សន្លឹកឆ្នោតសម្រាប់ការបោះឆ្នោត ក្នុងខែវិច្ឆិកាឆ្នាំ 2022 ៖ ការយល់ដឹងអំពីអ្វីដែលកំពុងកើតឡើងជាមួយនឹងការប្រកួតប្រជែង កៅអីព្រឹទ្ធសភាអាមេរិក

អត្ថបទបោះពុម្ពផ្សាយនេះ នឹងពន្យល់អំពីមូលហេតុដែលតម្រូវឲ្យអ្នកបោះឆ្នោតនៅរដ្ឋកាលីហ្វ័រនីញ៉ា ត្រូវបោះឆ្នោតចំនួនពីរដង ចំពោះអាសនៈ ព្រឹទ្ធសភា សហរដ្ឋអាមេរិកតែមួយ នៅក្នុងការបោះឆ្នោតនៅឆ្នាំនេះ ។ អត្ថបទបោះពុម្ពផ្សាយនេះ មានរៀបរាប់អំពីរបៀបដែលការប្រកួតប្រជែងលើការបោះឆ្នោតទាំងពីរនេះ នឹងបង្ហាញនៅលើសន្លឹកឆ្នោតទូទៅនៃការបោះឆ្នោតទូទាំងរដ្ឋ ដែលនឹងធ្វើឡើងនៅខែវិច្ឆិកា ឆ្នាំ 2022 ព្រមទាំងបង្ហាញថាតើ ជម្រើសរបស់អ្នក មានន័យបែបណា ។

បោះពុម្ពការបោះពុម្ពនេះ។

អត្ថបទបោះពុម្ពផ្សាយនេះ នឹងពន្យល់អំពីមូលហេតុដែលតម្រូវឲ្យអ្នកបោះឆ្នោតនៅរដ្ឋកាលីហ្វ័រនីញ៉ា ត្រូវបោះឆ្នោតចំនួនពីរដង ចំពោះអាសនៈ ព្រឹទ្ធសភា សហរដ្ឋអាមេរិកតែមួយ នៅក្នុងការបោះឆ្នោតនៅឆ្នាំនេះ ។ អត្ថបទបោះពុម្ពផ្សាយនេះ មានរៀបរាប់អំពីរបៀបដែលការប្រកួតប្រជែងលើការបោះឆ្នោតទាំងពីរនេះ នឹងបង្ហាញនៅលើសន្លឹកឆ្នោតទូទៅនៃការបោះឆ្នោតទូទាំងរដ្ឋ ដែលនឹងធ្វើឡើងនៅខែវិច្ឆិកា ឆ្នាំ 2022 ព្រមទាំងបង្ហាញថាតើ ជម្រើសរបស់អ្នក មានន័យបែបណា ។

អ្វីដែលអ្នកនឹងឃើញលើសន្លឹកឆ្នោតរបស់អ្នក

បន្ថែមពីលើការប្រកួតប្រជែងផ្សេងទៀតនៅលើសន្លឹកឆ្នោតរបស់អ្នក អ្នកនឹងឃើញមានឱកាសពីរផ្សេងគ្នា ដើម្បីបោះឆ្នោតលើអាសនៈ ព្រឹទ្ធសភាសហរដ្ឋអាមេរិកតែមួយ ។

ការប្រកួតប្រជែងទីមួយ ដើម្បីយកកៅអី ព្រឹទ្ធសភាសហរដ្ឋអាមេរិក គឺឲ្យអ្នកសម្រេចបោះឆ្នោតឲ្យបេក្ខជនមួយណាធ្វើជាព្រឹទ្ធសភាអាមេរិកសម្រាប់អាណត្តិក្រោយទាំងស្រុង ។ មួយអាណត្តិពេញរបស់ព្រឹទ្ធសភាសហរដ្ឋអាមេរិក ស្មើនឹងប្រាំមួយឆ្នាំ ។ អណត្តិពេញលេញក្រោយរបស់ព្រឹទ្ធសភា គឺចាប់ពីថ្ងៃទី 3 ខែមករា ឆ្នាំ 2023 រហូតដល់ថ្ងៃទី 3 ខែមករា ឆ្នាំ 2029 ។

ការប្រកួតប្រជែងទីពីរ សម្រាប់អាសនៈ ព្រឹទ្ធសភាសហរដ្ឋអាមេរិក គឺឲ្យអ្នកសម្រេចបោះឲ្យបេក្ខភាពមួយណា ធ្វើជាព្រឹទ្ធសភាអាមេរិក សម្រាប់ពេលវេលាដែលនៅសល់នៃអាណត្តិនេះ ។ អាណត្តិបច្ចុប្បន្ន របស់ព្រឹទ្ធសភាអាមេរិក នឹងត្រូវបញ្ចប់ នៅថ្ងៃទី 3 ខែមករា ឆ្នាំ 2023 ។ ដូចអ្វីដែលនឹងរៀបរាប់ជូនជាលំអិតខាងក្រោម អាសនៈ ព្រឹទ្ធសភាសហរដ្ឋអាមេរិកនេះ បច្ចុប្បន្នគឺកំពុងតែត្រូវបានកាន់កាប់ជាបណ្តោះអាសន្នដោយអ្នក ដែលត្រូវបានតែងតាំងដោយអភិបាលរដ្ឋ រហូតដល់ពេលបោះឆ្នោត ឆ្នាំ 2022 ។

ជម្រើសរបស់អ្នក ចំពោះការបោះឆ្នោតប្រកួតប្រជែងអាសនៈព្រឹទ្ធសភា សហរដ្ឋអាមេរិកចំនួនពីរ

អ្នកអាចបោះឆ្នោតតែមួយ ឬបោះទាំងពីរ សម្រាប់ការប្រកួតប្រជែង អាសនៈព្រឹទ្ធសភាសហរដ្ឋអាមេរិកទាំងពីរនេះ ។ អ្នកអាចបោះឆ្នោតឲ្យមនុស្សតែមួយ ចំពោះការប្រកួតប្រជែងទាំងពីរ ឬអ្នកអាចបោះឆ្នោត ឲ្យមនុស្សផ្សេងគ្នា ចំពោះការប្រកួតប្រជែងនីមួយៗ ។

ដូចការបោះឆ្នោតទាំងអស់ដែរ អ្នកអាចសម្រេចមិនបោះចំពោះការប្រកួតប្រជែងណាមួយ ឬ ចំពោះការប្រកួតប្រជែងទាំងអស់ បូករួមទាំងការប្រកួតប្រជែងអាសនៈព្រឹទ្ធសភាសហរដ្ឋអាមេរិក តែមួយ ឬទាំងពីរ ដែលនឹងប្រព្រឹត្តិទៅនៅខែវិច្ឆិកា ឆ្នាំ 2022 ។

អ្នកដែលកំពុងកាន់តំណែងក្នុងពេលបច្ចុប្បន្ន គឺលោក Alex Padilla ហើយគាត់ ចូលរួមការប្រកួតប្រជែងអាសនៈ ទាំងពីរ គឺអាសនៈសម្រាប់អាណត្តបច្ចុប្បន្នដែលនៅសល់ និងអាណត្តិក្រោយទាំងស្រុងផងដែរ ។

បើអ្នកចង់បោះឲ្យលោក Padilla កាន់តំណែងនេះ សម្រាប់អាណត្តិបច្ចុប្បន្នដែលនៅសល់ គឺមានន័យថា អ្នកចង់ឲ្យគាត់បន្តការងាររហូតដល់ផុតអាណត្តិនេះ ដែលគាត់បានចាប់ផ្តើមតាំងពីខែមករា ឆ្នាំ 2021 ។ បើអ្នកបោះឲ្យបេក្ខភាពផ្សេងទៀត ឲ្យចូលកាន់តំណែងសម្រាប់អាណត្តិបច្ចុប្បន្នដែលនៅសល់ គឺមានន័យថា អ្នកចង់ឲ្យលោក Padilla បញ្ឈប់តំណែងជាព្រឹទ្ធសភាសហរដ្ឋអាមេរិក ហើយចង់ឲ្យអ្នកផ្សេងមកបន្តតំណែងនេះ រហូតដល់ចប់អាណត្តិបច្ចុប្បន្ន គិតចាប់ពីពេលចេញលទ្ធផលជាផ្លូវការនៃការបោះឆ្នោតទូទៅក្នុងខែវិច្ឆិកា ឆ្នាំ 2022 ដែលលទ្ធផលអាចចេញពីរវាងខែធ្នូ ឆ្នាំ 2022 រហូតដល់ថ្ងៃទី 3 ខែមករា ឆ្នាំ 2023 ។

បើអ្នកបោះឆ្នោតឲ្យលោក Padilla កាន់តំណែងនេះពេញអាណត្តិក្រោយ គឺមានន័យថា អ្នកចង់ឲ្យគាត់ ធ្វើជាព្រឹទ្ធសភាសហរដ្ឋអាមេរិកពេញប្រាំមួយឆ្នាំ ក្រោយការចប់អាណត្តិបច្ចុប្បន្ន នៃការកាន់កាប់តំណែងនេះរបស់គាត់ ។ បើអ្នកបោះឆ្នោតឲ្យបេក្ខភាពផ្សេងទៀត ឲ្យកាន់កាប់តំណែងនេះ ពេញមួយអាណត្តិក្រោយ គឺមានន័យថា អ្នកមិនចង់ឲ្យលោក Padilla បន្តធ្វើជាព្រឹទ្ធសភាសហរដ្ឋអាមេរិក ក្រោយចប់អាណត្តិបច្ចុប្បន្នរបស់គាត់ឡើយ ហើយអ្នកចង់ឲ្យអ្នកផ្សេងមកធ្វើជាព្រឹទ្ធសភាសហរដ្ឋអាមេរិកជំនួសវិញ ។

ហេតុអ្វីបានជាការប្រកួតប្រជែង សម្រាប់តំណែង ព្រឹទ្ធសភាអាមេរិកបច្ចុប្បន្ន ត្រូវស្ថិតក្នុងការបោះឆ្នោតដែរ

អ្នកមិនចាំបាច់ដឹងរឿងលម្អិតទាំងអស់ ចំពោះមូលហេតុដែលត្រូវបោះឆ្នោតព្រឹទ្ធសភាសហរដ្ឋអាមេរិក សម្រាប់តំណែងបច្ចុប្បន្នឡើយ ដើម្បីអាចសម្រេចចិត្តក្នុងការបោះឆ្នោត តែសូមបន្តអានអត្ថបទនេះ បើអ្នកចាប់អារម្មណ៍ចង់ដឹងពីប្រវត្តិនៃការបោះឆ្នោតនេះ ។

កាលពីពេលមុន លោកជំទាវអនុប្រធានាធិបតី Kamala Harris ជាអ្នកកាន់កាប់មុខតំណែងនេះ ហើយគាត់បានចាប់ផ្តើមកាន់តំណែងនេះ ជា ព្រឹទ្ធសភាសហរដ្ឋអាមេរិក

ក្នុងខែមករា ឆ្នាំ 2017 ។ នៅពេលលោកជំទាវ ក្លាយជាអនុប្រធានាធីបតី សហរដ្ឋអាមេរិក ក្នុងខែមករា ឆ្នាំ 2021 ក្រោយការបោះឆ្នោត ក្នុងខែវិច្ឆិកា ឆ្នាំ 2020 គឺត្រូវមាននរណាម្នាក់

ចូលមកកាន់តំណែងជាព្រឹទ្ធសភាសហរដ្ឋអាមេរិក ជំនួសលោកជំទាវ ឲ្យគ្រប់អាណត្តិ ។ អភិបាលរដ្ឋកាលីហ្វ័រនីញ៉ា គឺលោក Gavin Newsom បានតែងតាំងលោក Padilla (ដែលឥឡូវគឺជាព្រឹទ្ធសភា Padilla) ឲ្យចូលកាន់តំណែងនេះ ។ នៅពេលនោះ លោក Padilla កំពុងកាន់តំណែងជារដ្ឋលេខាធិការ នៃរដ្ឋកាលីហ្វ័រនីញ៉ា (California’s Secretary of State) ។

នៅពេលដែលអភិបាលរដ្ឋ Newsom តែងតាំងលោក Padilla ឲ្យកាន់តំណែងព្រឹទ្ធសភា សហរដ្ឋអាមេរិក គឺជាការធ្វើតាមច្បាប់របស់រដ្ឋកាលីហ្វ័រនីញ៉ា ដែលអនុញ្ញាតឲ្យអភិបាលរដ្ឋ អាចតែងតាំងមនុស្សឲ្យកាន់តំណែងព្រឹទ្ធសភា សម្រាប់អាណត្តិដែលនៅសល់ ដោយមិនបាច់មានការបោះឆ្នោតឡើយ ។ ជាភាពជាក់លាក់ ច្បាប់បានចែងថា មុខតំណែងនេះ អាចឲ្យអភិបាលរដ្ឋតែងតាំងមនុស្ស ដើម្បីបំពេញមុខតំណែងនៅទំនេរបាន ដោយសារតែ អាណត្តិរបស់ព្រឹទ្ធសភាសហរដ្ឋអាមេរិក នឹងត្រូវបញ្ចប់នៅថ្ងៃទី 3 ខែមករា បន្ទាប់ពីការបោះឆ្នោតទូទៅក្នុងពេលខាងមុខ ។

ទោះជាយ៉ាងណាក៏ដោយ ក៏អ្នកបង្កើតច្បាប់របស់រដ្ឋកាលីហ្វ័រនីញ៉ា បានចោទជាសំណួរថា តើផ្នែកនៃច្បាប់របស់កាលីហ្វ័រនីញ៉ាមួយនេះ បានរំលោភបំពានចំពោះ ច្បាប់រដ្ឋធម្មនុញ្ញសហរដ្ឋអាមេរិក ដែលបានធ្វើវិសោធនកម្ម លើកទី 17 ដែរឬទេ ។ ដើម្បីដោះស្រាយបញ្ហានេះដែលមានសក្តានុពលចំពោះការរំលោភរដ្ឋធម្មនុញ្ញ ច្បាប់សភា yកាលីហ្វ័រនីញ៉ា ឆ្នាំ 1495 ត្រូវបានអនុម័តិក្នុងខែកញ្ញា ឆ្នាំ 2021 ហើយបានចូលជាធរមាន នៅថ្ងៃទី 1 ខែមករា ឆ្នាំ 2022 ។ ច្បាប់ថ្មី ក្នុងចំណោមច្បាប់នានាផ្សេងទៀត គឺនៅបន្តអនុញ្ញាតឲ្យអភិបាលរដ្ឋ អាចតែងតាំងនរណាម្នាក់ ឲ្យចូលបំពេញមុខតំណែងព្រឹទ្ធសភាអាមេរិក ដែលនៅទំនេរដដែល តែក្នុងស្ថានភាពភាគច្រើន ច្បាប់នេះធ្វើឲ្យការតែងតាំងនេះ ជាការតែងតាំងបណ្តោះអាសន្ន រហូតដល់មានការបោះឆ្នោតទូទៅទូទាំងរដ្ឋ ដើម្បីជ្រើសរើសបេក្ខភាពដែលត្រូវកាន់តំណែង សម្រាប់រយៈពេលក្នុងអាណត្តិកំពុងប្រព្រឹត្តិទៅ ដែលនៅសល់ ។ លទ្ធផលនៃការអនុវត្តច្បាប់ថ្មី សម្រាប់កិច្ចការនៅក្នុងអាណត្តិដែលនៅសល់ សម្រាប់អាសនៈព្រឹទ្ធសភា សហរដ្ឋអាមេរិក ដែលបច្ចុប្បន្ន កំពុងតែកាន់កាប់ដោយលោក Padilla គឺថាការប្រកួតប្រជែង សម្រាប់អាណត្តិដែលនៅសល់ បានបង្ហាញក្នុងសន្លឹកឆ្នោត សម្រាប់ការបោះឆ្នោតបឋមទូទាំងរដ្ឋ កាលពីថ្ងៃទី 7 ខែមករា ឆ្នាំ 2022 ។ បេក្ខជនពីររូបដែលបានទទួលបានសន្លឹកឆ្នោតច្រើនជាងគេ ពីការបោះឆ្នោតបឋម នៅខែមិថុនា នឹងមានឈ្មោះនៅក្នុងសន្លឹកឆ្នោត សម្រាប់ការបោះឆ្នោតទូទៅទូទាំងរដ្ឋ ដែលនឹងប្រព្រឹត្តិឡើងនៅថ្ងៃទី 8 ខែវិច្ឆិកា ឆ្នាំ 2022 បើទោះបីជារយៈពេលនៅសល់នៃអាណត្តិនេះ នឹងត្រូវបញ្ចប់នៅថ្ងៃទី 3 ខែមករា ឆ្នាំ 2023 ក៏ដោយចុះ ដែលគិតទៅគឺតិចជាងពីរខែ គិតចាប់ពីការបោះឆ្នោតទូទៅត្រូវបានបញ្ចប់ ។

ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

Click links below for a downloadable version.

អ្វីដែល​អ្នក​នឹងឃើញលើ​សន្លឹក​ឆ្នោត​របស់អ្នក

ជម្រើសរបស់អ្នក ចំពោះការ​បោះឆ្នោតប្រកួតប្រជែងអាសនៈព្រឹទ្ធសភា សហរដ្ឋអាមេរិកចំនួនពីរ

អ្វីដែលអ្នកនឹងឃើញលើសន្លឹកឆ្នោតរបស់អ្នក

ជម្រើសរបស់អ្នក ចំពោះការបោះឆ្នោតប្រកួតប្រជែងអាសនៈព្រឹទ្ធសភា សហរដ្ឋអាមេរិកចំនួនពីរ