នៅពេលដែលអ្នកត្រូវដាក់ចម្លើយចំពោះការរក្សាទុកដោយខុសច្បាប់ ឬបណ្តឹង​ទា​មទារសំណង
តូ​ច​តាចទៅតុលាការ អ្នកនឹងត្រូវបង់ថ្លៃដាក់ឯកសារ។ ទោះជាយ៉ាងណាក៏ដោយ ប្រព័ន្ធ​តុលាការ​ផ្តល់ការលើកលែងថ្លៃសេវា​សម្រាប់អ្ន​ក​ដែលមានលក្ខណសម្បត្តិគ្រប់គ្រាន់។ ខាងក្រោមនេះគឺ​ជាអង្គ​ហេតុមូលដ្ឋានមួយចំនួនអំពីការលើកលែងថ្លៃសេវាក្នុងប្រព័ន្ធតុលាការ។

1. ហេតុអ្វីខ្ញុំត្រូវដាក់ពាក្យស្នើសុំការលើកលែងថ្លៃសេវា?

តុលាការគិតថ្លៃសេវាសម្រាប់ដាក់ចម្លើយចំពោះការរក្សាទុកដោយខុសច្បាប់ ឬដាក់បណ្តឹង​ទាមទារ​សំណងតូចតាច។

2. តើការលើកលែងថ្លៃសេវាគឺជាអ្វី?

ការលើកលែងថ្លៃសេវាសុំឱ្យតុលាការលើកលែងអ្នកពីការបង់ថ្លៃសេវាដាក់ឯកសារ។ នេះក៏លើក​លែង​ថ្លៃសេវាតុលាការផ្សេងទៀត ដូចជាការប្រគល់ឯកសារ​ដោយ​អាជ្ញាសាលា។

3. តើខ្ញុំមានលក្ខណសម្បត្តិគ្រប់គ្រាន់ក្នុងការ​ទទួលបានការលើកលែង​ថ្លៃសេវា​ដោយរបៀបណា?

• អ្នកទទួលបានអត្ថប្រយោជន៍សាធារណៈ
• គ្រួសាររបស់អ្នកមានប្រាក់ចំណូលទាប
• ចំណាយក្នុងគ្រួសារប្រចាំខែរបស់អ្នកច្រើនជាងចំណូលប្រចាំខែរបស់អ្នក

4. តើខ្ញុំស្នើសុំការលើកលែងថ្លៃសេវាពីតុលាការដោយរបៀបណា?

• អ្នកដាក់ទម្រង់បែបបទតុលាការចំនួនពីរ៖
  1. ទម្រង់បែបបទស្នើសុំលើកលែងថ្លៃសេវា (FW 001)
  2. ទម្រង់បែបបទបង្គាប់សំណើសុំលើកលែងថ្លៃសេវា (FW 003)
• ត្រូវប្រាកដថាអ្នកយកច្បាប់ដើម និងច្បាប់ចម្លងចំនួន 2 ច្បាប់នៃ​ទម្រ​ង់បែប​បទ​នីមួយៗទៅដាក់នៅតុលាការ។