Kev Txhawb Siab Rau Kev Ua Hauj Lwm Hauv Khoos Kas Tuav Pov Hwm Kev Xiam Oob Qhab Rau Kev Ruaj Ntseg Ntawm Zej Tsoom (SSDI)
Kev Txhawb Siab Rau Kev Ua Hauj Lwm Hauv Khoos Kas Tuav Pov Hwm Kev Xiam Oob Qhab Rau Kev Ruaj Ntseg Ntawm Zej Tsoom (SSDI)
Thaum koj tau txais Kev Tuav Pov Hwm Kev Xiam Oob Qhab Rau Kev Ruaj Ntseg Ntawm Zej Tsoom (SSDI, Social Security Disability Insurance) los sis lwm cov txiaj ntsig Nqe II, koj muaj ntau yam kev txhawb siab rau kev ua hauj lwm los pab txhawb koj cov kev mob siab rau txoj hauj lwm thiab xyuas kom meej tias koj tsis txhob poob koj cov txiaj ntsig ua ntej txog hnub tas sij hawm.
Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.
Thaum koj tau txais Kev Tuav Pov Hwm Kev Xiam Oob Qhab Rau Kev Ruaj Ntseg Ntawm Zej Tsoom (SSDI, Social Security Disability Insurance) los sis lwm cov txiaj ntsig Nqe II, koj muaj ntau yam kev txhawb siab rau kev ua hauj lwm los pab txhawb koj cov kev mob siab rau txoj hauj lwm thiab xyuas kom meej tias koj tsis txhob poob koj cov txiaj ntsig ua ntej txog hnub tas sij hawm.
Cov txiaj ntsig SSDI yog dab tsi?
Cov txiaj ntsig SSDI yog muab rau cov tib neeg uas muaj keeb kwm ua hauj lwm txaus uas ua tau raws li Kev Tswj Hwm Kev Ruaj Ntseg Rau Zej Tsoom (SSA, Social Security Administration) lub ntsiab lus ntawm kev xiam oob qhab los sis kev dig muag. Tej zaum cov nyiaj pab ua hauj lwm SSDI yuav siv tau rau koj yog tias koj tau txais ib qho ntawm cov txiaj ntsig Nqe II hauv qab no:
- SSDI
- Cov Nyiaj Pab Rau Cov Me Nyuam Yaus Uas Muaj Kev Xiam Oob Qhab (CDB, Childhood Disability Benefits)
- Cov Nyiaj Pab Rau Tus Khub Txij Nkawm Uas Muaj Kev Xiam Oob Qhab (DWB, Disabled Widow(er)’s Benefits)
SSI txoj hauj lwm muab kev pab txhawb rau kuv li cas?
Cov nyiaj pab txhawb nqa kev ua hauj lwm raws li cov txiaj ntsig ntawm SSDI yuav tuaj ua theem ntu zus. Cov theem no yuav pib ua hauj lwm thaum koj cov nyiaj khwv tau mus txog qee qib, thiab lawv tshwm sim raws li qhov tshwj xeeb.
- SSI-Tus Neeg Xiam Oob Qhab
- SSI-Dig Muag
- SSI- Muaj Hnub Nyoog
| Ncua Sij Hawm Sim Hauj Lwm (TWP) → |
Nthuav Dav Ncua Sij Hawm Kev Tsim Nyog Tau Txais (EPE) → |
Kev Rov Thov Txiaj Ntsig Dua Sai-Sai (EXR) |
|---|---|---|
| 9 lub hlis hauv ib lub sij hawm 5 xyoos sib law liag | 3 xyoos | 5 xyoos |
1. Ncua Sij Hawm Sim Hauj Lwm (TWP)
Ncua Sij Hawm Sim Hauj Lwm (TWP, Trial Work Period) yog thawj theem ua siv tau lawm. Thaum koj cov nyiaj khwv tau txog theem TWP, koj yuav pib siv koj cov hlis TWP. Lub khoos kas TWP yuav txuas ntxiv mus txog thaum 9 lub hlis TWP sib sau ua ke hauv lub sij hawm 60 lub hlis (5 xyoos).
Thaum lub sij hawm TWP koj tau txais daim tshev SSDI txhua hli TAG NRHO! Ua ib txoj hau kev zoo tshaj plaws los sim koj lub peev xwm ua hauj lwm! Tsis muaj lwm yam kev txhawb siab rau kev ua hauj lwm uas siv thaum lub sij hawm lub khoos kas TWP. Koj tsuas muaj ib qho TWP rau siv nkaus xwb.
2. Nthuav Dav Ncua Sij Hawm Kev Tsim Nyog Tau Txais (EPE)
Nthuav Dav Ncua Sij Hawm Kev Tsim Nyog Tau Txais (EPE, Extended Period of Eligibility) yog lub sij hawm 3 xyoos uas pib lub hlis tom qab koj li TWP xaus. Thaum koj cov nyiaj khwv tau los uas suav tau yog siab dua Cov Kev Ua Hauj Lwm Uas Ua Rau Tau Txais Txiaj Ntsig Loj (SGA, Substantial Gainful Activity), koj tsis muaj cai tau txais daim tshev ntawm SSDI. Thaum cov nyiaj khwv tau qis dua SGA koj muaj cai tau txais daim tshev ntawm SSDI.
SGA $1,620 hauv xyoo 2025
SGA yog qib ntawm cov nyiaj tau los txhua hli uas SSA txiav txim siab. Qib no feem ntau yuav hloov pauv txhua xyoo. Nws yog ib qho tseem ceeb kom paub tias SGA tsis yog ib qhov txwv. Lub khoos kas SSDI muaj cov nyiaj pab txhawb nqa rau kev ua hauj lwm uas ua rau SSA tuaj yeem nqa tau cov nyiaj khwv tau los coj los suav kom tsawg dua. Qhov no txhais tau tias tej zaum koj yuav muaj peev xwm khwv tau nyiaj ntau dua SGA thiab tseem tau txais koj li SSDI!
Lub Sij Hawm Ncua
Tom qab tas lub khoos kas TWP lawm, li 3 lub hlis thawj uas koj cov nyiaj khwv tau suav tau siab dua SGA, koj tseem tuaj yeem tau txais koj daim tshev SSDI! Qhov no hu ua Lub Sij Hawm Ncua.
3. Kev Rov Thov Txiaj Ntsig Dua Sai-Sai (EXR, Expedited Reinstatement)
EXR yog lub sij hawm 5 xyoos tom qab koj li SSI raug txiav tawm vim kev ua hauj lwm thiab cov nyiaj tau los. Thaum lub sij hawm no, yog tias koj xav tso tseg los sis txo cov hauj lwm qis dua SGA vim koj qhov kev xiam oob qhab, koj tuaj yeem rov qab tau koj cov txiaj ntsig Nqe II yam tsis tas yuav tau rov thov dua li!
Cov Tiag Lawm yog dab tsi tiag?
Cov nyiaj pab rau kev ua hauj lwm SSDI tso cai rau koj sim ua hauj lwm rau ncua sij hawm ntev thiab tseem tau txais koj daim tshev nyiaj SSDI tag nrho thiab. Tsis tas li ntawd, lawv kuj tseem tso cai rau koj kom tsim nyog tau txais rau SSDI txawm tias koj cov nyiaj khwv tau suav tau siab dua SGA los xij! Qhov no txhais tau tias yog koj yuav tsum tso tseg los sis txo koj txoj kev siv zog ua hauj lwm, koj li SSDI yuav nyob ntawd los pab koj.
Puas xav tau kev pab rau cov ntaub ntawv no?
DRC WIPA tus nab npawb xov tooj: 888-768-7058
Ticket to Work Tau Daim Pib Ua Hauj Lwm: 866-968-7842
Daim ntawv qhia txog qhov tseeb no tau txais nyiaj los ntawm daim ntawv cog lus koom tes hauv Xaus Saus. Txawm hais tias Xaus Saus tau tshuaj xyuas cov ntaub ntawv no kom raug los xij, nws tsis yog kev sib txuas lus Xaus Saus yam raug cai. Peb tshaj tawm daim ntawv qhia txog qhov tseeb no ntawm Teb Chaws Meskas cov nqi them se.