Լրացուցիչ ապահովագրության եկամտի աշխատանքային խթաններ
Լրացուցիչ ապահովագրության եկամտի աշխատանքային խթաններ
Երբ դուք ստանում եք լրացուցիչ ապահովագրական եկամուտ (SSI), դուք ունեք բազմաթիվ աշխատանքային խթաններ՝ ձեր զբաղվածության ջանքերը աջակցելու և ձեր նպաստները վաղաժամ չկորցնելու համար։
Հրաժարում պատասխանատվությունից: Այս հրապարակումը միայն իրավական տեղեկատվություն է և ձեր անհատական իրավիճակի վերաբերյալ իրավաբանական խորհրդատվություն չէ: Այն արդի է տեղադրման օրվա դրությամբ: Մենք փորձում ենք պարբերաբար թարմացնել մեր նյութերը։ Այնուամենայնիվ, օրենքները պարբերաբար փոփոխվում են։ Եթե ցանկանում եք համոզվել, որ օրենքը չի փոխվել, դիմեք DRC կամ մեկ այլ իրավաբանական գրասենյակ:
Լրացուցիչ ապահովագրության եկամտի աշխատանքային խթաններ.
Երբ դուք ստանում եք լրացուցիչ ապահովագրության եկամուտ (SSI, Supplemental Security Income), դուք ունեք բազմաթիվ աշխատանքային խթաններ, որոնք կաջակցեն ձեր աշխատանքային ջանքերին և կապահովեն, որ դուք ժամանակից շուտ չեք կորցնի ձեր նպաստները:
Որո՞նք են SSI-ի նպաստները:
SSI-ի նպաստները կարիքների վրա հիմնված նպաստներ են այն անհատների համար, ովքեր ունեն սահմանափակ եկամուտ և ռեսուրսներ, և ովքեր համապատասխանում են Սոցիալական ապահովության վարչության (SSA, Social Security Administration) հաշմանդամության, կուրության կամ տարիքի սահմանմանը: SSI նպաստների երեք տեսակ կա.
- SSI հաշմանդամների համար
- SSI կույրերի համար
- SSI մեծ տարիքի անձանց համար
Ինչպե՞ս են ինձ օգնում SSI աշխատանքային խթանները:
Ձեր SSI չեկը կրճատվում է, երբ դուք ունեք եկամտի այլ աղբյուրներ, օրինակ՝ գումար եք վաստակում: SSI-ի աշխատանքային խթանները թույլ են տալիս SSA-ին ավելի քիչ հաշվել ձեր վաստակած եկամուտը, որպեսզի կարողանաք առավելագույնի հասցնել ձեր SSI չեկն աշխատանքի անցնելու ժամանակ: Այս աշխատանքային խթանները տարածվում են SSI ստացող անձանց վրա՝ կապված հաշմանդամության կամ կուրության հետ:
| Եկամտի բացառումը | Նկարագրություն |
|---|---|
| Բացառություններ ընդհանուր և վաստակած եկամուտներից | SSA-ն ձեր վաստակի կեսից պակասն է հաշվում |
| Անաշխատունակության հետ կապված աշխատանքային ծախսեր | Բացառեք ձեր գնած որոշակի ապրանքների կամ ծառայությունների արժեքը |
| Պլանավորեք հասնել ինքնաապահովման | Ներդրումներ կատարեք ձեր կարիերայում: SSA-ն չի ներառում ձեր եկամուտը կամ ռեսուրսները, որոնք օգտագործվում են ձեր աշխատանքային նպատակին հասնելու համար անհրաժեշտ իրեր և ծառայություններ ձեռք բերելու համար՝ համաձայն հաստատված PASS ծրագրի |
| Բաժին 1619(b) | Նույնիսկ, եթե ձեր եկամուտը բավականաչափ բարձր է, որպեսզի ձեր SSI չեկը հասնի $0-ի, դա չի նշանակում, որ ձեր SSI-ն դադարեցվում է, և դուք կարող եք շարունակել օգտվել Medi-Cal-ից: |
Եկամտի այլ հատուկ արտոնություններ
Եթե դուք մինչև 22 տարեկան ուսանող եք կամ եթե SSI եք ստանում կուրության պատճառով, SSA-ն ունի հատուկ եկամտի արտոնություններ, որոնք կարող են կիրառվել հատուկ ձեզ համար և շատ շահավետ լինել:
Արագացված վերականգնում
Արագացված վերականգնումը (EXR, Expedited Reinstatement) 5-ամյա ժամանակահատված է այն բանից հետո, երբ ձեր SSI-ն դադարեցվում է աշխատանքի և գերնորմատիվային վաստակի պատճառով: Այդ ընթացքում, եթե ձեր հաշմանդամության պատճառով ձեր նպաստները դադարեցնելուց հետո 5 տարվա ընթացքում անհրաժեշտ լինի դադարեցնել կամ կրճատել ձեր աշխատանքը, կարող եք անմիջապես վերսկսել ձեր SSI նպաստները՝ ուղարկելով EXR հարցում։
Երբ աշխատում եք, ձեր ֆինանսական վիճակն ավելի լավ է:
Այս տեղեկատվության հետ կապված օգնության կարիք ունե՞ք:
WIPA DRC-ի ընդունարանի հեռախոսահամարն է՝ 888-768-7058
Ticket to Work թեժ գիծ՝ 866-968-7842
Այս տեղեկագիրը ֆինանսավորվում է Սոցիալական ապահովության վարչության համագործակցության համաձայնագրի շրջանակներում: Չնայած Սոցիալական ապահովութան վարչությունը ստուգել է այս փաստաթղթի ճշգրտությունը, այն Սոցիալական ապահովության վարչության պաշտոնական հաղորդագրություն չէ: Այս տեղեկագիրը հրապարակվում է ԱՄՆ հարկատուների հաշվին: