Զարգացման ծառայությունների վարչությունը (DDS, Department of Developmental Services) Բյուջեի ծանուցման օրինագծի ((Budget Trailer Bill (TBL)) միջոցով փոխեց այն օրենքները, որոնք վերաբերում էին տարածաշրջանային կենտրոնների կողմից համավճարումներին, համաապահովագրությանը և պահումներին: Առանձնահատուկ փոփոխությունները նկարագրված են ստորև:

Տարածաշրջանային կենտրոնը կարո՞ղ է վճարել իմ համավճարումների, համաապահովագրման և/կամ պահումների համար՝ համաձայն Լանթըրմընի օրենքի  (Lanterman Act)

Այո: Անչափահասների համար  տարածաշրջանային կենտրոնը կարող է վճարել ապահովագրական համավճարումների, համաապահովագրության և/ կամ պահումների  համար, եթե այդ ծառայությունն ընդգրկված է երեխայի անհատական ծրագրի պլանում կամ անհատական ընտանեկան ծառայությունների ծրագրում և անհրաժեշտ է՝ երաշխավորելու, որ Ձեր երեխան ստանում է այդ ծառայությունը,1 իսկ անչափահասների համար բավարարվում են հետևյալ չափանիշները՝

1. Երեխան ապահովագրված է առողջապահական խնամքի ծառայության ծրագրով կամ իր ծնողի/խնամակալի/խնամատարի առողջապահական ապահովագրի ներքո:
2. Ընտանիքի տարեկան համախառն եկամուտը աղքատության դաշնային մակարդակի 400 տոկոսի վրա կամ դրանից ցածր է:
3. Ծախսի համար պատասխանատու որևէ այլ երրորդ կողմ չկա:

Չափահաս սպառողների համար  տարածաշրջանային կենտրոնը կարող է վճարել ապահովագրական համավճարումների, համաապահովագրման կամ պահումների  համար, եթե այդ ծառայությունը ներառված է անհատական ծրագրի պլանում (IPP) և անհրաժեշտ է երաշխավորել, որ ծառայությունն ստացված է և հետևյալ չափանիշները բավարարված են: Հետևյալ չափանիշները նույնպես պետք է պահպանվեն՝

1. Սպառողի տարեկան համախառն եկամուտը աղքատության դաշնային մակարդակի 400 տոկոսի վրա կամ դրանից ցածր է:
2. Ծախսի համար պատասխանատու որևէ այլ երրորդ կողմ չկա:2

Ի՞նչ տեղի կունենա, եթե մեր ընտանիքի եկամուտը աղքատության դաշնային մակարդակի 400 տոկոսից ավելի է

Այն ընտանիքները, որոնց տարեկան եկամուտը աղքատության դաշնային մակարդակի 400 տոկոսից բարձր է, տարածաշրջանային կենտրոնը կարող է վճարել համավճարումները կամ  համաապահովագրում, եթե անհրաժեշտ է երեխան պահել տանը կամ հետևյալներից մեկը կամ մյուսը կիրառվում է՝

1. Արտասովոր դեպք է տեղի ունեցել, որն ազդում է ծնողի/խնամակալի/խնամատարի՝ համավճարումը կամ համաապահովագրումը վճարելու կարողության վրա կամ բավարարելու այն խնամքը և վերահսկողությունը, որի կարիքն ունի երեխան:
2. Աղետալի կորուստ (ինչպես օրինակ բնական աղետներ կա պատահարներ), որոնք ժամանակավորապես ազդում են ծնողի/խնամակալի/խնամատարի՝ համավճարումները կամ համաապահովագրումը վճարելու ունակության վրա:
3. Չփոխհատուցվող կարևոր բժշկական ծախսեր, որոնք առնչվում են երեխային կամ մեկ այլ երեխայի, ով տարածաշրջանային կենտրոնի սպասառու է:3

Տարածաշրջանային կենտրոնն ինչպե՞ս է  տեղեկանում, թէ որքան է իմ տարեկան համախառն եկամուտը

Դուք պետք է տարածաշրջանային կենտրոնին տրամադրեք աշխատավարձը վաստակողի քաղվածքի W-2 ձևի պատճենը, վճարացուցակի մնացորդների, եկամտահարկի նահանգային փոխհատուցման կամ այլ եկամտի ապացույցի մասին:4 Դուք պետք է տարածաշրջանային կենտրոնին ծանուցեք, երբ Ձեր եկամտում փոփոխություն տեղի ունենա, որը կարող է իրավունակության փոփոխության հանգեցնել:5

Ո՞րն է 2014թ. աղքատույթան դաշնային մակարդակը

Ինչպե՞ս կարող եմ հետագա տարիների աղքատության դաշնային մակարդակը գտնել

Աղքատության դաշնային մակարդակի վերաբերյալ տեղեկություններ ստանալու համար կարող եք այցելել այս կայքէջը՝ http://aspe.hhs.gov/poverty/index.cfm: Աղքատության դաշնային մակարդակը՝ 400%-ը դաշնային աղքատության մակարդակն է՝ բազմապատկած 4-ով:

Տարածաշրջանային կենտրոնը կարո՞ղ է օգնել վճարել իմ պահումները՝ համաձայն Լանթըրմընի օրենքի

Այո, 2014թ. հունիսի 20-ից սկսած օրենքը փոխվեց՝ տարածաշրջանային կենտրոններին թույլ տալու վճարել վերևում ընդգծված պահումների համար:6

Գործողությունների գրավոր ծանուցում է պահանջվում, որը պետք է տրվի տարածաշրջանային կենտրոնների կողմից

Եթե Դուք ծառայություն կամ աջակցություն եք խնդրել, օրինակ՝ համավճարման ֆինանսավորում, տարածաշրջանային կենտրոնը 15 օր ժամանակ ունի՝ որոշում կայացնելու առ այն, թե արդյոք պետք է տրամադրի այդ ծառայությունը կամ աջակցությունը, թե՝ ոչ:7  Տարածաշրջանային կենտրոնն այնուհետև 5 օր ժամանակ ունի՝ Ձեզ գործողությունների կատարման մասին ծանուցում ուղարկելու, եթե նրանք մերժեն Ձեր խնդրանքը:8  Եթե Դուք և Ձեր տարածաշրջանային կենտրոնը չհամաձայնեք փոխել Ձեր ներկայիս ծառայությունները, ապա տարածաշրջանային կենտրոնը փոփոխություններն սկսելուց 30 օր առաջ պետք է Ձեզ ծանուցի այդ մասին:9  Ծանուցումը պետք է Ձեզ տրամադրի հետևյալ տեղեկությունները. 

• Գործողությունը, որը տարածաշրջանային կենտրոնը կատարում է.
• Հիմնական փաստեր առ այն, թէ ինչու է տարածաշրջանային կենտրոնը կայացնում իր որոշումը.
• Գործողությունը կատարելու պատճառը.
• Ուժի մեջ մտնելու ամսաթիվը և
• այն առանձնահատուկ օրենքը, կանոնակարգը կամ քաղաքականությունը, որն աջակցում է այդ  գործողությանը:10

Լսման համար դիմում ներկայացնելը

Եթե Դուք արդեն ստանում եք ծառայությունը և համաձայն չեք տարածաշրջանային կենտրոնի որոշման հետ և ցանկանում եք շարունակել ստանալ ծառայությունը, ապա պետք է արդար լսում խնդրեք՝ ծանուցումն ստանալուց հետո 10 օրվա ընթացքում:11 Հակառակ դեպքում հայցը պետք է արվի 30 օրվա ընթացքում:12  

Ձեր իրավունքները՝ լսման գործընթացի ընթացքում

Դուք իրավունք ունեք՝

• Տեսնել Ձեր տարածաշրջանային կենտրոնի արձանագրությունները.
• Ներկա գտնվել և վկայություն տալ՝ բանավոր կամ գրավոր.
• Ձեր կողքին ունենալ Ձեր սեփական ընտանիքին, ընկերներին, բժշկին, ովքեր կխոսեն Ձեր անունից.
• Փաստաբան կամ պաշտպանի ներկայություն ապահովել.
• Թարգմանիչ ունենալ, եթե Ձեր մայրենի լեզուն անգլերենը չէ:

Ձեր լսմանը պատրաստվելը

• Տեղեկություններ հավաքեք, որոնք ցույց կտան, որ Դուք այդ ծառայությունների կարիքն ունեք, որոնք տարածաշրջանային կենտրոնը ցանկանում է փոխել:  Համոզվեք, որ տեղեկատվությունը, որն օգտագործում եք, ճշգրիտ է և Ձեր կարիքները մանրամասն բացատրում է:  Բացի այդ, գտեք այն մարդկանց, ովքեր ցանկանում են գնալ Ձեր լսմանը և դատավորին պատմել, թե ինչու Դուք այդ ծառայությունների կարիքն ունեք:  Համոզվեք, որ այս մարդիկ տեղյակ են Ձեր կարիքներից:
• Լսմանը Դուք կարող եք փաստարկներ բերել, որ իրավունք ունեք, որպեսզի Ձեր կարիքները բավարարվեն՝ Ձեր  IPP կամ IFSP նպատակներին և խնդիրներին հասնելու համար, կամ բացատրեք, թե ինչու եք Դուք բավարարում այդ բացառմանը կամ օրենքի բացառմանը:

Հավելյալ տեղեկություններ գտնելու առ այն, թե ինչպես պետք է բողոքարկեք տարածաշրջանային կենտորնի կողմից կայացված որոշումները, կարդացեք մեր հրապարակումը, տարածաշրջանային կենտրոնի համապատասխան  գործընթացների և  լսման իրավունքների  ամփոփաթերթը (Regional Center Hearing Packet)՝ http://www.disabilityrightsca.org/pubs/F548401.pdf

• 1. Բարեկեցության և հաստատությունների օրենսգիրք (Welfare և Institutions Code), հոդված 4659.1(c) «Վերադառնալ հիմնական փաստաթղթին»
• 2. Բարեկեցության և հաստատությունների օրենսգիրք (Welfare և Institutions Code), հոդված 4659.1(c) «Վերադառնալ հիմնական փաստաթղթին»
• 3. Բարեկեցության և հաստատությունների օրենսգիրք (Welfare և Institutions Code), հոդված 4659.1(c) «Վերադառնալ հիմնական փաստաթղթին»
• 4. Բարեկեցության և հաստատությունների օրենսգիրք (Welfare և Institutions Code), հոդված 4659.1(c) «Վերադառնալ հիմնական փաստաթղթին»
• 5. Բարեկեցության և հաստատությունների օրենսգիրք (Welfare և Institutions Code), հոդված 4659.1(c) «Վերադառնալ հիմնական փաստաթղթին»
• 6. Բարեկեցության և հաստատությունների օրենսգիրք (Welfare և Institutions Code), հոդված 4659.1(c) «Վերադառնալ հիմնական փաստաթղթին»
• 7. Welfare & Institutions Code Section 4646(f) «Վերադառնալ հիմնական փաստաթղթին”
• 8. Բարեկեցության և հաստատությունների օրենսգիրք (Welfare & Institutions Code), հոդված 4710(b) «Վերադառնալ հիմնական փաստաթղթին»
• 9. Բարեկեցության և հաստատությունների օրենսգիրք (Welfare & Institutions Code), հոդված 4710 «Վերադառնալ հիմնական փաստաթղթին»
• 10. Բարեկեցության  հաստատությունների օրենսգիրք, հոդված  4701:  Այս տեղեկատվությունը նաև պետք է առկա լինի այն լեզվով, որը Դուք հասկանում եք: «Վերադառնալ հիմնական փաստաթղթին»
• 11. Բարեկեցության և հաստատությունների օրենսգիրք, հոդված  4715: «Վերադառնալ հիմնական փաստաթղթին»
• 12. Բարեկեցության և հաստատությունների օրենսգիրք (Welfare & Institutions Code), հոդված 4710.5 (a) «Վերադառնալ հիմնական փաստաթղթին»