Cov Txheej Lus

• Yuav Muaj Dab Tsi Tshwm Sm yog tias Koj Swb Rau Rooj Plaub Kev Raug Ntiab Tawm (“Kev Ntiav Ib Tus Neeg Tawm Yam Tsis Raws Cai”)?
• Koj Muaj Cov Kev Xaiv Dab Tsi Tom Qab Swb Koj Rooj Plaub Kev Raug Ntiab Tawm?
  • Tsiv tawm
  • Thov sij hawm ntxiv rau kev tsiv
  • Thov ua ntawv kom lub tsev hais plaub kom thim qhov lus txib kev ntiab tawm yog tias koj teb tsis tau daim ntawv foob
• Cov ntaub ntawv ntxiv yog tias koj raug ntiab tawm vim yog tsis tau them tus nqi xauj tsev

Lus Taw Qhia

Yog tias koj swb rau koj rooj plaub raug ntiab tawm tsev, nws nyuaj heev rau ncua sij hawm los sis nres qhov kev ntiab tawm tsev txawm tias koj los sis ib tus neeg hauv koj tsev neeg muaj kev xiam oob qhab los xij. Txawm tias koj siv tau cov kev xaiv no los xij, tej zaum koj yuav tsis muaj peev xwm nyob hauv koj lub tsev tau ntxiv. Koj lub cib fim zoo tshaj plaws los tiv thaiv kev raug ntiab tawm yog npaj ua ntej - ua tib zoo saib xyuas cov ntaub ntawv thiab txais kev qhia txog fab kev cai lij choj thaum koj tau txais daim ntawv ceeb toom txog kev ntiab tawm los sis cov ntaub ntawv hauv tsev hais plaub rau kev ntiab tawm; ua tib zoo saib rau txhua lub sij hawm kawg; tuaj koom txhua lub rooj sib hais hauv tsev hais plaub; muab tag nrho koj cov pov thawj rau qhov kev txiav txim plaub ntug.

Yuav Ua Li Cas Yog Tias Koj Swb Rau Rooj Plaub Ntawm Kev Ntiab Tawm Tsev (“Kev Ntiav Ib Tus Neeg Tawm Yam Tsis Raws Cai”)?

1. Yog koj mus sib hais rau hauv lub tsev hais plaub, tus kws txiav txim plaub (los sis pawg neeg txiav txim plaub ntug) yuav ua kev txiav txim (hu ua "kev txiav txim"). Yog tias koj tsis tau ua daim ntawv Teb rau Kev Ntiav Ib Tus Neeg Tawm Yam Tsis Raws Cai raws sij hawm, lub tsev hais plaub tuaj yeem cia li tawm "qhov kev txiav txim yam tsis ua raws li qhov tau teem tseg" rau koj. Qhov no txhais tau tias koj tau swb rooj plaub kev raug ntiab tawm tsev lawm. Yog tias tus kws txiav txim plaub ntug (los sis pawg neeg txiav txim plaub ntug) txiav txim siab tias tus tswv tsev/tus thawj tswj hwm vaj tse muaj cai ntiab koj tawm, koj swb rau rooj plaub kev raug ntiab tawm. Nyob hauv ob qho xwm txheej no, lub tsev hais plaub yuav muab cov ntaub ntawv rau tus tswv tsev/tus tswj hwm vaj tse hu ua "Kev Txiav Txim Kom Muaj Vaj Tse" thiab "Daim Ntawv Sau Kom Txhiv Lub Vaj Tse". Qhov no ua rau tus tswv tsev/tus thawj tswj hwm vaj tse ua cov kauj ruam mus tom ntej kom coj koj tawm ntawm koj lub tsev mus. Tsis tas li ntawd xwb, tej zaum lawv kuj tseem yuav kom koj them nyiaj rau tus tswv tsev/tus thawj tswj hwm vaj tse (cov nyiaj no tuaj yeem siv rau them cov nqi xauj tsev rov qab, kev puas tsuaj, kev nplua, thiab cov nqi, xws li cov nqi foob thiab cov nqi kws lij choj).

• Tus tswv tsev/tus thawj tswj hwm vaj tse yuav Daim Ntawv Sau Kom Txhiv Lub Vaj Tse mus rau chaw ua hauj lwm ntawm Tus Thawj Tub Ceev Xwm Saib Xyuas Kev Cai Lij Choj. Qhov no muab kev tso cai rau Tus Thawj Tub Ceev Xwm Saib Xyuas Kev Cai Lij Choj tuaj xauv koj rau hauv koj lub tsev tom qab muab ib daim ntawv ceeb toom rau koj.
• Tus Thawj Tub Ceev Xwm Saib Xyuas Kev Cai Lij Choj yuav tuaj muab ib "Daim Ntawv Ceeb Toom Kom Tsiv Tawm" (sau ntawv ceeb toom kom tawm hauv koj lub tsev mus). Qhov no muab sij hawm 5 hnub rau koj tsiv. Yog tias koj tsis tsiv tawm, tus thawj tub ceev xwm saib xyuas kev cai lij choj yuav rov qab los coj koj tsiv tawm ntawm lub tsev mus thiab xauv qhov rooj tsis pub koj nkag.

Koj Muaj Cov Hau Kev Xaiv Dab Tsi Tom Qab Swb Koj Rooj Plaub Txog Kev Raug Ntiab Tawm?

Koj muaj peb txoj hauv kev xaiv:

1. Koj tuaj yeem khiav tawm,
2. thov sij hawm ntxiv, los sis
3. thov kom lub tsev hais plaub thim qhov kev raug ntiab tawm rov qab.

Koj tuaj yeem npaj txhij tsiv tawm thiab tawm mus ua ntej hnub uas nyob hauv Tus Thawj Tub Ceev Xwm Saib Xyuas Kev Cai Lij Choj Daim Ntawv Ceeb Toom Kom Tsiv Tawm.

Koj tuaj yeem thov kom tus tswv tsev thiab/los sis lub tsev hais plaub muab sij hawm ntxiv rau koj:

• Thov tus tswv tsev/tus thawj tswj hwm vaj tse kom tau txais sij hawm ntxiv rau kev tsiv tawm– Qee zaum tus tswv tsev/tus thawj tswj hwm vaj tse yuav kam muab sij hawm ntxiv rau koj. Nws yog qhov zoo tshaj plaws kom thov tus tswv tsev/tus thawj tswj hwm vaj tse kom tau txais sij hawm ntxiv sai li sai tau. Tsis tas li ntawd xwb, nws kuj tseem yog qhov zoo tshaj plaws los thov sij hawm tshwj xeeb kom ua tiav kev tsiv tawm. Tiam sis tej zaum koj yuav tsum paub tias tus tswv tsev/tus tswj hwm vaj tse yuav tsis raug txoj cai yuam kom muab sij hawm ntxiv rau koj.
• Yog tias koj xav tau sij hawm ntxiv los tsiv tawm vim koj qhov kev xiam oob qhab los xij (los sis ib tus neeg hauv tsev neeg qhov kev xiam oob qhab), koj tuaj yeem thov sij hawm ntxiv ua "kev pab cuam nrhiav chaw nyob tsim nyog". Yog xav paub ntau ntxiv txog kev thov kev pab cuam nrhiav chaw nyob tsim nyog, mus saib cov ntaub ntawv: Kev Ntxub Ntxaug Rau Vaj Tsev Chaw Nyob Vim Yog Kev Xiam Oob Qhab - Koj Cov Cai thiab Cov Kev Xaiv
• • Thov kom Lub Tsev Hais Plaub muab sij hawm ntxiv los tsiv tawmtawm - Koj tuaj yeem ua Daim Ntawv Thov rau lub tsev hais plaub kom Ncua Sij Hawm ntawm Daim Ntawv Txiav Txim Siab Hauv Tsev Hais Plaub. Peb xav kom koj mus nrhiav kev pab tswv yim rau txoj cai lij choj kom sai li sai tau yog tias koj xav sim ua qhov no. Koj tsis tas yuav muaj ib tus kws lij choj los ua ntaub ntawv foob no—koj tuaj yeem ua tau ntawm koj tus kheej.
  1. i. Koj yuav tsum ua Daim Ntawv Thov mus rau lub tsev hais plaub thiab npaj muab cov ntaub ntawv rau tus tswv tsev/tus thawj tswj hwm vaj tse ua ntej hnub kawg ntawm Tus Thawj Tub Ceev Xwm Saib Xyuas Kev Cai Lij Choj Daim Ntawv Ceeb Toom Kom Tsiv Tawm.
  2. ii. Koj yuav tsum tau them tus nqi xauj tsev txhua hnub rau cov hnub ntxiv uas koj tau thov. Feem ntau cov nyiaj no tau them rau tus neeg ua hauj lwm hauv tsev hais plaub kom khaws cia rau tus tswv tsev/tus thawj tswj hwm vaj tse.
  3. iii. Lub sij hawm ntxiv ntau tshaj plaws rau kev tsiv tawm yog 40 hnub txij li hnub uas tau txiav txim, tshwj tsis yog tias tus tswv tsev/tus thawj tswj hwm vaj tse tso cai pom zoo rau lub sij hawm ntxiv, (California Txoj Cai Tshwj Hwm Kev Rau Txim Tshooj 918(b)). Tab sis seb koj puas tau txais kev pom zoo rau daim ntawv thov thiab koj tau txais sij hawm ntev npaum li cas yuav nyob ntawm qhov xwm txheej thiab tus kws txiav txim plaub ntug.

Tej zaum koj yuav thov tau lub tsev hais plaub kom thim qhov kev ntiab tawm kom koj thiaj li nyob tau hauv koj lub tsev tau txuas mus ntxiv:

• Yog koj swb vim koj tsis tau xa daim ntawv Teb los sis koj tsis tau mus rau hnub txiav txim plaub ntug:
  • Koj tuaj yeem ua ntawv thov kom tshem tawm (qhov no txhais tau tias tshem tawm) qhov kev txiav txim ntawm tus kws txiav txim plaub ntug. Muaj cov sij hawm kawg nruj heev los ua qhov no, thiab koj xav tau ib qho laj thawj raws li kev cai lij choj los ua qhov ntawd. Yog koj raug ntiab tawm vim tsis muaj qhov chaw mus ces tsis yog ib qho laj thawj txaus. Peb xav kom koj mus nrhiav kev pab tswv yim rau txoj cai lij choj kom sai li sai tau yog tias koj xav sim ua qhov no.
  • Kev thaiv cov khoom tshwj xeeb tsuas yog ua tau rau qee qhov xwm txheej xwb. Piv txwv li, tej zaum koj yuav tau txais kev pab yog tias koj tsis tau mus hnub txiav txim plaub ntug vim koj muaj kev xiam oob qhab, los sis koj yuav tsum mus rau tsev kho mob rau hnub ntawd thiab koj tsis tuaj yeem hu rau lub tsev hais plaub kom qhia rau lawv paub. Ib qho piv txwv ntxiv yog cov ntaub ntawv Kev Ntiav Ib Tus Neeg Tawm Yam Tsis Raws Cai tsis tau xa mus kom raug thiab koj tsis tau xa daim ntawv teb ncav raws sij hawm. Txawm koj xav tias koj muaj laj thawj zoo los xij, tus kws txiav txim plaub ntug yuav tsis pom zoo tso tseg qhov kev txiav txim siab.
  • Koj tuaj yeem thov kom tau txais daim ntawv thim txog li 6 lub hlis tom qab hnub txiav txim tiav. Txawm li cas los xij, yog tias koj tos kom lig dhau los xa daim ntawv teeb tseg, koj tawm hauv lub tsev mus thiab koj tus tswv tsev/tus thawj tswj hwm vaj tse twb tau xauj lub tsev rau lwm tus neeg lawm, koj yuav tsis tuaj yeem rov qab mus nyob tau lawm.
  • Tsis muaj daim ntawv thov hauv tsev hais plaub, yog li koj yuav tsum sau daim ntawv thov li hom ntawv raug cai uas lub tsev hais plaub xav tau.
  • Yog tias koj swb vim yog kev txiav txim vim koj tsis tau xa daim ntawv Teb, koj yuav tsum muab Daim Ntawv Teb txuas nrog - Kev Ntiav Ib Tus Neeg Tawm Yam Tsis Raws Cai-Kev Ntiab Tawm (Daim Ntawv UD-105) ntxiv rau Daim Ntawv Thov Kom Tso Tseg.
  • Koj tsuas muaj ib lub cib fim los thov kom teem sij hawm tseg xwb, yog li nws yog ib qho tseem ceeb uas koj yuav tsum suav nrog txhua cov ntaub ntawv tseem ceeb thiab ua raws li txoj cai ntawm lub tsev hais plaub rau kev foob.
  • Yog tias koj xav kom tus kws txiav txim plaub ntug txiav txim ua ntej koj raug ntiab tawm, koj kuj yuav tsum thov kom tus kws txiav txim plaub ntug txiav txim kom sai. Hom kev thov no yog los ntawm "Kev Ua Ntawv Thov Los Ntawm Ib Tog Neeg". Muaj cov cai tshwj xeeb rau txoj hau kev koj ua li ntawd. Peb xav kom koj mus nrhiav kev pab tswv yim rau txoj cai lij choj kom sai li sai tau yog tias koj xav tau ua qhov no.
  • Yog koj thov kom tshem tawm, koj muaj kev xaiv thov kom lub tsev hais plaub rau lub sij hawm ntxiv ua ntej koj yuav tsum tsiv mus tib lub sij hawm los ntawm kev xa daim ntawv thov kom Ncua Kev Txiav Txim ntawm daim ntawv txib txhiv nrog rau Daim Ntawv Thov Kom Tso Tseg.

Yog koj swb vim Tus Kws Txiav Txim Plaub Ntug tsis ua raws li txoj cai:

• Koj tuaj yeem ua Ntawv Thov Rov Txiv Txim Dua ntawm qhov kev txiav txim. Cov kev thov rov txiav txim dua yog muaj kev nyuaj heev thiab tsis tsuas yog raws li koj tsis pom zoo nrog tus kws txiav txim qhov kev txiav txim siab nkaus xwb. Peb xav kom koj mus nrhiav ib qho kev pab tswv yim rau txoj cai lij choj kom sai li sai tau yog tias koj xav ua qhov no. Kev thov rov txiav txim dua ntawm kev ntiab tawm ib tus neeg yam tsis raws cai yog ib qho txheej txheem raws li txoj cai uas ib tog uas swb hauv rooj plaub raug ntiab tawm thov kom lwm lub tsev hais plaub rov tshuaj xyuas qhov kev txiav txim siab. Nyem rau qhov no rau daim ntawv Ceeb Toom Txog Kev Thov Rov Txiav Txim Dua/Kev Thov Rov Txiav Txim Hla—Rooj Plaub Kev Rau Txim Txwv.
• Kev thov rov txiav txim dua yog ib qho nyuaj ntawm tus kws txiav txim tias seb tus kws txiav txim puas ua raws li txoj cai. Yog koj yeej qhov kev thov rov txiav txim dua, qhov no yuav tiv thaiv tau kev raug ntiab tawm los sis nws yuav ncua nws sij hawm mus. Nyob rau ntawm seb cov xwm txheej dab tsi, tej zaum koj yuav tau rov ua qhov kev txiav txim plaub ntug tshem tawm hauv tsev dua.

Lus Cim Tseg: Kev foob los sis kev thov kom ncua tseg ib leeg yuav tsis txwv tsis pub raug ntiab tawm tom qab kev txiav txim ntiab tawm. Tib txoj kev rau tus neeg xauj tsev kom nres los sis ncua qhov kev ntiab tawm yog thov kom ncua kev ua tiav tib lub sij hawm thaum xa daim ntawv thov rov txiav txim dua los sis daim ntawv thov kom ncua kev txiav txim.

Cov ntaub ntawv ntxiv yog tias koj raug ntiab tawm vim yog tsis tau them tus nqi xauj tsev.

Yog tias koj rooj plaub raug ntiab tawm tsev yog vim tsis tau them nqi xauj tsev, koj muaj lwm txoj kev xaiv kom koj thiaj li khaws tau koj lub tsev cia: koj tuaj yeem them tus nqi ntawm qhov kev txiav txim yog tias lub tsev hais plaub tau txiav txim muab qhov kev xaiv no rau koj.

Qhov Kev Xaiv Them Nyiaj 1: Them txhua yam uas koj tseem tshuav:

Yog koj txiav txim siab them txhua yam uas koj tshuav nqi, xyuas kom paub meej tias koj tus tswv tsev/tus thawj tswj hwm vaj tse xa daim ntawv "Kev Lees Paub Txog Kev Txaus Siab ntawm Qhov Kev Txiav Txim" (daim ntawv EJ-100). Qhov no yog cov pov thawj tias koj tau them cov nuj nqis lawm.

Qhov Kev Xaiv Them Nyiaj 2: Koj tuaj yeem sim sib tham txog txoj kev npaj them nqi los sis kev sib hais kom haum nrog tus tswv tsev.

• Muab ib daim ntawv cog lus nrog tus tswv tsev/tus tswj hwm vaj tse kom lawv muab txoj kev npaj them nqi los sis muab them tus nqi tsawg dua li tus nqi uas lub tsev hais plaub hais tias koj tshuav nqi (cov tswv tsev/tus tswj hwm vaj tse qee zaum yuav kam txais tsawg dua yog tias koj pom zoo tias koj yuav them tam sim ntawd thiab tag nrho lawm). Lus Cim Tseg: tus tswv tsev/tus thawj tswj hwm vaj tse feem ntau tsis tas yuav pom zoo rau qhov no li.
  • Yog koj tus tswv tsev/tus thawj tswj hwm vaj tse pom zoo rau txoj kev npaj them nqi, sau koj daim ntawv cog lus ua ntawv sau txog seb koj yuav them npaum li cas thiab thaum twg. Koj thiab tus tswv tsev/tus thawj tswj hwm vaj tse (los sis lawv tus kws lij choj) yuav tsum kos npe rau thiab sau hnub tim rau daim ntawv cog lus.
  • Yog koj tus tswv tsev tsis pom zoo rau txoj kev npaj them nqi, koj tuaj yeem sim ua ntaub ntawv thov tus kws txiav txim plaub ntug kom cia koj ua txoj kev npaj them nqi. Qhov no hu ua kev ua daim ntawv thov. Tsis muaj daim ntawv foob rau qhov no, yog li ntawd koj yuav xav tau kev pab kom ua qhov no kom raug. Muaj cov hnub kawg yog tias koj xav ua qhov no. Tiv tauj rau koj Lub Chaw Pab Cuam Kev Cai Lij Choj, Tsev Qiv Ntawv Rau Fab Kev Cai Lij Choj, thiab Chaw Pab Cuam Tus Kheej hauv tsev hais plaub kom paub tias seb lawv puas tuaj yeem pab tau.

Yog tias koj them tsis tau los sis txiav txim siab tsis them tus nqi xauj tsev uas dhau sij hawm lawm, lub tsev hais plaub yuav hais tias koj tshuav nqi.

Koj yuav tsis muaj peev xwm khaws tseg cia koj lub tsev nyob tau. Tsis tas li ntawd xwb, nco ntsoov tias yog koj txiav txim siab tsis them tus nqi xauj tsev uas tau them dhau los lawm, koj tus tswv tsev/tus thawj tswj hwm vaj tse yuav muaj cov kev xaiv raws li txoj cai los tau txais cov nyiaj los ntawm koj. Tej zaum qhov no kuj tseem yuav ua rau koj cov keeb kwm tsis zoo thiab ua rau koj tsis muaj feem xauj tau lwm qhov chaw.

Muaj qee lub sij hawm koj tuaj yeem tso tseg los sis txwv qhov uas raug rho tawm ntawm koj daim tshev nyiaj los sis tus as khauj hauv txhab nyiaj.

• • Qee hom kev them nyiaj tau txais kev zam thiab tsis tuaj yeem siv los them rau qhov kev txiav txim rau tus tswv tsev/tus thawj tswj hwm vaj tse. Ib qho piv txwv ntawm cov nyiaj them nyiaj uas zam tau los ntawm hom kev txiav txim no yog cov txiaj ntsig Xaus Saus thiab cov nyiaj pab cuam rau kev noj qab haus huv.
• • Koj tuaj yeem ua Daim Ntawv Thov Kev Zam kom tsum los sis txiav cov nyiaj them no. Nyem rau qhov no kom paub tias yuav ua li cas los thov kom zam kev txiav nyiaj hli.