Ինչպե՞ս է TWP-ն օգնում ձեզ:

TWP-ն թույլ է տալիս ստուգել առնվազն 9 ամիս աշխատելու ձեր ունակությունը: TWP փուլը կօգնի SSDI-ի շահառուներին աշխատանքի տեղավորմանն ուղղված իրենց ջանքերում՝ թույլ տալով փորձարկել առավելագույն ներուժով աշխատելու իրենց կարողությունը՝ միևնույն ժամանակ ստանալով իրենց ամբողջական SSDI դրամական նպաստը:

Ինչպես է այն աշխատում. 

TWP-ն բաղկացած է 9, բայց ոչ պարտադիր իրար հաջորդող ամսից, 60-ամսյա (5 տարի) շարժական ժամանակահատվածի ընթացքում:

2025 թվականին, եթե ձեր համախառն ամսական եկամուտը գերազանցի $1,160-ը, դուք օգտագործել եք TWP ամիս: TWP-ի համար վաստակի չափը փոխվում է ամեն տարի: Մինչև 2025 թվականը այդ գումարն ավելի քիչ էր ։  

Կարևոր է խորհրդակցել Համայնքային աշխատանքի խրախուսման համակարգողի և Սոցիալական ապահովության վարչության (SSA, Social Security Administration) հետ՝ հասկանալու համար, թե արդյոք դուք օգտագործում եք TWP ամիսները, թե միգուցե օգտագործել եք դրանք վերջին մի քանի տարիներին: TWP-ի ինը ամիսներն օգտագործելուց հետո SSA-ը նաև կկապվի ձեզ հետ՝ վերանայելու ձեր աշխատանքային գործունեությունը: Սա կոչվում է Շարունակական հաշմանդամության վերանայում: 

Ի՞նչ է տեղի ունենում, երբ ավարտում եք ձեր TWP-ն:

Ձեր TWP-ն ավարտելուց հետո դուք սկսում եք ձեր Իրավասության երկարաձգված ժամանակահատվածը (EPE, Extended Period of Eligibility): EPE-ի ընթացքում մենք գնահատում ենք ձեր աշխատանքը և վաստակը՝ որոշելու, թե արդյոք դուք կարող եք աշխատել Էական շահութաբեր գործունեության (SGA, Substantial Gainful Activity) մակարդակում:

Այս տեղեկատվության հետ կապված օգնության կարիք ունե՞ք:

WIPA DRC-ի ընդունարանի հեռախոսահամարն է՝ 888-768-7058

Ticket to Work թեժ գիծ՝ 866-968-7842

Այս տեղեկագիրը ֆինանսավորվում է Սոցիալական ապահովության վարչության համագործակցության համաձայնագրի շրջանակներում: Չնայած Սոցիալական ապահովութան վարչությունը ստուգել է այս փաստաթղթի ճշգրտությունը, այն Սոցիալական ապահովության վարչության պաշտոնական հաղորդագրություն չէ: Այս տեղեկագիրը հրապարակվում է ԱՄՆ հարկատուների հաշվին: