Ano ang Programa na HIV/AIDS Medi-Cal Waiver?

Ang Programa na HIV/AIDS Medi-Cal Waiver (ang “AIDS Waiver”) ay nagkakaloob ng pangangasiwa ng kaso at direktang mga serbisyo sa mga taong namumuhay na may HIV/AIDS bilang isang alternatibo sa pangangalaga sa nursing facility o pagpapa-ospital. Maaari mong gamitin ang serbisyong ito para tulungan kang manatili sa bahay, o makauwi mula sa isang pasilidad.

Sino ang karapat-dapat?

Ang mga indibidwal na karapat-dapat ay dapat:

• Mayroong nakasulat na diyagnosis ng sakit na HIV o AIDS mula sa kanyang primary care provider; at
• May kalagayang nagiging karapat-dapat ang kalusugan para gawing angkop ang pangangalaga sa bahay; at 
• Maging karapat-dapat sa Medi-Cal sa petsa ng pagpapatala at bawat buwan pagkatapos noon; at
• Mapatunayang natutugunan ang Lebel ng Pangangalaga ng Nursing Facility o mas mataas at iskor na 60 o mas mababa gamit ang kasangkapang Cognitive and Functional Ability Scale Assessment.

Anu-anong uri ng serbisyo ang nakalaan sa ilalim ng waiver na ito?

• Pangangasiwa ng kaso ng nurse at gawaing panlipunan
• Mga serbisyong pang-maybahay tulad ng paghahanda ng pagkain at palagiang ginagawang pangangalaga sa pamamahay, pamimili ng grocery, atbp.
• Pangangalaga ng tagapaglingkod
• Hindi lubhang mahalagang mga pisikal na pag-angkop sa bahay tulad ng mga rampa, barang hawakan, pagpapalapad ng mga pintuan, atbp.
• Isina-espesyal na kagamitang medikal/mga supply na pangmedikal
• Dalubhasang pangangalaga (nursing) – RN/LVN
• Psychotherapy
• Tulong hinggil sa pananalapi para sa mga bata/sanggol sa ampunan
• Pagpapayo hinggil sa nutrisyon
• Hindi emergency na transportasyong pangmedikal
• Mga pagkaing hinahatid sa iyong bahay

Karagdagang Impormasyon:

Ang mga serbisyo ng AIDS Waiver ay ipinagkakaloob nang walang gastos sa kliyente, gayunman ang mga indibidwal na may share of cost ng Medi-Cal ay dapat matugunan ang share of cost na iyon bawat buwan para maging karapat-dapat sa mga serbisyo. Mayroong $25,727 kada taong limit ng gastos na nagkabisa noong Enero 1, 2017.

Ang mga indibidwal ay MAAARING HINDI sabay-sabay na maitala o makatanggap ng mga serbisyo mula sa alinman sa mga sumusunod na programa: Medi-Cal Hospice Program; mga serbisyo ng pangangasiwa ng kaso ng State Plan; Pinupuntiryang pangangasiwa ng kaso para madagdagan ang AIDS Waiver; o iba pang Medi-Cal Home at Community-Based Services Waiver.

Ang mga indibidwal ay MAAARING sabay-sabay na maipatala sa Medicare Hospice.

Ang mga ahensya ng AIDS Waiver ay maaaring magkaloob ng karagdagang impormasyon hinggil sa pagkanararapat at mga serbisyo ng programa, pagpapatala, at ang direktang probisyon ng mga serbisyo ng pangangasiwa ng kaso ng isang nurse at social worker. Kung hindi ka karapat-dapat para sa AIDS Waiver, maaari kang maging karapat-dapat sa ibang programa sa loob ng parehong ahensya o sa pinagmulang ahensya nito. Para sa isang listahan ng mga ahensya ayon sa county tingnan sa ibaba.  Para sa ibang mapagkukunan tingnan ang https://www.cdph.ca.gov/Programs/CID/DOA/Pages/OA_care_mcwp.aspx.

Para sa impormasyon tungkol sa pagkuha ng mga Serbisyo ng AIDS Waiver, maaari mong tawagan ang ahensya ng iyong county, na nakalista sa ibaba.  Kung kailangan mo ng impormasyon tungkol sa pag-a-apply para sa Medi-Cal, maaari kang pumunta sa http://www.dhcs.ca.gov/services/medi-cal/Pages/ApplyforMedi-Cal.aspx

MGA PROVIDER NG AIDS WAIVER

California Department of Public Health
Office of AIDS, HIV Care Branch