តើខ្ញុំអាចបោះឆ្នោតដោយរបៀបណា ប្រសិនបើខ្ញុំមិនអាចបោះឆ្នោតដោយខ្លួនឯងបាន ដោយសារមានអាសន្នផ្នែកវេជ្ជសាស្ត្រ?

ឯកសារបោះពុម្ពផ្សាយនេះពន្យល់ពីរបៀបដែលអ្នកអាចបោះឆ្នោតបាន ទោះបីជាអ្នកមិនអាចចាកចេញពីផ្ទះ ឬមណ្ឌលថែទាំសុខភាព ដូចជាមន្ទីរពេទ្យឬមជ្ឈមណ្ឌលស្តារនីតិសម្បទាជាដើម ដោយសារតែការសង្គ្រោះបន្ទាន់ផ្នែកវេជ្ជសាស្ត្រក៏ដោយ។ ខោនធីអាចមានលក្ខណៈខុសប្លែងគ្នាច្រើននៅក្នុងជម្រើសដែលពួកគេផ្តល់ជូន។ ប្រសិនបើអ្នកមិនមានសន្លឹកឆ្នោតដែលគេបានផ្ញើទៅអ្នកទេ អ្នកប្រហែលជាត្រូវការនរណាម្នាក់ឲ្យជួយអ្នកក្នុងការទទួលនិងប្រគល់សន្លឹកឆ្នោតរបស់អ្នកត្រឡប់មកវិញ។

បោះពុម្ពការបោះពុម្ពនេះ។

ឯកសារបោះពុម្ពផ្សាយនេះពន្យល់ពីរបៀបដែលអ្នកអាចបោះឆ្នោតបាន ទោះបីជាអ្នកមិនអាចចាកចេញពីផ្ទះ ឬមណ្ឌលថែទាំសុខភាព ដូចជាមន្ទីរពេទ្យឬមជ្ឈមណ្ឌលស្តារនីតិសម្បទាជាដើម ដោយសារតែការសង្គ្រោះបន្ទាន់ផ្នែកវេជ្ជសាស្ត្រក៏ដោយ។ ខោនធីអាចមានលក្ខណៈខុសប្លែងគ្នាច្រើននៅក្នុងជម្រើសដែលពួកគេផ្តល់ជូន។ ប្រសិនបើអ្នកមិនមានសន្លឹកឆ្នោតដែលគេបានផ្ញើទៅអ្នកទេ អ្នកប្រហែលជាត្រូវការនរណាម្នាក់ឲ្យជួយអ្នកក្នុងការទទួលនិងប្រគល់សន្លឹកឆ្នោតរបស់អ្នកត្រឡប់មកវិញ។

តើខ្ញុំអាចបោះឆ្នោតដោយប្រើសន្លឹកឆ្នោតដែលបានផ្ញើមកខ្ញុំតាមប្រៃសណីយ៍បានដែរឬទេ?

បាទ/ចាស។ ប្រសិនបើអ្នកមានសន្លឹកឆ្នោតបោះតាមប្រៃសណីយ៍ ការបោះឆ្នោតដោយប្រើសន្លឹកឆ្នោតនេះអាចជាជម្រើសដ៏ល្អបំផុតរបស់អ្នក ដោយសារអ្នកមិនអាចបោះឆ្នោតដោយផ្ទាល់បាន។

អ្នកអាចគូសសន្លឹកឆ្នោត ដាក់វានៅក្នុងស្រោមសំបុត្រប្រគល់ត្រឡប់មកវិញ ចុះហត្ថលេខានិងកាលបរិច្ឆេទនៅខាងក្រៅស្រោមសំបុត្រ ហើយប្រគល់វាត្រឡប់មកវិញតាមវិធីណាមួយក្នុងចំណោមវិធីទាំងបីខាងក្រោម៖

ផ្ញើវាតាមប្រៃសណីយ៍ ដោយប្រាកដថាវាត្រូវបានបោះត្រាប្រៃសណីយ៍នៅថ្ងៃ ឬមុនថ្ងៃបោះឆ្នោត។ (កុំភ្លេចពិនិត្យមើលថាតើពេលណាដែលការិយាល័យប្រៃសណីយ៍បិទលែងដំណើរការ ឬដែលសំបុត្រប្រៃសណីយ៍ត្រូវបានទទួល ប្រសិនបើអ្នកផ្ញើវានៅថ្ងៃបោះឆ្នោត។)
ដាក់វាក្នុងហឹបទម្លាក់សន្លឹកឆ្នោតត្រឹមម៉ោង 8:00 យប់ នៅថ្ងៃបោះឆ្នោត។ (សូមបញ្ជាក់ថា ហឹបទម្លាក់សន្លឹកឆ្នោតក្នុងបន្ទប់មួយចំនួន អាចបិទនៅមុនម៉ោង 8:00 យប់)
ប្រគល់វាទៅទីតាំងបោះឆ្នោតណាមួយ (កន្លែងបោះឆ្នោត ឬមណ្ឌលបោះឆ្នោត) ឬការិយាល័យបោះឆ្នោតប្រចាំខោនធី ត្រឹមម៉ោង 8:00 យប់ នៅថ្ងៃបោះឆ្នោត។

អ្នកអាចសុំឱ្យនរណាម្នាក់ប្រគល់សន្លឹកឆ្នោតរបស់អ្នកជំនួសអ្នកបាន។ មានកន្លែងមួយនៅលើស្រោមសំបុត្រប្រគល់សន្លឹកឆ្នោតរបស់អ្នកដើម្បីបំពេញព័ត៌មានរបស់បុគ្គលនោះ។

ប្រសិនបើអ្នកមិនអាចចុះហត្ថលេខាលើឈ្មោះរបស់អ្នកបានទេ អ្នកអាចចុះហត្ថលេខាជំនួសដោយការគូសសញ្ញា ដូចជា “X” ជាដើម ហើយឱ្យសាក្សីចុះហត្ថលេខាលើស្រោមសំបុត្រផងដែរ។ ជម្រើសមួយទៀតគឺត្រូវប្រើត្រាហត្ថលេខាដែលអ្នកបានប្រើរួចហើយនៅនាយកដ្ឋានយានយន្ត (Department of Motor Vehicles, DMV) ឬការិយាល័យបោះឆ្នោតប្រចាំខោនធី។ សូមមើលឯកសារបោះពុម្ពផ្សាយរបស់យើង “អ្នកអាចបោះឆ្នោតបាន ទោះបីជាអ្នកមិនអាចចុះហត្ថលេខាលើឈ្មោះរបស់អ្នកក៏ដោយ” សម្រាប់ព័ត៌មានបន្ថែមអំពីជម្រើសហត្ថលេខារបស់អ្នក។

តើខ្ញុំអាចទទួលបានសន្លឹកឆ្នោតថ្មីដែលផ្ញើមកខ្ញុំបានទេ?

ប្រសិនបើអ្នកបានចុះឈ្មោះបោះឆ្នោត ប៉ុន្តែអ្នកមិនមានសន្លឹកឆ្នោតដែលត្រូវបានផ្ញើ ទៅអ្នកទេ អ្នកអាចសុំឱ្យការិយាល័យបោះឆ្នោតប្រចាំខោនធីរបស់អ្នកផ្ញើសន្លឹកឆ្នោតមួយសន្លឹកទៀតមកអ្នកបាន។ អ្នកអាចទទួលបានសន្លឹកឆ្នោតថ្មី (ហៅថា "សន្លឹកឆ្នោតជំនួស") តាមប្រៃសណីយ៍ ប្រសិនបើអ្នកស្នើសុំរយៈពេលប្រាំពីរ (7) ថ្ងៃ ឬច្រើនជាងនេះមុនថ្ងៃបោះឆ្នោត។ អ្នកប្រហែលជាត្រូវបំពេញទម្រង់បែបបទ “ការស្នើសុំបោះឆ្នោតតាមសំបុត្រជំនួសនៅរដ្ឋកាលីហ្វ័រញ៉ា" ដែលមាននៅលើគេហទំព័រ "បោះឆ្នោតតាមសំបុត្រ" របស់រដ្ឋលេខាធិការនៃរដ្ឋ កាលីហ្វ័រញ៉ា។

ប្រសិនបើអ្នកត្រូវការសន្លឹកឆ្នោតបោះតាមសំបុត្រថ្មីមួយសន្លឹកនៅពេលណាមួយ ដែលចាប់ផ្តើមនៅរយៈពេលប្រាំមួយ (6) ថ្ងៃមុនថ្ងៃបោះឆ្នោត រហូតដល់ថ្ងៃបោះឆ្នោត អ្នកអាចអនុវត្តតាមជំហានដែលបានពិពណ៌នានៅក្នុងផ្នែកបន្ទាប់បាន។

តើខ្ញុំអាចទទួលបានសន្លឹកឆ្នោតបោះតាមសំបុត្រថ្មីមួយសន្លឹកនៅថ្ងៃបោះឆ្នោតដូចម្តេចបាន បើថ្ងៃបោះឆ្នោតនឹងប្រព្រឹត្តទៅមិនដល់មួយសប្តាហ៍ទៀតផង?

ប្រសិនបើអ្នកមិនអាចបោះឆ្នោតដោយផ្ទាល់ ឬទៅយកសន្លឹកឆ្នោតបោះតាមសំបុត្រមួយសន្លឹកទៀតបានទេដោយសារតែការសង្គ្រោះបន្ទាន់ផ្នែកវេជ្ជសាស្រ្តរបស់អ្នក ហើយវាយឺតពេលក្នុងការផ្ញើសន្លឹកឆ្នោតនោះជូនដល់អ្នក (ព្រោះមានរយៈពេលតិចជាងប្រាំពីរ [7] ថ្ងៃមុនថ្ងៃបោះឆ្នោត) នោះអ្នកអាចអនុញ្ញាតឱ្យនរណាម្នាក់យកវាមកជំនួសអ្នកបាន។ (សូមមើលផ្នែកខាងក្រោមទាក់ទងនឹងជម្រើសផ្សេងទៀតដែលអាចមាននៅក្នុងខោនធីមួយចំនួន។) ដើម្បីផ្តល់ការអនុញ្ញាតដល់នរណាម្នាក់ (ហៅថា “ការអនុញ្ញាត”) ឱ្យយកសន្លឹកឆ្នោតបោះតាមសំបុត្រថ្មីមួយសន្លឹកសម្រាប់អ្នក អ្នកត្រូវតែបំពេញទម្រង់បែបបទមួយដែលហៅថា “ពាក្យស្នើសុំផ្តល់សន្លឹកឆ្នោតបោះតាមសំបុត្រទៅអ្នកតំណាង”។ https://www.sos.ca.gov/elections/voter-registration/vote-mail#late ទម្រង់បែបបទនេះមាននៅលើគេហទំព័រ “បោះឆ្នោតតាមសំបុត្រ” របស់រដ្ឋលេខាធិការនៃរដ្ឋកាលីហ្វ័រញ៉ា។

ទម្រង់បែបបទនេះតម្រូវឱ្យមានឈ្មោះរបស់អ្នក ថ្ងៃខែឆ្នាំកំណើត អាសយដ្ឋានស្នាក់នៅរបស់អ្នក ឈ្មោះបុគ្គលដែលអ្នកផ្តល់សិទ្ធិឱ្យទៅយកសន្លឹកឆ្នោតរបស់អ្នក (ហៅថា "អ្នកតំណាង" នៅលើទម្រង់បែបបទនោះ) និងហត្ថលេខារបស់អ្នក។ ប្រសិនបើអ្នកមិនអាចចុះហត្ថលេខាលើឈ្មោះរបស់អ្នកទេ អ្នកអាចចុះហត្ថលេខាជំនួសដោយសាក្សី ឬត្រាហត្ថលេខាដែលបានចុះឈ្មោះ។ សូមមើលឯកសារបោះពុម្ពផ្សាយរបស់យើង “អ្នកអាចបោះឆ្នោតបាន ទោះបីជាអ្នកមិនអាចចុះហត្ថលេខាលើឈ្មោះរបស់អ្នកក៏ដោយ” សម្រាប់ព័ត៌មានបន្ថែមអំពីជម្រើសហត្ថលេខារបស់អ្នក។

“អ្នកតំណាង" ដែលអ្នកដាក់ឈ្មោះនៅលើទម្រង់បែបបទ ត្រូវតែយកទម្រង់ដោយផ្ទាល់ទៅការិយាល័យបោះឆ្នោតប្រចាំខោនធីរបស់អ្នក ឬប្រសិនបើខោនធីរបស់អ្នកមានមណ្ឌលបោះឆ្នោតជំនួសឱ្យកន្លែងបោះឆ្នោត ត្រូវយកទៅកាន់មណ្ឌលបោះឆ្នោតណាមួយ។ (ប្រសិនបើអ្នកមិនដឹងថាតើខោនធីរបស់អ្នកមានមណ្ឌលបោះឆ្នោតឬអត់ទេ អ្នកអាចសាកសួរការិយាល័យបោះឆ្នោតប្រចាំខោនធីរបស់អ្នកបាន។ អ្នកក៏អាចពិនិត្យមើលបញ្ជីឈ្មោះតាមអនឡាញនៃខោនធីក្រោមច្បាប់ស្តីពីជ្រើសរើសអ្នកបោះឆ្នោត (Voter’s Choice Act) បានផងដែរ។ ខោនធីនៃច្បាប់ជ្រើសរើសអ្នកបោះឆ្នោតទាំងអស់មានមណ្ឌលបោះឆ្នោត។) នៅពេលដែលមន្ត្រីរៀបចំការបោះឆ្នោតប្រគល់សន្លឹកបោះតាមសំបុត្រថ្មីមួយសន្លឹករបស់អ្នកជូនដល់ “អ្នកតំណាង" របស់អ្នក ពេលនោះ “អ្នកតំណាង" របស់អ្នកនឹងចុះហត្ថលេខាលើទម្រង់បែបបទផងដែរ។

បន្ទាប់ពីអ្នកទទួលបានសន្លឹកឆ្នោតរបស់អ្នកតាមវិធីនេះរួចមក អ្នកអាចចាត់ទុកសន្លឹកឆ្នោតនេះដូចជាសន្លឹកឆ្នោតបោះតាមសំបុត្រមួយសន្លឹកផ្សេងទៀតដែរ។ សូមមើលការណែនាំខាងលើក្រោមចំណងជើងថា "តើខ្ញុំអាចបោះឆ្នោតដោយប្រើសន្លឹកឆ្នោតដែលបានផ្ញើមកខ្ញុំបានដែរឬទេ?”

នីតិវិធីទាំងនេះបានផ្លាស់ប្តូរភ្លាមៗមុនពេលការបោះឆ្នោតសកលខែវិច្ឆិកា ឆ្នាំ2022 ដោយសារតែច្បាប់បានផ្លាស់ប្តូរនៅក្នុងខែសីហា ឆ្នាំ2022។ ប្រសិនបើអ្នកមានសំណៅឯកសារបោះពុម្ភផ្សាយរបស់យើងមួយច្បាប់ដែលនិយាយអំពី "សន្លឹកឆ្នោតវេជ្ជសាស្រ្តសង្គ្រោះបន្ទាន់" អ្នកអាចបោះវាចោលបាន ពីព្រោះព័ត៌មានមួយចំនួននៅក្នុងសន្លឹកឆ្នោតនោះលែងប្រើការបានទៀតហើយ។

តើខ្ញុំអាចទទួលបានសន្លឹកឆ្នោតបោះតាមសំបុត្រតាមប្រព័ន្ធអេឡិចត្រូនិកបានដែរឬទេ?

ប្រព័ន្ធបោះឆ្នោតតាមសំបុត្រ (RAVBM) ដែលអាចចូលប្រើបានពីចម្ងាយរបស់ខោនធីអ្នក គឺជាវិធីមួយផ្សេងទៀតដែលអ្នកអាចទទួលបានសន្លឹកឆ្នោតបោះតាមសំបុត្រ នៅពេលដែលអ្នកមិនអាចចាកចេញពីផ្ទះ ឬមណ្ឌលថែទាំសុខភាពបានដោយសារតែការសង្គ្រោះបន្ទាន់ផ្នែកវេជ្ជសាស្ត្រ។ អ្នកអាចប្រើប្រព័ន្ធ RAVBM បានភ្លាមៗនៅពេលដែលការបោះឆ្នោតចាប់ផ្តើមសម្រាប់ពេលបោះឆ្នោតណាមួយ (នៅក្នុង "រយៈពេលនៃការបោះឆ្នោតមុនថ្ងៃបោះឆ្នោត")។ ក្នុងរយៈពេលប្រាំមួយ (6) ថ្ងៃមុនថ្ងៃបោះឆ្នោត និងនៅថ្ងៃបោះឆ្នោតនោះផ្ទាល់ អ្នកប្រហែលជាអាចទទួលបានសន្លឹកឆ្នោតបានលឿនជាងមុន ដោយប្រើប្រព័ន្ធ RAVBM ជាជាងការឱ្យនរណាម្នាក់យកសន្លឹកឆ្នោតបោះតាមសំបុត្រមួយសន្លឹកប្រគល់ជូនអ្នក (ដូចបានរៀបរាប់ត្រង់ផ្នែកខាងលើ) ។

RAVBM គឺជាប្រព័ន្ធអនឡាញដែលអនុញ្ញាតឱ្យអ្នកបោះឆ្នោតទាញយកសន្លឹកឆ្នោតរបស់ពួកគេទៅកាន់ឧបករណ៍ដែលភ្ជាប់អ៊ីនធឺណិតរបស់ពួកគេផ្ទាល់ ដូចជាកុំព្យូទ័រ ឬស្មាតហ្វូន ហើយគូសសន្លឹកឆ្នោតនៅលើឧបករណ៍នោះ។ បន្ទាប់មក អ្នកបោះឆ្នោតត្រូវតែបោះពុម្ពសន្លឹកឆ្នោត RAVBM ។ អ្នកបោះឆ្នោតអាចប្រគល់សន្លឹកឆ្នោត RAVBM ដែលបានបោះពុម្ពតាមវិធីណាមួយ ដែលសន្លឹកឆ្នោតតាមសំបុត្រធម្មតាអាចត្រូវបានប្រគល់មកវិញបាន៖ តាមសំបុត្រ ក្នុងហឹបទម្លាក់សន្លឹកឆ្នោត ឬនៅទីតាំងបោះឆ្នោតដោយផ្ទាល់។

ប្រសិនបើអ្នកមានឧបករណ៍ដែលតម្រូវឲ្យមាន ហើយអ្នកគិតថាការទទួលបានសន្លឹកឆ្នោតមួយសន្លឹកតាមរយៈប្រព័ន្ធ RAVBM អាចមានប្រសិទ្ធភាពសម្រាប់អ្នក សូមទាក់ទងការិយាល័យបោះឆ្នោតប្រចាំខោនធីរបស់អ្នក ដើម្បីស្វែងយល់ពីរបៀបចូលប្រើប្រព័ន្ធ RAVBM ប្រចាំខោនធីរបស់អ្នក។

ដើម្បីស្វែងយល់បន្ថែមអំពី RAVBM សូមមើលឯកសារបោះពុម្ពផ្សាយរបស់យើង “អ្នកបោះឆ្នោតដែលមានពិការភាពជាច្រើន អាចបោះឆ្នោតបានតាមសំបុត្រជាលក្ខណៈឯកជន និងដោយឯករាជ្យ។”

តើខ្ញុំមានជម្រើសផ្សេងទៀតដែរឬទេ?

អ្នកអាចមានជម្រើសផ្សេងទៀត។ យើងសូមណែនាំឱ្យទាក់ទងទៅកាន់ការិយាល័យបោះឆ្នោតប្រចាំខោនធីរបស់អ្នក ដើម្បីស្វែងរកជម្រើសរបស់អ្នកឱ្យបានឆាប់តាមដែលអ្នកអាចធ្វើបាន។ កាលណាអ្នកចាប់ផ្តើមរៀបចំផែនការនៅដើមដំបូងកាន់តែឆាប់ នោះអ្នកអាចនឹងមានជម្រើសកាន់តែច្រើន។ នេះគឺជាជម្រើសមួយចំនួនដែលមាននៅក្នុងខោនធីចំនួន៖

ការប្រគល់សន្លឹកឆ្នោតដល់ផ្ទះ ឬមណ្ឌលថែទាំសុខភាពរបស់អ្នកដោយបុគ្គលិកបោះឆ្នោតតាមខោនធី
ការប្រគល់ម៉ាស៊ីនបោះឆ្នោតដែលអាចចូលប្រើបាន (ហៅផងដែរថាឧបករណ៍គួសសន្លឹកឆ្នោត ឬ BMD) ទៅដល់ផ្ទះ ឬមណ្ឌលថែទាំសុខភាពរបស់អ្នកដោយបុគ្គលិកបោះឆ្នោតតាមខោនធី
បុគ្គលិក ឬអ្នកស្ម័គ្រចិត្ដនៅមណ្ឌលថែទាំសុខភាព ដែលអាចជួយទៅយកនិងប្រគល់សន្លឹកឆ្នោតបោះតាមសំបុត្រត្រឡប់មកវិញ

ប្រសិនបើអ្នកមានចម្ងល់អំពីសិទ្ធិនិងជម្រើសរបស់អ្នក ជាពិសេសប្រសិនបើអ្នកមិនអាចទទួលបានចម្លើយ ទាន់ពេលវេលាពីការិយាល័យបោះឆ្នោតប្រចាំខោនធីរបស់អ្នកទេ សូមទូរស័ព្ទទៅកាន់ខ្សែទូរស័ព្ទបន្ទាន់របស់យើងតាមរយៈលេខ (888) 569-7955។ យើងនឹងធ្វើអ្វីគ្រប់ដែលយើងអាចធ្វើបានដើម្បីជួយអ្នក។

តើនរណាអាចជួយខ្ញុំឱ្យបោះឆ្នោតបាន?

អ្នកមានសិទ្ធិទទួលបានជំនួយជាមួយផ្នែកណាមួយនៃកិច្ចដំណើរការបោះឆ្នោតដែលបានពិពណ៌នាខាងលើ។ អ្នកអាចជ្រើសរើសនរណាម្នាក់ដើម្បីជួយអ្នក លើកលែងតែនិយោជករបស់អ្នក តំណាងសហជីពរបស់អ្នក ឬបុគ្គលដែលកំពុងធ្វើសកម្មភាពជំនួសពួកគេទាំងពីរ។

អង្គការសិទ្ធិជនពិការរដ្ឋកាលីហ្វ័រញ៉ា ដំណើរការខ្សែទូរស័ព្ទបន្ទាន់សម្រាប់ការបោះឆ្នោត ដើម្បីជួយអ្នកបោះឆ្នោតដែលមានពិការភាព។ សូមទូរស័ព្ទដើម្បីទទួលបានជំនួយដោយក្តីរីករាយ៖ (888) 569-7955។

ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

Click links below for a downloadable version.

តើខ្ញុំអាចបោះឆ្នោតដោយប្រើសន្លឹកឆ្នោតដែលបានផ្ញើមកខ្ញុំតាម​ប្រៃសណីយ៍​បានដែរឬ​ទេ?

តើខ្ញុំអាចទទួលបានសន្លឹកឆ្នោតថ្មីដែលផ្ញើមកខ្ញុំបានទេ?

តើខ្ញុំអាចទទួលបានសន្លឹកឆ្នោតបោះតាម​សំបុត្រតាម​ប្រព័ន្ធ​អេឡិចត្រូនិក​បានដែរឬទេ?

តើខ្ញុំមានជម្រើសផ្សេងទៀតដែរឬទេ?

តើនរ​ណាអាចជួយខ្ញុំឱ្យបោះឆ្នោត​បាន​?

តើខ្ញុំអាចបោះឆ្នោតដោយប្រើសន្លឹកឆ្នោតដែលបានផ្ញើមកខ្ញុំតាមប្រៃសណីយ៍បានដែរឬទេ?

តើខ្ញុំអាចទទួលបានសន្លឹកឆ្នោតបោះតាមសំបុត្រតាមប្រព័ន្ធអេឡិចត្រូនិកបានដែរឬទេ?

តើនរណាអាចជួយខ្ញុំឱ្យបោះឆ្នោតបាន?