ກົດໝາຍ Affordable Care Act (ACA) (ຍັງ​ເອີ້ນ​ວ່າ Obamacare) ​ໄດ້​ເພີ່ມ​ຈຳນວນ​ຄົນ​ຜູ້​ທີ່​ສາມາດ​ໄດ້​ຮັບ Medicaid (Medi-Cal ​ໃນ​ລັດ​ຄາ​ລິ​ຟໍ​ເນັຍ). “Medi-Cal ຂະຫຍາຍ​ສຳລັບ​ຜູ້​ໃຫຍ່” ຫຼື Medi-Cal ສຳລັບ “ຜູ້​ໃຫຍ່​ທີ່​ບໍ່​ມີ​ລູກ” ​ແມ່ນ​ສ່ວນ​ໜຶ່ງ​ຂອງ​ສິ່ງ​ທີ່​ດຽວ​ນີ້​ເອີ້ນ​ວ່າ “MAGI” Medi-Cal ພາຍ​ໃຕ້​ກົດໝາຍ ACA.  “MAGI” Medi-Cal ໝາຍ​ເຖິງ​ໂຄງການ Medi-Cal ​ໃດໆ​ກໍ​ຕາ​​ມທີ່​ໃຊ້ MAGI (ລາຍ​ຮັບ​ລວມຍອດ​ທີ່​ດັດປັບ​ແລ້ວ) ​ເພື່ອຕັດສິນ​ກຳນົດ​ການ​ມີ​ສິດ​ທາງ​ການ​ເງິນ​ສຳລັບ Medi-Cal.

ໃຜ​ມີ​ສິດ​​ໄດ້​ຮັບ Adult Expansion Medi-Cal?

ທ່ານ​ສາມາດ​​ໄດ້​ຮັບ Medi-Cal ພາຍ​​ໃຕ້​ໂຄງການ Adult Expansion Medi-Cal ​ໃໝ່​​ໄດ້​ຖ້າ:

• ​ທ່ານ​ມີ​ອາຍຸ​ລະຫວ່າງ 19 ຫາ 64 ປີ;
• ລາ​ຍຮັບ MAGI ​ຕໍ່າ​ກວ່າ 138% ຂອງ​ລະດັບ​ຄວາມທຸກ​ຍາກ​ຂອ​ງລັດຖະບານ​ກາງ (FPL);1
• ທ່ານ​​ບໍ່​ຖືພາ;
• ທ່ານ​ບໍ່​ໄດ້​ຮັບ Medicare;
• ທ່ານ​ບໍ່​ມີ Medi-Cal ​ໂດຍ​ບໍ່​ມີຄ່າ​ຮ່ວມ​ຈ່າຍ​ຢູ່​ແລ້ວ.

ຂ້ອຍ​ຈະ​ຮູ້​ໄດ້​ແນວ​​ໃດ​ວ່າ​ລາຍ​ຮັບ MAGI ຂອງຂ້ອຍ​ຕໍ່າ​ກວ່າ 138%?2

ທ່ານ​ບໍ່​ຈຳ​ເປັນ​ຕ້ອງ​ຄິດ​ໄລ່​ດ້ວຍ​ຕົນ​ເອງ.  ທ່ານ​ສາມາດ​ຍື່ນ “ຄຳ​ຮ້ອງ​ສະໝັກ​ທີ່​ງ່າຍດາຍ​ອັນ​ດຽວ” ສຳລັບ MAGI Medi-Cal ຜ່ານ Covered California, ຫ້ອງການ Medi-Cal ​ປະຈຳ​ເຂດ​ປົກຄອງ ຫຼື ສະຖານ​ທີ່​ອື່ນ​ຫຼາຍ​ແຫ່ງ.  ​ທ່ານ​ສາມາດ​ຍື່ນ​ຄຳ​ຮ້ອງສະໝັກ​ທີ່​ງ່າຍດາຍ​ອັນ​ດຽວ​ທາງ​ອອນ​ລາຍ​ໄດ້​ໃນ​ເວັບ​ໄຊຂອງ Covered California.  ຖ້າ​ທ່ານ​ຍື່ນ​ຂໍ​ເງິນ​ຊ່ວຍ​ເຫຼືອ​ໃນ​ເວັບ​ໄຊ Medi-Cal ຂອງ​ເຂດ​ປົກ​ຄອງ, ມັນ​ຈະ​ນຳ​ທ່ານ​ໄປ​ຫາ​ເວັບ​ໄຊ Covered California ​ເພື່ອ​ໃຫ້​ທ່ານ​ສາມາດ​ສະໝັກ​ຂໍ​ເອົາ MAGI Medi-Cal. 

​ມີ​ກົດ​ລະບຽບ​ກ່ຽວກັບ​ວ່າ​ຂ້ອຍ​ສາມາດ​ມີເງິນ ຫຼື ຊັບ​ສິນ​ຫຼາຍປານ​ໃດ​ ​ແຕ່ຍັງ​ໄດ້​ຮັບ Medi-Cal ຂະຫຍາຍ​ສຳລັບ​ຜູ້​ໃຫຍ່​ບໍ?

ມີ, ​ແຕ່​ພວກ​ມັນ​ແຕກຕ່າງ​ຈາກ Medi-Cal ກ່ອນ​ກົດໝາຍ ACA. Medi-Cal ກ່ອນ​ກົດໝາຍ ACA ມີ​ຂໍ້​ຈຳກັດ​ທີ່​ເຄັ່ງ​ຄັດ​ຫຼາຍຕໍ່​ກັບ​ວ່າ​ທ່ານ​ສາມາດ​ມີ​ລາຍ​ຮັບ ​ແລະ ຊັບສິນ​ຫຼາຍປານ​ໃດ.  MAGI Medi-Cal ​ໃຊ້​ວິທີ​ທີ່​ແຕກ​ຕ່າງ​​ໃນ​ກາ​ນຄິດ​ໄລ່​ລາຍ​ຮັບ ​ແລະ ອະນຸຍາດ​ໃຫ້​ບຸກຄົນ​ໜຶ່ງ​ມີ​ລາຍ​ຮັບ MAGI ​ສູງເຖິງ $16,242 ຕໍ່​ປີ.  ນັ້ນ​ເທົ່າ​ກັບ 138% ຂອງ​ລະດັບ​ຄວາມທຸກ​ຍາກ​ຂອ​ງລັດຖະບານ​ກາງ.  ​ແນວ​ໃດ​ກໍ​ຕາມ, ພາຍ​ໃຕ້ MAGI Medi-Cal, ບໍ່​ມີ​ຂໍ້​ຍົກ​ເວັ້ນ ຫຼືການ​ຕັດ​ລາຍ​ຮັບ​ອື່ນ​ອອກ​ນອກຈາກ​ການ​ຕັດ​ອອກ​ສອງ​ສາມ​ຢ່າງ​ທີ່​ໃຊ້​ເພື່ອ​ຕັດສິນ​ກຳນົດ​ຈຳນວນ​ລາຍ​ຮັບ MAGI.  ​ແລະ, ​ແຕກ​ຕ່າງ​ຈາກ Medi-Cal ກ່ອນ​ກົດໝາຍ  ACA ບໍ່​ມີ ການ​ກວດ​ສອບ​ຊັບ​ສິນ​ສຳລັບ MAGI Medi-Cal.3 ນີ້​ໝາຍ​ຄວາມ​ວ່າ​ທ່ານ​ສາມາດ​ມີຫຼາຍກວ່າ​ຂີດ​ກຳນົດ​ດ້ານ​ຊັບພະຍາກອນ $2,000 ຕໍ່​ຄົນ/3,000 ຕໍ່​​ຄູ່​ຜົວ​ເມຍຂອງ Medi-Cal4 ກ່ອນ ACA.

ຈຳ​ເປັນ​ແນວ​ໃດຖ້າ​ຂ້ອຍ​ມີຄ່າ​ຮ່ວມ​ຈ່າຍ​ Medi-Cal ​ໃນ​ຕອນ​ນີ້?  ຂ້ອຍ​ສາມາດ​ປ່ຽນ​ເປັນ Medi-Cal ຂະຫຍາຍ​ສຳລັບ​ຜູ້​ໃຫຍ່​ໄດ້​ບໍ?

​​​ໄດ້.  ທ່ານ​ສາມາ​ດຕິດ​ຕໍ່​ຫາ​ຫ້ອງການ Medi-Cal ປະຈຳ​ເຂດ​ປົກຄອງ​ຂອງ​ທ່ານ ​ແລະ ຮ້ອ​ງຂໍ​ໃຫ້​ພວກ​ເຂົາ​ກວດ​ເບິ່ງ​ວ່າ​ດຽວ​ນີ້​ທ່ານ​ມີ​ສິດ​ໄດ້​ຮັບ MAGI Medi-Cal ​ໂດຍ​ບໍ່​ມີ​ການ​ຮ່ວມ​ຈ່າຍ​ຫຼືບໍ່.  ​ນອກ​ນັ້ນ ​ເຂດ​ປົກຄອງ​ຈະ​ກວດ​ເບິ່ງ​ວ່າທ່ານ​ມີ​ສິດ​ໄດ້​ຮັບ MAGI Medi-Cal ຫຼືບໍ່ ​ໃນ​ເວລາ​ເຮັດ​ການ​ກຳນົດການ​ມີ​ສິດ​ຄືນ​ໃໝ່​ໃນ​ທຸກໆ​ປີສຳລັບ​ທ່ານ.  ​ເຂດ​ປົກຄອງ​ຈະ​ໃຫ້ MAGI Medi-Cal ​ແກ່​ທ່ານ​ຖ້າ​ທ່ານ​ມີ​ສິດ​ໄດ້​ຮັບ​ມັນ.

ການ​ບໍລິການ​ຫຍັງ​ແດ່​ທີ່​ຂ້ອຍ​ສາມາດ​ໄດ້​ຮັບ​ດ້ວຍ Medi-Cal ຂະຫຍາຍ​ສຳລັບ​ຜູ້​ໃຫຍ່?

ທ່ານ​ສາມາດ​ດ້ຮັບ​ທຸກ​ການ​ບໍລິການ​ທີ່​ມີ​ໃຫ້​ພາຍ​ໃຕ້ Medi-Cal ປົກກະຕິ ​ເຊິ່ງລວມມີ ສະຖານ​ພະຍາບານ, ການ​ບໍລິການ​ຊ່ວຍ​ເຫຼືອຢູ່​ເຮືອນ (IHSS), ​ແລະ​ການ​ບໍລິການ​ດູ​ແລ​ໄລຍະ​ຍາວ​ອື່ນ, ​ໂດຍ​ບໍ່​ມີ ການ​ກວດ​ສອບ5 ຊັບ​ສິນ. ນອກ​ນັ້ນ, ທ່ານ​ສາມາດ​​ໄດ້​ຮັບ​ການ​ບໍລິການ​ກ່ຽວ​ກັບການ​​ໃຊ້​ສານ​ເສບຕິດ ​ແລະ ການ​ບໍລິການສຸຂະພາບ​ຈິດ​ຈາກ​ແຜນການ​ດູ​ແລ​ແບບ​ມີ​ການ​ຄຸ້ມ​ຄອງ​ຂອງ Medi-Cal ​ແລະ ຈາກສຸຂະພາບ​ຈິດ/ ສຸຂະພາບ6 ພຶດຕິ​ກຳ​ຂອງ​ເຂດ​ປົກຄອງ ຖ້າ​ທ່ານ​ຕ້ອງການ​ການ​ບໍລິການ​ຍົກ​ເວັ້ນທີ່​ອີງ​ໃສ່​ເຮືອນ ​ແລະ ຊຸມ​ຊົນ (HCBS) ທ່ານ​ສາມາດ​ສະໝັກຂໍ​ເອົາ Medi-Cal ກ່ອນ​ກົດໝາຍ ACA ຜ່ານ​ຫ້ອງການ Medi-Cal ປະຈຳ​ເຂດ​ປົກຄອງ​ນັ້ນ​ໄດ້.  ທ່ານ​ສາມາດ​ເຮັດ​ສິ່ງ​ນີ້​ໂດຍ​ການປະກອບ ​ແບບ​ຟອມ7 SAWS 2 Plus

ມີ​ແຫຼ່ງ​ຄວາມ​ຊ່ວຍ​ເຫຼືອ​ໃດ​ແດ່​ຖ້າ​ຂ້ອຍ​ມີ​ຄຳ​ຖາມ​​ເ​ພີ່​ມ​ເຕີມ?

ຢູ່​ສ່ວນ​ລຸ່ມ​ຂອງ​ເອກະສານ​ນີ້, ພວກ​ເຮົາ​ໄດ້ສ້າງ​ລາຍ​ຊື່​ແຫຼ່ງຄວາມ​ຊ່ວຍ​ເຫຼືອທາງອິນ​ເຕີ​ເນັດ​ທີ່​ອາດ​ຈະ​ເປັນ​ປະ​ໂຫຍ​ດ​ໃນ​ການ​ເຮັດ​ການສຶກສາ​ຄົ້ນຄວ້າ​ເພີ່ມ​ເຕີມ.  ນອກ​ນັ້ນ, ໜ່ວຍ​ງານ Medi-Cal ​ໃນ​ເຂດ​ປົກຄອງ​ຂອງ​ທ່ານ, http://www.dhcs.ca.gov/services/medi-cal/Pages/CountyOffices.aspx, ​ແລະ Covered California, www.coveredca.com, 1-800-300-1506, ສາມາດ​ຕອບ​ຄຳ​ຖາມ​ຕ່າງໆ​ໄດ້.

ອົງການ​ຕໍ່​ໄປ​ນີ້​ສາມາດ​ຊ່ວຍ​ເລື່ອງ​ການສົ່ງ​ເສີມ​ສະໜັບສະໜູນ​​ໄດ້:

• Disability Rights California, www.disabilityrightsca.org, 10800-776-5746, or
• ອົງການ​ບໍລິການ​ທາງ​ກົດໝາຍ​ໃນ​ທ້ອງ​ຖິ່ນ​ຂອງ​ທ່ານ. The Health Consumer Alliance ລະບຸ​ລາຍ​ຊື່​ຂອງ​ອົງການ​ເຫຼົ່ານີ້​ຢູ່ http://healthconsumer.org/index.php?id=partners.

• 1. ສູນ​ກົດໝາຍ​ວ່າ​ດ້ວຍ​ພົນລະ​ເມືອງ​ຜູ້​ສູງ​ອາຍຸ​ແຫ່ງ​ຊາດ​​ໄດ້​ຂຽນບົດ​ຄວາມ​ຫຍໍ້​ກ່ຽວ​ກັບ​ບັນຫາ​ທີ່​ເປັນ​ປະ​ໂຫຍ​ດ​​ກ່ຽວ​ກັບ​ການ​ຂະຫຍາຍ Medicaid ​ໃນ​ລັດ​ຄາ​ລິ​ຟໍ​ເນັຍ ​ເຊິ່ງ​ກ່າວ​ເຖິງ​ການ​ມີ​ສິດ​ດ້ານ​ລາຍ​ຮັບ.  ​ເບິ່ງ http://nsclcarchives.org/wp-content/uploads/2013/11/1CA-Eligibility-Bri… “ສູດ​ຄິດ​ໄລ່ MAGI ບໍ່​ນັບ​ລາຍ​ຮັບ​ສະ​ເພາະ ​ເຊິ່ງລວມມີ ​ເງິນ​ຊ່ວຍ​ເຫຼືອນັກຮົບ​ເກົ່າ, ​ເງິນ​ຄ່າ​ລ້ຽງ​ລູກ​ທີ່​ໄດ້​ຮັບ ​ແລະ ທຶນ​ການ​ສຶກສາ, ​ເງິນ​ຊ່ວຍ​ເຫຼືອລ້າ ​ແລະ ລາງວັນ​ທີ່​ໃຊ້​ສຳລັບ​ຈຸດປະສົງ​ທາງ​ການ​ສຶກສາ ​ເປັນ​ຕົ້ນ. Medi-Cal ຂະຫຍາຍ​ຈະ​ອະນຸຍາດ​ການ​ຕັດ​ລາຍ​ຮັບ​ອື່ນອອກ​ທີ່​ບໍ່​ໄດ້​ຮັບ​ອະນຸຍາດ​ພາຍ​ໃຕ້​ການ​ຄິດ​​ໄລ່​ລາຍ​ຮັບ Medi-Cal ​ແບບ​ເກົ່າ ​ເຊິ່ງລວມມີ ​ເງິນ​ຄ່າ​ລ້ຽງ​ຄູ່​ສົມລົດ​ທີ່​ຈ່າຍ ​ແລະ ​ເງິນ​ປະກອບສ່ວນ​ກ່ອນ​ເສຍ​ອາກອນ​ສຳລັບ​ລາຍ​ຈ່າຍ​ຕ່າງໆ ​ເຊັ່ນ​ວ່າ​ຄ່າ​ການ​ດູ​ແລ​ເດັກ ຫຼື ​ເງິນ​ກະສຽນ​ວຽກ ​ເປັນ​ຕົ້ນ (​​ເຖິງ​ແມ່ນວ່າ ​ໃນ​ທາງ​ກົງກັນຂ້າມ, ມັນ​ຈະ​ບໍ່​ອະນຸຍາດ​ການ​ຕັດ A&D FPL ປົກກະຕິ​ສຳລັບ​ເບ້ຍ​ປະກັນ​ສຸຂະພາບ”.   ສູນ​ແຮງ​ງານ U.C. Berkeley ມີ​ໃບ​ຂໍ້​ມູນ​ໜຶ່ງ​ໜ້າ​ທີ່ມີ​ຄຳ​ອະທິບາຍ​ງ່າຍດາຍ​ກ່ຽວ​ກັບ​ວິທີ​ຄິດ​ໄລ່​ລາຍ​ຮັບ MAGI.  ​ມັນ​ມີ​ໃຫ້​ທີ່​ນີ້:  http://laborcenter.berkeley.edu/healthcare/MAGI_summary13.pdf. “ກັບ​ຄືນ​ຫາ​​ເອກະສານ​ຫຼັກ”
• 2. ສຳລັບ​ຂໍ້​ມູນ​ເພີ່ມ​ເຕີມ​ກ່ຽວ​ກັບ MAGI, ​ໃຫ້​​ເບິ່ງ “ປຶ້ມ​ແນະນຳ MAGI ສຳລັບ​ຜູ້​ສົ່ງ​ເສີມ” ຂອງ​ໂຄງການ​ກົດໝາຍ​ສຸຂະພາບ​ແຫ່ງ​ຊາດ ທີ່​ມີ​ໃຫ້ທີ່ http://www.healthlaw.org/publications/agmagi “ກັບ​ຄືນ​ຫາ​ເອກະສານ​ຫຼັກ”
• 3. Medi-Cal ກ່ອນ​ກົດໝາຍ ACA ຖາມ​ເອົາ​ຂໍ້​ມູ​ນກ່ຽວ​ກັບ​ຊັບ​ສິນ​ຂອງ​ທ່ານ ​ແລະ ຖ້າ​ທ່ານ​ມີຫຼາຍ​ເກີນ​ໄປ, ທ່ານ​ຈະ​ບໍ່​ມີ​ສິດ​ໄດ້​ຮັບ Medi-Cal.  ພາຍ​ໃຕ້ MAGI Medi-Cal ທ່ານ​ບໍ່​ຕ້ອງ​ເຮັດ​ການກວດ​ສອບ​ຊັບ​ສິນ​ນີ້. “ກັບ​ຄືນ​ຫາ​​ເອກະສານ​ຫຼັກ”
• 4. http://nsclcarchives.org/wp-content/uploads/2013/11/1CA-Eligibility-Bri… “ກັບ​ຄືນ​ຫາ​ເອກະສານ​ຫຼັກ”   
• 5. ລັດ​ຄາ​ຟໍ​ເນັຍ ​ໄດ້​ແຈ້ງ​ບອກ​ເຂດ​ປົກຄອງ​ຕ່າງໆ​ວ່າ​ຜູ້​ໃຫຍ່​ພາຍ​ໃຕ້​ການ​ຂະຫຍາຍ MAGI ຜູ້​ທີ່​ຕ້ອງການ​ການ​ບໍລິການ​ໃນ​ສະຖານ​ພະຍາບານ​ສາມາດ​ໄດ້​ຮັບ​ການ​ບໍລິການ​ດັ່ງກ່າວ​ພາຍ​ໃຕ້​ການ​ມີ​ສິດ MAGI ​ໂດຍ​ບໍ່​ມີ​ການກວດ​ສອບ​ຊັບ​ສິນ: http://www.dhcs.ca.gov/services/medi-cal/eligibility/Documents/MEDIL201…. ນອກ​ນັ້ນ ລັດ​ຄາ​ລິ​ຟໍ​ເນັຍ ຍັງ​ໄດ້​ແຈ້ງ​ບອກ​ເຂດ​ປົກຄອງ​ຕ່າງໆ​ວ່າ​ຜູ້​ໃຫຍ່​ພາຍ​ໃຕ້​ການ​ຂະຫຍາຍ MAGI ມີ​ສິດ​ໄດ້​ຮັບ​ການ​ບໍລິການ LTSS ​ຢູ່ໃນ​ຊຸມ​ຊົນ​ເຊັ່ນ​ກັນ:  http://www.dhcs.ca.gov/services/medi-cal/eligibility/Documents/MEDIL201…; ​ເຖິງ​ແມ່ນ​ວ່າ​ບໍ່​ມີ​ການ​ກຳນົດ​ຄວາມ​ພິ​ການ​ສຳລັບ MAGI Medi-Cal, ທ່ານ​ຕ້ອງ​ຕອບ​ສະໜອງ​ໄດ້​ມາ​ດຕະຖານຄວາມ​ຈຳ​ເປັນ​ທາງ​ການ​ແພດສຳລັບ​ການ​ບໍລິການ LTSS. “ກັບ​ຄືນ​ຫາ​​ເອກະສານ​ຫຼັກ”
• 6. ເບິ່ງ, http://www.dhcs.ca.gov/formsandpubs/laws/Documents/Pending%20SPA%2013-0…; http://www.dhcs.ca.gov/formsandpubs/Documents/MMCDAPLsandPolicyLetters/…. “ກັບ​ຄືນ​ຫາ​​ເອກະສານ​ຫຼັກ”
• 7. http://www.cdss.ca.gov/cdssweb/entres/forms/English/SAWS2PLUS.pdf “ກັບ​ຄືນ​ຫາ​ເອກະສານ​ຫຼັກ”