Cov Peev Txheej Tsev Nyob Ua Hauj Lwm Hauv Zej Tsoom
Cov Peev Txheej Tsev Nyob Ua Hauj Lwm Hauv Zej Tsoom
CalAIM yog ib qho kev pab them nqi los ntawm koj tus kws kho mob Medi-Cal. Yog tias koj muaj kev tuav pov hwm Medi-Cal, koj tuaj yeem tsim nyog tau txais kev pab los ntawm CalAIM Community Supports.
Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.
Cov Kev Txhawb Nqa Hauv Zej Zog CalAIM
CalAIM yog ib lub khoos kas pab them nqi los ntawm koj tus neeg muab kev pab cuam ntawm Medi-Cal. Yog tias koj muaj kev tuav pov hwm ntawm Medi-Cal, koj tuaj yeem muaj cai tau txais kev pab los ntawm Cov Kev Txhawb Nqa Hauv Zej Zog Ntawm CalAIM. Qee qhov kev pab cuam uas lawv muab suav nrog:
- Cov Kev Pab Cuam Rau Kev Coj Kev Rau Kev Hloov Pauv Tsev Nyob - Pab koj nrhiav kev pab rau koj cov kev xav tau tsev nyob. Qhov no tuaj yeem suav nrog kev nrhiav tsev nyob yog tias koj tsis muaj tsev nyob los sis muaj kev pheej hmoo ntawm kev tsis muaj tsev nyob.
- Cov Kev Pab Cuam Rau Kev Xauj Tsev Nyob thiab Kev Kho Tsev Nyob - Pab koj tuav tswj lub tse nyob kom nyab xeeb thiab ruaj khov thaum koj muaj chaw nyob lawm. Tej zaum cov kev pab cuam yuav suav nrog kev cob qhia, kev kawm, thiab kev cob qhia. Koj kuj tseem tuaj yeem tau txais kev txhawb nqa nrog koj lub luag hauj lwm, cov cai, thiab cov txiaj ntsig tam li tus neeg xauj tsev.
- Kev Hloov Kho Txhawm Rau Kom Nkag Mus Tau Rau Ib Puag Ncig (Kev Hloov Kho Tsev) - Pab koj hloov kho koj lub tsev kom ntseeg tau tias koj noj qab haus huv, kev noj qab nyob zoo, thiab muaj kev nyab xeeb. Cov kev hloov pauv no tuaj yeem pab kom koj tus kheej nyob hauv tsev tau zoo dua.
- Cov Nyiaj Tso Cia Rau Tsev Nyob - Muab kev pab cuam cov nyiaj tso cia rau tsev nyob thiab lwm yam kev pab cuam los pab koj npaj lub tsev.
Txhawm rau pib, thov hu rau koj tus neeg muab kev pab cuam rau kev tuav pov hwm ntawm Medi-Cal thiab qhia rau lawv tias koj xav sau npe.
Nias qhov no txhawm rau nrhiav cov ntaub ntawv tiv tauj rau koj tus neeg muab kev pab cuam
CalWORKS
CalWORKs pab nyiaj ntsuab los them nqi xauj tsev, tsev nyob, khoom noj, khaub ncaws, nyiaj them kho mob, thiab khoom siv hluav taws xob rau cov tsev neeg uas muaj yam tsawg kawg ib tus me nyuam nyob hauv tsev. Cov tsev neeg uas thov thiab tsim nyog tau txais kev pab tsis tu ncua tau txais nyiaj txhua hli los pab them nqi tsev, khoom noj thiab lwm yam nuj nqis uas tsim nyog. Cov Kev Pab Cuam uas tej zaum yuav muaj rau koj muaj xws li:
- Nyiaj pab thaum xwm txheej ceev
- Kev txhawb nqa fab tsev nyob
- Cov kev pab cuam rau kev ntiav ua hauj lwm
- Kev saib xyuas me nyuam yaus
- Kev pab fab kev kawm
- Cov kev pab cuam rau kev noj qab haus huv fab hlwb kev xav
- Kev txhawb nqa fab kev siv yeeb tshuaj muaj yees
- Kev txhawb nqa fab kev tsim txom hauv tsev nyob
Nias rau qhov no txhawm rau thov
Lub Lab Npauv Kev Nkag Mus Siv Tau Ua Ke (CES, Coordinated Entry System)
Lub lab npauv kev nkag mus siv tau ua ke pab cov tib neeg uas tsis muaj tsev nyob los sis muaj kev pheej hmoo ntawm kev tsis muaj tsev nyob kom pom cov kev xaiv tsev nyob xws li vaj tse nyob ruaj khov, tsev nyob ib ntus, thiab chaw nyob. Lawv kuj tseem tuaj yeem txuas rau cov kev pab cuam xws li kev pab fab kev ntiav ua hauj lwm, kev txhim kho kev txawj ua neej nyob, thiab cov kev xav tau uas yooj yim.
Koj yuav tsum hu rau 2-1-1 kom tau txais kev qhia mus rau Lub Lab Npauv Kev Nkag Mus Siv Tau Ua Ke. Lawv lub xov tooj maj ceev muab kev pab cuam hauv 24/7, 7 hnub hauv ib lub lim tiam.
Lub Khoos Kas Tsev Nyob Nyab Xeeb
Tsev Nyob Nyab Xeeb muab kev txhawb nqa cov neeg uas muaj hnub nyoog 60 nce mus, nrog rau cov neeg laus nyob nrog, uas tab tom ntsib kev tsis muaj tsev nyob los sis ntsib kev pheej hmoo ntawm kev tsis muaj tsev nyob. Tsev Nyob Nyab xeeb muaj ntau lub tswv yim los daws thiab tiv thaiv kev tsis muaj tsev nyob thiab txhawb nqa kev ruaj ntseg rau lub tsev nyob rau cov qhua ntawm Cov Kev Pab Cuam Tiv Thaiv Tus Neeg Laus (APS, Adult Protective Service), suav nrog kev tswj hwm qhov xwm txheej uas hnyav ntsig txog tsev nyob, kev pab nyiaj txiag ntsig txog tsev nyob, kev tu vaj tse kom nyab xeeb, tiv thaiv kev ntiab tawm, kev hais sib kho rau tus tswv tsev, thiab lwm yam.
Koj tuaj yeem hu rau tus naj npawb txais APS rau koj lub cheeb tsam nroog hauv zos kom pom tias koj tsim nyog rau lub khoos kas Tsev Nyob Nyab Xeeb. Thaum hu mus, nug txog tias “Lub Khoos Tsev Nyob Nyab Xeeb (Home Safe Program)”.
Nias ntawm no txhawm rau nrhiav koj Lub Cheeb Tsam Nroog Lub Chaw Hauj Lwm Hauv Zos
Yog tias koj nrhiav tsis tau tus xov tooj rau koj lub chaw ua hauj lwm APS ntawm cheeb tsam nroog, thov hu rau 833-401-0832 thiab thaum nug ces sau koj tus zauv ZIP.
Lub Khoos Kas Txhawb Pab Fab Tsev Nyob thiab Kev Xiam Oob Qhab (HDAP, Housing and Disability Advocacy Program)
Lub khoos kas no pab cov neeg uas tab tom ntsib los sis muaj kev pheej hmoo ntawm kev tsis muaj tsev nyob thiab cov uas yuav tsim nyog tau txais txiaj ntsig kev xiam oob qhab. Lawv muab kev txhawb pab los txhawb nqa rau cov txiaj ntsig fab kev xiam oob qhab nrog rau tsev nyob. Qee qhov kev pab cuam uas lawv muab muaj xws li:
- Kev Tswj Hwm Teeb Meem
- Kev txhawb pab cov txiaj ntsig rau tus neeg xiam oob qhab
- Kev pab fab tsev nyob
Lub Chaw Rau Kev Ua Neej Nyob Ywj Pheej (ILC, Independent Living Center)
Txhua lub cheeb tsam nroog muaj ILC uas muab kev pab cuam rau cov neeg uas muaj kev xiam oob qhab. Nws txawv ntawm cov kev pab cuam uas lawv tuaj yeem muab tau, tab sis cov piv txwv yog Kev Coj Kev Fab Tsev Nyob, Kev Txhawb Nqa Ntawm Phooj Ywg, Kev Sab Laj Txog, Kev Txhawb Pab, Cov Kev Txawj Rau Kev Ua Neej Nyob Ywj Siab, Kev Ntiav Ua Hauj Lwm, thiab Thev Naus Laus Zis Pab.
Nias ntawm no txhawm rau nrhiav ILC uas nyob ze tshaj plaws hauv koj cheeb tsam
Kev Pab Fab Tsev Nyob Rau Pej Xeem (Cov Npav Txo Nqi Rau Kev Xaiv Tsev Nyob thiab Kev Pab Fab Tsev Nyob Raws Tshooj 8)
Yog tias koj xav tau kev pab fab tsev nyob rau pej xeem los sis xav tau cov ntaub ntawv tshwj xeeb txog cov kev pab fab tsev nyob rau pej xeem xws li cov npav txo nqi rau kev xaiv tsev nyob los sis Tsev Nyob Raws Tshooj 8, thov tiv tauj rau koj Lub Chaw Saib Xyuas Tsev Nyob Rau Pej Xeem hauv zos.
Nias ntawm no txhawm rau nrhiav koj Li Ntaub Ntawv Tiv Tauj Hauv Zos
Cov Khoos Kas Tiv Thaiv Cov Neeg Tsis Muaj Tsev Nyob
Qee lub cheeb tsam nroog muaj Lub Khoos Kas Tiv Thaiv Cov Neeg Tsis Muaj Tsev Nyob, xws li Cheeb Tsam Nroog Los Angeles thiab Cheeb Tsam Nroog Santa Clara. Cov khoos kas tiv thaiv cov neeg tsis muaj tsev nyob tuaj yeem pab nrog cov kev pab cuam xws li:
- Kev pab fab nyiaj txiag
- Kev txhawb nqa fab kev cai lij choj
- Kev tswj hwm teeb meem
- Kev sab laj txog kev txhawb pab
Koj tuaj yeem nrhiav " Lub Khoos Kas Tiv Thaiv Cov Neeg Tsis Muaj Tsev Nyob Ntawm [koj cheeb tsam nroog]" (Homeless Prevention Program) hauv google kom pom seb muaj dab tsi muab kev pab cuam nyob ze koj.