តើវាគឺជាអ្វី?

Medi-Cal (Medicaid) ផ្តល់ការធានារ៉ាប់រងផ្នែកវេជ្ជសាស្រ្តមូលដ្ឋានសម្រាប់បុគ្គលដែលបំពេញតាមលក្ខណៈវិនិច្ឆ័យនៃប្រាក់ចំណូល និង/ឬពិការភាពជាក់លាក់។  Medi-Cal មានប្រភេទផ្សេងៗគ្នាជាច្រើន ហើយប្រភេទនីមួយៗគិតប្រាក់ចំណូលពីការងារ និងធនធានខុសគ្នា។

តើវាដំណើរការយ៉ាងដូចម្តេច?

• Medi-Cal ដែលភ្ជាប់ជាមួយប្រាក់ចំណូលសន្តិសុខបន្ថែម
  នៅពេលអ្នកទទួលបានប្រាក់ចំណូលសន្តិសុខបន្ថែម (SSI, Supplemental Security Income) អ្នកទទួលបាន Medi-Cal ដែលភ្ជាប់ជាមួយ SSI ដោយឥតគិតថ្លៃដោយស្វ័យប្រវត្តិ។ ដរាបណាអ្នកនៅតែមានសិទ្ធិទទួលបានមូលប្បទានបត្រ SSI របស់អ្នក អ្នកនឹងបន្តនៅក្នុងប្រភេទ Medi-Cal នេះ។
• Medi-Cal 1619(b)
  នៅពេលដែលមូលប្បទានបត្រ SSI របស់អ្នកថយចុះមកត្រឹមសូន្យដោយសារតែការងារ និងប្រាក់ចំណូលពីការងារ អ្នកអាចបន្តទទួលបានដោយឥតគិតថ្លៃនូវ Medi-Cal ដែលភ្ជាប់ជាមួយ SSI រហូតដល់ប្រាក់ចំណូលពីការងាររបស់អ្នកឈានដល់កម្រិតកំណត់ប្រចាំឆ្នាំ។ កម្រិតកំណត់នេះគឺខ្ពស់ជាងបន្តិចសម្រាប់បុគ្គលដែលទទួលបាន SSI ដោយសារការកំណត់និយមន័យនៃការពិការភ្នែករបស់សន្តិសុខសង្គម។ មានលក្ខណៈវិនិច្ឆ័យចំពោះសិទ្ធិទទួលបាន Medi-Cal ប្រភេទនេះ រួមទាំងដែនកំណត់ធនធាន។ ប្រាក់កម្រិតកំណត់ឆ្នាំ 2025 - $64,517 (ពិការភ្នែក- $66,542)។
• កម្មវិធីអ្នកមានពិការភាពដែលធ្វើការរបស់ Medi-Cal (250% WDP, Working Disabled Program)
  នេះគឺជាកម្មវិធីតែមួយគត់ដែលអនុញ្ញាតឱ្យប្រជាពលរដ្ឋ California ដែលមានពិការភាពរកប្រាក់បានច្រើន និងចូលប្រើ Medi-Cal ដោយបុព្វលាភប្រចាំខែដែលមានតម្លៃសមរម្យ ហើយវាថែមទាំងមានមុខងារកសាងទ្រព្យសម្បត្តិផងដែរ! កម្រិតកំណត់ប្រាក់ចំណូលពីការងារប្រចាំឆ្នាំសម្រាប់កម្មវិធីនេះក៏ផ្លាស់ប្តូរជារៀងរាល់ឆ្នាំផងដែរ។ ប្រាក់កម្រិតកំណត់ឆ្នាំ 2025 - $73,920។

ហេតុអ្វីបានជាវាសំខាន់?

មានកម្មវិធី Medi-Cal នានាដែលធានាថា អ្នកអាចរក្សាការធានារ៉ាប់រងរបស់អ្នករយៈពេលវែងខណៈពេលដែលអ្នកកំពុងធ្វើការ! អ្នកថែមទាំងអាចប្រើ Medi-Cal ជាមួយនឹងធានារ៉ាប់រងសុខភាពដែលឧបត្ថម្ភដោយនិយោជក និងជាមួយ Medicare ទៀតផង។ ប្រសិនបើអ្នកពឹងផ្អែកលើសេវាកម្មគាំទ្រ/ទ្រទ្រង់ដល់គេហឋាន (IHSS, In-Home Supportive Services) កម្មវិធី Medi-Cal ណាមួយខាងលើអាចជួយធានាថាអ្នកបន្តទទួលបានសេវាកម្មចាំបាច់ទាំងនោះ។

ត្រូវការជំនួយទាក់ទងនឹងព័ត៌មាននេះឬទេ?

លេខទូរសព្ទសាកសួរព័ត៌មាន DRC WIPA៖ 888-768-7058

សំបុត្រទៅកាន់លេខទូរសព្ទជំនួយការងារ៖ 866-968-7842

ឯកសារព័ត៌មាននេះទទួលមូលនិធិតាមរយៈកិច្ចព្រមព្រៀងសហប្រតិបត្តិការសន្តិសុខសង្គម។ ទោះបីជាខាងសន្តិសុខសង្គមបានពិនិត្យភាពត្រឹមត្រូវនៃឯកសារនេះហើយក៏ដោយ វាមិនបង្កើតបាន​ជាសេចក្ដីថ្លែងសារសន្តិសុខសង្គម​ជាផ្លូវការទេ។ យើងបោះពុម្ពឯកសារព័ត៌មាននេះដោយអ្នកជាប់ពន្ធរបស់សហរដ្ឋអាមេរិកជាអ្នកចំណាយ។