អ្វីដែលអ្នក​នឹង​កត់សម្គាល់​នៅលើសន្លឹកឆ្នោត​របស់អ្នក​

បន្ថែមពីលើការប្រកួតប្រជែងការបោះឆ្នោត​ផ្សេង​ទៀត​នៅ​លើ​សន្លឹក​ឆ្នោត​របស់អ្នក អ្នកបោះ​ឆ្នោត​នៅ​រដ្ឋ​ California នៅថ្ងៃទី5 ខែវិច្ឆិកា ឆ្នាំ 2024, ការបោះឆ្នោតទូទៅនឹងមានឱកាសពីរផ្សេង​​គ្នា​ដើម្បី​បោះ​ឆ្នោត​សម្រាប់អាសនៈព្រឹទ្ធសភាអាមេរិកតែ​មួយ​​ ដែលមាន​បេក្ខជនពីររូប គឺ Adam Schiff និង Steve Garvey។

ការប្រកួតប្រជែងការបោះឆ្នោតលើកទីមួយ​សម្រាប់អាសនៈ​ព្រឹទ្ធ​សភា​​​អាមេរិក គឺសួរថា​តើបេក្ខជ​ន​ទាំង​ពី​រ​រូប​​ណា​ដែលអ្នក​ឱ្យ​ចង់ក្លាយ​ជា​សមា​ជិក​​ព្រឹទ្ធសភាអាមេរិកសម្រាប់​មួយអាណត្តិ​ពេញ​​​​ក្នុង​មុខ​​តំណែង​​បន្ទាប់​។ មួយអាណត្តិពេញក្នុងមុខតំណែងសម្រាប់សមាជិកព្រឹទ្ធសភាអាមេរិក គឺ​មាន​រយៈ​ពេល​ប្រាំ​មួ​យ​ឆ្នាំ​។ មួយអាណត្តិពេញក្នុងមុខតំណែងបន្ទាប់​នឹង​ចាប់ផ្ដើម​​ពី​ថ្ងៃ​ទី​ 3 ខែមករាឆ្នាំ 2025 រហូតដល់ថ្ងៃទី 3 ខែ​មករា ឆ្នាំ 2031​។

ការប្រកួត​ប្រជែងការបោះឆ្នោត​លើកទីពីរ​សម្រាប់​អាសនៈ​ព្រឹទ្ធ​សភា​​​អាមេរិក​ គឺ​ជាការ​បោះឆ្នោត​ពិសេស​មួយ​​សួរ​ថា​តើ​បុគ្គល​រូប​​ណា​ដែលអ្នក​ចង់​ឱ្យក្លាយ​ជា​សមាជិក​​ព្រឹទ្ធសភា​អាមេរិក​​សម្រាប់​រយៈ​​​ពេល​​នៅ​សល់​​នៃ​អាណត្តិ​ក្នុងមុខ​តំណែង​​​បច្ចុប្បន្ន។ អាណត្តិក្នុងមុខតំណែង​បច្ចុប្បន្ន​នឹង​បញ្ចប់​នៅ​ថ្ងៃ​ទី 3 ខែមករា ឆ្នាំ 2025 នៅពេលដែល​អ្នកឈ្នះក្នុងការប្រកួត​ប្រជែងការបោះ​ឆ្នោត​​លើក​ទី​មួយ​នឹង​ចាប់ផ្ដើមអាណត្តិ​រយៈ​ពេល​ប្រាំមួយឆ្នាំរបស់ខ្លួន។ ដូចដែលបានរៀបរាប់​លម្អិត​បន្ថែម​ដូច​​ខាងក្រោម បច្ចុប្បន្ន​អាសនៈ​ព្រឹទ្ធស​ភា​​អាមេរិក​​នេះ​កំពុង​កាន់កាប់​ជា​បណ្តោះ​អាសន្ន​​ដោយ​​នរណា​​ម្នាក់ដែលអភិបាលនៃគណៈអភិបាល​បាន​តែង​តាំង​​រហូត​​ដល់​ការ​​បោះ​​ឆ្នោត​ទូទៅ​នៅ​ខែ​វិច្ឆិកា​ ឆ្នាំ 2024។

ជម្រើសរបស់អ្នកសម្រាប់ការបោះឆ្នោតនៅ​ក្នុង​​ការប្រកួតប្រជែង​ការ​បោះ​ឆ្នោត​​​ព្រឹទ្ធ​សភា​អា​មេរិក​ចំនួនពីរ

លទ្ធផលនៃការបោះឆ្នោតសាកល្បងនៅខែមីនា ឆ្នាំ 2024 បានកំណត់ថាបេក្ខជន​រូបណា​នឹង​ឈាន​ទៅ​រក​ការបោះឆ្នោតទូទៅនៅខែវិច្ឆិកា ឆ្នាំ 2024។ ទាំងនៅក្នុង​ការប្រកួត​ប្រជែង​ការ​ប្រកួត​ទាំង​ពីរ​លើក​នៅក្នុង​ខែ​​មីនា Schiff និង Garvey បានឈ្នះការបោះឆ្នោតច្រើនជាង​គេ​​បំផុត ដូច្នេះ​អ្នក​បោះឆ្នោត​នឹង​ជ្រើស​រវាង​ពួក​គាត់​ទាំង​ពីរ​នៅក្នុងការប្រកួតការបោះឆ្នោត​ទាំង​ពីរ​លើក​នៅ​ក្នុង​ខែ​វិច្ឆិកា​នេះ។

អ្នកអាចបោះឆ្នោតនៅក្នុង​ការប្រកួតប្រជែងបោះឆ្នោត​ព្រឹទ្ធ​សភា​អាមេរិក​ទាំងពីរលើកនេះបាន។ អ្នក​អាច​បោះ​ឆ្នោត​ឱ្យមនុស្សតែមួយ​នៅក្នុងការប្រកួត​ប្រជែង​ការបោះឆ្នោត​ទាំងពីរ ឬ​អ្នក​អាច​បោះ​ឆ្នោត​ឱ្យ​មនុស្ស​ផ្សេង​គ្នា​​នៅ​​ក្នុង​ការប្រកួតប្រជែង​ការបោះឆ្នោតនីមួយៗបាន។ នៅក្នុង​ការ​បោះ​ឆ្នោត​ទាំង​នោះ អ្នក​អាច​ជ្រើស​រើស​មិន​បោះ​​ឆ្នោត​​ការប្រកួតប្រជែងការបោះឆ្នោតណាមួយ ឬ​ទាំង​អស់​បាន​។

អ្នកកាន់កាប់មុខតំណែង​បច្ចុប្បន្ន គឺសមាជិកព្រឹទ្ធសភាបណ្តោះអាសន្នអ្នកស្រី Laphonza Butler បាន​​ប្រកាស​​ថា​គាត់​នឹង​មិនកាន់មុខតំណែងនេះ​ពេញមួយអាណត្តិទេ។ គាត់នឹងមិន​ឈរ​ឈ្មោះ​នៅ​ក្នុង​សន្លឹក​ឆ្នោតទេ ហើយអាណត្តិរបស់គាត់​នឹងបញ្ចប់បន្ទាប់​ពី​ការ​បោះ​ឆ្នោត​ទូទៅ​នៅ​ខែ​វិច្ឆិកា ឆ្នាំ 2024។

មូលហេតុដែលការប្រកួតប្រជែងការបោះឆ្នោតសម្រាប់​រយៈពេល​នៅ​សល់​នៃ​អាណត្តិព្រឹទ្ធសភា​អាមេរិក​បច្ចុប្បន្ន​ គឺ​មាននៅ​លើសន្លឹកឆ្នោត

អ្នកមិនចាំបាច់ដឹងព័ត៌មានលម្អិតទាំងអស់អំពីមូលហេតុ​ដែល​ការប្រកួតប្រជែងការបោះឆ្នោត​សម្រាប់​​រ​យៈ​ពេ​ល​​នៅ​​សល់​នៃអាណត្តិ​​ព្រឹទ្ធស​ភាអាមេរិក​បច្ចុប្បន្ន គឺមាននៅលើសន្លឹកឆ្នោតដើម្បី​បោះ​​ឆ្នោតរបស់អ្នកទេ ប៉ុន្តែ​សូមបន្តអានថែមទៀត​ ប្រសិន​បើ​អ្នក​ចាប់អារម្មណ៍នៅក្នុងកា​រ​ស្វែង​យល់​​ពី​សាវតា។

សមាជិកព្រឹទ្ធសភាអ្នកស្រី Dianne Feinstein បានកាន់កាប់​មុខ​តំណែងនេះ​កាលពីមុន​ដោយ​ចាប់​ផ្តើម​នៅ​ខែមករា ឆ្នាំ 1992។នៅពេលដែលគាត់​បានទទួលមរណភាពកាលពី​ខែកញ្ញា ឆ្នាំ 2023 មក អ្នក​ផ្សេង​ទៀតត្រូវការបញ្ចប់អាណត្តិព្រឹទ្ធ​សភា​អាមេ​រិក​​នៅ​ឆ្នាំ​ចុង​ក្រោយ​នៃ​អាណត្តិ​ព្រឹទ្ធ​សភា​អាមេរិក​របស់​គាត់​។ អភិបាលរដ្ឋ លោក Gavin News បានតែងតាំងសមាជិកព្រឹទ្ធ​សភា​អ្នក​ស្រី Laphonza Butler ឱ្យ​បម្រើ​នៅក្នុងតួនាទីនោះរហូត​ដល់កា​រ​បោះឆ្នោតទូទៅនៅខែវិច្ឆិកា ឆ្នាំ 2024។

សេចក្តីព្រាងច្បាប់នៃសភាតំណាងរាស្ត្រ [Assembly Bill (AB) 1495] របស់​រដ្ឋ​កាលីហ្វ័រញ៉ា​​​ចូល​ជា​ធរ​មាន​​នៅ​ថ្ងៃ​ទី 1 ខែមករា ឆ្នាំ 2022 អនុញ្ញាត​ឲ្យអភិបាលនៃគណៈ​អភិបាល​តែង​តាំង​នរណា​ម្នាក់​ឱ្យបំពេញ​មុខ​តំណែង​បណ្តោះ​អាសន្ននៅក្នុង​អាសនៈ​​​ព្រឹទ្ធ​សភា​អាមេរិក ប៉ុន្តែ​​​ធ្វើ​ឱ្យការ​តែង​តាំង​​នោះមានលក្ខណៈ​​បណ្ដោះ​​អាសន្នក្នុងស្ថានភាព​ភាគ​​ច្រើន រហូតដល់​មានការបោះឆ្នោតនៅ​​ទូទាំងរដ្ឋ ដើម្បី​​ជ្រើសរើស​បុគ្គល​ដែល​​នឹង​កាន់មុខ​តំណែងនេះសម្រាប់រយៈពេលដែលនៅសល់នៃ​អាណត្តិ​បន្ត។ជា​លទ្ធ​ផល​នៃ​សេច​ក្ដី​ព្រាង​ច្បាប់ AB 1495 ការប្រកួតប្រជែងការ​បោះឆ្នោត​សម្រាប់​រយៈពេលនៅសល់នៃអាណត្តិ​សម្រាប់​អាសនៈ​​ព្រឹទ្ធសភាអាមេរិកបច្ចុប្បន្នដែលកាន់កាប់​ដោយ​សមា​​ជិក​​ព្រឹទ្ធសភាអ្នកស្រី Butler បាន​បាន​ឈរ​ឈ្មោះ​​នៅលើ​សន្លឹកឆ្នោត​សម្រាប់​ការ​បោះ​ឆ្នោ​ត​សាក​ល្បងនៅថ្ងៃទី 5 ខែមីនាឆ្នាំ 2024 ហើយ​នឹង​ឈរ​ឈ្មោះ​​នៅ​លើសន្លឹកឆ្នោតសម្រាប់ការ​បោះ​ឆ្នោត​ទូទៅនៅថ្ងៃទី 5 ខែវិច្ឆិកាឆ្នាំ 2024។