ntau tshaj $50 los sis tsawg dua, suav nrog cov chaw muab kev pab cuam uas xam tias tshaj, thiab qhov no tsuas yog ib qhov laj thawj rau Kev Them Nyiaj Tshaj, koj qhov kev thov rau Kev Zam yuav tau txais kev pom zoo tshwj tsis yog tias koj tsis paub los sis tsis kam tshaj qhia koj cov chaw muab kev pab cuam los sis tus nqi ntawm koj cov chaw muab kev pab cuam raws sij hawm los sis raug;33 los sis,
5. Tus nyiaj Them Tshaj yog $1000.01 los sis tsawg dua, thiab qhov no tuaj yeem siv tau rau txhua lub sij hawm Them Nyiaj Tshaj.34

Koj tuaj yeem thov ib qho Kev Zam rau ib feem ntawm qhov Kev Them Nyiaj Tshaj.Piv txwv li, yog tias koj tsis tau tshaj qhia qhov kev hloov pauv hauv thawj 10 hnub ntawm lub hli tom qab qhov kev hloov pauv hauv koj cov nyiaj tau los, tab sis tau tshaj qhia ua ntej lub hli tas los, koj tuaj yeem thov ib qho Kev Zam qhov tsawg kawg yog ib feem ntawm qhov Kev Them Nyiaj Tshaj uas tau tshwm sim.35

Koj tuaj yeem tau txais ib qho Kev Thov rau Daim Foos Kev Zam los ntawm kev mus rau SSA lub chaw ua hauj lwm, hu rau SSA thiab thov kom lawv xa koj ib qho kev thov hauv kev xa ntawv, los sis los ntawm SSA lub vev xaib.

14.Lub Sij Hawm Txwv rau Kev Thov Kev Zam Yog Dab Tsi?

Tsis muaj kev txwv sij hawm rau kev thov rau ib qho Kev Zam.Koj tuaj yeem thov rau ib qho Kev Zam tau txhua lub sij hawm.Koj tseem tuaj yeem thov Kev Zam Txim tom qab koj them rau qhov Kev Them Nyiaj Tshaj.36Tom qab koj ua daim ntawv thov rau Kev Zam, SSA yuav tshuaj xyuas koj qhov kev thov thiab ua qhov txiav txim siab zoo los sis ua lub rooj sib tham ntiag tug nrog koj yog tias nws tsis tuaj yeem ua kev txiav txim siab zoo tau.37

15.Yog tias Kuv Thov rau ib qho Kev Zam, SSA Yuav Txiav Txim Li Cas Tias Seb Kuv Puas Muaj Kev Txaum Los Tsis Muaj?

SSA yuav txiav txim siab seb koj puas “tsis muaj qhov txhaum” los ntawm kev saib seb koj puas:38

1. Nkag siab txog lub luag haujlwm kom them nyiaj rov qab uas koj yuav tsum tsis tau txais;
2. Nkag siab tias koj tau Them Nyiaj Tshaj thaum nws nws tshwm sim;
3. Nkag siab tias SSA cov cai kev tshaj qhia.SSA yuav saib koj lub peev xwm nyeem ntawv, qib ntawm kev kawm, seb lus Askiv puas yog koj hom lus thib ob, los sis seb koj puas muaj kev xiam oob qhab uas ua rau nyuaj kom nkag siab;
4. Pom zoo tshaj tawm cov xwm txheej uas cuam tshuam rau koj cov nyiaj tau los los sis kev tsim nyog;
5. Paub txog cov xwm txheej uas yuav tsum tau tshaj tawm;
6. Sim ua raws li cov cai kev tshaj qhia;
7. Ua raws li cov cai kev tshaj qhia;
8. Muaj peev xwm thiab muaj lub cib fim ua tau raws li cov kev cai kev tshaj qhia;
9. Tau txais cov ntaub ntawv tsis yog los sis tsis raug los ntawm ib qho chaw ua hauj lwm xws li SSA cov neeg ua hauj lwm lossis kev tshaj tawm; thiab/los sis,
10. Tau paub txog qhov yuav tsum tau tshaj qhia ib qho xwm txheej tab sis ntseeg tias nws yog qhov tsis tseem ceeb uas koj xav tias nws yuav tsis muaj kev cuam tshuam rau koj cov txiaj ntsig los sis kev tsim nyog tau txais.

LUS CIM TSEG: Yog tias SSA tsis tuaj yeem lees paub thiab sau qhov laj thawj ntawm Kev Them Nyiaj Tshaj, los sis tsis tuaj yeem muab cov lus piav qhia tag nrho rau koj txog qhov tseeb ntawm Kev Them Nyiaj Tshaj uas nws hais tias koj tshuav, koj cia li yuav pom tias tsis muaj qhov txhaum.39

16.Nyob Rau Qhov Xwm Txheej Dab Tsi Uas SSA Yuav Tsis Lees Txais qhov Kev Thov rau Kev Zam Vim Tias Nws Txiav Txim Tias Kuv Txhaum?

Tej zaum yuav pom tias koj “muaj kev txhaum” cuam tshuam nrog Kev Them Nyiaj Tshaj thaum them nyiaj tsis raug los ntawm ib qho ntawm cov hauv qab no:40

1. Koj tsis tau muab SSA cov ntaub ntawv uas koj tsim nyog yuav muab.Piv txwv li, koj tsis tau tshaj qhia cov ntaub ntawv uas teev tseg saum toj no hauv nqe lus nug 4;
2. Koj paub tias koj tau muab SSA cov ntaub ntawv tsis raug lawm;
3. Koj tau txais thiab them nyiaj ob zaug rau cov tshev lawm;
4. Koj tau muaj Kev Them Nyiaj Tshaj zoo sib xws yav dhau los; los sis,
5. Koj tau txais kev them nyiaj raws cai thiab tsis ua raws.Piv txwv li, yog tias koj tau txais cov khoom plig nyiaj pab rau kev xiam oob qhab, tab sis tom qab pom tias tsis tsim nyog tau txais, koj yuav tsum tau them cov nyiaj pab rau kev xiam oob qhab rov qab, los sis koj yuav tau them qhov Kev Them Nyiaj Tshaj.

Kev txhaum los sis kev paub txog lwm tus uas tsis tuaj yeem tsub nqi rau tus neeg thov Kev Zam.Piv txwv li, nyob rau hauv qhov xwm txheej tus me nyuam tau txais SSI, qhov tuas niam txiv tsis tuaj yeem tshaj qhia ib qho xwm txheej uas tuaj yeem cuam tshuam rau lawv cov nyiaj pab SSI los sis kev tsim nyog yuav tsis yuam rau tus me nyuam.Tus me nyuam yuav tsis muaj kev txhaum.Qhov no tsis txhais hais tias tus niam txiv, tam li Tus Neeg Sawv CevTxais nyiaj, tsis muaj qhov txhaum thiab tsis lav them rov qab.41

17.Yog Tias Kuv Ua Ntawv Thov Kev Zam, SSA Yuav Txiav Txim Li Cas Tias Seb Nws Puas Yuav Nyuaj rau Kuv Kom Them Rov Qab Rau Qhov Kev Them Nyiaj Tshaj

Yog tias koj tau txais SSI, ces SSA cia li txiav txim siab tias nws nyuaj rau koj uas yuav tsum tau them qhov Kev Them Nyiaj Tshaj rov qab.Yog tias koj tsis tau txais SSI txuas mus ntxiv lawm, koj yuav tsum qhia tias koj tsis tuaj yeem them qhov Kev Them Nyiaj Tshaj qhov rov qab, raws li koj cov nyiaj tau los thiab cov nuj nqis.Peb pom zoo kom koj xa tag nrho cov ntaub ntawv txuas nrog uas koj xav tias yuav txhawb nqa koj mus rau Kev Thov rau Kev Zam xws li cov nqi, cov ntawv qhia nyiaj hauv txhab nyiaj, los sis cov ntawv los ntawm SSA.Txawm li cas los xij, koj tsis tas yuav xa cov lus nug txuas nrog no los sis ua tiav qee cov lus nug txog koj cov nyiaj tau los thiab cov nuj nqis yog tias koj tseem tau txais SSI, vim xav tias muaj kev nyuaj.42

Yog tias koj tsis txais kev kam lees txais rau qhov Kev Zam vim SSA hais tias nws yuav tsis muaj kev nyuaj los them rov qab Cov Nyiaj Them Tshaj thiab koj muaj qhov hloov pauv nyob hauv cov xwm txheej (koj qhov nyiaj txiag tsis zoo) tej zaum koj tuaj yeem qhia tau tias nws yuav yog ib qho nyuaj rau them rov qab qhov Kev Them Nyiaj Tshaj raws li cov xwm txheej uas hloov pauv.

18.Nyob Rau Qhov Xwm Txheej Dab Tsi Nws Tsis Tsim Nyog rau Kuv los Ua Ntawv Thov rau Kev Rov Txiav Txim Siab Dua (Kev Thov Rov Txiav Txim Dua) thiab rau ib qho Kev Zam nyob rau tib lub sij hawm?

Yog koj tsis paub meej tias yuav ua li cas, thov rov txiav txim dua hauv 60 hnub thiab thov rau ib qho Kev Zam nyob rau tib lub sij hawm.

19.Qhov Kev Them Nyiaj Uas Ua Tsis Tau Raws Nqe Lus Yog Dab Tsi?

Koj tuaj yeem them SSA tus nqi tsawg dua li tag nrho cov nuj nqis uas tshuav kom them tag nrho.43Cov xwm txheej SSA yuav xav txog suav nrog:

1. Koj muaj peev xwm los them tag nrho cov nuj nqis;
2. Muaj peev xwm hloov kho tam sim no los sis yav tom ntej;
3. Qhov nyiaj uas koj yuav muab piv rau qhov koj tshuav;
4. Lwm cov kev them nyiaj uas tsis raws li cov lus hais uas koj tau muaj thiab cov xwm txheej nyob ib puag ncig lawv; thiab,
5. Tus nqi rau SSA ntawm kev coj koj mus rau lub tsev hais plaub kom them rov qab qhov Kev Them Nyiaj Tshaj.

20.Kuv Puas Tuaj Yeem Ua Ntaub Ntawv rau Kev Ua Lag Luam Poob Peev Los Them Rau SSI Qhov Kev Them Nyiaj Tshaj Tau?

Tau.Koj tuaj yeem ua ntawv thov rau lub tsev hais plaub kev kev poob peev kom suav nrog SSI Qhov Kev Them Nyiaj Tshaj li cov nuj nqis uas tsis muaj kev ruaj ntseg uas tuaj yeem them tau.44

21.Kuv Yuav Tuaj Yeem Ua Li Cas Kom Zam qhov Kev Them Nyiaj Tshaj nyob rau Yav Tom Ntej?

1. Tshaj tawm txhua cov kev hloov pauv hauv koj lub neej uas tuaj yeem cuam tshuam txog cov nqi txiag ntsig nyiaj pab Xaus Saus uas koj tau txais los sis koj qhov kev tsim nyog tau txais.Nws yog qhov zoo tshaj los qhia txog cov kev hloov pauv rau SSA hauv kev sau ntawv thiab khaws ib daim ntawv theej ntawm qhov koj xa ntawv los sis nqa mus rau ntawm SSA Lub Chaw Hauj Lwm Hauv Qhov Chaw.Nyob ntawm koj daim ntawv theej, sau cia thaum koj muab tso rau hauv chaw xa ntawv.Yog tias koj tshaj qhia hauv xov tooj, sau hnub tim, sij hawm, tus nab npawb xov tooj uas koj hu, thiab lub npe ntawm tus neeg uas koj tau tham nrog.
2. Tsis txhob siv cov nyiaj koj tau txais los ntawm SSA yog tias koj xoom xaim tias koj yuav tsis tsim nyog tau txais nws.Hloov raud qhov no, ceeb toom qhia rau SSA.Yog tias SSA tsis kam muab cov lus teb ua ntawv sau rau koj los daws koj qhov kev txhawj xeeb, tiv tauj rau koj Tus Tswv Cuab Xab Phas Hauv Teb Chaws Meskas los sis Tus Tswv Cuab Sawv Cev Hauv Teb Chaws thiab thov lawv pab.
3. Ua qhov kev paub txog SSA cov cai rau Kev Txhawb Nqa thiab Kev Tu Xyuas Ntau Hom (ISM) thiab qhov “nyiaj tau los” no tuaj yeem cuam tshuam rau koj cov nyiaj los sis kev tsim nyog.Thov saib DRC cov ntawv tshaj tawm hais txog SSA cov cai ntawm Kev Txhawb Nqa thiab Kev Tu Xyuas Ntau Hom.

22.Cov Kev Hloov Pauv Dab Tsi Tsis Ntev Los No SSA ua rau muaj Kev Them Nyiaj Tshaj SSA rau SSI thiab SSDI?

SSA tau ua cov kev hloov pauv uas muaj txiaj ntsig zoo, dav rau nws txoj cai Kev Them Nyiaj Tshaj hauv xyoo 2024. Piv txwv li, tam sim no tso cai rau Cov Kev Zam tus nqi tswj hwm rau Kev Them Nyiaj Tshaj siab txog $2,000;45 thiab, SSA kuj tau teeb lub sij hawm them nyiaj rov qab ntev dua 60 lub hlis kom them nyiaj tsawg dua rau cov neeg uas muaj xiam oob qhab.46

23.Cov cai dab tsi uas SSA tau ntxiv hauv xyoo 2024 los txiav txim siab tias “tsis yog kev txhaum” rau COv Kev Zam Kev Them Nyiaj Tshaj?

Thawj kauj ruam SSA yuav siv rau txhua qhov kev thov kom zam rau qhov Kev Them Nyiaj Tshaj yog los txiav txim siab seb tus neeg puas tau “ua txhaum” ua rau muaj Kev Them Nyiaj Tshaj.Tus qauv qub uas tau muab lub nra rau tus neeg txais txiaj ntsig los ua pov thawj tias lawv “tsis muaj txim txhaum” ua rau muaj Kev Them Nyiaj Tshaj.Tam sim no SSA tau hloov pauv qhov kev ntsuam xyuas ntawm qhov ua txhaum kom muaj qhov nruab nrab, sib npaug, thiab ncaj ncees, nrog rau ntau qhov piv txwv ntawm cov xwm txheej uas muaj kev xav tias “tsis yog kev txhaum,” teeb cia nyob hauv SSA cov cai.Cov kev xav no siv rau Kev Them Nyiaj Tshaj Nqe Lus II thiab Nqe Lus XVI.47

SSA siv qhov kev xav ntawm “tsis yog kev txhaum” hauv cov xwm txheej uas: (1) koj tau tshaj qhia cov kev hloov pauv raws sij hawm lawm, (2) SSA txuas ntxiv them cov nyiaj pab rau koj txawm tias tom qab koj tau tshaj qhia cov kev hloov pauv raws sij hawm lawm los xij, (3) koj tau tau txais Kev Them Nyiaj Tshaj vim cov nyiaj tau los (Nqe Lus II nkaus xwb);48 los sis, (4) koj tau txais Kev Them Nyiaj Tshaj vim yog cov ntaub ntawv tsis raug los ntawm qhov chaw tau los yam raug cai.

SSA tuaj yeem pom ib tus neeg ua txhaum tsuas yog tom qab nws muaj pov thawj tias qhov Kev Them Nyiaj Tshaj tau tshwm sim vim tus neeg:

1. Tau ua ib nqe lus tsis raug uas lawv paub los sis yuav tsum paub tias tsis raug lawm;
2. Tsis tuaj yeem muab cov ntaub ntawv uas lawv paub los sis yuav tsum paub yog cov ntaub ntawv; los sis,
3. Tau lees txais cov nyiaj them uas lawv paub los sis yuav tsum paub tias yog tsis raug.

Tshwj tsis yog SSA muaj pov thawj tias ib qho ntawm cov no tau tshwm sim, tus neeg ntawd yuav tsis muaj kev txhaum.49

Yog tias tus neeg ntawd tsis muaj kev txhaum, SSA yuav txiav txim siab seb nws puas tuaj yeem pom zoo qhov Kev Zam raws li ib qho ntawm cov cai hauv qab no:

1. Kev Tsis Kam Lees Txais Qhov Kev Zam yuav tawm tsam rau lub hom phiaj ntawm Lub Khoos Kas SSI los sis SSDI Program;50 los yog,
2. Nws yuav tawm tsam rau kev ncaj ncees thiab lub siab xav zoo rau kev tsis lees txais qhov Kev Zam.(POMS GN 02250.150).

24.Cov kev cai tshiab twg SSA tau ntxiv rau xyoo 2024 rau “Kev Tawm Tsam Lub Hom Phiaj ntawm lub khoos kas” tus qauv rau kev tso cai rau Cov Kev Zam?

SSA yuav txiav txim siab tias nws yuav tawm tsam lub hom phiaj ntawm lub khoos kas SSI los sis SSDI kom tso cai rau ib qho Kev Zam, yog tias qhov kev them rov qab rau Kev Them Nyiaj Tshaj yuav ua rau tus neeg tau txais nyiaj poob cov nyiaj tau los ntau dua thiab yuav tsum tau muaj cov chaw muab kev pab cuam rau cov nuj nqis kev ua neej nyob li ib txwm thiab tsim nyog.Qhov no txhais tau hais tias tom qab koj them tag nrho koj cov nqi hauv ib hlis, koj cov nyiaj tau los tshuav yog tsis ntau tshaj $250.Rau qhov qhov kev ua li no, ib tus neeg tsis tuaj yeem muaj ntau dua $6,000 hauv cov chaw muab kev pab cuam.Txawm li cas los xij, CalABLE Cov As Khauj feem ntau raug zam los ntawm kev txwv cov chaw muab kev pab cuam no.51

SSA yuav pom tias nws tam tam rau lub hom phiaj ntawm lub khoos kas SSI los sis SSDI, thiab yog li ntawd kev zam qhov Kev Them Nyiaj Tshaj, yog tias tus neeg them nyiaj tshaj los sis ib tus neeg hauv tsev neeg ntawm tus neeg ntawd tau txais kev pab raws li kev tsim nyog.Cov piv txwv ntawm kev pab raws li kev tsim nyog muaj xws li: SSI; Kev Pab Cuam Ib Ntus rau Cov Tsev Neeg Xav Tau (TANF); kev pab cuam rau Cov Qub Tub Rog thiab cov nyiaj laus uas tsis muaj feem cuam tshuam txog kev xiam oob qhab raws li qhov xav tau; Lub Khoos Kas Pab Cuam Txhawb Ntxiv Khoom Noj Uas Muaj Txiaj Ntsig Zoo (SNAP); Medicare Ntu D Lub Khoos Kas Pab Ntxiv (Cov Nyiaj Txhawb Pab Rau Cov Neeg Tau Nyiaj Tsawg); los sis, tag nrho tsev neeg cov nyiaj tau los nyob rau hauv los sis qis dua 150% ntawm Tsoom Fwv Qib Kev Txom Nyem thiab tsev neeg muaj cov chaw muab kev pab cuam tsawg.52

25.SSA tau ntxiv cov cai dab tsi hauv xyoo 2024 hais txog tus qauv “kev tawm tsam kev ncaj ncees thiab lub siab xav zoo” rau Cov Kev Zam?

SSA yuav pom tias nws yog “kev tawm tsam kev ncaj ncees thiab lub siab xav zoo” tsis lees paub rau Kev Thov ntawm Kev Them Nyiaj Tshaj uas ib tus neeg tso siab rau daim ntawv ceeb toom ntawm kev them nyiaj los sis tso siab rau qhov kev them nyiaj tsis raug ntawm nws tus kheej, thiab lawv qhov nyiaj txiag tau hloov mus rau qhov tsis zoo, los sis lawv tau tso tseg txoj cai uas tseem ceeb, vim qhov no.

Tsis tas li ntawd, tam sim no SSA yuav suav tias nws tawm tsam kev ncaj ncees thiab lub siab xav zoo kom tsis lees txais qhov kev thov rau Kev Zam ntawm Kev Them Nyiaj Tshaj uas ib qho hauv qab no siv rau:

1. SSA tsis tuaj yeem nrhiav tau cov ntaub ntawv los sis txiav txim qhov laj thawj ua rau ntawm Kev Them Nyiaj Tshaj;53
2. Tus neeg them nyiaj tshaj tso siab rau cov ntaub ntawv tsis raug los ntawm qhov chaw yam raug cai;54
3. Tus neeg them nyiaj tshaj ntseeg tias SSA suav cov nyiaj tau los ntau dua li cov nyiaj tau los tag nrho;55 los sis,
4. Lwm qhov xwm txheej uas tau teev tseg hauv POMS GN 02250.150.

26.Qhov Kev Pom Zoo Campos v. Kijakazi yog dab tsi thiab nws cuam tshuam li cas rau Cov Kev Them Nyiaj Tshaj?

Qhov kev pom zoo rau kev sib hais plaub ua pawg qib teb chaws uas tau txais kev pom zoo los ntawm lub tsev hais plaub hauv Campos v. Kijakazi - uas yog ib rooj plaub tshwm sim ntawm Sab Hnub Tuaj Hauv Cheeb Tsam Nroog New York, yuav tsum tau txais txiaj ntsig ntau dua ob lab tus neeg tau txais SSI thoob plaws Teb Chaws Meskas uas tau txais Kev Them Nyiaj Tshaj thaum lub sij hawm Muaj Xwm Txheej Ceev Hauv Teb Chaws Txog Tus Kab Mob COVID-19(Lub Peb Hlis Ntuj txog Lub Cuaj Hlis Ntuj 2020).56

Raws li qhov kev pom zoo no, SSA yuav tsum zam tag nrho cov nyiaj them tshaj SSI uas tau txais rau cov hli ntawm Lub Peb Hlis Ntuj txog Lub Cuaj Hlis Ntuj 2020 uas tau ua tiav los ntawm tus kheej.Qhov no txhais tau tias, SSA yuav tsum zam tag nrho cov nyiaj them tshaj rau cov hlis ntawd tshwj tsis yog Cov Nyiaj Them Tshaj ntawd raug txheeb los ntawm cov txheej txheem uas tsis siv neeg xws li kev sib piv ntawm Lub Chaw Hauj Lwm Saib Xyuas Qub Tub Rog.

SSA yuav tsum tso cai rau cov kev zam no yam tsis muaj cov neeg tau txais SSI uas yuav tsum tau ua ib kauj ruam los sis xa daim ntawv thov los sis lwm cov ntaub ntawv.

SSA yuav tsum xa ib tsab ntawv ceeb toom rau cov neeg tsim nyog los qhia lawv txog Kev Zam.Raws li daim ntawv cog lus pom zoo no, kev them nyiaj qis rau ib qho kev them nyiaj uas koj twb tau them lawm rau ntawm Kev Them Nyiaj Tshaj tshwm sim txij Lub Peb Hlis Ntuj txog Lub Cuaj Hlis Ntuj 2020 yuav tsum tau muab tshaj tawm, thiab qhov no yuav tsum tau ua yam tsis tau kom tus neeg txais SSI ua dab tsi li.

Yog xav paub ntau ntxiv, thov saib cov kab txuas no mus rau SSA “Daim Ntawv Ceeb Toom Txog Kev Pom Zoo Zaum Kawg Hauv Rooj Plaub Campos”thiab SSA Cov Lus Qhia Thaum Muaj Xwm Ceev Txog Txoj Hau Kev Los Daws Cov Rooj Plaub Campos hnub tim 6 Lub Ob Hlis Ntuj 2025.