Pakete sa Pagdinig ng Sentrong Pangrehiyon (Regional Center Hearing Packet)

Publications
#5484.08

Pakete sa Pagdinig ng Sentrong Pangrehiyon (Regional Center Hearing Packet)

Ang mga materyal na ito ay tutulong sa iyo na maghanda para sa iyong regional center hearing. Nalalapat ang gabay na ito sa mga consumer ng sentrong pangrehiyon na 3 taong gulang at mas matanda.

Kabanata 1 – Panimula

May karapatan kang mag-apela kung:

  1. Isa kang kliyente ng sentrong pangrehiyon na humihingi ng bagong serbisyo at sinabing "hindi" ng sentrong pangrehiyon;
  2. Gustong bawasan o alisin ng sentrong pangrehiyon ang isang serbisyo na nakukuha mo na; o
  3. Sinasabi ng sentrong pangrehiyon na hindi ka karapat-dapat para sa mga serbisyo.

Bibigyan ka ng manwal na ito ng impormasyon tungkol sa kung paanong umapela, at kung ano ang maaasahan sa panahon ng pag-apela. Kung nag-aapela ka ng tinanggihang pagkanararapat, bilang 3, mangyaring tingnan ang aming Pakete sa Pagdinig sa Pagkanararapat ng Sentrong Pangrehiyon.

Maaaring gusto mong humingi ng pagdinig kung hindi ka sumasang-ayon sa isang pagbabawas, o pagbabago, o pagtanggi ng isang serbisyo na sa palagay mo ay kailangan mo mula sa sentrong panrehiyon. Ang administratibong pagdinig ay hindi pareho tulad ng pagpunta sa korte, at hindi ito dapat katakutan. Ang administratibong pagdinig ay paminsan-minsang tinatawag na “fair hearing.” Kadalasang isinasagawa ang mga pagdinig na ito sa loob ng silid sa o malapit sa sentrong pangrehiyon. Ang tagahatol para sa pagdinig ay tinatawag na “administrative law judge.”

Ipinapaliwanag ng seksyon sa mga pagdinig sa ibaba kung papaano ka hihingi ng isang pagdinig at sa proseso ng pagdinig.

Kabanata 2 – Ang Proseso ng Pagdinig

Sapat na Paunawa

Kung gustong tanggihan, bawasan, o tapusin ang isang serbisyo ng sentrong pangrehiyon, dapat mag-schedule ang sentrong pangrehiyon ng pulong na Individual Program Plan (IPP). May karapatan ka na makakuha ng nakasulat na notice of action (NOA) (paunawa ng aksyon) kung sasabihing "hindi" ng sentrong pangrehiyon sa kung ano ang gusto mo. Dapat sabihan sa iyo ng paunawa ng sentrong pangrehiyon kung ano ang binabalak nitong gawin at kung aling mga batas ang nagpapahintulot dito na gawin ang desisyon nito. Tutulungan ka ng impormasyong ito na magdesisyon kung mag-aapela ka, at tutulungan ka nitong maghanda para sa iyong pagdinig. Dapat sabihin ng paunawa na:

  • Ano ang gagawin ng sentrong pangrehiyon;
  • Bakit ito ginagawa ng sentrong pangrehiyon;
  • Kailan ito ginagawa ng sentrong pangrehiyon;
  • Ang batas, tuntunin, o patakaran na hinahayaan silang gawin ito;
  • Paano at kung saan maghahain ng apela;
  • Ang mga deadline sa paghahain ng apela;
  • impormasyon tungkol sa kung ano ang mangyayari sa proseso ng apela;
  • Paanong rerepasuhin ang mga rekord ng iyong
  • sentrong pangrehiyon, at Kung saan makakukuha ng tulong sa pagtataguyod.

Sa sandaling matanggap mo ang NOA, maaari kang mag-file ng pagdinig kung hindi ka sasang-ayon. Kung tatanggihan, babawasan o tatapusin ng sentrong pangrehiyon ang isang serbisyo nang hindi ka binibigyan ng paunawa, maaari ka pa rin mag-apela - hindi mo kailangan ng NOA upang mag-apela. Kailangan mo lang magpuno ng Form ng Fair Hearing Request (Kahilingan ng Patas na Pagdinig), na matatagpuan sa http://www.dds.ca.gov/Forms/FairHearing/DS1805.pdf.

Paghain ng Pagdinig

Para maghain ng pagdinig, punan at ipadala ang Form ng Fair Hearing Request na ipinadala sa iyo ng sentrong pangrehiyon kasama ng iyong NOA. Ipadala ang iyong kahilingan para sa kahilingang pagdinig sa DDS. Kung hindi ka sigurado kung kanino ipadadala ito, ipadala ito sa parehong DDS at sa Office of Administrative Hearings (Opisina ng Mga Administratibong Pagdinig) sa 2349 Gateway Oaks Drive, Suite 200, Sacramento, CA 95833 o i-fax ito sa (916) 376-6318.

Pagpapanatili ng iyong mga Serbisyo Habang Nag-a-apela ka (“Aid Paid Pending”)

Kung susubukang baguhin ng sentrong pangrehiyon ang mga serbisyo na nakukuha mo na, may karapatan kang panatilihin ang mga serbisyo nang pareho habang nag-aapela ka. Dapat kang mag-apela sa loob nang 30 araw ng petsa nang matanggap mo ang iyong NOA para mapigilan sa pagbabago ang iyong mga serbisyo. Tinatawag itong “aid paid pending.” Kung hihingi ka ng bagong serbisyo at sasabihing "hindi" ng sentrong pangrehiyon, wala kang karapatan sa aid paid pending.

Hindi pormal na Pulong

Kapag inihain mo ang Form ng Fair Hearing Request, maaari kang humingi ng isang hindi pormal na pulong at/o isang pamamagitan bago sa pagdinig. Ang hindi pormal na pulong ay isang pulong sa pagitan mo (at ng iyong kinatawan, kung mayroon ka) at isang kinatawan ng sentrong pangrehiyon. Ang layunin ay upang maresolba ang isyu o kahit mabawasan ang mga isyu para sa pagdinig. Ito ang iyong pagkakataon na makipagkita sa isang administrador ng sentrong pangrehiyon at himukin siya na ibigay sa iyo ang serbisyong kailangan mo. Hindi mo kailangang magkaroon ng hindi pormal na pulong. Kung hihingi ka ng isa, dapat magkaloob ang sentrong pangrehiyon nang isa.

Sa loob nang 5 araw na may trabaho pagkatapos ng hindi pormal na pulong, dapat kang padalhan ng sentrong pangrehiyon ng nakasulat na desisyon. Dapat ilista ng nakasulat na desisyon ang mga isyung tinalakay sa pulong. Dapat ipahiwatig ng desisyon ang desisyon ng sentrong pangrehiyon sa bawat isyu, ang katotohanan na sinusuportahan ang bawat desisyon, at ang mga batas, regulasyon at mga patakaran na ginagamit ng sentrong pangrehiyon sa desisyon nito. Dapat din sabihin nito sa iyo kung paano mo iaapela ang desisyon.

Kung sasang-ayon ka sa desisyon ng sentrong pangrehiyon pagkatapos ng iyong hindi pormal na pulong, maaari mong bawiin ang iyong kahilingan para sa isang pagdinig. Gawin ito sa pamamagitan ng pagpupuno sa form na “Notification of Resolution” (“Abiso ng Resolusyon”) na ibinibigay ng sentrong pangrehiyon. Magkakabisa ang desisyon 10 araw pagkatapos matanggap ng sentrong pangrehiyon ang form na “Abiso ng Resolusyon.”

Kung hindi ka sasang-ayon sa desisyon ng sentrong pangrehiyon pagkatapos ng iyong hindi pormal na pulong, maaari kang magpatuloy sa naka-schedule na pamamagitan o isang pagdinig. Hindi mo kailangang tanggapin ang desisyon ng sentrong pangrehiyon.

Pamamagitan

Maaari ka ring humiling ng pamamagitan, isang pulong kung saan ang isang independiyente, sinanay na tagapamagitan ay makikipagpulong sa iyo at isang kinatawan ng sentrong panrehiyon. Magaganap ito sa loob nang 30 araw ng iyong kahilingan para sa isang pagdinig. Susubukan ng tagapamagitan na makahanap ng magkaparehong opinyon at mga bagong solusyon. Ang tagapamagitan ay walang kapangyarihan na mamuwersa ng kasunduan. Kung hahantong kayo sa isang kasunduan, lalagda kayo ng dokumento ng kasunduan at ititigil ang proseso ng apela. Kung hindi kayo hahantong sa kasunduan, magpapatuloy kayo sa patas na pagdinig.

Kung hihiling ka para sa pamamagitan, kailangang lumahok ang sentrong pangrehiyon sa pamamagitan. Hindi mo kailangang magkaroon muna ng hindi pormal na pulong kung hindi mo gusto ng hindi pormal na pulong.

Dapat isaalang-alang ng bawat isa ang paggamit ng pamamagitan. Ang pamamagitan ay kadalasang isang magandang ideya dahil binibigyan ka nito at ng sentrong pangrehiyon ng isa pang pagkakataon na humantong sa isang kasunduan. Gayon pa man, talagang tumatagal ito. Ang tagapamagitan ay independiyente, at susubukang tulungan ka na makahantong sa isang kasunduan. Kahit na hindi umubra ang pamamagitan sa iyo, magkakaroon ka ng marami pang impormasyon tungkol sa kaso ng sentrong pangrehiyon. Matutulungan ka ng impormasyon na iyon sa iyong patas na pagdinig. Kung sa palagay mo’y wala nang pag-asa para sa isang kasunduan, maaari kang magdesisyon na HUWAG magpamagitan. Tinatawag itong “waiving mediation.” Ngunit, marami sa mga tao na iniisip na wala nang pag-asa para sa kasunduan na natatapos sa paghantong sa isang kasunduan sa pamamagitan. Kung iuurong mo o ng sentrong pangrehiyon ang pamamagitan, siguruhin na nakahanda ka para sa iyong pagdinig. Maaaring ma-iskedyul nang mas maaga ang iyong pagdinig kaysa kung humantong ka sa pamamagitan.

Mga mosyon

Ang mosyon ay isang kahilingan sa administrative law judge para magpasya ng isang bagay bago ang pagdinig. Kasama sa mga halimbawa ng mga mosyon ay mga mosyon sa pagpawalang-saysay na ibinatay sa mga pinaiiral na kautusan sa mga limitasyon o mga mosyon na mapawalang bisa ang mga subpoena. Maaari kang maghain ng mga mosyon. Maaari ring maghain ng mga mosyon ang sentrong pangrehiyon.

Ang Administrative Procedure Act (Batas ng Administratibong Pamamaraan) (“APA”) ay hindi lumalapat sa mga pagdinig ng sentrong pangrehiyon, ngunit maaari itong maging isang nakatutulong na gabay para sa pagtugon sa mga mosyon. Maaaring matagpuan ang APA sa https://www.dgs.ca.gov/OAH/Case-Types/General-Jurisdiction/About/Page-Content/About-APA

Ang ilang sentrong pangrehiyon ay naghain ng mga mosyon para magpawalang-saysay ng kaso. Ang mosyon para magpawalang-saysay ay hinihilingan ang tagahatol na huwag payagan ang pagdinig dahil wala kang karapatan sa isang pagdinig. Ang uri ng mosyon na ito ay bihira. Ito'y salungat din sa batas, kung saan ginagarantiay ang iyong karapatan sa isang pagdinig. Ang tanging eksepsyon ay kapag wala talagang makatotohanan na isyu, bilang halimbawa, kung sinasabi ng batas na walang sinuman ang kailanman ay karapat-dapat para sa ilang serbisyo pa, nang walang pagtatangi sa kanilang mga kinakailangan.

Patas na Pagdinig

Ang huling hakbang sa proseso ng apela ay ang patas na pagdinig. Nagaganap ito sa loob nang 50 araw ng iyong kahilingang pagdinig maliban lamang kung hihingi ang isang tao ng pag-antala para sa magandang dahilan. Ang pagdinig ay isinasagawa sa harap ng Administrative Law Judge (ALJ) mula sa Office of Administrative Hearings (OAH). Sa pagdinig, dapat munang iprisinta ng sentrong pangrehiyon ang kaso nito. Magpapalabas ang ALJ ng nakasulat na desisyon mga 10 araw pagkatapos ng pagdinig.

Pagpapatuloy (Pagpapaliban)

Alinman sa iyo o sa sentrong pangrehiyon ay maaaring hilingin na mabago ang petsa ng pagdinig o pamamagitan. Para ipagpaliban ang petsa ng pagdinig, maghahain ka ng “Motion for Continuance of Hearing and Waiver of Time.” Narito ang link sa form ng mosyon: https://www.dgs.ca.gov/-/media/Divisions/OAH/Forms/GJ-Forms/OAH24.pdf?la=en&hash=BEB591E13540FF3FC99D4B5238528704384F7546

Hindi mo kailangang magkaroon ng magandang dahilan para sa isang pagpapatuloy sa unang pagkakataon na hihiling ka ng isa. Ngunit para sa anumang karagdagang kahilingan, dapat ay mayroon kang “magandang dahilan” para sa OAH para maigawad ang iyong kahilingan.  Ang ibig sabihin ng “magandang dahilan” ay isang magandang pagpapasya. Ang “magandang dahilan” ay maaaring maging isang mahalagang saksi na hindi available sa petsa ng patas na pagdinig, isang sakit, emergency, o pagkamatay ng isang malapit na kamag-anak. Sasabihin sa iyo ng form na tawagan ang kinatawan ng sentrong pangrehiyon kung sasang-ayon siya na ipagpatuloy ang pagdinig. Sa nakalaang espasyo, dapat mong isulat ang pangalan at numero ng telepono ng tao ng sentrong pangrehiyon na gusto mong kausapin. Pagkatapos, piliin kung pumayag man o tumanggi sa pagpapatuloy ang tao. Dapat mong tanungin ang tao ng sentrong pangrehiyon para sa fax number o email address para maipadala ang nakumpletong form para malagdaan niya.

Ikaw o ang iyong kinatawan ay dapat lagdaan ang seksyon na pinamagatang, “Waiver of the Time Set by Law for Lanterman Act Fair Hearing and Decision.” Upang mapagkalooban ng pagpapatuloy, dapat kang sumang-ayon na "i-waive" ang mga timeline ng pagdinig. Nangangahulugan ito na sumasang-ayon ka para mangyari ang pagdinig nang mas huli sa 50 araw pagkatapos ng iyong kahilingan ng patas na pagdinig.

Tandaang i-fax o i-email ang form sa kinatawan ng sentrong pangrehiyon at hilingan siyang lumagda. Pagkatapos malagdaan ang form, dapat mo itong i-fax sa OAH. Gamitin ang fax number para sa lugar kung saan gaganapin ang pagdinig:

  • OAH Sacramento: 916-376-6318
  • OAH Los Angeles: 916-376-6395
  • OAH San Diego: 916-376-6325
  • OAH Oakland: 916-376-6323

Kung wala kang sapat na oras para magpadala ng nakasulat na mosyon, maaari mong subukang tawagan ang OAH at humingi ng pagpapatuloy sa telepono. Pagsasama-sama

Ang pagsasama-sama ay kapag ang dalawa o higit pang kaso na may parehong isyu o katotohanan ay dinidinig nang magkasabay ng parehong tagahatol. Maaari kang humiling ng pagsasama-sama. Maaari rin hilingan ang OAH na pagsamahin ang dalawa o higit pang kaso. Kung hindi kumportable ang iyong pakiramdam na sumang-ayon sa pagsasama-sama, maaari mong sabihing “hindi.”  Magpapasya ang tagahatol kung pagsasamahin ang mga kaso batay sa Lanterman Act at sa mga pangyayari ng mga kaso.

Mga tagasaling-wika

Kung ikaw o isang saksi ay kailangan ng tagasaling-wika, kontakin kaagad ang OAH. Magkakaloob ang OAH ng sertipikadong tagasaling-wika nang walang gastos.

Kakayahang mapuntahan ang Lokasyon ng Pagdinig

Dapat na napupuntahan ng mga taong may kapansanan ang mga lokasyon ng pagdinig. Dapat mong alamin sa OAH nang maaga para makasigurado na napupuntahan ang lokasyon. Kung kinakilangan ng taong may kapanasanan ng makatwirang akomodasyon para dumalo sa pagdinig, kontakin ang OAH sa lalong madaling panahon para makagawa ng paghahanda ang OAH.

Pagkuha ng Ibang Tagahatol (Judge)

Hindi lahat ng tagahatol ay pareho. Kailangan mong matutunan ang tungkol sa iyong tagahatol bago ang pagdinig. Maaari kang makakuha ng ibang tagahatol kung ang nakatalaga sa iyo ay mayroong kasaysayan ng pagkamakiling o hindi makatarungang paghatol. Gagawin mo ito sa pamamagitan ng pagharap ng mosyon upang tanggihan ang tagahatol. Ang sampol ng kahilingan para magpalit ng mga tagahatol ay kasama sa Apendise B.

Para humanap ng impormasyon tungkol sa tagahatol na nakatalaga sa iyong kaso, mag-log on sa website para sa OAH sa http://www.dgs.ca.gov/oah/GeneralJurisdiction/Calendar.aspx (kalendaryo ng pangkalahatang nasasakupan) at ipasok ang numero ng iyong kaso. Itatalaga ang tagahatol malapit sa petsa ng pagdinig. Pagkatapos ay, pumunta sa link sa https://www.dgs.ca.gov/OAH/Case-Types/General-Jurisdiction/Resources/DDS-Decisions at ipasok ang pangalan ng tagahatol. Makikita mo ang isang listahan ng mga kasong nadesisyunan ng tagahatol. Basahin ang ilan sa mga kaso para malaman kung ito ang tagahatol na gusto mong magdesisyon sa iyong kaso. Kung hindi, mag-file ng mosyon upang tanggihan ang tagahatol. Ipadala lamang o i-fax ang mosyon para tumanggi sa OAH. Ibigay ang impormasyon ng iyong pakikipag-ugnayan. Kung hindi ka makabalita sa OAH, kung gayon ay tawagan ang OAH bago sa pagdinig para malaman kung ipinagkaloob ang iyong kahilingan. Iginagawad ang hiling sa karaniwan.

Kabanata 3 – Paghahanda sa Pagdinig

Pagtitiyak ng Iyong Ligal na Argumento

Ang iyong ligal na argumento ay ang batas na inaasahan mo na magpapakita na magiging karapat-dapat ka para sa serbisyo na hindi mo napagkasunduan at ng sentrong pangrehiyon, at ang mga katotohanan na sinusuportahan ang iyong inaangkin. Para ihanda ang iyong ligal na argumento:

Repasuhin ang batas na sinusuportahan ang iyong posisyon

Maghanap at basahin ang dating mga desisyon ng Patas na Pagdinig sa sumusunod na link: https://www.dgs.ca.gov/OAH/Case-Types/General-Jurisdiction/Resources/DDS-Decisions

Paghahanda ng Iyong Ebidensya

Ang ebidensya ay ang mga katotohanan na sumusuporta sa iyong inaangkin. Kasama sa ebidensya ang mga dokumento at testimonya ng mga saksi. Dapat mo lamang gamitin ang ebidensya na nauugnay. Nauugnay ang ebidensya kung nakatutulong ito na mapatunayan na karapat-dapat ka para sa serbisyo na tinanggihan, sinubukang bawasan, o sinubukang alisin ng sentrong pangrehiyon.

Pagkolekta ng Nakasulat na Ebidensya (Mga dokumento)

Dapat mong likumin ang anumang nakasulat na ebidensya na sumusuporta sa iyong ligal na argumento. Kasama sa ilang halimbawa ng ebidensya ang:

  • Isang paglalarawan ng serbisyo;
  • Ang iyong IPP na inilalarawan ang mga layunin ng serbisyo;
  • Mga pangkaisipang ulat o pagtatasa na nagpapakita na kailangan mo ang serbisyo;
  • Mga resume ng mga kawani na may nadalubhasang pagsasanay;
  • Mga ulat ng progreso mula sa service provider; at
  • Mga deklarasyon mula sa mga kawani o iba pang tao tungkol sa serbisyo.

Maaari kang humingi ng mga rekord mula sa mga paaralan, health provider, at mga ahensya ng gobyerno na maaaring mayroong nakatutulong na impormasyon. Huwag maghintay para hilingin ang mga rekord. Ang pagtipon ng mga dokumento ay kadalasang tumatagal kaysa sa iniisip mo.

Bukod sa mga dokumento na umiiral na, maaaring kailangan mong kumuha ng karagdagang dokumentaryong ebidensya para suportahan ang iyong kaso, tulad ng ulat ng pagtatasa ng isang eksperto. Maaari mong hilingan ang mga tao na alam ang tungkol sa iyo para sumulat ng mga liham o deklarasyon. Ang tagahatol ay maaaring magbigay nang mas kahalagahan sa impormasyon mula sa isang tao na nasa pagdinig bilang isang saksi kaysa sa isang tao na sumusulat ng mga liham o deklarasyon.

May karapatan kang makita ang anumang tala sa file ng iyong sentrong pangrehiyon, kabilang ang mga rekord na nakuha ng mga sentrong pangrehiyon mula sa labas ng mga ahensya o indibidwal.  Dapat kang bigyan ng access ng sentrong pangrehiyon sa iyong mga rekord sa loob nang tatlong araw na may pasok pagkatapos mong hilingin na makita ang mga iyon. Kung gusto mo, dapat ka ring tulungan ng sentrong pangrehiyon na maintindihan ang iyong mga rekord. Kung ang file ng sentrong pangrehiyon ay naglalaman ng mga dokumento na nakatutulong mapatunayan ang iyong kaso, dapat mong isama ang mga ito sa iyong ebidensya. Huwag ipalagay na kukunin ng ALJ ang mga ito dahil nasa sentrong pangrehiyon ang mga ito. Titingnan lamang ng ALJ ang ebidensya na pinili mo at ng sentrong pangrehiyon na ibibigay.

Dapat mong tingnan ang mga patakaran o alituntunin ng Purchase of Service (POS) ng sentrong pangrehiyon. Marami sa mga ito ay naka-post sa website ng iyong sentrong pangrehiyon. Kung hindi mo mahanap ang mga patakaran ng POS sa online, tawagan ang sentrong pangrehiyon at humingi ng isang kopya. Kung nakatutulong ang mga kahulugan ng serbisyo sa iyong kaso, isama ang mga ito sa iyong ebidensya.

Maaaring gusto mong mag-subpoena ng ahensya para magbigay ng mga rekord para sa iyong pagdinig. Ang subpoena duces tecum ay pipilitin ang ahensya na dalhin ang mga rekord na mayroon sila at para patunayan sa korte na ang mga dokumento o rekord ay hindi pa nabago. Maaari mong hilingan ang ahensya na gawin ito alinman sa deklarasyon o sa pamamagitan ng direktang testimonya. Ang form ng subpoena para sa mga patas na pagdinig ng sentrong pangrehiyon ay matatagpuan dito: https://www.dgs.ca.gov/OAH/Case-Types/General-Jurisdiction/Forms/Page-Content/DDS-Forms Paghahanda ng mga Saksi

Ang testimonya ng isang saksi ay isa ring uri ng ebidensya. Paminsan-minsan ang mga saksi ay kailangang mai-subpoena. Ang subpoena ay isang legal na kautusan na pinipilit sila na dumalo sa pagdinig para magpatunay. Dapat mong i-subpoena ang mga saksi at hilingan ang mga saksi na tumestigo sa oras na makakuha ka ng petsa ng pagdinig para maging handa ang mga tao.

Dapat kang sumulat ng mga katanungan para sa iyong mga saksi nang maaga. Repasuhin ang mga katanungang ito kasama ng mga saksi upang makasiguro na naiintindihan ng mga saksi kung ano ang itinatanong mo at ang kasagutan ay nakatutulong sa iyo. Kung ang kasagutan ng saksi ay hindi nakatutulong sa iyo, kung gayon ay huwag itanong ang katanungan sa pagdinig. Ang pagbabago ng paraan ng pagsasabi ng katanungan ay maaaring makatulong.

Dapat ka rin maghandang tumestigo, dahil ikaw ang pinakamainam na saksi para sa iyong sarili o iyong anak. Maging handa na pag-usapan ang tungkol sa kung bakit mo kailangan ang serbisyo. Maaaring gusto mong sabihin kung bakit ang ibang serbisyo ay naging hindi matagumpay. Ang mga ito ay maaaring maging nakatutulong na mga halimbawa kung bakit mo kailangan ang serbisyo na hinihingi mo.

Palitan ng Listahan ng Saksi at mga Exhibit

Kahit 2 araw ng kalendaryo ng trabaho bago sa pagdinig, ikaw at ang sentrong pangrehiyon ay dapat magpalitan ng impormasyon tungkol sa gagamitin mong ebidensya sa pagdinig.

Dapat ibigay sa iyo ng sentrong pangrehiyon at ng OAH na tinatawag na pahayag ng posisyon nang 2 araw ng trabaho bago sa pagdinig. Dapat ibigay sa iyo ng pahayag ng posisyon ang mga katotohanan tungkol sa desisyon at mga dahilan ng sentrong pangrehiyon para sa desisyon, kasama ang impormasyon tungkol sa mga saksi na gagamitin sa pagdinig, at kasama ang lahat ng dokumentong gagamitin nito sa pagdinig. Ang pahayag ng posisyon ay dapat ding maging nasa wika na mas gusto mo o ng iyong awtorisadong kinatawan.

Hindi mo kakailanganing maghanda ng pahayag ng posisyon kung hindi mo gusto. Ngunit 2 araw ng trabaho bago sa pulong, kakailanganin mong ibigay sa sentrong pangrehiyon ang listahan ng mga saksi at kung paano ka nila kilala at isang kopya ng anumang propesyonal na mga pagtatasa o mga ulat na plano mong gamitin para patunayan ang iyong kaso. Kung gusto mong gumamit ng ibang dokumento para patunayan ang iyong kaso, maaari mong ibigay ang mga ito sa OAH at sa sentrong pangrehiyon sa anumang oras bago magsimula ang pagdinig o sa simula ng pagdinig.

Maaaring pigilan ka ng ALJ o ng sentrong pangrehiyon sa paghaharap ng mga dokumento at saksi na hindi naibigay sa bawat isa 2 araw ng trabaho bago sa pagdinig.

Kabanata 4 – Sa panahon at Pagkatapos ng Pagdinig

Dumating sa pagdinig na may maraming oras na ilalaan. Ang pagdinig ay maaaring maging isang mahabang proseso, kaya maaaring gusto mong magdala ng tubig at mga miryenda. Magdala ng panulat at papel para magsulat ng mga tala sa panahon ng pagdinig.

Pampungad na Pahayag

Dapat kang magbigay ng pambungad na pahayag. Ang pambungad na pahayag ay hindi kailangan, ngunit nakatutulong itong ipaliwanag sa ALJ kung ano ang tungkol sa pagdinig. Ang iyong pambungad na pahayag ay dapat ilarawan ang serbisyo na hinihingi mo at kung bakit. Dapat isama nito ang batas na sumusuporta sa iyong kahilingan. Siguraduhin na ilalarawan ang iyong sarili o ang iyong anak para maunawaan ng ALJ kung ano ang mga kinakailangan mo o ng iyong anak. Ang pambungad na pahayag ay dapat maging isang maikling buod ng iyong kaso. Una munang ibibigay ng sentrong pangrehiyon ang pambungad na pahayag nito. Pakatapos ay ibibigay mo ang sa iyo.

Pagtatanong sa mga Saksi

Mga saksi ng Sentrong Pangrehiyon

Una munang ipiprisinta ng sentrong panrehiyon ang mga saksi nito. Maaari mong tanungin ang saksi ng sentrong pangrehiyon pagkatapos magtanong ang sentrong pangrehiyon. Tinatawag itong “cross-examination.” Dapat makatulong ang iyong mga katanungan para maipakita na hindi nauunawaan o hindi natatandaan ng saksi ang mga katotohanan. Maaari ka rin magtanong ng mga katanungan na magpapakita na ang saksi ay may kinikilingan, binabago ang sinabi niya noong una o maaaring hindi nagsasabi ng katotohanan.

Masusing pag-ukulan ng pansin habang nagpapatunay ang saksi ng sentrong pangrehiyon. Maaaring may mapansin kang kahinaan na mababanggit sa hulihan sa panahon ng iyong cross-examination. Kung hindi, dapat kang magpatuloy sa pagtatanong ng mga katanungan ng cross-examination na iyong isinulat bago ang pagdinig. Hindi magandang ideya na magtanong ng katanungan kung hindi mo pa alam ang kasagutan, maliban lang kung sa palagay mo na ang malamang na kasagutan ay makatutulong nang malaki sa iyong argumento.

Ang Sarili Mong mga Saksi

Susunod, tatanungin mo ng mga katanungan ang sarili mong mga saksi. Tinatawag itong “direct-examination.” Dapat lamang pag-usapan ng mga saksi ang tungkol sa mga bagay na kanilang ginawa o nakita o narinig nila mismo. Dapat kang magtanong nang maikli, simple, malinaw na mga katanungan.

Bilang karagdagan sa pagpahayag ng iyong pangunahing argumento, maaari mong tanungin ng mga katanungan ang iyong mga saksi para pabulaanan ang mga bagay na maaaring nasabi ng mga saksi ng sentrong pangrehiyon. Kung hindi, dapat kang magpatuloy sa pagtatanong ng mga katanungan na iyong hinanda bago ang pagdinig. Maaari kang magtanong ng mga follow-up na katanungan kung hindi malinaw ang kasagutan ng saksi.

Magkakaroon ng pagkakataon ang sentrong pangrehiyon na i-cross examine ang iyong mga saksi. Maaari rin magtanong ang ALJ ng mga katungan sa mga saksi. Pagkatapos ma-cros-examine ng sentrong pangrehiyon ang iyong saksi, magkakaroon ka ng pagkakataon na tanungin ang iyong saksi ng mga katanungan. Tinatawag itong redirect-examination. Sa puntong ito, maaari mong palinawin sa iyong saksi o sabihin sa ibang paraan ang anumang bagay na negatibo na maaaring lumitaw sa panahon ng cross-examination.

Maikling Pagtatapos ng mga Pahayag/Nakasulat na Pagtatapos

Habang sumasailalim ka sa pagdinig, maaaring mapagtanto mo na wala sa tagahatol ang lahat ng impormasyon upang makagawa ng magandang desisyon. Kung gayon, maaari mong hilingan ang tagahatol na "keep the record open." Maaring sabihin ng tagahatol na “oo” o “hindi” dito. Kung sasang-ayon ang tagahatol na panatilihing nakabukas ang rekord, pahihintulutan nito ang magkabilang panig na bigyan ang tagahatol ng mas maraming dokumento at impormasyon pagkatapos ng pagdinig.

Kadalasang hihingi ang ALJ ng pagtatapos na pahayag sa katapusan ng pagdinig para ibuod ang ebidensya. Maganda itong pagkakataon para muling ibuod kung ano ang iyong naiprisinta sa pagdinig at muling ihayag ang iyong posisyon na karapat-dapat ka sa serbisyo. Paminsan-minsan, sumasang-ayon ang parehong panig na gumawa ng maikling nakasulat na pagtatapos imbes na sinasabing pagtatapos na pahayag. Pahihintulutan ka ng opsyon na ito na pag-isipan ang tungkol sa lahat ng testimonya bago mo ibuod ang iyong argumento. Ang isang maikling nakasulat na pagtatapos ay dapat ibigay ang impormasyon at mga katotohanan na iyong naiprisinta at ipaliwanag ang batas na sumusuporta sa iyong kaso. Kung pananatilihin ng ALJ na bukas ang rekod pagkatapos ng pagdinig at pahihintulutan ang marami pang ebidensya, maaari mo itong isama sa iyong maikling pagtatapos. Kasama sa Apendise D ang Sampol ng Maikling Pagtatapos. Pahina 16 ng 39

Pagkatapos ng Pagdinig

Pagkatapos ng iyong pagdinig, mayroong 10 araw ang ALJ na gumawa ng desisyon. Ang desisyon ay dapat na maisagawa nang hindi lalampas sa 80 araw pagkatapos mong hilingin ang iyong apela. Kasama sa Apendise E ang sampol ng desisyon ng pagdinig.  Ang desisyon ng ALJ ay dapat:

  • Maisulat sa simple, pang-araw-araw na wika;
  • Naisaling-wika sa iyong mas gustong wika;
  • Kasama ang buod ng mga katotohanan;
  • Kasama ang pahayag tungkol sa ebidensya na ginamit ng ALJ para makagawa ng desisyon;
  • Kasama ang desisyon sa bawat isyu o katanungan na nasa kahilingan ng pagdinig at naiprisinta sa panahon ng pagdinig; at
  • Ipinahihiwatig ang mga batas, regulasyon at patakaran na sinusuportahan ang desisyon ng ALJ.

Kung hindi ka sumasang-ayon sa desisyon ng pagdinig, mayroon kang dalawang opsyon.

Una, maaari kang humiling ng muling konsiderasyon kung sa palagay mo nakagawa ng makatotohanan o ligal na mga pagkakamali ang desisyon. Maaari kang humiling ng muling konsiderasyon sa loob nang 15 araw ng desisyon. Rerepasuhin ng ibang opisyal ng pagdinig ang iyong kahilingan. Ang desisyon para gawaran o tanggihan ang iyong kahilingan para sa muling konsiderasyon ay gagawin sa loob nang 15 araw.

Pangalawa, mayroon kang karapatang mag-apela sa Superyor na Korte. Dapat kang umapela sa loob nang 180 araw pagkatapos mong matanggap ang desisyon ng pagdinig. Para sa higit na impormasyon tungkol sa prosesong ito, tingnan ang Rights Under the Lanterman Act, Kabanata 12: https://rula.disabilityrightsca.org/rula-book/chapter-10-appeals-and-complaints-disagreements-with-regional-centers-developmental-centers-or-service-providers/

Disclaimer: Ang publication na ito ay legal na impormasyon lamang at hindi legal na payo tungkol sa iyong indibidwal na sitwasyon. Ito ay kasalukuyang sa petsa na nai-post. Sinusubukan naming i-update ang aming mga materyales nang regular. Gayunpaman, ang mga batas ay regular na nagbabago. Kung gusto mong matiyak na hindi nagbago ang batas, makipag-ugnayan sa DRC o ibang legal na opisina.