I. Kev Nkag Siab Txog Lub Khoos Kas Pab Cuam Cov Neeg thiab Yim Neeg

FEMA tuaj yeem pab tau kuv tom qab muaj kev puas tsuaj tau li cas?

Koj lub tsev raug kev puas tsuaj los ntawm kev puas tsuaj ntawm lub ntuj, thiab koj xav tias yuav ua li cas txuas ntxiv mus.Tsoom fwv lub chaw ua hauj lwm uas tuaj yeem pab koj tau tom qab muaj kev puas tsuaj yog Tsoom Fwv Teb Chaws Lub Chaw Ua Hauj Lwm Tswj Hwm Xwm Txheej Ceev (Federal Emergency Management Agency, FEMA).Cov nyiaj rau cov neeg thiab cov tsev neeg yuav pib muaj thaum tau tsim tawm tsab ntawv tshaj tawm ntawm tus thawj tuav tswj tuaj rau koj cheeb tsam.Daim ntawv teev npe txog txhua Cov Ntawv Tshaj Tawm Txog Kev Puas Tsuaj.

Lub Khoos Kas Pab Cuam Cov Neeg thiab Cov Yim Neeg (IHP) pab cov neeg dim txoj sia rov txim kho lawv lub neej kom rov zoo tuaj ntawm kev puas tsuaj los ntawm kev muab cov kev pab cuam thiab nyiaj ncaj qha rau los ua kev txhim kho tom qab raug kev puas tsuaj.Li cas los xij, nws yog qhov tseem ceeb yuav kom nkag siab tias IHP li kev pab tsuas yuav muaj los muab kom tau raws li koj cov kev xav tau uas yuav tsum tau muaj kiag nkaus xwb.Lub hom phiaj ntawm FEMA cov nyiaj pab yog los ua kom koj lub tsev muaj kev nyab xeeb yuav nyob tau, tsis yog yuav los txhim kho koj lub tsev kom zoo tau li qub li yav dhau los ua ntej raug kev puas tsuaj no.

Yog tias koj tau txais kev pab txog nyiaj khwv tau los xws li Nyiaj Khwv Tau Los Ntawm Xaus Saus (SSI/SSDI), ces yuav tsis xam tias FEMA cov nyiaj pab yuav yog nyiaj khwv tau los. Kev tau txais FEMA qhov kev pab fab nyiaj txiag yuav tsis cuam tshuam rau koj li kev muaj cai tau txais lwm yam kev pab ntawm tsoom fwv teb chaws li.

IHP li kev pab yuav pab rau yam dab tsi thiab?

IHP li kev pab muab faib mus ua ob pawg xws li: Kev Pab Rau Vaj Tse thiab Kev Pab Rau Lwm Yam Kev Xav Tau.

1. Kev Pab Rau Vaj Tse

Kev Pab Rau Vaj Tse tuaj yeem muab siv rau:

• Kev txhim kho vaj tsev
• Nqi xauj tsev, yog tias koj yuav tsum xauj lwm qhov chaw vim tias koj lub tsev tsis muaj kev nyab xeeb tom qab muaj kev puas tsuaj
• Lub tsev tos qhua loj los sis chaw pw ib ntus yog tias koj lub tsev tsis nyab xeeb yuav nyob tau rau hauv. FEMA kuj yuav muab vaj tse nyob ib nyuag ntu rau koj hauv lub cab los sis lub vaj tsev txawb hauv lub sij hawm no.
• Hloov pauv koj lub tsev yog tias nws raug kev puas tsuaj tag thaum muaj kev puas tsuaj.

2. Kev Pab Rau Lwm Yam Kev Xav Tau

Kev Pab Rau Lwm Yam Kev Xav TAu (ONA) tuaj yeem pab duav roos lwm cov kev xav tau uas tsis yog kev kho tsev.Pawg no muab kev hloov pauv tau yooj yim, pab kom koj tau nyiaj los pab npaj rau cov kev xav tau fab nyiaj txiag uas ntau tshaj cov nuj nqis vaj tse tom qab muaj kev puas tsuaj.Yuav muab Qee Yam Kev Pab Rau Lwm Yam Kev Xav Tau los ua qhov nyiaj txais uas muaj paj qis, muab sij hawm ntev los ntawm Kev Tuav Tswj Kev Lag Luam Me.Cov nyiaj txais no tuaj yeem muab siv rau cov nuj nqis kev tshem tawm thiab kev khaws khoom, kev pab rau kev thauj mus los, kev tuav pov hwm dej nyab, los sis kev hloov pauv los sis kev kho tej khoom cuab tam ntiag tug uas tseem ceeb.

Muaj lwm hom ntawm Kev Pab Rau Lwm Yam Kev Xav Tau uas tsis vam khom rau Kev Tuav Tswj Kev Lag Luam Me, piv txwv li, cov nuj nqis rau cov ntees tuag, cov ntawv sau nqi fab kev kho mob thiab kev kho hniav, kev pab rau kev xav tau tseem ceeb heev (cov kev xav tau hauv txhua hnub uas yuav tsum tau muaj li dej haus, khoom noj, tshuaj kho mob, cov khoom tu huv), kev pab rau kev tu huv thiab/los sis kev tshem tawm, kev zov me nyuam yaus.

II. Kev Muaj Cai Tsim Nyog Tau Kev Pab

Lub Khoos Kas Pab Cov Neeg thiab Yim Neeg (IHP) muaj cov cai txog kev muaj cai tsim nyog tau kev pab tshwj xeeb. Cov cai feem ntau kom tau txais kev pab ntawm IHP yog:

1.Qhov Txheej Xwm Kev Ua Neeg Xam Xaj:

Cov neeg thov yuav tsum yog Teb Chaws Meskas li xam xaj, cov neeg uas tsis yog xam xaj, los sis cov neeg tsis yog xam xaj uas tsim nyog tau.Tus neeg tsis yog xam xaj uas tsim nyog suav nrog tus neeg tuaj nyob mus ib txhis raug raws kev cai (tus neeg muaj "daim npav ntsuab"), tus neeg khiav nkaum, tus neeg tawg rog, tus neeg tsis muaj xam xaj uas raug ntiab tawm teb chaws uas tau txais kev tos txiav txim, los sis tus neeg uas tsis muaj xam xaj uas raug tso tawm ua ntej tag lub txim nkag tuaj rau Teb Chaws Meskas yam tsawg kawg ib lub xyoos.

Tus neeg tsis muaj xam xaj tseem yuav muaj peev xwm yuav tau txais kev pab yog tias lawv yog niam thiab txiv los sis tus neeg saib xyuas me nyuam uas thov sawv cev tam rau tus me nyuam yaus me uas yog Teb Chaws Meskas li xam xaj thiab nyob hauv tib yim neeg.

2.Kev Txheeb Xyuas Qhov Tseeb Txog Cim Thawj Txog Tus Kheej:

FEMA yuav tsum txheeb xyuas qhov tseeb txog tus neeg thov li cim thawj qhia txog tus kheej nrog Tus Naj Npawb Xaus Saus (SSN) uas siv tau ua ntej lawv tuaj yeem muab tau kev pab rau.Yog tias ua ntawv thov sawv cev tam rau tus me nyuam yaus me, FEMA yuav xav tau ib daim ntawv theej txog tus me nyuam daim ntawv pov thawj hnub yug thiab ib daim ntawv theej txog tus me nyuam daim npav Xaus Saus los sis cov ntaub ntawv muab tuaj ntawm Chaw Tuav Tswj Xaus Saus (SSA).

3.Kev Tuav Pov Hwm

FEMA muaj lub luag hauj lwm los pab cov neeg uas tsis muaj kev tuav pov hwm los sis muaj kev tuav pov hwm tsis txaus.Yog tias koj tsis muaj kev tuav pov hwm rau lub tsev los sis rau tus neeg xauj tsev, yuav xam tias koj tsis muaj kev tuav pov hwm.Yog tias koj muaj qee qhov kev tuav pov hwm lub tsev los sis rau tus neeg xauj tsev tab sis tsis tau txais ntau txaus los ntawm koj daim ntawv thov kev them nqi los duav roos cov nuj nqis thiab cov kev xav tau loj heev uas raug los ntawm kev puas tsuaj, yuav xam tias koj yog tus muaj kev tuav pov hwm tsis txaus.Koj yuav tsum ceeb toom qhia rau FEMA txog ntawm kev duav roos ntawm kev tuav pov hwm tag nrho uas muaj rau koj thiab qhia txog cov ntaub ntawv ntawm koj cov ntaub ntawv kev tuav pov hwm los sis cov nyiaj uas koj tau txais rau kev kho vaj tse rau lawv.

4.Ntaub Ntawv Pov Thawj txog Kev Muaj Chaw Nyob – Cov Tswv Tsev los sis Cov Neeg Xauj Tsev

Koj yuav tsum qhia kom pom txog ntaub ntawv pov thawj uas koj ua tus tswv los sis tau nyob hauv lub tsev los sis lub chav tsev uas raug kev puas tsuaj thiab tias nws yog koj tib lub tsev los sis ib chav tsev lawm xwb.FEMA yuav tsis pab nrog cov tsev rau mus so ua si los sis cov cuab tam uas xauj nyob ncua sij hawm luv.Tsis tas muaj qhov ntaub ntawv pov thawj no rau cov neeg uas nrhiav kev pab nrog kev thauj mus los, cov nuj nqis siv rau lub ntees tuag, cov nuj nqis fab kev kho mob thiab/los sis kev kho hniav, kev zov me nyuam yaus, thiab kev pab rau kev xav tau tseem ceeb heev.

Yog tias FEMA tsis tuaj yeem txheeb xyuas qhov tseeb txog koj li kev ua tus tswv los sis kev muaj chaw nyob ntawm lub tsev, tej zaum lawv yuav kom koj muaj ntaub ntawv ntxiv.

Cov Neeg Xauj Tsev: Txhawm rau qhia kom pom txog ntaub ntawv pov thawj txog kev muaj tsev nyob, tej zaum FEMA yuav thov ib qho ntawm yam hauv qab no:

Cov Tswv Tsev: Txhawm rau qhia kom pom txog ntaub ntawv pov thawj txog kev ua tus tswv, tej zaum FEMA yuav thov ib qho ntawm yam hauv qab no:

Koj daim ntawv cog lus txog kev xauj tsev los sis daim ntawv sib pom zoo txog vaj tse nyob Cov ntawv pov thawj them-txais nyiaj txog nqi xauj tsev (Cov)Daim ntawv sau nqi dej-nqi hluav taws xob (Cov)Daim tw ntawv kev them nyiaj (Cov)Daim ntawv teev lus hais txog daim npav credit card los sis tuam txhab nyiaj Koj daim ntawv tso cai tsav tsheb, daim ID hauv xeev, los sis daim ID rau npe tus neeg muaj cai pov npav Cov lus hais ntawm tus nom tswv ua hauj lwm rau tsoom fwv Daim ntawv sau nqi los ntawm tus kws muab kev saib xyuas kho mob Cov ntaub ntawv ntawm lub koom haum pab cuam zej tsoom Daim ntawv rau npe cov tsheb Tsab ntawv los sis kev xa ntawv uas tau muab xa tuaj rau koj qhov chaw nyob tuaj ntawm tus tswv hauj lwm, tus nom tswv ua hauj lwm rau tsoom fwv, lub koom haum pab cuam zej tsoom, tsev kawm ntawv hauv zej zog los sis cheeb tsam tsev kawm, tus tswv los sis tus thawj tswj xyuas hauj lwm ntawm lub tsev txawb hauv lub vaj ncig ua si

Koj daim puav pheej los sis daim ntawv muaj cai ua tswv av Ntaub ntawv cov nyiaj qiv yuav tsev Ntaub ntawv txog kev tuav pov hwm ntawm cov tswv tsev Daim ntawv pov thawj them-txais nyiaj los sis daim ntawv sau nqi se vaj tse Daim ntav pov thawj los sis lub npe tsev uas tsim kiag tom chaw tsim tsev tuaj Daim ntawv cog lus yuav tsev Tsab ntawv faib khoom cuab yeej cuab tam thiab daim ntawv muab puav pheej kawg nkaus (nrog daim ntawv pov thawj txog kev tag sim neej) uas muaj koj npe ua tus tub uas tau niam thiab txiv teej tug Cov kev tau txais kev kho tej yam tseem ceeb los sis kev tu saib xyuas uas xam rov qab mus 5 lub xyoos ua ntej yuav muaj kev puas tsuaj Tsab ntawv uas muab npaj tom qab muaj kev puas tsuaj los ntawm lub vaj ncig ua si ntawm lub tsev txawb los sis tus thawj tswj xyuas hauj lwm los sis tus nom tswv ua hauj lwm rau tsoom fwv uas ua tau raws li FEMA cov cai

Yog tias koj tsis muaj peev xwm yuav muab tau ib qho twg ntawm cov ntaub ntawv saum toj no rau FEMA, FEMA yuav lees txais nqe lus hais ua ntawv sau uas piav qhia txog koj cov xwm txheej. Nqe lus hais yuav tsum suav nrog:

1. Qhov chaw nyob ntawm koj lub tsev uas raug kev puas tsuaj hauv qhov kev puas tsuaj no,
2. Qhov ntev ntawm lub sij hawm uas koj tau nyob hauv lub tsev uas raug kev puas tsuaj, tam li yog koj qhov chaw nyob xub thawj, ua ntej yuav muaj kev tshaj tawm txog kev puas tsuaj ntawm tus thawj tuav tswj teb chaws,
3. Koj los sis koj tus neeg koom ua ntawv thov ua ke lub npe thiab lub npe kos, thiab
4. Nqe lus hais ntsig txog kev siv zog los ntawm kev ua siab dawb paug kom tau txais ntaub ntawv thiab vim li cas koj thiaj li tsis tuaj yeem tau cov ntaub ntawv li ib txwm.

5.Cov Tub Ntxhais Kawm Ntawv

Cov tub ntxhais kawm ntawv uas nyob hauv lub tsev hauv tsev kawm ntawv txuj siab uas raug kev puas tsuaj los ntawm kev puas tsuaj yuav muaj cai tsim nyog rau IHP.Cov tub ntxhais kawm ntawv uas yog cov neeg nyob nrog ntawm lawv niam thiab txiv los sis cov neeg saib xyuas me nyuam tsis tsim nyog tau txais kev pab txog vaj tse nyob los ntawm FEMA.Li cas los xij, tag nrho txhua tus tub ntxhais kawm ntawv uas nyob hauv lub tsev nyob hauv lub tsev kawm ntawv txuj siab uas raug puas tsuaj los ntawm kev puas tsuaj tuaj yeem ua ntawv thov txog kev pab rau tej vaj tse ntiag tug los hloov tej khoom hauv lawv chav nyob los sis chav tsev.

6.Cov Neeg Nyob Hauv ntawm Cov Chaw Kho Mob Uas Muaj Kev Pab Rau Kev Ua Neej

Rau cov neeg uas nyob hauv chaw kho mob uas muaj kev pab rau kev ua neej, ntau yam ntawm koj cov kev xav tau tom qab muaj kev puas tsuaj (piv txwv li, lub tsev nyob thaum muaj kev puas tsuaj ib nyuag ntu) yuav tsum tau txais kev saib xyuas los ntawm koj lub chaw muab kev pab cuam yooj yim.Li cas los xij, rau tej yam li ntawd uas koj lub chaw pab cuam tsis duav roos, koj tuaj yeem tau txais kev pab los ntawm FEMA.Qhov no tuaj yeem yog kev pab nrog kev kho/kev hloov pauv vaj tse nyob, kev kho/kev hloov pauv tej cuab tam vaj tse ntiag tug, los sis lwm yam kev xav tau tseem ceeb heev ib qho twg uas tsis tau txais kev saib xyuas los ntawm koj lub chaw muab kev pab cuam yooj yim.

III. Kev Nkag Siab Daim Ntawv Thov Kev Pab

Lub sij hawm kawg yuav ua ntawv thov txog kev pab ntawm FEMA yog 18 lub hlis txij hnub tim ntawm tsab ntawv tshaj tawm txog kev puas tsuaj ntawm Tus Thawj Tuav Tswj Teb Chaws.

Koj tuaj yeem ua ntawv thov rau kev pab ntawm FEMA hauv peb txoj hau kev:

1. Xa daim ntawv thov kev pab hauv online,
2. Hu rau thiab ua ntawv thov nrog tus neeg sawv cev ntawm 1(800) 621-3362, los sis
3. Nrhiav thiab mus ntsib hauv FEMA lub chaw hauj lwm hauv cheeb tssam qhov chaw.

Yog tias koj xav tau kev pab txhais ntawv los pab sau koj daim ntawv thov kev pab, FEMA yuav muab cov kev pab txhais ntawv pub dawb xwb.Yog tias koj xav tau tus neeg txhais lus Hom Lus Piav Tes Mes Kas (American Sign Language, ASL), sau ntawv hauv xov tooj mus rau FEMA Tus Xov Tooj Thov Tus Neeg Txhais Lus Piav Tes Mes Kas ntawm 1(202)372-7717 rau kev pab nrog daim ntawv thov kev pab.Yog xav paub ntau ntxiv hais txog cov neeg txhais lus los sis lwm cov kev pab cuam ntsig txog hom lus, ces hu rau FEMA tus xov tooj hu dawb muab kev pab rau kev rau npe 1(800)621-3362.

Nyob rau hauv ob lub lim tiam txij thaum ua ntawv thov rau IHP, FEMA yuav tiv tauj tuaj teem sij hawm muab kev tshuaj ntsuam kom lawv thiaj li tuaj yeem txheeb xyuas qhov tseeb txog kev puas tsuaj uas koj tshaj qhia hauv koj daim ntawv thov kev pab.Hauv lub sij hawm ua kev tshuaj ntsuam, FEMA tus kws tshuaj ntsuam yuav ntsuas xyuas tej vaj tse los sis txheej txheem vaj tse uas raug puas tsuaj los ntawm kev puas tsuaj thiab yees duab cia rau FEMA coj mus tshuaj xyuas.Ua ntej kev tshuaj ntsuam yuav tiav, koj tus neeg tshuaj ntsuam yuav tsum qhia meej nrog koj tias lawv tau pom txhua yam ntawm kev puas tsuaj uas lawv tau xav pom thiab piav qhia txog cov kauj ruam tom ntej txog tus txheej txheem rau koj paub.Yog tias koj lub cev tsis tuaj yeem ua tau raws li tus neeg tshuaj ntsuam rau kev tuaj saib, koj tuaj yeem sau ntawv mus rau FEMA los tso cai rau lwm tus neeg laus tuaj koom nrog kev tshuaj ntsuam uas sawv cev tam koj tau.

Thaum koj xa koj daim ntawv thov kev pab lawm, koj tuaj yeem tiv tauj FEMA Tus Xov Tooj Muab Kev Pab (800-621-3362) los thov ntaub ntawv qhia paub hais txog koj daim ntawv thov kev pab, suav nrog tab sis tsis tas rau cov ntaub ntawv hloov kho tshiab txog qhov txheej xwm hais txog thaum uas koj yuav cia siab tau tias yuav tau txais koj li kev txiav txim siab, cov hom thiab qhov nyiaj ntawm kev pab uas tau txais rau koj, los sis cov ntaub ntawv uas yuav tsum tau muaj twg uas FEMA xav tau los ua kom tiav lawv qhov kev txiav txim siab.

Kev Tsis Lees Txais thiab Kev Thov Kom Rov Txiav Txim Dua

Yog tias koj daim ntawv thov kev pab raug tsis lees txais, tuaj yeem thov kom rov txiav txim dua txog FEMA cov kev txiav txim siab tau.Koj tuaj yeem thov kom rov txiav txim dua los ntawm kev xa cov ntawv theej ntawm cov ntaub ntawv txhawb nqa thiab tsab ntawv uas kos npe rau uas piav qhia tias vim li cas koj thiaj li ntseeg tias FEMA li kev txiav txim siab tsis raug tuaj mus.Koj muaj sij hawm ntev txog 60 hnub txij li hnub uas koj tau txais koj tsab ntawv kev txiav txim siab yuav xa koj li kev thov kom rov txiav txim dua tuaj.Thaum koj xa koj li kev thov kom rov txiav txim siab dua lawm, FEMA yuav rov ntaus nqi txog koj qhov teeb meem thiab qhia rau koj paub seb lawv puas xav tau cov ntaub ntawv txhawb nqa dab tsi ntxiv.

Cov laj thawj uas kheev pom rau kev tsis lees txais daim ntawv thov kev pab:

• Koj muaj kev tuav pov hwm lub tsev los sis rau cov neeg xauj tsev lawm: Koj daim ntawv thov kev pab yuav raug tsis kam lees txaus yog tias koj muaj kev tuav pov hwm lub tsev los sis rau cov neeg xauj tsev uas duav roos tag nrho ntawm koj cov nqi kho tsev lawm.Tej zaum koj yuav thov kom rov txiav txim dua yog tias koj qhov nyiaj them pab los ntawm kev tuav pov hwm tsis muab nyiaj pab txaus rau koj los ua kom tau raws li koj cov kev xav tau los sis koj cov nyiaj them nuj nqis rau kev ua neej ntxiv uas lawv muab rau koj ntawd tag lawm.
  • Yog tias koj lub tuam txhab tuav pov hwm tsis lees txais koj daim ntawv thov kev them nqi, tej zaum koj yuav thov kom rov txiav txim dua thiab muab tsab ntawv kev tsis lees txais los qhia pom txog ntaub ntawv pov thawj tias koj xav tau FEMA qhov kev pab.
• Koj tau tshaj qhia tias tsis muaj kev puas tsuaj rau lub tsev thaum koj tau rau npe nrog FEMA.Tej zaum koj yuav xav tau kev pab fab nyiaj txiag uas tsis tau txais kev duav roos los ntawm IHP tab sis tej zaum yuav tau txais kev duav roos hauv lwm hom ntawm FEMA qhov kev pab.
• Koj lub tsev muaj kev nyab xeeb yuav mus nyob tau: Yog tias FEMA pom tau tias koj lub tsev muaj kev nyab xeeb yuav mus nyob tau, lawv yuav tsis muab kev pab. Yog tias qhov no tsis yog lawm, piav qhia tias vim li cas rau hauv koj daim ntawv thov kom rov txiav txim dua.
• Tau muaj teeb meem txog kev txheeb xyuas qhov tseeb txog cim thawj los sis kev mus nyob: Yog tias FEMA tsis tuaj yeem ua pov thawj tau txog koj li cim thawj, tej zaum lawv yuav tsis lees txais koj daim ntawv thov kev pab. Tej zaum koj yuav thov kom rov txiav txim dua thiab xa ntaub ntawv ntxiv los pab qhia pom txog ntaub ntawv pov thawj ntawm koj li cim thawj los sis kev mus nyob.

IV. Kev Sau Daim Qauv Tsab Ntawv Thov Kom Rov Txiav Txim Dua Rau FEMA

Txhua phab ntawm tsab ntawv thiab daim ntawv uas koj xa tuaj hauv koj daim ntawv thov kom rov txiav txim dua yuav muaj cov ntaub ntawv qhia paub hauv qab no nyob saum toj kawg:

1. Koj lub npe thiab xeem
2. Koj tus naj npawb ntawv thov kev pab ntawm FEMA thiab tus naj npawb kev puas tsuaj (Koj tuaj yeem nrhiav tau koj daim ntawv thov kev pab thiab cov naj npawb kev puas tsuaj hauv phab 1 ntawm koj tsab ntawv kev txiav txim siab)
3. Koj qhov chaw nyob ntawm lub tsev uas raug kev puas tsuaj
4. Koj tus naj npawb xov tooj tam sim no

Daim Qauv Piv Txwv Ntawm FEMA Tsab Ntawv Thov Kom Rov Txiav Txim Dua:

[Neeg Ua Ntawv Thov Lub Npe]

[Naj Npawb Daim Ntawv Thov Kev Pab]

[Naj Npawb Kev Puas Tsuaj]

[Txoj Kev Qhov Chaw Nyob]

[Nroog, Xeev, Tus Zip]

[Naj Npawb Xov Tooj]

Nyob zoo txog FEMA,

Hauv Lub Ob Hlis Ntuj Tim 17, 2016, Kuv tau txais ib tsab ntawv tuaj ntawm koj qhia hais tias kuv tsis muaj cai tsim nyog tau kev pab vim tias kuv muaj kev tuav pov hwm lawm. Kuv xav thov kom rov txiav txim dua txog koj qhov kev txiav txim siab, vim tias kuv lub tuam txhab tuav pov hwm yuav tsis duav roos cov kev puas tsuaj.

Thov nrhiav kom pom txog kuv tsab ntawv kev tsis lees txais ntawm kev tuav pov hwm uas xa ua ke tuaj no uas qhia pom tias kuv tsis muaj kev duav roos ntawm kev tuav pov hwm rau kev puas tsuaj rau kuv lub tsev thiab khoom cuab tam ntiag tug uas nyob rau ntawm Txoj Kev 123 Main Street, Everytown, Virginia.

Thov tshuaj xyuas cov ntaub ntawv qhia paub uas xa tuaj ua ke no thiab rov txiav txim txog koj li kev txiav txim siab.

Ua tsaug,

[Neeg Ua Ntawv Thov Lub Npe]

[Kos Npe]

Koj tuaj yeem xa daim ntawv thov kom rov txiav txim dua hauv 4 txoj hau kev siv txawv tau:

1. Xa tsab ntawv thiab cov ntaub ntawv rhais nrog ua ke raws kev xa ntawv mus rau:
   FEMA Lub Chaw Muab Kev Pab Cuam Lis Ntaub Ntawv Hauv Teb Chaws
   P.O. Box 10055
   Hyattsville, MD
   20782-7055
2. Xa tsab ntawv thov kom rov txiav txim dua thiab cov ntaub ntawv rhais nrog ua ke raws fev mus rau 800-827-7055.
3. Koj tuaj yeem muab koj daim ntawv thov kom rov txiav txim dua rub nce rau hauv online.
4. Mus saib hauv FEMA Lub Chaw Pab Cuam Txhim Kho Kev Puas Tsuaj Kom Rov Zoo Los Li Qub los ntawm kev tsav tsheb nkag mus kiag.Nrhiav koj lub chaw pab cuam uas nyob ze tshaj plaws los ntawm kev hu rau FEMA tus xov tooj muab kev pab ntawm 800-621-3362 los sis TTY 800-462-7585, los sis los ntawm kev nkag mus hauv online.

Cov neeg ua ntawv thov kev pab tuaj yeem thov kev txiav txim plaub ntug uas mloog ob tog lus kiag tam sim ntawd tam li yog ib feem ntawm lawv daim ntawv thov kom rov txiav txim dua thaum muaj teeb meem txog kev tub sab txog daim npav cim thawj, kev ntseeg siab, kev hais txog qhov tseeb, los sis yog tias FEMA nrhiav pom tias lawv tsis tuaj yeem txiav txim siab seb yuav pom zoo los sis tsis lees txais koj daim ntawv thov kev pab los ntawm kev tshuaj xyuas koj cov ntaub ntawv nkaus xwb.Yog tias FEMA tsis lees txais koj daim ntawv thov rau kev txiav txim plaub ntug uas mloog ob tog lus kiag tam sim ntawd, lawv qhov kev txiav txim siab yog qhov kawg lawm thiab koj tsis tuaj yeem thov kom rov txiav txim dua.Lawv tseem yuav ntsuas xyuas koj qhov teeb meem los ntawm kev siv koj cov ntaub ntawv thiab tsab ntawv sau.

FEMA yuav muab kev txiav txim siab kawg txog koj daim ntawv thov kom rov txiav txim dua tsis pub dhau 90 hnub txij li tau txais koj daim ntawv thov kom rov txiav txim dua ua ntawv sau los sis tsis pub dhau 45 hnub yog tias koj tau kev txiav txim plaub ntug uas mloog ob tog lus kiag tam sim ntawd.

V. Tom Qab Tau Txais Koj Li Kev Pab

Thaum koj daim ntawv thov kev pab tau txais kev pom zoo lawm, koj yuav tsum tau txais koj cov nyiaj pab nyob hauv ob lub lim tiam.Yog tias koj teeb kom tso nyiaj ncaj qha rau hauv koj li ntaub ntawv qhia paub txog tus kheej ntawm FEMA, cov nyiaj pab yuav nyob rau hauv koj tus as khauj tsis dhau 10 hnub.Yog tias koj xaiv kom tau txais daim tshev nyiaj ntawv, nws tuaj yeem siv sij hawm ntev txog ob lub lim tiam.

Hauv koj tsab ntawv kev txiav txim siab, yuav muaj lus taw qhia raws li qhov uas koj yuav tsum tau siv koj cov nyiaj pab ntawm IHP li cas.Cov nyiaj pab rau kev puas tsuaj yuav tsum tsis txhob muab siv rau kev taug kev, kev lom zem, cov nuj nqis kev noj nyob li ib txwm, los sis cov nuj nqis twg uas tsis ntsig txog kev puas tsuaj.Yog FEMA pom tias cov nyiaj ntawm qhov nyiaj pab raug muab siv mus tsis yog, tej zaum koj yuav tsum tau them rov qab rau FEMA thiab koj tuaj yeem poob kev muaj cai tsim nyog rau kev pab ntawm tsoom fwv ntxiv hauv yav tom ntej.Txhawm rau pov thaiv koj tus kheej, khaws cov ntawv pov thawj them nyiaj li peb lub xyoos kom qhia pom txog qhov uas koj tau siv koj li kev pab ntawm FEMA li cas.

Yog tias koj tau txais kev pab rau vaj tse chaw nyob ncaj qha los ntawm FEMA, mob siab rau thaum lub sij hawm kev pab tag sij hawm.Tom qab koj tau txais vaj tse chaw nyob ib nyuag ntu, yog tias koj yuav tsum tau txuas sij hawm rau koj qhov kev nyob hauv lub vaj tse nyob ib nyuag ntu uas koj tuaj yeem thov kom tau txais kev pab txuas ntxiv mus/txuas sij hawm rau koj qhov kev pab vaj tse nyob ib nyuag ntu.Txhawm rau thov rau Kev Pab Rau Vaj Tse Nyob Ib Nyuag Ntu Txuas Mus Ntxiv, ua kom tiav “FEMA Daim Foos FF-104-FY-21-115:Daim Ntawv Thov Kev Pab txog Kev Pab Rau Vaj Tse Chaw Nyob Ib Nyuag Ntu Txuas Mus Ntxiv” thiab xa rov qab mus rau FEMA ua ke nrog cov ntaub ntawv muab kev txhawb nqa tseem cceb.

VI. Cov Chaw Muab Kev Pab Cuam

• FEMA Lub Vev Xaib:
  https://www.disasterassistance.gov/
• FEMA Cov Chaw:
  https://www.fema.gov/locations
• Daim Ntawv Thov Kev Pab txog Kev Pab Rau Vaj Tse Chaw Nyob Ib Nyuag Ntu Txuas Mus Ntxiv
  FEMA Daim Foos FF-104-FY-21-115: Daim Ntawv Thov Kev Pab txog Kev Pab Rau Vaj Tse Chaw Nyob Ib Nyuag Ntu Txuas Mus Ntxiv
• Kev Pab Txog Kev Puas Tsuaj Ntawm Red Cross thiab Cov Kev Pab Cuam Kev Txhim Kho Kom Rov Zoo Li Qub
  https://www.redcross.org/get-help/disaster-relief-and-recovery-services.html