វិធានកម្មវិធី Early Start ស្តីពីការប្រើប្រាស់ធានារ៉ាប់រងឯកជន
ច្បាប់របស់រដ្ឋបានតម្រូវឲ្យនាយកដ្ឋានសេវាបញ្ហាការអភិវឌ្ឍលូតលាស់ (Department of Developmental Services, DDS) កាត់បន្ថយកញ្ចប់ថវិការបស់ខ្លួនកាលពីឆ្នាំកន្លងទៅ។ ជាលទ្ធផល នាំឲ្យមានការផ្លាស់ប្តូរនានាចំពោះសេវាកម្មវិធី Early Start (សេវាអន្តរាគមន៍ដើមទី) ដែលមជ្ឈមណ្ឌលក្នុងតំបន់ អាចទិញបាន និងប៉ះពាល់ដល់របៀបដែលមជ្ឈមណ្ឌលក្នុងតំបន់ប្រតិបត្តិការការងារ។
ឯកសារបោះពុម្ពផ្សាយនេះ រៀបរាប់អំពីការផ្លាស់ប្តូរនានានៅក្នុងច្បាប់ស្តីពីការប្រើប្រាស់ធានារ៉ាប់រងឯកជនសម្រាប់សេវាកម្មវិធី Early Start។ នេះរួមបញ្ចូលទាំងការផ្លាស់ប្តូរមួយដែលចែងថា ក្រុមការងារធ្វើផែនការសេវាគ្រួសារសម្រាប់បុគ្គល អាចរួមបញ្ចូល (នៅត្រឹមពេលនៃការបង្កើតគម្រោង) នូវការត្រួតពិនិត្យឡើងវិញតាមពេលវេលាកំណត់ ឬការផ្លាស់ប្តូរផែនការសេវាគ្រួសារសម្រាប់បុគ្គល (Individual Family Service Plan, IFSP) ដែលជាការកំណត់មួយថាសេវាវេជ្ជសាស្រ្តដែលមានចែងនៅក្នុង IFSP ពុំមានផ្តល់ជូនតាមរយៈគម្រោងធានារ៉ាប់រងសុខភាពឯកជនរបស់គ្រួសារ ដែលគម្រោងនឹងត្រូវចេញប្រាក់ដោយមជ្ឈមណ្ឌលក្នុងតំបន់។ ច្បាប់នេះ បានចូលជាធរមាននៅថ្ងៃទី27 ខែមិថុនា ឆ្នាំ2017។
សូមចុចខាងក្រោមដើម្បីទទួលបានកំណែពេញលេញ។