តើកម្មវិធីករណីលើកលែងរបស់ Medi-Cal សម្រាប់មេរោគអេដស៍ និងជំងឺ​អេដស៍គឺជាអ្វី?

កម្មវិធីករណីលើកលែងរបស់ Medi-Cal សម្រាប់មេរោគអេដស៍ និងជំងឺ​អេដស៍ (¡¡±ករណីលើកលែងសម្រាប់ជំងឺអេដស៍¡¨) ផ្តល់ជូននូវការគ្រប់គ្រង​ករណី និងសេវាថែទាំដោយផ្ទាល់ដល់បុគ្គលដែលមានមេរោគអេដស៍/​ជំងឺអេដស៍ ជំនួសឲ្យការថែទាំនៅមន្ទីរព្យាបាល ឬការចូលសម្រាក​ពេទ្យ។ អ្នកប្រើប្រាស់សេវានេះដើម្បីជួយដល់អ្នកឲ្យបានសម្រាកនៅផ្ទះ ឬចេញពេលមន្ទីរព្យាបាលទៅសម្រាកនៅផ្ទះ។

តើអ្នកណាខ្លះដែលមានសិទ្ធិទទួលបានសេវានេះ?

បុគ្គលដែលមានសិទ្ធិទទួលបានសេវានេះ ត្រូវតែ៖

• មានរោគវិនិច្ឆ័យជាលាយលក្ខណ៍អក្សរអំពីមេរោគអេដស៍ ឬអេដស៍ ពីអ្នកផ្តល់ការថែទាំចម្បងរបស់គាត់/នាង និង
• មានស្ថានភាពសុខភាពដែលមានលក្ខណៈសម្បត្តិគ្រប់គ្រាន់ក្នុងការធ្វើឲ្យ​ការថែទាំនៅផ្ទះមានភាពសមស្រប និង
• មានសិទ្ធិទទួលបាន Medi-Cal នៅកាលបរិច្ឆេទនៃការចុះឈ្មោះ និងនៅខែ​នីមួយៗបន្ទាប់ពីនោះ និង
• ត្រូវបានបញ្ជាក់ថាបានបំពេញតាមកម្រិតនៃការថែទាំនៅមន្ទីរព្យាបាល ឬខ្ពស់ជាងនេះ និងមានពិន្ទុ 60 ឬតិចជាងនេះ ដោយប្រើប្រាស់ឧបករណ៍​វាយតម្លៃអំពីកម្រិតនៃសមត្ថភាពក្នុងការគិត និងសមត្ថភាពក្នុងការ​ធ្វើ​សកម្មភាពនៃការរស់នៅប្រចាំថ្ងៃ។

តើសេវាប្រភេទណាខ្លះដែលអ្នកអាចស្វែងរកបាននៅក្រោមករណីលើក​លែងនេះ?

• ការគ្រប់គ្រងករណីដោយគិលានុប្បដ្ឋាក-យិកា និងបុគ្គលិកសង្គមកិច្ច
• សេវាមេផ្ទះនានា ដូចជាការរៀបចំម្ហូបអាហារ និងការថែទាំផ្ទះជាទៀងទាត់ ការទិញគ្រឿងទេស។ល។
• ការថែទាំផ្ទាល់ខ្លួន
• ការសម្របផ្លូវកាយបន្តិចបន្តួចនៅផ្ទះ ដូចជា ផ្លូវជម្រាល របារសម្រាប់ចាប់ ការពង្រឹងច្រកទ្វារចេញចូល។ល។
• បរិក្ខារវេជ្ជសាស្រ្តតាមឯកទេស/សម្ភារផ្គត់ផ្គង់ផ្នែកវេជ្ជសាស្រ្ត
• ការថែទាំដែលមានជំនាញ – RN/LVN
• ការព្យាបាលដោយពេទ្យចិត្តសាស្រ្ត
• ជំនួយផ្នែកហិរញ្ញវត្ថុសម្រាប់កុមារ/ទារកដែលស្ថិតក្រោមការថែទាំនៃ​ការចិញ្ចឹម
• ការប្រឹក្យាយោបល់អំពីចំណីអាហារ
• ការដឹកជញ្ជូនសម្រាប់ការព្យាបាលជំងឺដែលមិនបន្ទាន់
• ម្ហូបអាហារនានាត្រូវបានដឹកជញ្ជូនទៅកាន់ផ្ទះរបស់អ្នក

ព័ត៌មានបន្ថែម៖

សេវានានានៃការលើកលែងការព្យាបាលជំងឺអេដស៍នៅមន្ទីរព្យាបាលត្រូវ​បានផ្តល់ជូន​អតិថិជនដោយឥតគិតថ្លៃ ប៉ុន្តែការចែករំលែកសោហ៊ុយរបស់ Medi-Cal ត្រូវតែបំពេញតាមការចែករំលែកសោហ៊ុយនោះសម្រាប់ខែ​នីមួយៗ ដើម្បី​មានសិទ្ធិទទួលបានសេវានានា។ មានការដាក់កំហិតលើសោហ៊ុយចំនួន $25,727 ក្នុងមួយឆ្នាំ ដែលមានប្រសិទ្ធភាពអនុវត្តចាប់ពីថ្ងៃទី 1 ខែមករា ឆ្នាំ 2017។

បុគ្គលទាំងឡាយមិនអាចចុះឈ្មោះនៅក្នុង ឬទទួលបានសេវានានាពី​កម្មវិធីណាមួយក្នុងចំណោមកម្មវិធីនានាដូចខាងក្រោម នៅក្នុងពេល​តែមួយនោះទេ៖ កម្មវិធីថែទាំអ្នកជំងឺដំណាក់កាលចុងក្រោយរបស់ Medi-Cal; សេវា​គ្រប់គ្រងករណីនៅក្នុងផែនការរបស់រដ្ឋ; ការគ្រប់គ្រងករណីដែលត្រូវបាន​កំណត់គោលដៅដើម្បីផ្តល់សេវាបន្ថែមនៅក្នុងការលើកលែងការព្យាបាលអេដស៍​នៅមន្ទីរព្យាបាល ឬករណីលើកលែងនៃសេវាថែទាំនៅផ្ទះ និង​សេវាថែទាំដែល​មានមូលដ្ឋាននៅតាមសហគមន៍ណាមួយផ្សេងទៀត​របស់ Medi-Cal។

បុគ្គលទាំងឡាយអាចត្រូវបានចុះឈ្មោះនៅក្នុងកម្មវិធីថែទាំអ្នកជំងឺ​ដំណាក់កាលចុងក្រោយរបស់ Medicare នៅក្នុងពេលតែមួយបាន។

ទីភ្នាក់ងារនានានៃការលើកលែងការព្យាបាលជំងឺអេដស៍នៅមន្ទីរព្យាបាល​អាចផ្តល់ព័ត៌មានបន្ថែមដែលពាក់ព័ន្ធនឹងសិទ្ធិទទួលបាន និងសេវានានា​នៃកម្មវិធីនេះ ការចុះឈ្មោះចូលរួម និងការផ្តល់ជូនដោយផ្ទាល់នូវសេវា​គ្រប់គ្រងករណីដោយគិលានុប្បដ្ឋាក-យិកា និងបុគ្គលិកសង្គមកិច្ច​ណាម្នាក់។ ប្រសិនបើអ្នកពុំមានសិទ្ធិទទួលបានការលើកលែងការព្យាបាលជំងឺអេដស៍នៅមន្ទីរព្យាបាល​ទេនោះ អ្នកអាចមានសិទ្ធិទទួលបានកម្មវិធីផ្សេងទៀត​នៅក្នុងទីភ្នាក់ងារដូចគ្នានោះ ឬទីភ្នាក់ងារមេរបស់ទីភ្នាក់ងារនោះ។ សម្រាប់បញ្ជីទីភ្នាក់ងារតាមខោនធី សូមមើលនៅខាងក្រោម។  សម្រាប់ធនធានផ្សេងទៀត សូមមើល https://www.cdph.ca.gov/Programs/CID/DOA/Pages/OA_care_mcwp.aspx​។

សម្រាប់ព័ត៌មានអំពីការទទួលបានការលើកលែងការព្យាបាលជំងឺ​អេដស៍​នៅមន្ទីរព្យាបាល អ្នកអាចហៅទូរស័ព្ទទៅកាន់ទីភ្នាក់ងារនៃខោនធី​របស់អ្នក ដែលបានរៀបរាប់នៅខាងក្រោម។  ប្រសិនបើអ្នកត្រូវការព័ត៌មានអំពីការដាក់ពាក្យស្នើសុំ Medi-Cal នោះ អ្នកអាចចូលទៅកាន់ http://www.dhcs.ca.gov/services/medi-cal/Pages/ApplyforMedi-Cal.aspx

អ្នកផ្តល់ជូននូវការលើកលែងការព្យាបាលជំងឺអេដស៍នៅមន្ទីរព្យាបាល

ក្រសួងសុខាភិបាលសាធារណៈនៃរដ្ឋកាលីហ្វ័រញ៉ា
ការិយាល័យនៃសាខាថែទាំជំងឺអេដស៍ និងមេរោគអេដស៍