Daim ntawv luam tawm no piav qhia seb Cov Kev Pab Cuam Muab Kev Txhawb Nqa Hauv Tsev (IHSS) cov sij hawm muab kev pab cuam hauv txhua hli raug suav li cas.1 Daim ntawv luam tawm no kwv yees tias koj twb tau thov qhov IHSS lawm, ua tiav qhov kev ntsuam xyuas nyob hauv tsev nrog Tus Neeg Ua Hauj Lwm Ntawm IHSS, thiab tau txais Tsab Ntawv Ceeb Toom txog Kev Nqis Tes Ua (NOA) Ntawm IHSS cov sij hawm muab kev pab cuam uas pom zoo.Yog xav paub ntau ntxiv hais txog IHSS thiab txoj hau kev yuav pab txhawb nqa rau cov kev pab cuam ntawm IHSS ntxiv uas koj yuav xav tau, thov mus saib rau ntawm DRC Phab Vev Xaib Hais Txog Chaw Muab Kev Pab Cuam Kev Txhawb Nqa Tus Kheej Ntawm IHSS.

1. Kev Pab Nyiaj Txog IHSS

IHSS tau txais nyiaj pab los ntawm plaub lub khoos kas me.Txhua lub khoos kas muaj tus qauv cai kev muaj cai tsim nyog thiab cov sij hawm muab kev pab cuam siab tshaj plaws hauv txhua hli sib txawv.Qhov ntau ntawm cov sij hawm uas koj tau txais yuav saib raws li lub khoos kas me no uas koj nyob rau thiab cov kev pab cuam IHSS twg uas koj xav tau.Qhov ntau ntawm cov sij hawm muab kev pab cuam IHSS siab tshaj plaws uas ib tug neeg tuaj yeem tau txais yog 283 teev toj ib hlis.

Cov khoos kas no yog:

1. Lub Khoos Kas Cov Chaw Muab Kev Pab Cuam Saib Xyuas Kho Mob Rau Tus Kheej (Personal Care Services Program, PCSP)
2. Qhov Kev Xaiv Uas Yog Thawj Qhov Kev Xaiv Rau Zej Zog (Community First Choice Option, CFCO)
3. Qhov Kev XAiv IHSS Plus (IHSS Plus Option, IPO)
4. IHSS Residual (IHSS-R)

Koj tuaj yeem nrhiav kom paub seb lub khoos kas me twg uas koj nyob rau hauv los ntawm kev saib rau ntawm koj Tsab Ntawv Ceeb Toom txog Kev Nqis Tes ua Kev Pom Zoo Muab IHSS los sis los ntawm kev nug koj Tus Neeg Ua Hauj Lwm Muab Kev Pab Cuam IHSS.

Koj tuaj yeem tau txais 283 teev (siab tshaj plaws) toj hli yog tias:

1. Koj nyob hauv lub khoos kas PCSP thiab tau txais kev saib xyuas uas muaj kev pov thaiv, los sis
2. Koj nyob hauv CFCO, IPO, los sis IHSS-R lub khoos kas me, koj tau txais kev saib xyuas uas muaj kev pov thaiv, thiab koj yeem "tsis taus heev li," los sis
3. Koj xav tau sij hawm yam tsawg 283 teev toj hli hauv cov kev pab cuam IHSS.Piv txwv li, koj tau txais kev saib xyuas ntiag tug uas tsis cuam tshuam txog fab kev kho mob, cov kev pab cuam IHSS uas muaj feem sib cuam tshuam, cov kev pab fab kev kho mob, thiab/los sis lwm cov kev pab cuam.

Daim tsham qhia tom ntej no teev qhia txog plaub cov khoos kas me ntawm IHSS thiab qhov IHSS siab tshaj plaws hauv txhua hli uas muaj rau cov neeg uas tau txais Kev Saib Xyuas Uas Muaj Kev Pov Thaiv:

Lub Khoos Kas Me	Yog tias xam tias koj yog tus neeg Tsis Taus Heev Li (Severely Impaired, SI) – saib kawg nkaus txog:	Yog tias xam tias koj yog tus neeg Tsis Yog- Tsis Taus Heev Li (Severely Impaired, NSI) – saib kawg nkaus txog:aYog tias xam tias koj yog tus neeg Tsis Yog- Tsis Taus Heev Li (Severely Impaired, NSI) – saib kawg nkaus txog:	Kev qhia ua pov thawj/lub hauv paus ntawm qhov ntaub ntawv qhia paub
PCSP	283 teev/hli	283 teev/hli	Txhua Tsab Ntawv Tuaj Ntawm Cheeb Tsam Nroog (ACL) No. 93-21 ACL 99-86
IPO	283 teev/hli	195 teev/hli	ACL 11-19
IHSS-R	283 teev/hli	195 teev/hli	Welf. & Inst. Code § 12303.4
CFCO	283 teev/hli	Saib kawg nkaus txog 283 teev/hli	ACL 14-60

2. Kev Muaj Cai, Cov Kev Pab Cuam thiab Cov Kev Txwv Hauv Lub Khoos Kas Me Ntawm IHSS

i. Lub Khoos Kas Cov Chaw Muab Kev Pab Cuam Saib Xyuas Kho Mob Rau Tus Kheej (Personal Care Services Program, PCSP)

Txhawm rau kom muaj cai tsim nyog rau PCSP:

• Koj yuav tsum muaj cai tsim nyog tau txais Medi-Cal qhov kev koom nrog fab nyiaj txiag ntawm tsoom fwv tag nrho txhua yam.
• Koj tsis tuaj yeem muaj tus kws muab kev saib xyuas kho mob ntawm tus txij nkawm los sis tus kws muab kev saib xyuas kho mob ntawm niam thiab txiv.
• Koj tsis tuaj yeem tau txais kev them ua ntej2 los sis nyiaj pab cuam pluas mov hauv tsev noj mov.3

Hauv PCSP lub khoos kas me, koj tuaj yeem tau txais 283 teev toj hli ntawm kev pab cuam IHSS yog tias pom tau tias koj muaj cai tsim nyog rau Kev Saib Xyuas Uas Muaj Kev Pov Thaiv.4

ii. Qhov Kev Xaiv Uas Yog Thawj Qhov Kev Xaiv Rau Zej Zog (Community First Choice Option, CFCO)

Txhawm rau kom muaj cai tsim nyog rau CFCO:

• Koj yuav tsum muaj cai tsim nyog tau txais Medi-Cal qhov kev koom nrog fab nyiaj txiag ntawm tsoom fwv tag nrho txhua yam.
• Koj yuav tsum ua kom tau raws li theem kev saib xyuas kho mob hauv lub chaw tu mob.5
• Tsis muaj cov kev txwv txog kev tau txais kev them nyiaj ua ntej, qhov nyiaj pab cuam them rau pluas noj ntawm tsev noj mov, los sis kev muaj tus kws muab kev saib xyuas kho mob ntawm tus txij nkawm los sis tus kws muab kev saib xyuas kho mob ntawm niam thiab txiv.

Hauv CFCO lub khoos kas me, yog tias koj tau txais kev saib xyuas uas muaj kev pov thaiv thiab yeej tsis taus heev li, koj tuaj yeem tau txais 283 teev toj hli txog qhov IHSS.Yog tias koj tau txais kev saib xyuas uas muaj kev pov thaiv thiab tsis yog-tsis taus heev li, koj tuaj yeem tau txais 195 teev txog kev saib xyuas uas muaj kev pov thaiv ntxiv rau lwm cov kev pab cuam uas koj xav tau siab kawg nkaus txog 283 teev toj hli.

Yog tias koj muaj txij nkawm, tsis muaj Medi-Cal, thiab xav tau cov kev pab cuam IHSS, tej zaum koj yuav tau txiaj ntsig los ntawm kev thov txog IHSS nyob hauv CFCO lub khoos kas.Cov neeg uas muaj txij nkawm lawm uas xav tau Medi-Cal thiab IHSS tuaj yeem siv cov cai kev muaj cai tau txais Medi-Cal uas muaj cai tshwj xeeb ntxiv uas hu tias "Tsab Cai Hais Txog Kev Txom Nyem Ntawm Tus Txij Nkawm" kom tau txais IHSS hauv CFCO lub khoos kas me.6 Cov cai no pab kom tus txij nkawm uas xav tau cov kev pab cuam IHSS tsim nyog tau txais Medi-Cal thaum lwm tus txij nkawm yuav khaws cia qhov nyiaj khwv tau los tau ntau dua uas tau kev tso cai hauv lwm cov cai kev muaj cai ntawm Medi-Cal ntau heev.7Qhov Nyiaj Pab Cuam Ntawm Chaw Muab Kev Pab Cuam Rau Tus Txhij Nkawm Nyob Hauv Zej Zog kuj hu tias yog tau tshem tawm kev txwv fab cuab yeej cuab tam rau hauv Lub Ib Hlis Ntuj Tim 1, 2024.8 Yog xav paub ntau ntxiv hais txog Medi-Cal tsab cai hais txog kev txom nyem ntawm tus txij nkawm ces mus saib hauv DRC cov ntaub ntawv luam tawm uas hu tias, Kev Txiav Txim Siab Txog Kev Muaj Cai Hauv Lub Khoos Kas Theem Kev Txom Nyeem Uas Tsoom Fwv Teev Tseg Txog Neeg Laus thiab Neeg Xiam Oob Qhab (A&D FPL) thiab Cov Kev Pab Cuam Uas Muaj Kev Txhawb Nqa Hauv Tsev (IHSS): Cov Lus Qhia rau Cov Neeg Muab Tswv Yim Txhawb Nqa.

iii. Qhov Kev XAiv IHSS Plus (IHSS Plus Option, IPO)

Txhawm rau kom muaj cai tsim nyog rau IPO:

• Koj yuav tsum muaj cai tsim nyog tau txais Medi-Cal qhov kev koom nrog fab nyiaj txiag ntawm tsoom fwv tag nrho txhua yam.
• Koj ua tsis tau raws li theem kev saib xyuas kho mob ntawm lub chaw tu mob tab sis xav tau IHSS, thiab
• Koj muaj tus kws muab kev saib xyuas kho mob ntawm tus txij nkawm los sis tau txais kev them nyiaj ua ntej los sis tau cov nyiaj pab cuam rau pluas noj hauv tsev noj mov.9

Hauv IPO lub khoos kas me, yog tias koj tau txais kev saib xyuas uas muaj kev pov thaiv thiab yeej tsis taus heev li, koj tuaj yeem tau txais 283 teev toj hli txog qhov IHSS.Yog tias koj tau txais kev saib xyuas uas muaj kev pov thaiv thiab yeej tsis yog-tsis taus heev li, koj tuaj yeem tau txais 195 teev toj hli txog qhov IHSS.

Feem ntau, cov neeg uas ua tsis tau raws li theem kev saib xyuas kho mob ntawm lub chaw tu mob thiab muaj tus kws muab kev saib xyuas kho mob ntawm tus txij nkawm, los sis tau txais kev them nyiaj ua ntej, los sis qhov nyiaj pab cuam rau pluas noj hauv tsev noj mov raug muab tso rau hauv lub khoos kas no tias yog lwm txoj hau kev xaiv rau PCSP thiab CFCO cov khoos kas me.

iv. IHSS Residual (IHSS-R)

Kom muaj cai tsim nyog rau IHSS-R:

• Koj tsis muaj cai tsim nyog tau txais Medi-Cal qhov kev koom nrog fab nyiaj txiag ntawm tsoom fwv tag nrho txhua yam.

Hauv IHSS-R lub khoos kas me, yog tias koj tau txais kev saib xyuas uas muaj kev pov thaiv thiab yeej tsis taus heev li, koj tuaj yeem tau txais 283 teev toj hli txog qhov IHSS.Yog tias koj tau txais kev saib xyuas uas muaj kev pov thaiv thiab yeej tsis yog-tsis taus heev li, koj tuaj yeem tau txais 195 teev toj hli txog qhov IHSS.

IHSS-R lub khoos kas me tau txais nyiaj pab los ntawm lub xeev thiab hauv cheeb tsam zej zog.Feem ntau nws yuav muaj cov neeg tau txais IHSS uas tau plam Medi-Cal (SB87) thiab qee cov neeg uas yog (cov neeg nyob hauv ruaj khov raug cai los sis cov neeg nyob hauv Teb Chaws Meskas raws li txoj cai neeg muaj xim tawv nqaij thiab tsis muaj peev xwm yuav tau txais Medi-Cal txoj kev koom nrog fab nyiaj txiag ntawm tsoom fwv tag nrho txhua yam. SB 87 yog txoj cai Medi-Cal uas xav kom cov neeg uas plam Medi-Cal tau txais Medi-Cal ib hlis ntxiv thaum uas cheeb tsam nroog nrhiav seb puas muaj Medi-Cal lub khoos kas twg uas tus neeg tuaj yeem tsim nyog tau txais rau.Cov neeg nyob rau hauv lub khoos kas IHSS-R tsis pes tsawg leej xwb.Yog tias koj tau txais Tsab Ntawv Ceeb Toom txog Kev Nqis Tes Ua Txog IHSS uas tso koj rau hauv lub khoos kaws chaw nyob thiab txiav koj qhov IHSS tawm vim tias koj tsis muaj Medi-Cal, koj yuav tsum thov kom rov txiav txim dua txog Tsab Ntawv Ceeb Toom txog Kev Nqis Tes Ua Txog IHSS thiab tiv tauj Medi-Cal kiag tam sim ntawd kom pom seb yam twg uas koj tuaj yeem ua tau kom rov tsim kev muaj cai tau txais Medi-Cal dua.

Lus Cim Tseg: Cov neeg feem coob, tsis hais tias yuav yog neeg nkag teb chaws kuj tuaj yeem tau txais Medi-Cal hauv California tau.10Cheeb tsam nroog tsis tuaj yeem tsis pom zoo txog koj daim ntawv thov qhov IHSS li rau qhov uas koj tsis muaj Tus Naj Npawb Xaus Saus los sis Tus Naj Npawb Txheeb Qhia Tus Neeg Them Se Ntiag Tug.11 Koj tuaj yeem mus saib tau hauv Xeev California Lub Thawj Fab Saib Xyuas Hauj Lwm Txog Cov Kev Pab Cuam Rau Kev Saib Xyuas Kho Mob Fab Kev Noj Qab Haus Huv lub vev xaib hais txog cov ntaub ntawv qhia paub hais txog kev thov kom tau Medi-Cal.

v. IHSS Cov Sij Hawm Txawv Li Cas Raws Li Tus Neeg Txoj Kev Xav Tau

Daim tsham qhia hauv qab no qhia pom txog qhov uas koj yuav tuaj yeem tau txais qhov ntau tsawg ntawm lub sij hawm li cas nce raws li seb yog IHSS lub khoos kas me twg uas koj nyob rau hauv xwb thiab seb koj tau txais kev saib xyuas pov thaiv tias yog tus neeg tsis taus hnyav heev los sis tsis yog tus neeg tsis tau hnyav heev.

	PCSP	CFCO	IPO	IHSS-R
Tus Neeg A Muaj Cai Rau Kev Saib Xyuas Pov Thaiv thiab Tsis Taus Hnyav Heev Li Tus Neeg A xav tau 20 teev ntawm kev saib xyuas kho mob rau tus kheej tsis yog fab kev kho mob toj ib lub lim tiam.	283 teev/hli	283 teev/hli	283 teev/hli	283 teev/hli
	PCSP	CFCO	IPO	IHSS-R
Tus Neeg B Muaj Cai Tau Txais Kev Saib Xyuas Uas Muaj Kev Pov Thaiv, Tsis Yog Kev Tsis Taus Hnyav Heev, thiab Cov Kev Pab Cuam Hauv Tsev 6 Teev Tus Neeg B xav tau 19 teev thiab 56 feeb (los sis 19.9 teev) ntawm kev saib xyuas kho mob rau tus kheej tsis yog fab kev kho mob toj ib lub lim tiam. Hloov Cov Feeb mus ua Lej Dis Cis Maus 56 / 60 =.9333 →.9 (muab pauv nqis ua tus lej txwm kiag) Kev Xam Ua Lej Dis Xis Maus Rau Cov Sij Hawm Pab Cuam Hauv Txhua Hli Rau Cov Kev Pab Cuam Saib Xyuas Rau Tus Kheej: 19.9 teev x 4.33 = 86.167 = 86.17 (muab pauv nce ua tus lej txwm kiag) Kev Hloov mus rau Feeb: .17 x 60 = 10.2 feeb = 10 feeb (muab pauv nqis ua tus lej txwm kiag) Cov Sij Hawm Muab Kev Pab Cuam Saib Xyuas Tus Kheej Hauv Txhua Hli: 86 teev thiab 10 feeb los sis 86:10 Ntxiv Cov Kev Pab Cuam Hauv Tsev 86:10 + 6:00 = 92:10	283 teev toj hli	283 teev toj hli [Qhov no suav nrog Kev Saib Xyuas Uas Muaj Kev Pov Thaiv 195 Zaus + 86:10 ntawm Cov Kev Pab Cuam Saib Xyuas Tus Kheej toj hli + 6 teev ntawm Cov Kev Pab Cuam Hauv Tsev = 287:10 toj hli.Ib tug neeg yuav tau txais 283 teev vim rau qhov muaj kev txwv hauv txhua hli ntawm IHSS]	195 teev toj hli	195 teev toj hli
	PCSP	CFCO	IPO	IHSS-R
Tus Neeg C Tsis Muaj Cai rau Kev Saib Xyuas Uas Muaj Kev Pov Thaiv, Tsis Yog Kev Tsis Taus Hnyav Heev, thiab Cov Kev Pab Cuam Hauv Tsev 6 Teev Tus Neeg C xav tau 19 teev thiab 56 feeb (los sis 19.9 teev) ntawm kev saib xyuas kho mob rau tus kheej tsis yog fab kev kho mob toj ib lub lim tiam. Hloov Cov Feeb mus ua Lej Dis Cis Maus 56 / 60 =.9333 →.9 (muab pauv nqis mus ua tus lej txwm kiag) Kev Xam Ua Lej Dis Xis Maus Rau Cov Sij Hawm Pab Cuam Hauv Txhua Hli Rau Cov Kev Pab Cuam Saib Xyuas Rau Tus Kheej: 19.9 teev x 4.33 = 86.167 = 86.17 (muab pauv nce ua tus lej txwm kiag) Kev Hloov mus rau Feeb: .17 x 60 = 10.2 feeb = 10 feeb (muab pauv nqis ua tus lej txwm kiag) Cov Sij Hawm Muab Kev Pab Cuam Saib Xyuas Tus Kheej Hauv Txhua Hli: 86 teev thiab 10 feeb los sis 86:10 Ntxiv Cov Kev Pab Cuam Hauv Tsev 86:10 + 6:00 = 92:10	92:10 (los sis 92 teev thiab 10 feeb toj hli)	92:10 (los sis 92 teev thiab 10 feeb toj hli)	92:10 (los sis 92 teev thiab 10 feeb toj hli)	92:10 (los sis 92 teev thiab 10 feeb toj hli)

Koj li IHSS NOA yuav muaj qhov ntau ntawm lub sij hawm uas koj tuaj yeem tau txais toj ib lub lim tiam thiab toj ib hlis ua teev thiab feeb.Txhawm rau xam qhov ntau ntawm cov sij hawm muab kev pab cuam IHSS uas koj tuaj yeem tau txais hauv ib lub hlis, koj yuav tsum hloov cov teev thiab cov feeb uas koj xav tau ntawm cov kev pab cuam IHSS toj ib lub lim tiam mus rau 10 ntawm ib teev thiab tom qab ntawd muab ntxiv rau 4.33.Peb yuav tshuaj xyuas tus txheej txheem no dua kom ntxaws ntxiv tom qab ntawd.

3. Kev Ntsuam Xyuas IHSS Hauv Tsev

Koj Tus Neeg Ua Hauj Lwm Muab IHSS yuav ntsuam xyuas koj nyob hauv koj lub tsev los txiav txim siab seb cov kev pab cuam twg uas koj xav tau thiab seb koj xav tau sij hawm ntau npaum li cas rau txhua qhov kev pab cuam.Tus Neeg Ua Hauj Lwm Muab IHSS, yog tias muaj, yuav muab faib sib npaug zog qee cov kev pab cuam thiab txheeb qhia txog lwm cov chaw muab kev pab cuam.Qhov ntau ntawm lub sij hawm hauv koj Tsab Ntawv Ceeb Toom txog Kev Nqis Tes Ua Muab IHSS rau kev faib cais cov chaw muab kev pab cuam kom sib npaug zog thiab ua lwm txoj kev xaiv yuav txog qis qhov ntau ntawm lub sij hawm uas koj tuaj yeem tau txais kev tso cai.Tus naj npawb ntawm cov teev uas koj tuaj yeem tau txais hauv txhua lub hlis hu ua "cov sij hawm uas tau txais kev tso cai."Koj cov sij hawm uas tau txais kev tso cai yog tus naj npawb ntawm cov teev us koj tuaj yeem tau txais tom qab kev muab faib sib npaug zog, lwm qhov chaw muab kev pab cuam, cov lus qhia txog txoj hauj lwm uas muab ua teev thiab lwm cov cai hais txog IHSS tag nrho rau kev txiav txim siab txog koj qhov kev xav tau rau IHSS twb tau muab los siv lawm.Kev faib cais cov chaw muab kev pab cuam sib npaug zog thiab ua lwm txoj kev xaiv yuav muab los sib tham kom ntxaws ntxiv hauv qab no.

Yog xav paub ntau ntxiv hais txog tus txheej txheem Kev Ntsuam Xyuas Hauv Tsev mus saib hauv DRC cov ntaub ntawv luam tawm, Phau Ntawv Qhia Txog IHSS Hauv Tsev thiab Kev Ntsuam Xyuas Tus Kheej.

i. Tsab Ntawv Ceeb Toom txog Kev Nqis Tes Ua Muab IHSS

Koj Tsab Ntawv Ceeb Toom txog Kev Nqis Tes Ua (NOA) Muab IHSS yog qhov uas lub cheeb tsam nroog muab ntaub ntawv qhia paub rau koj hais txog koj cov txiaj ntsig kev pab txog IHSS li cas.Yuav tsum tau muaj koj daim NOA Muab IHSS kom muaj cov ntaub ntawv qhia paub hais txog:

• Sij hawm ntau npaum li cas uas koj yuav tau txais rau txhau txoj hauj lwm IHSS uas koj xav tau kev pab,
• Hnub pib siv tau ntawm cheeb tsam nroog txoj kev txiav txim,
• Cov cai ntawm IHSS twg uas cheeb tsam nroog tau siv los ua kev txiav txim siab, thiab
• Ntaub ntawv qhia paub hais txog koj cov cai yuav sib hais txog cheeb tsam nroog txoj kev txiav txim siab los ntawm kev thov txog kev txiav txim plaub ntug uas mloog ob tog lus.12

IHSS yuav xa daim NOA Muab IHSS rau koj uas pom zoo los sis tsis pom zoo txog koj daim ntawv thov txog IHSS thiab txhua zaus yuav muaj kev hloov pauv rau koj cov kev pab cuam IHSS.Yog tias daim NOA Muab IHSS txo qis los sis tshem tawm kev pab cuam IHSS, yuav tsum muab daim NOA xa tuaj raws kev xa ntawv 10 hnub ua ntej hnub pib siv tau ntawm kev tshem tawm los sis kev txo qis uas tau npaj tseg ntawd.13 Daim NOA Txog Kev Pom Zoo Rau IHSS thiab Kev Hloov Pauv NOA muaj daim ntawv teev npe txog tag nrho cov kev pab cuam IHSS thiab sij hawm ntau npaum li cas uas koj tuaj yeem tau txais rau txhua txoj hauj lwm toj ib lub lim tiam thiab lub hli.Yog tias koj daim NOA Muab IHSS tsis tau teev tseg lub sij hawm tom ntej yuav muab kev pab cuam, ces koj tseem tsis tau txais kev tso cai tau lub sij hawm kom tau txais kev pab nrog qhov kev pab cuam IHSS ntawd.Yog tias koj tsis pom zoo, koj tuaj yeem thov kev txiav txim plaub ntug uas mloog ob tog lus tau.Koj daim NOA yuav tsum hais txog txoj hau kev thov kev txiav txim plaub ntug uas mloog ob tog lus.Koj kuj tuaj yeem nkag mus saib hauv Xeev California Lub Thawj Fab Saib Xyuas Hauj Lwm Kev Pab Cuam Rau Fab Sim Neej Feem Saib Xyuas Hauj Lwm Kev Txiav Txim Plaub Ntug Uas Mloog Ob Tog Lus Los Ntawm Lub Xeev kom paub ntau ntxiv hais txog kev thov kev txiav txim plaub ntug uas mloog ob tog lus: https://www.cdss.ca.gov/hearing-requests.Yog xav paub ntau ntxiv hais txog cov sij hawm kawg ntawm kev txiav txim plaub ntug uas mloog ob tog lus thiab lwm cov ntaub ntawv qhia paub uas muaj feem sib cuam tshuam no, koj kuj yuav rov mus siab tau hauv DRC cov ntaub ntawv luam tawm Phau Ntawv Qhia Txog Kev Txiav Txim Plaub Ntug Uas Mloog Ob Tog Lus Kom Muaj Kev Ncaj Ncees Txog IHSS: Txoj Hau Kev Yuav Npaj rau Cov Kev Tshem Tawm los sis Cov Kev Txo Qis Cov Sij Hawm Muab Kev Pab Cuam IHSS.

4. Kev Sib Faib Kom Sib Npaug Zog

Thaum cov neeg tau txais kev pab cuam IHSS ob leeg nce mus nyob hauv tib lub tsev thiab xav tau cov kev pab cuam IHSS, lawv cov sij hawm yuav muab sib txuam ua ke los sis "muab faib kom sib npaug zog."Piv txwv li, yog tias coob leej tau txais txiaj ntsig los ntawm kev pab cuam uas muaj feem cuam tshuam txog IHSS los sis nyob hauv tsev, ces lub sij hawm uas yuav siv los npaj qhov kev pab cuam IHSS ntawd yuav raug muab faib kom sib npaug zog rau txhua leej uas tau txais txiaj ntsig kev pab, suav nrog cov neeg uas tsis tau txais IHSS hauv lub tsev thiab.IHSS tsuas yuav them rau koj feem ntawm kev pab cuam IHSS uas ua koj tau txais nrog cov neeg koom tsev nkaus xwb.Qhov no pab tiv thaiv kom IHSS tsis pub them rau cov hauj lwm IHSS rau cov neeg uas tsis tau txais IHSS.

Cov pawg kev pab cuam uas yuav tau txais kev faib kom sib npaug zog:

• Cov Kev Pab Cuam Hauv Tsev (6 teev siab kawg nkaus)14
• Kev Npaj Pluas Noj/Kev Ntsaig Mov
• Ntxhua Khaub Ncaws (1 teev toj ib lim tiam)
• Kev Mus Yuav Zaub Mov Tom Khw (1 teev toj ib lim tiam)
• Cov hauj lwm me ntswb me ntsis (30 feeb toj ib lim tiam)
• Kev Tu Ntxuav Kom Huv Si Ntau Yam

Yog tias tus neeg saib xyuas tsis muab kev pab cuam rau ib tug neeg twg uas tsis yog tus neeg tau txais kev pab cuam, ces yuav tsum tsis txhob muab faib kom sib npaug zog.15 Yog tias koj muaj tus kws muab kev pab cuam uas nrog nyob, cov kev pab cuam hauv tsev yuav tsis tau txais kev tso cai rau cov cheeb tsam uas koj tus kws muab kev pab cuam nrog nyob siv nkaus xwb.Tsuas yuav muab cov kev pab cuam uas muaj feem sib cuam tshuam faib kom sib npaug zog nkaus xwb yog tias koj thiab koj tus kws muab kev pab cuam nrog nyob pom zoo.16 Koj yuav xam kev sib faib kom sib npaug zog los ntawm kev muab "qhov kev xav tau tag nrho" uas tau tdxais nrog cov neeg nyob hauv tsev los sis cov tswv cuab hauv tsev neeg / (muab faib rau) tus # (naj npawb) ntawm cov neeg uas tau txais txiaj ntsig los ntawm kev pab cuam = qhov no sib npaug rau lub sij hawm uas koj yuav tsum tau txais koj feem ntawm kev pab cuam IHSS.

Piv txwv li: Yog tias niam thiab txiv yog tus ntxhua nws tus tub cov khaub ncaws sib cais los ntawm plaub tus tswv cuab hauv tsev neeg hauv tsev vim tias muaj cov teeb meem txog kev tso quav thiab tso zis, ces kev ntxhua khaub ncaws yuav tsis muab txiaj ntsig rau lwm cov tswv cuab hauv tsev neeg.Ntawm no, kev ntxhua khaub ncaws rau tus tub tsis muab faib kom sib npaug rau lwm cov tswv cuab hauv tsev neeg plaub leeg ntawd.

Piv txwv li: Niam thiab txiv siv sij hawm li 100 feeb los ntxhua khaub ncaws hauv txhua lub lim tiam rau ib tsev neeg uas muaj 5 leeg.Niam thiab txiv ntxhua tus neeg tau txais kev pab cuam IHSS tej khaub ncaws nrog cov khaub ncaws ntawm tsev neeg.Koj muab 100 feeb siv rau kev ntxhua khaub ncaws faib rau 5 leeg hauv yim neeg.Qhov no yuav sib npaug rau 20 feeb rau kev ntxhua khaub ncaws rau tus neeg tau txais kev pab cuam IHSS.[100 feeb ÷ 5 leeg = 20 feeb].

5. Cov Chaw Pab Cuam Lwm Txoj Kev Xaiv

Lwm cov chaw muab kev pab cuam yog cov kev pab cuam IHSS pub dawb uas koj tau txais los ntawm lwm tus neeg los sis cov khoos kas pab cuam xws li cov chaw saib xyuas neeg laus los sis chaw zov me nyuam yaus, cov kev pab cuam rau cov neeg laus, cov chaw muab kev pab cuam hauv zej zog, cov chaw tu neeg laus, cov chaw so, los sis tsev kawm ntawv.17 Lub Chaw Hauv Cheeb Tsam xws li kev so tsis yog lwm qhov kev pab cuam.18  IHSS yuav txiav txim siab seb IHSS cov kev pab cuam uas koj tau txais los ntawm lwm cov chaw muab kev pab cuam (piv txwv li, kev npaj pluas noj thiab kev tu kom huv, kev pub noj, thiab hloov ntaub pawm los ntawm lub khoos kas pab cuam tu ib hnub) thiab lub sij hawm nws yuav siv rau koj kom tau txais cov kev pab cuam ntawd. Lub sij hawm rau IHSS cov hauj lwm los ntawm lwm cov chaw muab kev pab cuam yuav raug txiav tawm ntawm koj qhov kev xav tau uas tau ntsuam xyuas tag nrho. Lub sij hawm uas tseem tshuav yog lub sij hawm koj tau txais cov kev pab cuam.

Thaum lub chaw muab kev pab cuam ua lwm txoj kev xaiv tau txais kev txheeb qhia lawm, cheeb tsam nroog yuav tsum tau txais daim ntawv lus qhia uas kos npe rau, Daim Foos Kev Ua Pov Thawj Txog Cov Kev Pab Cuam Yus Yeem Siab (SOC 450), los ntawm tus kws muab kev pab cuam hauv lub chaw muab kev pab cuam ua lwm txoj kev xaiv uas qhia tias tus kws muab kev pab cuam paub txog txoj cai yuav tau txais kev them nyiaj nqi zog tab sis xaiv tsis lees txais kev them nyiaj rau cov kev pab cuam ntawd.17 Cheeb tsam nroog yuav tsis txo qis cov sij hawm vim rau qhov muaj lub chaw muab kev pab cuam ua lwm txoj kev xaiv kom txog rau thaum tau sau kom tiav daim SOC 450 lawm thiab muab tso rau hauv cov ntaub ntawv ntawm tus neeg ua ntawv thov IHSS lawm.Yog tias tus kws muab kev pab cuam qhia tias lawv xav kom tau txais kev them nyiaj rau cov kev pab cuam uas tau them nqi zog, cheeb tsam nroog yuav tsum tso tseg kev qhia txog cov kev pab cuam tias yog cov kev pab cuam yus yeems siab kiag tam sim ntawd thiab tom qab ntawd tus kws muab kev pab cuam yuav tsum tau tso npe tias yog tus kws muab kev pab cuam IHSS.18 IHSS kuj tsis tuaj yeem muab tsev neeg, cov phooj ywg, los sis lwm cov neeg thiab cov chaw hauj lwm muab cov kev pab cuam IHSS rau koj pab dawb li lawm.19

Piv txwv li: Koj nyob hauv yim neeg nrog koj tus kws muab kev pab cuam IHSS.Tus kws muab kev pab cuam yuav ntsaig mov tom qab noj tshais thiab noj hmo tag rau neb ob leeg tib si.Koj mus rau ntawm lub chaw zov neeg laus thaum nruab hnub qhov uas koj tau txais kev pab nrog kev ntsaig koj pluas su.

Kauj Ruam 1 – Hais txog kev ntsais mov pluas su, muaj ib kem ntawv uas muaj npe tias "Qhov Ntau Ntawm Kev Pab Cuam Tag Nrho Uas Xav Tau." Ntawm no Cheeb Tsam Nroog Tus Neeg Ua Hauj Lwm Muab IHSS yuav suav nrog qhov ntau ntawm lub sij hawm tag nrho uas tau siv los ntsaig tu tom qab noj tshais, noj su, thiab noj hmo tag lawm.Qhov no yog koj lub sij hawm xav tau tag nrho ua ntej yuav siv cov cai kev faib lub chaw muab kev pab cuam sib npaug zog thiab ua lwm txoj kev xaiv.

Kauj Ruam 2 – Tom qab ntawd Cheeb Tsam Nroog Tus Neeg Ua Hauj Lwm Muab IHSs yuav siv cov cai kev faib sib npaug zog rau cov kev pab cuam kev ntsaig tu tom qab noj tshais thiab noj hmo tag uas yeej pab tau rau koj thiab koj tus kws muab kev pab cuam.Qhov ntau ntawm lub sij hawm rau koj qhov kev xav tau tag rnho yuav raug muab txo qis nyob hauv kem "Cov Kev Hloov Kho Kom Haum rau Lwm Tus Uas Koom Lub Tsev (Kev Faib Kom Sib Npaug Zog)."

Kauj Ruam 3 – Cheeb Tsam Nroog Tus Neeg Ua Hauj Lwm Muab IHSS yuav siv qhov ntau ntawm lub sij muab kev pab ntsaig tu plaus mov uas koj tau txais los ntawm koj lub chaw muab kev saib xyuas neeg laus nruab hnub hauv kem ntawv "Cov Kev Pab Cuam Uasa Koj Tsis Pom Zoo los sis Koj Tau Txais Los Ntawm Lwm Tus".Kem ntawv no sawv cev rau qhov ntau ntawm lub sij hawm "Qhov Ntau ntawm Kev Pab Cuam Tag Nrho Uas Xav Tau" yuav raug muab txo qis vim tias koj tau txais cov kev pab cuam IHSS pab dawb los ntawm qhov chaw muab kev pab cuam ua lwm txoj kev xaiv lawm.

Kauj Ruam 4 – Cheeb Tsam Nroog tus neeg ua hauj lwm muab IHSS yuav siv qhov ntau ntawm lub sij hawm uas koj tuaj yeem tau txais rau kev ntsaig tu hauv kem ntawv "Qhov Ntau ntawm Kev Pab Cuam Uas Tau Txais Kev Tso Cai Uas Koj Tau Txais – Tam Sim No".Qhov no yog qhov ntau tsawg ntawm lub sij hawm uas koj tau txais rau kev ntsaig tu pluas noj tom qab tau siv cov cai kev faib cais lub chaw muab kev pab cuam kom sib npaug zog thiab ua lwm txoj kev xaiv lawm.

6. Txoj Hau Kev yuav Ua Kom Tsim Nyog tias Yog Tus Neeg Tsis Taus Heev LI

Cov neeg nyob hauv ib lub khoos kas twg ntawm CFCO, IPO, los sis IHSS-R uas tau txais kev saib xyuas uas muaj kev pov thaiv tuaj yeem tau txais yam tsawg kawg 195 teev los sis 283 teev toj hli nce raws li seb lawv tsis taus "hnyav heev" los sis "tsis hnyav heev".

• Yog tias koj tsim nyog tias yog tus neeg uas tsis taus hnyav heev thiab koj tau txais kev saib xyuas uas muaj kev pov thaiv, koj yuav tau txais 283 teev hauv txhua hli ntawm IHSS.
• Yog tias koj tsis yog tus neeg tsis taus hnyav heev thiab koj tau txais kev saib xyuas uas muaj kev pov thaiv, ces koj yuav tau txais yam tsawg kawg 195 teev toj hli.
• Yog tias koj tsis muaj cai tsim nyog tau txais kev saib xyuas uas muaj kev pov thaiv, koj tsuas yuav tau txais 283 teev toj hli yog tias koj xav tau yam tsawg kawg 283 teev ntawm cov kev pab cuam IHSS, xws li cov kev pab cuam saib xyuas tus kheej, cov kev pab cuam uas muaj feem cuam tshuam, thiab lwm cov kev pab cuam.

i. Leej twg yog Tus Neeg Uas Tsis Taus Heev Li?

Txhawm rau kom yog "tus neeg uas tsis taus heev li" koj yuav tsum muaj “kev xav tau uas ntsuam xyuas lawm tag nrho” li 20 teev nce mus toj ib lim tiam hauv:

• Kev Npaj Pluas Noj thiab Kev Ntsaig Tu Pluas Noj (yog tias yuav tsum tau muaj kev pub mov)
• Kev Pab Txog Kev Ua Pa
• Kev Saib Xyuas Tu Quav Tu Zis
• Kev Pub Mov
• Kev Tu Ntxuav Ib Ce Nyob Saum Txaj Li Txhua Zaum
• Kev Hnav Khaub Ncaws
• Kev Saib Xyuas Kev Coj Khaub Ncaws
• Kev Coj Taug Kev
• Kev Xa Mus Tawm Roojv
• Kev Da Dej
• Kev Tu Huv Rau Qhov Ncauj
• Kev Tu Cev
• Kev Txhuam Ib Ce Tawv Nqaij
• Kev Hloov Seem Pw
• Pab nrog Tej Tes Taw Cuav (tes taw cuav, Khoom Pab Kom Pom Kev Hmov Lus), Kev Npaj Cov Tshuaj Noj
• Cov Kev Pab Cuam Kho Mob Xwm Txheej Ceev

ii. Muaj Dab Tsi Nyob Ua Ke hauv "Kev Xav Tau Uas Tau Ntsuam Xyuas Tag Nrho"?

Koj li “kev xav tau uas tau ntsuam xyuas tag nrho” suav nrog koj li kev xav tau rau kev npaj pluas noj, kev ntsaig tu pluas noj (thaum uas yuav tsum tau muaj kev pub mov), kev saib xyuas kho mob rau tus kheej, thiab cov kev pab cuam kho mob xwm txheej ceev tom qab tau siv cov cai kev faib cais sib npaug zog thiab ua ntej tau siv cov cai qhov chaw muab kev pab cuam ua lwm txoj kev xaiv.20

iii. Txoj Hau Kev Xam Koj Li "Kev Xav Tau Uas Tau Ntsuam Xyuas Tag Nrho".

Txhawm rau xam koj li "Kev Xav Tau Uas Tau Ntsuam Xyuas Tag Nrho" yuav ntxiv lub sij hawm nce siab tuaj hauv koj Daim Ntawv Ceeb Toom txog Kev Nqis Tes Ua Muab IHSS hauv kem ntawv uas kos cim tias yog "Qhov Ntau Tsawg ntawm Kev Pab Cuam Tag Nrho Uas Xav TAu" rau txhua cov kev pab cuam uas tau teev tseg saum toj no.Yog tias tau siv kev faib cais sib npaug zog rau kev npaj pluas mov thiab kev ntsaig tu pluas mov, suav nrog qhov ntau tsawg uas tau muab faib sib npaug zog lawm.Lub sij hawm uas muab faib sib npaug zog rau kev npaj pluas noj thiab kev ntsaig tu pluas noj suav nrog lub sij hawm uas koj xav tau rau cov kev pab cuam ntawd nkaus xwb.Qhov ua tau los no yog koj li "kev xav tau uas tau ntsuam xyuas tag nrho."

• Yog tias koj li "Kev Xav Tau Uas Tau Ntsuam Xyuas Tag Nrho" yog 20 teev los sis ntau dua ntawd toj ib lim tiam, ces yuav xam tias koj yog tus neeg tsis taus heev li.
• Yog tias koj li "Kev Xav Tau Uas Tau Ntsuam Xyuas Tag Nrho" yog tsawg dua 20 teev toj ib lim tiam, ces yuav xam tias koj tsis yog tus neeg tsis taus heev li.

Piv txwv li: Koj tau tais kev saib xyuas uas muaj kev pov thaiv thiab mus nyob hauv lub chaw saib xyuas neeg laus thaum nruab hnub hauv lub lim tiam.Ntawm lub chaw saib xyuas neeg laus thaum nruab hnub, koj yuav tau txais kev pab nrog kev npaj pluas noj thiab kev ntsaig tu rau pluas su.Qhov kev pab uas koj tau txais thaum nyob rau ntawm lub chaw saib xyuas neeg laus thaum nruab hnub yog kev pab cuam ua lwm txoj kev xaiv.Nyob rau lwm lub sij hawm ntawm hnub ntawd thiab hauv hnub kawg ntawm lub lim tiam thaum koj nyob tom tsev uas koj tau txais kev pab nrog kev npaj thiab kev ntsaig tu pluas noj.Nyob tom tsev, tus tswv cuab hauv yim neeg yuav yog tus npaj khoom noj rau tsev neeg tag nrho.Cov kev pab cuam kev npaj pluas noj thiab kev ntsaig tu pluas noj yuav raug muab faib kom sib npaug zog vim tias koj noj khoom noj uas yog tus tswv cuab hauv yim neeg yog tus npaj rau tag nrho tsev neeg noj thaum koj nyob tom tsev.

Lub sij hawm uas koj xav tau rau kev npaj pluas noj thiab ntsaig tu pluas noj thaum koj nyob ntawm lub chaw saib xyuas neeg laus thaum nruab hnub thiab lub sij hawm uas muab faib sib npaug zog uas koj xav tau rau cov pluas noj tom tsev xam rau kev txiav txim siab seb koj puas yog "Tus Neeg Tsis Taus Heev Li" los sis "Tsis Yog Tus Neeg Tsis Taus Heev Li."

7. Kev Xam Cov Teev Sij Hawm Txhua Hli

i. Kev Xam Cov Teev Sij Hawm Txhua Hli

Txhawm rau xam cov teev sij hawm muab IHSS tag nrho uas koj tuaj yeem tau txais hauv ib hlis, IHSS yuav ntxiv tag nrho lub sij hawm uas koj xav tau hauv ib lub lim tiam kom ntau tuaj tshwj tsis yog rau cov kev pab cuam hauv tsev.Tom qab ntawd IHSS yuav ntxiv koj cov teev hauv txhua lub lim tiam rau 4.33.Kawg no, ces IHSS yuav ntxiv lub sij hawm tag nrho uas koj tuaj yeem tau txais rau cov kev pab cuam hauv tsev.Txhawm rau xam cov teev sij hawm txhua hli, koj yuav tsum muaj peev xwm yuav hloov cov teev thiab cov feeb mus ua tus lej dis xis maus thiab hloov rov qab los ua teev thiab ua feeb.Muaj daim tsham qhia txog kev hloov pauv lub sij hawm nyob tom kawg ntawm daim ntawv no.

Koj Tsab Ntawv Ceeb Toom txog Kev Nqis Tes Ua Muab IHSS teev qhia cov sij hawm muab kev pab cuam hauv txhua lim tiam ua Teev thiab Feeb tus qauv (HH:MM).Ntawm no yog cov qauv piv txwv txog qhov uas yuav teev tseg koj cov teev thiab feeb hauv txhua lim tiam hauv koj Daim Ntawv Ceeb Toom txog Kev Nqis Tes Ua Muab IHSS:

ii. Kev Hloov Pauv Lub Sij Hawm ntawm Teev mus ua Feeb mus rau Hom Lej Dis Xis Maus

Txhawm rau hloov pauv koj cov teev thiab cov feeb muab kev pab cuam IHSS hauv txhua lim tiam mus ua cov teev hauv txhua hli koj yuav tsum tau ntxiv qhov ntau ntawm lub sij hawm uas koj xav tau rau 4.33.Qhov no txhais tau tias koj yuav tsum tau hloov pauv koj cov teev hauv txhua lub lim tiam mus ua tus lej dis xis maus los ntawm kev faib tus naj npawb ntawm feeb rau 60.

Txoj hau kev yuav hloov feeb mus ua tus lej dis xis maus:

Txoj hau kev hloov pauv sij hawm ntawm cov lej dis xis maus mus ua feeb:

Ntawm no yog tus qauv piv txwv uas saib raws li ib tug neeg uas xav tau 63:58 toj ib lim tiam ntawm IHSS:

Kauj Ruam 1: Ntxiv Cov Teev Hauv Txhua Lim Tiam

Cov Kev Pab Cuam IHSS	Sij Hawm Uas Tau Txais Kev Tso Cai Cov Teev thiab Cov Feeb (HH:MM)
Cov Kev Pab Cuam Hauv Tsev (toj hli)	6:00
Npaj Pluas Noj	7:00
Kev Ntsaig Tu Pluas Noj	2:20
Kev Ntxhua Khaub Ncaws Li Txhua Hnub	1:00
Kev Mus Kav Khw Yuav Khoom Noj	1:00
Lwm Yam Kev Mus Kav Khw/Hauj Lwm Me Lwm Yam	0:30
Kev Saib Xyuas Tu Quav, Tu Zis	4:13
Kev Hnav Khaub Ncaws	1:55
Kev Coj Taug Kev	2:38
Kev Xa Mus Tawm Rooj	1:43
Kev Da Dej Kev Tu Qhov Ncauj, Kev Tu Cev	4:05
Kev Txhuam Ib Ce Tawv Nqaij, Kev Tig Seem Pw	1:47
Kev Nrog Mus rau Cov Kev Teem Caij Ntsib Kws Kho Mob	0:03
Kev Saib Xyuas Uas Muaj Kev Pov Thaiv	34:35
Cov Sij Hawm Hauv Txhua Lim Tiam Tag Nrho	63:58 (tsis xam nrog Cov Kev Pab Cuam Hauv Tsev)

Kauj Ruam 2: Ntxiv IHSS Cov Teev Hauv Txhua Lim Tiam rau 4.33

Vim tias tus neeg no xav tau 63 teev thiab 58 feeb toj ib lim tiam ntawm cov kev pab cuam IHSS, yuav tsum muab 58 feeb hloov pauv mus ua tus lej dis xis maus.Txhawm rau hloov mus ua tus lej dis xis maus, koj yuav tsum siv 58 feeb ÷ 60 =.9666 =.97 (muab hloov nce ua tus lej ntxwm kiag).Tom qab ntawd ntxiv 63.97 x 4.33 = 276.99 - 277 teev (muab hloov nce ua tus lej txwm kiag).

Kauj Ruam 3: Ntxiv Cov Teev Kev Pab Cuam Hauv Tsev Hauv Txhua Hli

277 teev + 6 teev ntawm Cov Kev Pab Cuam Hauv Tsev = 283 teev.Tus neeg noj yuav tau txais 283 teev toj hli hauv cov kev pab cuam IHSS.

Nplooj ntawv tom ntej no muaj daim tsham qhia txog kev hloov lub sij hawm uas koj yuav xav siv los ua kev hloov cov naj npawb tau yooj yim dua qub.

8. Tiv Tauj DCR

Yog tias koj muaj lus nug hais txog koj cov teev sij hawm IHSS los sis hais txog tus tswv cuab hauv yim neeg, thov tiv tauj Lub Chaw Saib Xyuas Neeg Xiam Oob Qhab Txoj Cai Haiv California tus xov tooj sau ntaub ntawv.Koj tuaj yeem hu tau rau peb tus xov tooj sau ntaub ntawv tau ntawm 1-800-776-5746, los sis rau TTY hu rau 1-800-719-5798, Hnub Monday txog Friday txij thaum 9:00 teev sawv ntxov txog 3:00 tsaus ntuj, tshwj tsis yog Hnub Wednesday thaum kaw tus xov tooj muab ntaub ntawv lawm.

Daim Tsham Qhia Txog Kev Hloov Pauv Sij Hawm (Feeb mus ua Teev Uas Yog Tus Lej Dis Xis Maus)
Feeb	Cov Teev Ua Lej Dis Xis Maus	Feeb	Cov Teev Ua Lej Dis Xis Maus	Feeb	Cov Teev Ua Lej Dis Xis Maus
1	.02	21	.35	41	.68
2	.03	22	.37	.42	.70
3	.05	23	.38	43	.72
4	.07	24	.40	44	.73
5	.08	25	.42	45	.75
6	.10	26	.43	46	.77
7	.12	27	.45	47	.78
8	.13	28	.47	48	.80
9	.15	29	.48	59	.82
10	.17	30	.50	50	.83
11	.18	31	.52	51	.85
12	.20	32	.53	52	.87
13	.22	33	.55	53	.88
14	.23	34	.57	54	.90
15	.25	35	.58	55	.92
16	.27	36	.60	56	.93
17	.28	37	.62	57	.95
18	.30	38	.63	58	.97
19	.32	39	.65	59	.98
20	.33	40	.67	60	1.00
120	2.00	180	3.00	240	4.00

• 1. Raws li qhov peb paub zoo tshaj plaws, qhov no yog tus qauv kev xam uas Lub Xeev siv los xam cov kev pab cuam IHSS.
• 2. Kev Them Nyiaj Ua Ntej yog thaum IHSS cov neeg tau txais kev pab cuam ntawd tau txais nyiaj ua ntej kom coj mus siv them rau cov kws muab kev pab cuam IHSS rau cov kev pab cuam IHSS.Cov neeg tau txais kev pab cuam uas tau txais kev them nyiaj rau ua ntej lawm yuav tsum yog "tus neeg uas tsis taus heev li."Cov neeg tau txais IHSS kuj yuav tsum qhia pom tias lawv tau siv nyiaj uas tau txais los ntawd rau cov kev pab cuam IHSS.Yog tias tus neeg tau txais IHSS tsis muaj peev xwm yuav qhia pom tau tias tau siv qhov nyiaj los them rau cov kev pab cuam IHSS (xws li kev muab cov ntawv theej txog kev tso tseg tsis siv tus kws muab kev pab cuam IHSS daim tshev them nyiaj thiab daim ntawv teev sij hawm tseg txog kev muab kev pab cuam IHSS uas hais txog txhua ncua sij hawm them nyiaj) tej zaum yuav tsum tau them rov qab qhov nyiaj ntawd.Yog xav paub ntau ntxiv, mus saib hauv Xeev California Lub Thawj Fab Saib Xyuas Hauj Lwm Kev Pab Cuam Rau Fab Sim Neej daim ntawv luam tawm,Lub Khoos Kas Cov Kev Pab Cuam Uas Muaj Kev Txhawb Nqa Hauv Tsev (IHSS) Qhov Kev Them Nyiaj Ua Ntej".Ntaub ntawv qhia paub txog kev them nyiaj ua ntej kuj tuaj yeem nrhiav tau hauv DRC cov ntaub ntawv luam tawm, “Cov Kev Pab Cuam Uas Muaj Kev Txhawb Nqa Hauv Tsev (IHSS): Phau Ntawv Qhia txog Cov Neeg Muab Tswv Yim Txhawb Nqa".
• 3. Tau txais “Qhov Nyiaj Pab Cuam Rau Pluas Noj Tom Tsev Noj Mov” rau cov neeg tau txais kev pab cuam IHSS uas muaj cov khoom muab kev pab cuam ua noj ua haus tom tsev, tab sis lawv cov kev xiam oob qhab ua rau lawv mus siv tsis tau cov khoom pab cuam yooj yim ntawd. MPP 30-757.133(a). Yog tias koj tau txais Qhov Nyiaj Khwv Tau Los Txog Kev Ruaj Ntseg ntxiv (SSI) uas muab txuas mus rau Medi-Cal thiab tsis muaj cov khoom pab cuam yooj yim txog kev ua noj thiab chaw khaws khoom txaus tom tsev, koj yuav tsum tau txais Qhov Nyiaj Pab Cuam Rau Pluas Noj Tom Tsev Noj Mov los ntawm Lub Xeev Cov Kev Them Nyiaj Pab Ntxiv uas yuav yog ib feem ntawm koj qhov kev them nyiaj ntawm SSI tag nrho.Cov neeg uas tau txais Qhov Nyiaj Pab Cuam Rau Pluas Noj Tom Tsev Noj Mov los ntawm SSI tsis tuaj yeem tau txais Qhov Nyiaj Pab Cuam Rau Pluas Noj Tom Tsev Noj Mov ntawm IHSS lawm.Yog xav paub ntau ntxiv, mus saib hauv ACL No. 16-12
• 4. Saib hauv ACL 93-21, nplooj 4 “Tus neeg tau txais PCSP uas tsis yog tus neeg muaj kev tsis taus hnyav heev twg uas tau txais kev tso cai tau txais kev saib xyuas uas muaj kev pov thaiv yuav muaj cai rau kev ntxiv kev tso cai mus rau qhov siab tshaj plaws li 283 teev toj hli.” https://www.cdss.ca.gov/lettersnotices/entres/getinfo/acl93/93-21.PDF
• 5. Tsab Ntawv Ntawm Txhua Cheeb Tsam Nroog 14-60
• 6. Tsab Ntawv Ntawm Cov Thawj Coj Hauv Chaw Pab Nyiaj Txiag Rau Cov Neeg Txom Nyem Hauv Cheeb Tsam Nroog No. 17-25
• 7. Tsab Ntawv Ntawm Cov Thawj Coj Hauv Chaw Pab Nyiaj Txiag Rau Cov Neeg Txom Nyem Hauv Cheeb Tsam Nroog No. 23-24
• 8. Tsab Ntawv Ntawm Cov Thawj Coj Hauv Chaw Pab Nyiaj Txiag Rau Cov Neeg Txom Nyem Hauv Cheeb Tsam Nroog No. 23-16
• 9. Tsab Ntawv Ntawm Txhua Cheeb Tsam Nroog No. 11-19
• 10. California cov ntaub ntawv qhia paub txog Cov Neeg Nkag Teb Chaws uas tau txais kev dauv roos, ATsab Ntawv Ntawm Cov Thawj Coj Hauv Chaw Pab Nyiaj Txiag Rau Cov Neeg Txom Nyem Hauv Cheeb Tsam Nroog Tag Nrho No. 21-13, DHCS Tsab Ntawv Lus Txib Txog Kev Nthuav Dav Rau Neeg Laus, DHCS Kev Nthuav Dav Medi-Cal Tag Nrho Txhua Yam Rau Cov Neeg Laus Uas Muaj Hnub Nyoog 26 txog 49 Xyoos
• 11. Tsab Ntawv Ceeb Toom Txog Ntaub Ntawv Qhia Paub Hauv Cheeb Tsam Nroog Tag Nrho No. I-70-23
• 12. MPP 10-116.4
• 13. MPP 10-116.32
• 14. Thaum muab Cov Kev Pab Cuam Hauv Tsev faib kom sib npaug zog lawm, yuav tsis xam cov me nyuam yaus uas yus yug kiag los sis coj los tu ntawm tus neeg tau txais kev pab cuam uas muaj hnub nyoog 14 xyoos (MPP qhov kev xaiv 30-763.46).Yuav tsis xam lwm cov me nyuam yaus hauv yim neeg (xws li, cov xeeb ntxwv, cov ntxhais xeeb ntxwv, cov tub xeeb ntxwv, lwm tus ntxiv) uas muaj hnub nyoog qis dua 14 xyoos.
• 15. MPP 30-763.3
• 16. MPP 30-763.47
• 17. MPP 30-757.176
• 18. Tsab Ntawv Ntawm Txhua Cheeb Tsam Nroog No. 00-28
• 19. https://www.cdss.ca.gov/Portals/9/Regs/ssman2.pdf
• 20. MPP 30-701(s)(1), MPP 30-763.5 thiab MPP 30-761.273