Medi-Cal (Medicaid) - Cov Nyiaj Khwv Tau Ntxiv Rau Kev Ruaj Ntseg
Medi-Cal (Medicaid) - Cov Nyiaj Khwv Tau Ntxiv Rau Kev Ruaj Ntseg
Medi-Cal (Medicaid) muab kev pab kho mob yooj yim rau cov tib neeg uas ua tau raws li cov nyiaj tau los thiab/lossis cov kev tsis taus. Muaj ntau ntau pawg ntawm Medi-Cal, thiab txhua tus saib xyuas cov nyiaj tau los thiab cov peev txheej sib txawv.
Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.
Nws yog dab tsi?
Medi-Cal (Medicaid) muab kev pab duav nqi kho mob theem pib rau cov tib neeg uas ua tau raws li tus qauv cov nyiaj tau los thiab/los sis cov kev xiam oob qhab. Muaj ntau pawg sib txawv ntawm Medi-Cal, thiab txhua qhov ua rau cov nyiaj tau los thiab cov chaw muab kev pab cuam sib txawv.
Nws ua hauj lwm li cas?
- Cov Nyiaj Tau Los Ntxiv Rau Kev Ruaj Ntseg-Txuas Rau Medi-Cal
Thaum koj tau txais Cov Nyiaj Khwv Tau Ntxiv Rau Kev Ruaj Ntseg (SSI, Supplemental Security Income), koj tau txais SSI-txuas Medi-Cal dawb. Tsuav koj tseem tsim nyog tau txais koj daim tshev SSI txuas ntxiv, koj tseem yuav nyob rau hauv pawg Medi-Cal no ntxiv mus. - Medi-Cal 1619(b)
Thaum koj daim tshev SSI txo qis mus rau xoom vim kev ua hauj lwm thiab cov nyiaj tau los, koj tuaj yeem tau txais SSI-txuas Medi-Cal pub dawb mus ntxiv kom txog thaum koj cov nyiaj tau los mus txog tus qauv txhua xyoo. Tus qauv yog siab dua me ntsis rau cov tib neeg uas tau txais SSI vim yog Xaus Saus lub ntsiab lus ntawm qhov muag tsis pom kev. Muaj tus qauv tsim nyog rau hom Medi-Cal no, suav nrog kev txwv cov chaw muab kev pab cuam. Tus nqi qauv 2025- $64,517 (Neeg Dig Muag- $66,542). - Medi-Cal Lub Khoos Kas Pab Cuam Kev Ua Hauj Lwm Rau Cov Neeg Xiam Oob Qhab (250% WDP, Working Disabled Program)
Nov yog ib lub khoos kas tshwj xeeb uas tso cai rau cov neeg xiam oob qhab hauv California tau nyiaj ntau thiab nkag mus rau Medi-Cal rau tus nqi tuav pov hwm pheej yig txhua hli, thiab nws tseem muaj cov cuab yeej cuab tam thiab! Cov nyiaj khwv tau los txhua xyoo rau lub khoos kas no kuj tseem hloov txhua xyoo thiab. Tus nqi qauv 2025 - $73,920.
Vim li cas nws thiaj tseem ceeb?
Muaj cov khoos kas Medi-Cal uas ua kom ntseeg tau tias koj muaj peev xwm khaws koj cov kev pab duav roos ncua ntev thaum koj ua hauj lwm! Koj tseem tuaj yeem siv Medi-Cal nrog kev tuav pov hwm kev noj qab haus huv ntawm chaw ua hauj lwm thiab nrog Medicare. Yog tias koj tso siab rau Cov Kev Pab Cuam Txhawb Nqa Hauv Tsev (IHSS, In-Home Supportive Services), ib qho ntawm Medi-Cal cov kev khoos kas pab cuam saum toj no tuaj yeem pab ua kom ntseeg tau tias koj muaj kev nkag tau mus rau cov kev pab cuam tsim nyog.
Puas Xav Tau Kev Pab rau Cov Ntaub Ntawv no?
DRC WIPA tus nab npawb xov tooj: 888-768-7058
Ticket to Work Tau Daim Pib Ua Hauj Lwm: 866-968-7842
Daim ntawv qhia txog qhov tseeb no tau txais nyiaj los ntawm daim ntawv cog lus koom tes hauv Xaus Saus. Txawm hais tias Xaus Saus tau tshuaj xyuas cov ntaub ntawv no kom raug los xij, nws tsis yog kev sib txuas lus Xaus Saus yam raug cai. Peb tshaj tawm daim ntawv qhia txog qhov tseeb no ntawm US cov nqi them se.