Cov Hauv Paus Theem Pib

Lub tsev hais plaub txog kev thov kev them nqi me yog ib lub tsev hais plaub tshwj xeeb uas ua kev hais daws kev sib cov nyom sai.
Tus neeg uas foob hu ua tus neeg foob. Tus neeg uas raug foob hu ua tus neeg raug foob.

Cov Teeb Meem Txog Vaj Tse Nyob Twg Uas Kuv Tuaj Yeem Foob Rau Cov Kev Thov Kev Them Nqi Me?

1. Tus tswv tsev tsis xa koj cov kev faj nyiaj ceev chaw nyob cia rov qab
2. Koj qhov chaw xauj tsis nyob rau qhov uas yuav nyob tau ("Kev Ua Txhaum Kev Lav Uas Tau Hais Tseg txog Qhov Yuav Nyob Tau")
3. Koj tus tswv tsev ua rau koj nyob tsis tau hauv koj qhov chaw xauj thiab koj yuav tsum tau tsiv tawm ("Kev Ntiab Tawm Uas Muaj Kev Tsim")
4. Koj tus tswv tsev tau ua rau koj tsis muaj kev lom zem nrog koj qhov chaw xauj thiab nyob tau yam kaj siab ("Ua Txhaum Lus Cog Tseg Uas Tau Hais Cia txog Kev Nyob Tau Ntsiag To")
5. Koj tus tswv tsev tab tom ua kev ntxub ntxaug koj raws li koj qhov kev xiam oob qhab los sis lwm txheej neeg uas muaj kev pov thaiv
6. Koj tus tswv tsev muab koj tej khoom vaj tse cuam tawm pov tseg tom qab koj tsiv tawm yam tsis tau ceeb toom qhia rau koj paub ua ntej

Kuv Nrhiav Kws Lij Choj Puas Tau?

Tsis tau. Hauv lub tsev hais plaub txog kev thov lus muaj cai me, tej zaum koj yuav thov tau ib tug kws lij choj rau lus pab tswv yim ua ntej koj yuav mus tom tsev hais plaub, tab sis koj tsis tuaj yeem muaj ib tug kws lij choj tau hauv lub tsev hais plaub txog kev thov kev them nqi me.

Kuv Tuaj Yeem Thov Tau Dab Tsi Rau Hauv Lub Tsev Hais Plaub Txog Kev Thov Kev Them Nqi Me?

Koj tuaj yeem foob tus tswv tsev txog kev puas tsuaj txog nyiaj txiag uas lawv tau ua puas. Koj li kev thov kev them nqi tsis pub ntau tshaj $12,500.

Koj tsuas yuav ua ntawv foob tau 2 rooj plaub hauv ib lub xyoo raws daim ntawv qhia hnub hli nkaus xwb thaum koj yuav thov txog ntau tshaj $2500. Tsis muaj kev txwv rau tus nab npawb ntawm rooj plaub uas koj tuaj yeem ua ntawv foob nrog cov kev thov kev them nqi uas tsis muaj nqi ntau tshaj $2500.

Puas Muaj Cov Sij Hawm Kawg Rau Kev Ua Ntawv Foob Txog Kev Txiav Txim Thov Kev Them Nqi Me Raws Li Cov Teeb Meem Vaj Tse Chaw Nyob?

Muaj. Yog tias koj tab tom foob vim tias koj muaj kev cog lus ntawm ncauj xwb thiab tus tswv tsev ho tsis ua raws li kev cog lus, koj tsuas muaj sij hawm 2 xyoos txij lub sij hawm uas tau ua txhaum daim ntawv cog lus los ua ntawv foob txog kev txiav txim thov kev them nqi me nrog tsev hais plaub.

Yog tias koj tab tom foob vim tias koj muaj kev cog lus sau ua ntaub ua ntawv nrog tus tswv tsev uas tsis ua raws kev cog lus, koj tsuas muaj sij hawm 4 xyoos txij lub sij hawm tsis ua raws li kev pom zoo los ua ntawv foob rau hauv lub tsev hais plaub thov kev them nqi me.

Yog tias koj tab tom foob vim tias koj tej khoom vaj khoom tsev raug kev puas tsuaj (suav nrog tus tswv tsev uas ua kev puas tsuaj rau koj tej khoom ntiag tug uas tsis muaj kev ua raws li txoj cai lij choj) koj muaj sij hawm 3 xyoos los ua ntawv foob rau koj cov kev txiav txim thov kev them nqi me tom qab koj tej khoom vaj khoom tsev raug kev puas tsuaj.

Vim Li Cas Kuv Thiaj Li Yuav Tsum Tau Ua Ntawv Foob Kev Them Nqi Me?

Koj yuav tsum tau ua ntawv foob koj li kev thov kev them nqi hauv lub tsev hais plaub thiab qhov chaw kom yog-yog. Cov Kev Thov Kev Them Nqi Me raug foob nyob hauv feem hauj lwm saib xyuas kev ua plaub nplua nyiaj ntawm lub tsev hais plaub qib siab hauv cheeb tsam zej zog. Qhov chaw ntawm lub tsev hais plaub qib siab tuaj yeem yog:

1. Qhov chaw uas tus neeg raug foob nyob, los sis lub chaw lag luam nyob rau;
2. Qhov chaw uas kev puas tsuaj tau tshwm sim los sis
3. Qhov chaw uas tau kos npe los sis ua kev cog lus/kev cog lus xauj tsev.

Lub Tsev Hais Plaub Puas Yuav Sau Kuv Tej Lus Kev Txiav Txim?

Tsis Sau. Yog tias koj yeej kev txiav txim thov kev them nqi me, nws yuav nce raws li koj seb puas yuav sau nyiaj uas tus neeg raug foob ntawd tshuav koj nqi (kuj yuav hu tias "kev txiav txim them nuj nqi"). Lub tsev hais plaub yuav tsis sau nyiaj sawv cev rau koj. Nias rau ntawm noj kom paub txog California cov tsev hais plaub lub vev xaib kev pab tus kheej uas piav qhia txog txoj hau kev yuav sau koj li kev txiav txim kom them nuj nqi.

Plaub Kauj Ruam Rau Kev Ua Ntawv Foob Txog Kev Txiav Txim Thov Kev Them Nqi Me

Koj yuav tsum tau ua "kev thov" txog kev them nqi, ua ntawv txog Kev Thov Kev Them Nqi Ntawm Tus Neeg Foob thiab Daim Ntawv Lus Txib (SC-100), kom ib tug neeg twg muab Daim Ntawv Thov Kev Them Nqi mus rau tus neeg raug foob, thiab tuaj tom tsev hais plaub kom tuaj hais txog koj rooj plaub.

1. Muab Lus Thov Qhia Ntaub Ntawv txog Kev Them Nqi:

Qhov "lus thov" yog yam uas koj tab tom thov kom tus tswv tsev los sis tus neeg muab kev pab cuam txog vaj tse nyob yuav ua thiab tias vim li cas.Qhov no yuav tshwm sim ua ntej pib ua tus txheej txheem txiav txim hauv tsev hais plaub, ua kom "mus raws cai. "Koj yuav tsum ua kom qhov kev thov mus raws cai rau kev them nqi. Txawm tias yuav hais ntawm qhov ncauj xwb los xij, yeej xav kom koj ua muaj ntaub muaj ntawv. Yog tias lwm tus neeg ntawd tsis ua raws yam uas koj tau thov (piv txwv li, koj tau thov kom xa koj tej khoom vaj khoom tsev rov qab tab sis tsis kam xa), ces koj yuav tuaj yeem coj qhov kev foob mus tau rau cov kev txiav txim thov kev them nqi me tau. Nco ntsoov khaws ib daim ntawv theej ntawm tsab ntawv thiab tej pov thawj twg uas koj rhais nrog ua ke rau tsab ntawv rau Daim Ntawv Thov Kev Them Nqi thiab Daim Ntawv Lus Txib Ntawm Tus Neeg Foob.

Muaj ib tsab ntawv piv txwv uas koj tuaj yeem siv tau rau tom kawg ntawm phau ntawv qhia no.

Ntaub ntawv qhia paub yuav muab tso ua ke rau hauv koj Tsab Ntawv Thov:

• Yuav tsum tau xaj txog kev puas tsuaj fab nyiaj txiag.
• Sau tus nqi tag nrho uas koj yuav thov txog. Tsis tas li ntawd, nws kuj yog qhov zoo tshaj plaws uas yuav xa tsab ntawv raws kev xa ntawv uas muaj kev lees paub zoo thiab koj yuav tsum tau khaws daim ntawv theej ntawm tsab ntawv thiab cov ntaub ntawv rhais nrog cia. Cov ntaub ntawv rhais nrog rau tsab ntawv yuav tsum muaj cov ntawv them nyiaj thiab lwm yam ntaub ntawv pov thawj los qhia kom pom tias vim li cas tus neeg raug foob thiaj li tshua koj nqi thiab ntau npaum li cas.
• Hauv feem ntawm tsab ntawv lus thov piv txwv no tom qab lo lus "vim hais tias", ces sau qhov tshwm sim paus txog ntsis ntawm yam uas tau tshwm sim. Tej zaum yuav sau li ntawm ob peb nploog ntawv.
• Sau tus nqi tag nrho uas koj yuav thov txog. Tsis tas li ntawd, nws kuj yog qhov zoo tshaj plaws uas yuav xa tsab ntawv raws kev xa ntawv uas muaj kev lees paub zoo thiab koj yuav tsum tau khaws daim ntawv theej ntawm tsab ntawv thiab cov ntaub ntawv rhais nrog cia. Cov ntaub ntawv rhais nrog rau tsab ntawv yuav tsum muaj cov ntawv them nyiaj thiab lwm yam ntaub ntawv pov thawj los qhia kom pom tias vim li cas tus neeg raug foob thiaj li tshua koj nqi thiab ntau npaum li cas.
• Muab sij hawm rau tus neeg tshuav nqi "tus neeg raug foob" yam tsawg kawg 10 hnub los teb rov qab tuaj rau koj. Yog tias lawv tsis teb rov qab tuaj los sis yog tias koj tsis tuaj yeem ua tau raws li kev sib pom zoo, ces qhia rau lawv paub tias kauj ruam tom ntej yog yuav foob Daim Ntawv Thov Kev Them Nqi thiab Lus Txib Ntawm Tus Neeg Foob nrog Tsev Hais Plaub lawm.

Tsab ntawv thov no thiab cov ntaub ntawv rhais nrog yuav tsum tau muab tso ua ke rau hauv daim ntawv lus tsis txaus siab tiag uas koj ua ntawv foob nrog Tsev Hais Plaub (Daim Ntawv Thov Kev Them Nqi thiab Lus Txib Ntawm Tus Neeg Foob).

Tsab ntawv Thov (thiab cov ntaub ntawv rhais nrog) yog qhov tseem ceeb rau 2 qhov laj thawj: thawj nqe - nws qhia rau kws txiav txim paub tias koj tau ua raws li txoj cai ntawm kev ua ntawv thov ua ntej ua ntawv foob kev thov kev them nqi thiab nqe thib ob yog nws qhia rau kws txiav txim plaub txog cov txuam thawj tseeb ntxaws txog rooj plaub thiab vim li cas "tus neeg raug foob" thiaj li tshuav koj li nyiaj.

2. Ua Ntawv Foob Txog Kev Thov Kev Them Nqi thiab Lus Txib Ntawm Tus Neeg Foob:

Txhawm rau pib tus txheej txheem txiav txim hauv tsev hais plaub, koj yuav tsum tau sau daim ntawv foob Kev Thov Kev Them Nqi thiab Lus Txib Ntawm Tus Neeg Foob nrog tus neeg lis ntaub ntawv plaub ntug hauv tsev hais plaub.

Daim Ntawv Thov Kev Them Nqi Ntawm Tus Neeg Foob SC-100 thiab DAIM NTAWV LUS TXIB kom Tuaj Mus Rau Tsev Hais Plaub Thov Kev Them Nqi Me

Thaum koj tau sau tiav daim ntawv thiab kos npe rau Daim Ntawv Thov Kev Them Nqi thiab tau rhais tag nrho koj tej ntaub ntawv pov thawj lawm, theej 2 xuv ntawv theej ntawm tag nrho cov ntaub ntawv. Ib xuv ntawv theej yog muab rau tsev hais plaub, ib xuv ces muab rau koj khaws cia, thiab daim thib 3 cia rau tus neeg uas koj tab tom foob nws.

Nqa daim ntawv xub thawj thiab 2 daim ntawv theej mus rau lub tsev hais plaub hauv cheeb tsam nroog. Koj yuav tsum tau them tus nqi sau kev foob (muaj raws li hauv qab no: $30 yog tias koj qhov kev foob yog yuav thov qis dua $1500; tus nqi sau $50 yuav muaj rau $1500--5000; tus nqi sau $75 yuav muaj rau $5001-12,500) tshwj tsis yog tias koj tsim nyog tau txais kev zam rau tus nqi.

Koj tuaj yeem ua ntawv thov kev zam tus nqi sau thiab Daim Ntawv Lus Txib ua ke nrog koj Daim Ntawv Thov Kev Them Nqi:

Daim Ntawv Thov FW-001 kom Zam Cov Nqi Sau Ntawm Tsev Hais Plaub

Daim Ntawv Lus Txib FW-003 txog Kev Zam Tus Nqi Sau Ntawm Tsev Hais Plaub (Lub Tsev Hais Plaub Qib Siab)

Tus neeg lis ntaub ntawv hauv tsev hais plaub yuav khaws daim ntawv xub thawj cia thiab muab 2 daim ntawv theej rov qab rau koj uas tau ntaus thwj "tias tau foob" rau cov ntawv lawm. Saib rau ntawm thawj daim ntawv ntawm Daim Ntawv Thov Kev Them Nqi vim tias qhov no yuav qhia rau koj paub tias thaum twg tau teem sij hawm rau hnub tim ntawm koj lub rooj sib hais.

• Ib xuv ntawv theej cia rau koj khaws cia thiab ib xuv ntawv theej cia rau koj muab rau tus neeg raug foob.

3. Kev Muab Daim Ntawv Thov Kev Them Nqi Ntawm Tus Neeg Foob

Koj, Tus Neeg Foob, tsis tau kev tso cai yuav ua ntawv Daim Ntawv Thov Kev Them Nqi; koj yuav tsum muaj ib tug neeg laus uas muaj hnub nyoog siab dua 18 xyoo los ua daim ntawv foob los sis kom tus tub ceev xwm los sis tus neeg ua hauj lwm xa ntawv uas tau rau npe xa daim ntawv foob. Tus tub ceev xwm yuav xa tej ntaub ntawv yam tsis sau nqi yog tias koj tau txais kev tso cai tau Kev Zam Tus Nqi Sau.

Ntaub Ntawv Pov Thawj txog Kev Xa Daim Ntawv Lawm SC-104 (Cov Ntawv Thov Kev Them Nqi Me)

Tus neeg raug foob yuav tsum tau txais daim ntawv foob yam tsawg kawg li 15 hnub ua ntej txog lub rooj sib hais. Yog tias ua tsis tau li ntawd, koj tuaj yeem thov txog kev ncua sij hawm ntawm lub rooj sib hais los muab sij hawm rau koj ntxiv los xa daim ntawv foob. Thaum tus neeg raug foob tau txais daim ntawv lawm, ua kom paub tseeb tias tus neeg uas tau txais daim ntawv foob tau sau daim foos "Ntaub Ntawv Pov Thawj txog Kev Tau Txais Daim Ntawv Foob". Koj yuav tsum xa daim foos ntaub ntawv pov thawj txog kev tau txais daim ntawv foob mus rau tsev hais plaub. Yog tias tus kws txiav txim plaub ntug tsis mauj daim ntawv pov thawj txog kev tau txais daim ntawv foob rau ntawm lawv xub ntiag nyob rau thaum muaj lub rooj sib hais, lawv yuav tsis hais rooj plaub (tsis muaj ciaj ciam ntawm lub luag hauj lwm tshaj tus neeg raug foob) thiab yuav muab rooj plaub tso tseg lawm xwb.

Yog tias koj tsis muaj peev xwm yuav muab tau Daim Ntawv Thov Kev Them Nqi kom raws sij hawm, koj yuav tsum thov kev ncua sij hawm ntawm lub rooj sib hais los muab sij hawm ntxiv rau koj los mus muab ntawv foob.

Daim Ntawv Thov Kev Ncua Lub Rooj Txiav Txim Plaub Ntug SC-150

4. Mus Rau Lub Rooj Sib Hais thiab Sib Hais Txog Koj Rooj Plaub.

Kauj ruam kawg nkaus yog los mus koom hauv lub rooj sib hais thiab tham txog koj rooj plaub. Cia siab tias, yuav muaj koj tej pov thawj txhua yam rau Tsab Ntawv Thov thiab tom qab ntawd muab Tsab Ntawv Thov rhais rau Daim Ntawv Thov Kev Them Nqi kom koj thiaj li tsis tas yuav tau xa ntaub ntawv pov thawj ntxiv.

Yog tias koj tsis tas yuav xa ntaub ntawv pov thawj ntxiv, koj tuaj yeem nqa tuaj rau ntawm lub rooj sib hais ntxiv. Nco ntsoov tias koj yuav tsum tau muaj yam tsawg kawg 2 daim ntawv theej – 1 daim rau tus kws txiav txim plaub ntug thiab 1 daim rau tus neeg uas koj tab tom foob.

Qee cov tsev hais plaub tso cai rau koj tuaj rau tnawm lub rooj sib hais hauv lub Zoom tau. Koj yuav tsum tau kuaj xyuas nrog koj lub tsev hais plaub txog tus txheej txheem no.

Thov nco ntsoov tias koj lub rooj sib hais nyob hauv oos lais thiab koj muaj cov ntaub ntawv ntxiv uas koj xav kom tus kws txiav txim saib rau, koj yuav tsum tau ua kom paub tseeb tias lawv tau foob nrog tus neeg lis ntaub ntawv hauv lub tsev hais plaub thiab tau foob rau lwm tog neeg yam tsawg kawg 10 hnub ua ntej txog lub rooj sib hais. Koj tuaj yeem kom ib tus neeg twg xa daim ntawv foob mus rau lawv raws kev xa ntawv tau.

TSAB NTAWV THOV UA KEV PIV TXWV

HNUB TIM
Raws Kev Xa Ntawv Maj Rawm uas muaj Kev Lees Paub Txog Kev Xa Lawm

LUB NPE THIAB CHAW NYOB NTAWM
TUS NEEG TUAJ NTAWM TUS UAS KOJ TAB TOM THOV KEV THEM NQI

Txog: Kev Thov txog Kev Them Nqi

Nyob zoo txog:

Thov paub tias koj tshuav kuv nqi tag nrho yog $QHOV NYIAJ NTSUAB [tsis pub ntau tshaj $12,000] vim tias [sau cov txuam thawj tseeb uas muaj feem cuam tshuam rau ntawm no, piv txwv li: Kuv tau them $X hauv HNUB TIM rau kuv qhov nyiaj tso ua ntej txog kev ceev chav nyob cia. Txawm tias koj yuav tawm hauv chav tsev hauv qhov xwm txheej zoo li thaum uas tau tsiv tawm los xij, koj tsis tau them rov qab kuv qhov nyiaj tso ua ntej thiab tsis muab daim ntawv txheeb tej khoom cia rau kuv txij thaum HNUB TIM. Yog.]

Kuv yuav lees txais kev them nyiaj ua ib teg xam tag nrho los sis txoj phiaj xwm kev npaj txog kev them nyiaj.

Thov tiv tauj kuv hauv hnub los sis ua ntej HNUB TIM [muab sij hawm yam tsawg kawg 10 hnub kom teb rov qab tuaj] rau cov hom phiaj ntawm kev daws qhov teeb meem no. Koj tuaj yeem tiv tauj tau kuv ntawm qhov chaw nyob thiab tus nab npawb xov tooj uas teev tseg nyob hauv qab no. Qhov no yuav yog koj ib qho hwv tsam nkaus xwb uas yuav daws qhov teeb meem no ua ntej kuv ua ntawv foob koj mus rau hauv Tsev Hais Plaub Thov Kev Them Nqi Me.

Yog tias kuv tseem tsis hnov koj teb tuaj hauv los sis ua ntej HNUB TIM, kuv yuav ua ntawv foob koj yam tsis ceeb toom qhia ua ntej lawm. Qhov no yuav yog koj qhov txiaj ntsig zoo tshaj plaws yuav daws qhov teeb meem no ua ntej yuav ua ntawv foob. Yog tias koj tau txais kev txiav txim kom them nuj nqi rau koj, nws yuav cuam tshuam rau tsis zoo rau koj tej kev txais nuj nqis, koj yuav raug xaj kom them cov nqi hauv tsev hais plaub, thiab koj yuav tau them tej paj ntsig ntawm tus nqi 10% toj ib xyoos.

Raws li tau hais los saum toj no, kuv cia siab tias yuav tau txais nyiaj them hauv tus nqi $QHOV NYIAJ NTSUAB uas them tuaj rau kuv, 123 XYZ, Davis CA, 95616 tsis pub tshaj HNUB TIM. Yuav tiv tauj kuv tau ntawm: 555-555-5555. Yog tias koj txiav txim siab tsis quav ntsej qhov kev thov txog kev thej nqi no, kuv yuav ua mus rau cov kev hais daws fab kev cai lij choj tag nrho uas muaj rau kuv yam tsis ceeb toom qhia rau koj paub ntxiv lawm. Tsab ntawv no xam tias yog qhov pov thawj uas kuv tau siv zog los daws qhov teeb meem no raws cai lawm.

Sau npe,

Jane Doe
123 XYZ
City CA, 95616
555-555-5555