Lub khoos kas ABD FPL yog ib lub khoos kas Medi-Cal pab cuam txhij txhua uas tsis muaj tus nqi sib koom rau cov neeg uas muaj hnub nyoog siab tshaj 65 xyoos, los sis cov uas muaj kev xiam oob qhab.  Nws muaj kev txwv rau cov nyiaj tau los siab dua li lwm cov khoos kas Non-Magi Medi-Cal.

Daim ntawv tshaj tawm thiab cov ntawv uas muab txuas nrog no tuaj yeem siv los txiav txim siab txog kev tsim nyog tau txais raws li lub khoos kas ABD FPL tam li ib tus neeg, khub niam txiv, los sis ib tus neeg hauv tsev neeg. 

Cov ntawv ua hauj lwm yog raws li hauv qab no:

• Tus Tib Neeg,

  Ib Tug Neeg Laus Tsis Muaj Txij Nkawm - Tsis Nyob Hauv Lub Chaw So thiab Kev Saib Xyuas

• Khub Niam Txiv,

  Cov Khub Niam Txiv Tsim Nyog - Tsis nyob hauv Lub Chaw So thiab Kev Saib Xyuas

• Ib tug neeg nrog tus txij nkawm thiab/los sis cov me nyuam yaus,

  Cov Neeg Laus nrog Tus Txij Nkawm thiab/los sis Cov Me Nyuam Uas Tsis Tsim Nyog Tau Txais

Cov nyiaj tau los txwv rau lub khoos kas ABD FPL yog: Ib Leeg $1,801; Khub Niam Txiv $2,433.1Cov nyiaj tau los yog txhua yam tau txais hauv ib lub hlis uas tuaj yeem siv los muab zaub mov thiab chaw nyob.  Cov nyiaj tau los dhau los ua khoom cuab tam txij li hnub thib 1 ntawm lub hli tom ntej.  Medi-Cal tsis suav cov khoom cuab tam thaum txiav txim rau Medi-Cal qhov kev tsim nyog.2 Cov piv txwv ntawm cov khoom cuab tam yog yam uas koj muaj xws li koj lub tsev, tsheb, nyiaj hauv tuam txhab nyiaj, los sis nyiaj laus.

Lus Cim Tseg: Cov neeg feem coob uas tsim nyog tau txais rau ABD FPL tej zaum Medi-Cal kuj tseem yuav tsim nyog tau txais nyiaj muas zaub mov noj thiab.Yog tias koj nyob ntawm cov nyiaj muas zaub mov- tam sim no hu ua CalFresh - koj tau txais ib daim npav yas los siv zoo xws li ATM los sis daim debit card los yuav zaub mov.Muaj cov cai tshwj xeeb thiab cov kev txiav nyiaj ntxiv los pab cov neeg laus (60 xyoo nce mus) thiab cov neeg xiam oob qhab uas tau txais CalFresh.

Koj tuaj yeem tiv tauj rau koj lub chaw hauj lwm saib xyuas kev noj qab nyob zoo hauv cheeb tsam nroog los sis koj Lub Medi-Cal Hauv Cheeb Tsam Nroog los sis IHSS tus neeg ua hauj lwm uas tsim nyog los nug kom paub cov ntaub ntawv ntau ntxiv.Tej zaum koj kuj tseem xav tiv tauj rau koj qhov kev pab cuam fab kev cai lij choj hauv cheeb tsam rau kev pab.Cov Kev Muaj Cai Ntawm Cov Neeg Xiam Oob Qhab Hauv California tsis muaj kev paub tshaj lij txog CalFresh qhov kev tsim nyog.

Yuav muaj dab tsi tshwm sim yog tias koj cov nyiaj tau los uas suav tau siab dhau lawm kom tsim nyog rau Medi-Cal tus nqi tsis saib koom raws li lub khoos kas ABD FPL?

Koj “cov nyiaj tau los uas suav tau” yog cov nyiaj tau los uas tseem tshuav tom qab tau txais kev zam thiab txiav tawm raws li tau tso cai, xws li kev txiav cov nyiaj tau los uas tsis yog nyiaj khwv tau thiab cov nyiaj khwv tau los.

Yog tias koj cov nyiaj tau los uas suav tau ntau dua li qhov txwv cov nyiaj tau los kom tsim nyog rau lub khoos kas ABD FPL, ce koj tuaj yeem:

• Tsim nyog rau lub khoos kas ABD FPL raws li ib tus neeg, los ntawm kev yuav cov ntawv tuav pov hwm kev noj qab haus huv ntxiv,
• Tsim nyog rau lub khoos kas ABD FPL raws li ib khub niam txiv, los ntawm kev yuav cov ntawv tuav pov hwm kev noj qab haus huv ntxiv, los sis
• Thov rau Lub Khoos Pab Cuam Cov Neeg Xiam Oob Qhab Rau Kev Ua Hauj Lwm 250%.

Tsis tas li ntawd, lub cheeb tsam yuav tsum tshab xyuas koj qhov kev tsim nyog tau txais rau txhua lub khoos kas Medi-Cal uas koj yuav tsim nyog tau txais.Tej zaum qhov no yuav suav nrog:

• Lub Khoos Kas Pickle,
• Lub khoos kas pab cuam Me Nyuam Yaus Muaj Hnub Nyoog Uas Muaj Kev Xiam Oob Qhab (DAC), los sis
• Lub khoos kas pab cuam Neeg Laus, Neeg Dig Muag, thiab Neeg Xiam Oob Qhab (ABD) uas Xav Tau Kev Pab Cuam Kho Mob (MN).

Tsis tas li ntawd, kuj tseem muaj lwm yam cuab yeej uas cheeb tsam nroog tuaj yeem siv los pab koj tsim kev tsim nyog tau txais rau Medi-Cal. Qee yam ntawm cov no yog:

• Kev Saib Xyuas Ncua Ntev (LTC) Medi-Cal nrog rau Khub Txij Nkawm Hauv Hauv Zej Zog - Cov Cai Hais Txog Kev Txom Nyem Ntawm Khub Txij Nkawm,
• Kev Saib Xyuas Ncua Ntev (LTC) Medi-Cal nrog Cov Niam Txiv los sis Tus Txij Nkawm – Kev Zam Cov Kev Pab Cuam Hauv Tsev thiab Hauv Zej Zog (HCBS), los sis
• Txoj Phiaj Xwm Them Nqi Noj Mov - Cov nyiaj tau los uas tau txais kev zam rau cov neeg ua hauj lwm nrog cov phiaj xwm tsev noj mov.

Lwm qhov seem ntawm daim ntawv tshaj tawm no yuav piav qhia txog cov ntsiab lus sau saum toj no a txog i kom ntxaws ntxiv.

(a) Kev tsim nyog tau txais lub khoos kas ABD FPL, tam li ib tug tib neeg tsis muaj txij nkawm

Txhawm rau kom tsim nyog tau txais ABD FPL, koj tuaj yeem yuav kev tuav pov hwm rau kev noj qab haus huv ntxiv thiab them tus nqi tuav pov hwm txhua hli, xws li: kev tuav pov hwm kho hniav, kev pov hwm kho qhov muag, thiab kev pov hwm Medigap.Tus nqi tuav pov hwm uas koj them tawm hauv hnab tshos txhua lub hlis yog txiav tawm ntawm koj cov nyiaj tau los uas suav tau ua ntej ntsuam xyuas seb koj puas tsim nyog tau txais rau lub khoos kas ABD FPL.

Kev Xam - Ib Tug Neeg Tsis Muaj Txij Nkawm

Nov yog ib qho piv txwv ntawm txoj kev txiav txim siab seb koj yuav tau them npaum li cas rau hauv cov nyiaj pov hwm rau kev noj qab haus huv txhua hli kom ua rau koj cov nyiaj tau los uas suav tau qis txaus kom tsim nyog tau txais lub khoos kas ABD FPL.

Hauv qhov piv txwv no, Mai nws nyob nws ib leeg hauv ib lub tsev.Mai tsuas muaj qhov nyiaj tau los yog $2,100 los ntawm Cov Nyiaj Xaus Saus So Hauj Lwm nkaus xwb.

Kauj Ruam 1

$2,100 (Mai cov nyiaj tau los uas tsis tau khwv tag nrho) – $20 (kev txiav tawm cov nyiaj tau los uas tsis tau khwv) – $185
(qhov nruab nrab ntawm tus nqi tuav pov hwm 2025 Medicare Ntu B) = $1,895 (cov nyiaj tau los uas suav tau).

Kauj Ruam 2

$1,895 (cov nyiaj tau los uas suav tau) - $1,801 (2025 ADB FPL qhov txwv cov nyiaj tau los ntawm tus neeg tsis tau muaj txij nkawm) = $94 (cov nyiaj tau los uas suav tau/cov nyiaj Mai yog tshaj li qhov txwv rau cov nyiaj tau los).

Nyob hauv qhov piv txwv no, Mai yuav tsum siv yam tsawg kawg yog $94 kom ua rau nws cov nyiaj tau los uas suav tau qis txaus kom tsim nyog tau txais lub khoos kas ABD FPL.

TSWV YIM QHIA: Yog xav tau kev pab nrhiav kev tuav pov hwm los pab kom koj tsim nyog tau txais lub khoos kas ABD FPL, tiv tauj rau tus neeg saib xyuas kev pov hwm rau kev noj qab haus huv los sis koj “Lub Khoos Kas Pab Sab Laj thiab Txhawb Nqa Kev Tuav Pov Hwm Rau Kev Noj Qab Haus Huv” (HICAP) ntawm: https://cahealthadvocates.org/hicap/.Koj yuav tsum qhia rau HICAP tias koj yuav tsum tau siv nyiaj rau kev tuav pov hwm txhua lub hlis npaum li cas kom tsim nyog tau txais ABD FPL.HICAP yuav tsis xam qhov ntawd rau koj.

(b) Kev tsim nyog tau txais lub khoos kas ABD FPL, tam li ib khub niam txiv

Txhawm rau tsim nyog tau txais lub khoos kas ABD FPL tam li ib khub niam txiv, koj los sis koj tus txij nkawm tuaj yeem yuav qhov kev tuav pov hwm rau kev noj qab haus huv ntxiv thiab them tus nqi tuav pov hwm txhua hli.Tus nqi koj los sis koj tus txij nkawm them tawm ntawm lub hnab tshos txhua lub hlis yog txiav tawm ntawm koj cov nyiaj tau los uas muab suav ua ke ua ntej ntsuam xyuas seb neb ob leeg puas tsim nyog tau txais lub khoos kas ABD FPL.

Kev Xam - Khub Niam Txiv

Nov yog ib qho piv txwv ntawm txoj kev txiav txim siab seb koj thiab koj tus txij nkawm yuav tau them npaum li cas rau hauv cov nyiaj pov hwm rau kev noj qab haus huv txhua hli kom ua rau koj cov nyiaj tau los uas suav tau qis txaus kom tsim nyog tau txais lub khoos kas ABD FPL.

Alice thiab Alberto yog ib khub niam txiv.Nkawv tau txais $3,000 los ntawm Xaus Saus ua ntej yuav qhov kev txiav cov ntyiaj Medicare twg.Lawv tsis tsim nyog tau txais lub khoos kas ABD FPL vim tias lawv cov nyiaj tau los suav tau sib sau ua ke yog siab dua ABD FPL qhov txwv cov nyiaj tau los rau tus khub niam txiv ntawm $2,433.Lawv cov nyiaj tau los yog siab dhau lawm $177.Yog tias lawv them yam tsawg kawg yog $177 rau cov nyiaj them tuav pov hwm kev noj qab haus huv ib hlis, xws li kev kho hniav, kev kho qhov muag, thiab lwm yam, lawv cov nyiaj tau los uas suav tau yuav ua rau ABD FPL qhov kev txwv cov nyiaj tau los rau khub niam txiv li ntawm $2,433.

Kauj Ruam 1

$3,000 (tus khub niam txiv cov nyiaj tau los tag nrho) - $20 (kev txiav cov nyiaj tau los uas tsis yog khwv tau) - $370(khub niam txiv tus nqi tuav pov hwm Medicare) = $2,610.

Kauj Ruam 2

$2,610 (cov nyiaj tau los uas suav tau) - $2,433 (2025 ABD FPL qhov txwv cov nyiaj tau los ntawm khub txij nkawm) = $177 (cov nyiaj tau los uas suav tau/cov nyiaj khub txij nkawm yog tshaj li qhov txwv rau cov nyiaj tau los).

Nyob hauv qhov piv txwv no, khub txij nkawm yuav tsum siv yam tsawg kawg yog $177 kom ua rau lawv cov nyiaj tau los uas suav tau qis txaus kom ob leeg tsim nyog tau txais lub khoos kas ABD FPL.

(c) Lub Khoos Pab Cuam Cov Neeg Xiam Oob Qhab Rau Kev Ua Hauj Lwm 250%

Yog tias koj xav sim koj lub peev xwm ua hauj lwm, ces tej zaum koj yuav tsum tau los xav txog Lub Khoos Pab Cuam Cov Neeg Xiam Oob Qhab Rau Kev Ua Hauj Lwm 250%.  Cov neeg tsim nyog tau txais Medi-Cal yam tsis them nqi dab tsi li.

Nyob hauv Lub Khoos Pab Cuam Cov Neeg Xiam Oob Qhab Rau Kev Ua Hauj Lwm 250%, cov nyiaj tau los raws li qhov kev xiam oob qhab tsis suav tias yog cov nyiaj tau los.  Cov piv txwv ntawm cov nyiaj tau los raws li qhov kev xiam oob qhab suav nrog tej yam xws li Cov Nyiaj Tau Los Ntawm Xaus Saus Rau Kev Xiam Oob Qhab (SSDI), cov nyiaj laus rau xiam oob qhab ntiag tug, thiab lwm yam. Lub ntsiab lus ntawm txoj hauj lwm yog ib qho dav kom koj cov hauj lwm tuaj yeem yog tej yam kab poom uas rov coj los siv dua tau los sis kev qhia ntawv thiab tsis muaj qhov txwv cov cov teev tsawg tshaj plaws uas koj yuav tsum ua hauj lwm los sis cov nyiaj tau los uas koj yuav tsum muaj.

Kev Tsim Nyog Tau Txais Theem Pib

• Koj yuav tsum tau ua hauj lwm (Lub cheeb tsam nroog yuav hais kom koj muab cov ntaub ntawv pov thawj xws li cov tw ntawv them nyiaj, ib tsab ntawv los ntawm tus tswv hauj lwm los sis cov ntawv txais nyiaj los ntawm kev sau khoom rov siv tau tshiab),

  Koj yuav tsum ua kom tau raws li Cov Nyiaj Tau Los Rau Kev Ruaj Ntseg Ntxiv (SSI) lub ntsiab lus ntawm kev xiam oob qhab,

  Muaj cov nyiaj tau los hauv tsev neeg tsawg dua 250% ntawm Tsoom Fwv Qib Kev Txom Nyem (FPL),

  Koj yuav tsum tsim nyog tau txais SSI tom qab tshem tawm koj cov nyiaj tau los thiab cov nyiaj tau los raws qhov kev xiam oob qhab.  Cov nyiaj tau los uas saib raws qhov kev tsis muaj kev xiam oob qhab xws li nyiaj so hauj lwm thaum laus los sis nyiaj laus nyiaj laus yuav raug suav rau hauv kev txiav txim siab seb koj puas tsim nyog tau txais SSI,

  Ua tau raws li tag nrho lwm tus qauv cai kev tsim nyog tau txais tsis yog fab nyiaj txiag.3

TSWV YIM QHIA: Yog xav paub ntau ntxiv txog Lub Khoos Pab Cuam Cov Neeg Xiam Oob Qhab Rau Kev Ua Hauj Lwm 250%, koj tuaj yeem mus saib tau hauv California Lub Chaw Hauj Lwm Pab Cuam Saib Xyuas Kev Noj Qab Haus Huv lub vev xaib los sis tiv tauj rau koj lub chaw saib xyuas kev noj qab nyob zoo hauv cheeb tsam nroog.

(d) Lub Khoos Kas Pickle

KOj (los sis koj tus txij nkawm uas tsim nyog) puas tau txais SSI thiab Xaus Saus nyob rau tib lub sij hawm?4 Cov txiaj ntsig hauv Xaus Saus muaj xws li cov nyiaj pab rau tus neeg vam khom uas tau txais los ntawm cov me nyuam yaus.Yog tias muaj, koj (thiab/los sis koj tus txij nkawm uas tsim nyog) tuaj yeem tsim nyog tau txais Medi-Cal yam tsis tau them nyiaj li nyob hauv lub khoos kas Pickle. 

Yog xav paub ntau ntxiv txog qhov kev tsim nyog tau txais lub khoos kas Pickle koj tuaj yeem tshab xyuas Lub Khoos Kas Pab Cuam Kev Cai Lij Choj Rau Kev Noj Qab Haus Huv Hauv Teb Chaws cov ntawv tshaj tawm, Ib Txoj Hau Kev Sai thiab Yooj Yim rau Kev Tshuaj Xyuas Kev Tsim Nyog Txais Medicaid raws li Pickle Qhov Kev Hloov Kho: Hloov Kho Tshiab Xyoo 2025.

(e) Lub khoos kas pab cuam Cov Me Nyuam Yaus Muaj Hnub Nyoog Uas Xiam Oob Qhab

Lub khoos kas pab cuam Cov Me Nyuam Yaus Muaj Hnub Nyoog Uas Xiam Oob Qhab (DAC) Medi-Cal yog rau DAC cov neeg tau txais Xaus Saus uas plam lawv cov txiaj ntsig Nyiaj Tau Los Rau Kev Ruaj Ntseg Ntxiv (SSI) vim yog tus nqi ntawm kev ua nyeej nyob nce siab ntxiv hauv cov nyiaj pab Xaus Saus los sis vim lawv tau dhau los ua tus tsim nyog tau txais cov nyiaj Xaus Saus.Cov neeg tsim nyog tau txais Medi-Cal yam tsis them nqi dab tsi li.

Yog koj xav tias tej zaum koj yuav tsim nyog tau txais DAC cov txiaj ntsig Medi-Cal koj tuaj yeem hais kom lub chaw hauj lwm saib xyuas kev noj qab nyob zoo hauv cheeb tsam nroog ua daim ntawv thov rau DAC cov txiaj ntsig Medi-Cal.Yog xav paub ntau ntxiv txog DAC Medi-Cal, thov tshab xyuas daim ntawv tshaj tawm Cov Kev Muaj Cai Ntawm Cov Neeg Xiam Oob Qhab Hauv California uas muaj npe tias, Lub Khoos Kas Medi-Cal Rau Cov Me Nyuam Yaus Muaj Hnub Nyoog Uas Xiam Oob Qhab Cov Txiaj Ntsig.

(f) Lub khoos kas pab cuam Neeg Laus-Neeg Dig Muag-Neeg Xiam Oob Qhab (ABD) uas Xav Tau Kev Pab Cuam Kho Mob (MN)

Lub khoos kas pab cuam Neeg Laus-Neeg Dig Muag-Neeg Xiam Oob Qhab (ABD) Cov Neeg Xav Tau Kev Pab Kho Mob (MN) yog lub khoos kas Medi-Cal Sib Koom Tus Nqi (SOC).Tus nqi sib koom yog cov nyiaj tau los uas suav tau rho tawm rau qib kev xav tau ntawm kev saib xyuas (MNL) uas siv tau raws li qhov coob qhov tsawg ntawm tsev neeg - piv txwv li, $600 rau ib tus neeg, $750 rau ib tus neeg muaj hnub nyoog thiab me nyuam yaus, $934 rau khub niam txiv los sis tsev neeg muaj peb leeg, thiab lwm yam ntxiv.5

Kev Xam - Khub Niam Txiv hauv ABD MN

Hauv qhov piv txwv no, Alice thiab Alberto yog ib khub niam txiv.Lawv cov nyiaj tau los tag nrho sib sau ua ke ua ntej Medicare txiav tawm yog $3,200.Tom qab qhov kev txiav tawm cov nyiaj tau los uas tsis tau khwv $20 thiab Medicare cov nqi tuav pov hwm $370 raug txiav tawm ntawm lawv cov nyiaj tau los tag nrho ces lawv cov nyiaj tau los uas suav tau yuav muaj li $2,810.Lawv tsis tsim nyog tau txais lub khoos kas ABD FPL vim tias lawv cov nyiaj tau los suav tau los yog siab dua ABD FPL qhov txwv cov nyiaj tau los xyoo 2025 rau tus khub niam txiv ntawm $2,433.Txawm li cas los xij, tej zaum lawv yuav tsim nyog tau txais lub khoos kas ABD MN nrog Medi-Cal tus nqi sib koom ntawm $1,876.

Ntawm no yog yuav txiav txim siab seb khub niam txiav qhov Medi-Cal SOC yuav raug npaum li cas rau lub khoos kas ABD MN.

Kauj Ruam 1

$3,200 (cov nyiaj tau los tag nrho) - $20 (kev txiav cov nyiaj tau los uas tsis tau khwv) - $185 (Alice tus nqi tuav pov hwm Medicare Ntu B) - $185 (Alberto tus nqi tuav pov hwm Medicare Ntu B) = $2,810 (cov nyiaj tau los uas suav tau ntawm nkawm niam txiv).

Kauj Ruam 2

$2,810 (cov nyiaj khwv tau los uas suav tau ntawm nkawm niam txiv hauv cov kauj ruam 1) - $934 (Qib Kev Xav Tau Ntawm Kev Kho Mob rau ob peb tug) = $1,876 ( khub niam txiv tus nqi sib koom Medi-Cal).

TSWV YIM QHIA: Rau lub khoos kas ABD MN koj kuj tseem tuaj yeem txiav tawm cov nqi kho mob uas them tawm ntawm lub hnab tshos uas koj qhov kev tuav pov hwm tsis them kom tau raws li koj qhov Medi-Cal SOC txhua lub hlis.6 Yog koj pom tias tsim nyog tau txais ABD MN Medi-Cal nrog rau SOC, tej zaum koj yuav xav txiav txim siab thov Medi-Cal raws li lwm cov khoos kas Medi-Cal uas tau tham ua ntej lawm.

(g) Cov Kev Pab Cuam Saib Xyuas Ncua Ntev los ntawm Medi-Cal nrog rau Khub Txij Nkawm Hauv Hauv Zej Zog - Kev Txom Nyem Ntawm Khub Txij Nkawm

Kev Saib Xyuas Ncua Ntev (LTC) Medi-Cal them rau cov chaw saib xyuas neeg mob thiab Cov Kev Pab Cuam Hauv Tsev thiab Zej Zog.  Yog tias koj xav tau Kev Saib Xyuas Ncua Ntev (LTC) Medi-Cal tab sis koj muaj nyiaj tau los ntau dhau lawm kom tsim nyog tau txais Medi-Cal yam tsis tau them nqi thiab koj tus txij nkawm tsis xav tau Kev Saib Xyuas Ncua Ntev (LTC) Medi-Cal, ces tej zaum koj tuaj yeem siv “kev tiv thaiv tus txij nkawm txoj kev txom nyem” los faib koj cov nyiaj tau los rau koj tus txij nkawm los ua kom tsim nyog tau txais Medi-Cal yam tsis tau them nqi li.  Koj tuaj yeem siv “kev tiv thaiv tus txij nkawm txoj kev txom nyem” los pab kom koj tsim nyog tau txais Medi-Cal yog tias koj nyob hauv ib lub chaw saib xyuas neeg mob, nyob rau hauv daim ntawv teev npe tos, los sis tau txais Cov Kev Pab Cuam Hauv Tsev thiab Zej Zog.  Medi-Cal tsis suav cov khoom cuab tam thaum txiav txim txog kev tsim nyog tau txais Medi-Cal.

Medi-Cal "kev tiv thaiv tus txij nkawm txoj kev txom nyem" tso cai rau Medi-Cal cov neeg tau txais txiaj ntsig uas xav kom LTC Medi-Cal muab cov nyiaj uas txwv rau lawv cov nyiaj tau los txhua hli rau tus txij nkawm uas tsis xav tau LTC Medi-Cal. Qhov kev txwv cov nyiaj tau los txhua hli no yog hu ua “Tus Nqi Kev Xav Tau Rau Kev Tu Xyuas Ua Hli Uas Qis Tshaj Plaws” (MMMNA).  Koj tuaj yeem hloov qee cov los sis tag nrho koj cov nyiaj tau los rau koj tus txij nkawm kom txog thaum koj tus txij nkawm cov nyiaj tau los ua ke nrog qhov koj muab rau koj tus txij nkawm siab txog qhov txwv nyiaj nyiaj tau los ntawm MMMNA txhua hli.  Tsis tas li ntawd, koj tseem tuaj yeem txiav tawm cov nyiaj uas tau them rau Medicare ntawm lwm cov nqi tuav pov hwm kev noj qab haus huv thaum txiav txim siab tias koj tus txij nkawm cov nyiaj tau los qis dua MMMNA qhov txwv cov nyiaj tau los.

Qhov kev txwv ntawm cov nyiaj tau los seb ntau npaum li cas tuaj yeem faib rau cov txij nkawm nce txhua xyoo raws li tus nqi ntawm kev ua nej nyob nce siab tuaj.Nyob rau xyoo 2025, tus txij nkawm hauv zej zog Tus Nqi Kev Xav Tau Rau Kev Tu Xyuas Ua Hli Uas Qis Tshaj Plaws (qhov txwv cov nyiaj tau los txhua hli) yog $3,948.7

Tom qab koj tau xa qee qhov los sis tag nrho koj cov nyiaj tau los rau koj tus txij nkawm lawm, txog kiag rau qhov txwv cov nyiaj tau los txhua hli uas tau teev tseg saum toj no, cov nyiaj tau los uas tseem tshuav yuav raug siv coj los txiav txim koj qhov kev tsim nyog tau txais Medi-Cal.

TSWV YIM QHIA: Yog tias cov khoos kas Medi-Cal yog raws li hnub nyoog los sis kev xiam oob qhab, ces cov nyiaj tau los ntawm IHSS tsis tuaj yeem suav rau tus txij nkawm rau cov hom phiaj los txiav txim siab txog tus txij nkawm uas xiam oob qhab qhov kev tsim nyog tau txais Medi-Cal.8

Kev Xam- Khub niam txiv siv kev tiv thaiv tus txij nkawm txoj kev txom nyem

Hauv qhov piv txwv no, Alice thiab Alberto yog ib khub niam txiv.  Alberto nyob hauv qhov chaw kho mob ib ntus.  Nws xav tau Medi-Cal Kev Saib Xyuas Ncua Ntev kom nws tuaj yeem mus tsev nrog Cov Kev Pab Cuam Txhab Nqa Hauv Tsev thiab Cov Kev Pab Cuam Hauv Tsev thiab Zej Zog.  Alice muaj kev tuav pov hwm rau kev noj qab haus huv ntawm chaw ua hauj lwm thiab them $100 toj ib hlis rau kev tuav pov hwm kev noj qab haus huv.  Alice tsis xav tau Medi-Cal.Alberto yuav ntiav nws tus poj niam los ua nws tus neeg saib xyuas IHSS.  Alberto tau txais nyiaj laus li $3,200 toj ib hlis.  Alice tau txais nyiaj laus li $700 toj ib hlis.  Nkawv tsis muaj lwm yam nyiaj tau los.

Kev Xam rau Cov Nyiaj Tau Los

Ntawm no yog txoj hau kev txiav txim siab tias cov nyiaj tau los Alberto tuaj yeem muab rau Alice ntau npaum li cas.  Cov nyiaj tau los uas Alberto tseem tshuav yuav raug siv los tsim nws qhov kev tsim nyog tau txais Medi-Cal. Alice cov nyiaj tau los ntawm tus muab kev pab cuam IHSS yuav tsis suav, raws li tau hais los saum toj no.

Kauj Ruam 1

Lub Cim Tseg: Tus Nqi Kev Xav Tau Rau Kev Tu Xyuas Ua Hli Uas Qis Tshaj Plaws Xyoo 2025 (qhov txwv cov nyiaj tau los siab tshaj plaws txhua hli) yog $3,948.  Alice cov nyiaj tau los yog $700 rau nyiaj laus.Txawm li cas los xij, Alice tus nqi tuav pov hwm rau kev noj qab haus huv $100 txo qis nws cov nyiaj tau los txhua hli rau $600 toj ib hlis.

$3,948 (qhov txwv cov nyiaj khwv tau los siab tshaj txhua hli rau Alice) - $600 (Alice cov nyiaj tau los) = $3,348 (cov nyiaj Alberto tuaj yeem muab rau Alice).  Alberto tuaj yeem faib nyiaj ntau tshaj plaws $3,348 rau Alice.

Kauj Ruam 2

Alice khaws nws qhov nyiaj laus $700 thiab Alberto muab tag nrho nws cov nyiaj tau los ($3,200) txhua hli rau Alice.  Tam sim no Alice muaj $3,900 txhua lub hlis los ua neej nyob.

Kauj Ruam 3

Alberto muaj cov nyiaj tau los $0 vim nws faib tag nrho nws cov nyiaj tau los ($3,200) rau Alice lawm.  Alberto tuaj yeem tau txais Medi-Cal yam tsis tau them nqi raws li lub khoos kas ABD FPL vim nws cov nyiaj tau los uas suav tau nyob hauv ABD FPL $1,801 qhov txwv cov nyiaj tau los txhua hli rau tsev neeg uas muaj 1 leeg.  Tom qab ntawd Alice tuaj yeem xaiv tsis yuav Medi-Cal los sis tsim qhov kev tsim nyog tau txais Medi-Cal raws li lwm lub khoos kas hauv Medi-Cal.

(h) Kev nkag mus rau Medi-Cal los ntawm Cov Kev Zam Rau Cov Kev Pab Cuam Hauv Tsev thiab Hauv Zej Zog

Yog tias ib tus neeg tsis tsim nyog tau txais LTC Medi-Cal cov kev pab cuam vim tias lawv tus txij nkawm los sis tus niam txiv cov nyiaj tau los thiab/los sis cov chaw muab kev pab cuam siab dhau lawm, ces tus neeg xav tau LTC Medi-Cal tuaj yeem tsim nyog rau Medi-Cal los ntawm ib qho ntawm Medi-Cal cov kev zam rau Cov Kev Zam Rau Cov Kev Pab Cuam Hauv Tsev thiab Hauv Zej Zog.Cov kev tiv thaiv nyiaj tau los xws li kev txiav txim siab hauv lub chaw hauj lwm thiab kev txom nyem ntawm tus txij nkawm muaj feem cuam tshuam rau cov neeg tau txais Kev Zam thiab tuaj yeem pab cov tib neeg kom tsim nyog tau txais Medi-Cal. Ntawm no yog qhov chaw uas koj tuaj yeem nrhiav tau daim ntawv teev npe ntawm California Medi-Cal cov kev zam.

(i) Txoj Phiaj Xwm Them Nqi Noj Mov – Cov Nyiaj Tau Los Uas Tau Txais Kev Zam

Yog tias koj cov nyiaj uas khwv tau los, saib seb koj qhov chaw ua hauj lwm puas muaj txoj phiaj xwm them nqi noj mov los them rau cov nqi kho mob uas tsis tau them rov qab.Cov nyiaj muab tso rau hauv txoj phiaj xwm them nqi noj mov tsis suav ua cov nyiaj tau los hauv Xaus Saus thiab Medi-Cal cov cai vim tias cov nyiaj no raug zam los ntawm Xaus Saus (FICA) kev txiav cov se.

Medi-Cal Cov Chaw Muab Kev Pab Cuam Ntxiv

Koj tuaj yeem mus saib peb phab vev xaib Medi-Cal Cov Chaw Muab Kev Pab Cuam Txhawb Nqa Rau Tus Kheej kom paub ntau ntxiv txog Medi-Cal. Rau kev pab los txiav txim koj qhov kev tsim nyog tau txais Medi-Cal koj tuaj yeem tiv tauj rau https://healthconsumer.org/.

Rau Kev Pab Cuam Fab Kev Cai Lij Choj Hu Rau

• Hu rau DRC tus xov tooj xwm ceev ntawm: 1-800-776-5746.
• Hu rau DRC Lub Chaw Hauj Lwm Saib Xyuas Tus Qhua Kev Txhawb Nqa Rau Txoj Cai (OCRA) ntawm:
  • California Sab Qaum Teb 1-800-390-7032 (TTY 877-669-6023)
  • California Sab Qab Teb 1-866-833-6712 (TTY 877-669-6023)

Tsis tas li ntawd, koj tseem tuaj yeem ua tiav Daim Foos Txais Kev Pab.

• 1. Lub Chaw Hauj Lwm Pab Cuam Saib Xyuas Kev Noj Qab Haus Huv (DHCS), Tsab Ntawv Ntawm Cov Thawj Coj Saib Xyuas Kev Noj Qab Nyob Zoo Hauv Txhua Cheeb Tsam Nroog (ACWDL) 25-01.Kev txwv rau cov nyiaj tau los ABD FPL yog nce raws li ntawm qhov ntau dua ntawm SSI tus nqi them los sis 138% ntawm Tsoom Fwv Qib Kev Txom Nyem.Rau cov tib neeg uas tau txais Xaus Saus (Nqe II), lawv cov nqi nyob hauv ib xyoos (COLA) yuav tsis raug saib xyuas (piv txwv li txij Lub Ib Hlis mus txog Lub Peb Hlis Ntuj), kom txog thaum FPL cov kev txwv tshiab yuav pib siv rau Lub Plaub Hlis Ntuj. Lub sij hawm ntawd lub qab nthab siab tshaj plaws FPL ntawm ABD yuav nce siab ntxiv, thiab tus neeg cov nyiaj tau los tam sim no yuav raug siv los txiav txim txog kev tsim nyog. Tsis tas li ntawd, Medicare Ntu B tus nqi tuav pov hwm tsis saib yog thov rau cov tib neeg hauv lub khoos kas no uas tsim nyog tau txais rau Medicare Ntu B. Tuaj yeem pom cov ntaub ntawv ntxiv hauv DHCS, ACWDL 20-18.Tsis tas li ntawd, koj kuj tseem tuaj yeem nrhiav lub khoos kas ABD FPL cov kev txwv rau cov nyiaj tau los rau cov tsev neeg muaj ntau dua 2 tus neeg ntawm Health Consumer Alliance lub vev xaib
• 2. DHCS, ACWDL 22-25
• 3. DHCS, Tsab Ntawv Ceeb Qhia Ntawm Feem Hauj Lwm Saib Xyuas Kev Tsim Nyog Tau Txais Medi-Cal Tus Nab Npawb I 25-10
• 4. Qhov ntawd suav nrog SSI uas tau txais lub sij hawm tos lub hli thib tsib ua ntej SSDI cov txiaj ntsig pib los sis lub hli ua ntej koj tsim nyog tau txais thawj zaug rau Cov Me Nyuam Yaus Muaj Hnub Nyoog Uas Xiam Oob Qhab los sis thaum koj qhov kev tsim nyog thawj zaug rau cov txiaj nyiaj Xaus Saus Rau Kev So Hauj Lwm Noj Nyiaj Laus. Qhov no yog vim tias koj tau txais cov nyiaj Xaus Saus Nqe II li ib lub hlis, nyob hauv lub hlis tom ntej. Yog li ntawd, yog tias koj tau txais cov nyiaj pab SSI hauv Lub Peb Hlis Ntuj thiab kuj tseem tsim nyog tau txais cov nyiaj pab Nqe II hauv Lub Peb Hlis Ntuj uas koj yuav tsis tau txais kom txog rau thaum Lub Plaub Hlis Ntuj, koj tsim nyog tau txais thiab tau txais tag nrho cov nyiaj pab SSI thiab Xaus Saus Nqe II tib si nyob hauv tib lub hlis.
• 5. DHCS, ACWDL 24-10
• 6. Nyob hauv lub khoos kas ABD MN koj txiav tawm qhov koj them los sis yuav lav them rau cov nqi kho mob tsim nyog kom tau raws li koj qhov Medi-Cal SOC. Qhov zoo dua yog pib nrog tej yam uas Medi-Cal tsis duav roos xws li cov khoom siv pab rau tswj kev tso zis, kev kho mob, kho hniav los sis kho qhov muag los sis cov nqi tuav pov hwm. Yog xav paub ntau ntxiv, koj tuaj yeem tshuaj xyuas DRC daim ntawv tshaj tawm txog Kev Saib Xyuas Kev Noj Qab Haus Huv, Kuv Yuav Siv Kuv Cov Nqi Sib Koom Tau Li Cas Kom Tau Txais Cov Kev Pab Cuam Ntau Ntxiv Uas Kuv Xav Tau?
• 7. DHCS, ACWDL 24-14
• 8. 20 C.F.R. §416.1161(a)(16)