Ի՞նչ են իրենցից ներկայացնում տարածաշրջանային կենտրոնները

Տարածաշրջանային կենտրոնը ծառայություններ և աջակցություն ստանալու ձեր հիմնական սպասարկման կենտրոնն է:  Տարածաշրջանային կենտրոնների կոնտակտային տվյալները կարող եք գտնել այս հղումով՝ https://www.dds.ca.gov/rc/listings/

Ինչպե՞ս կարող են օգնել տարածաշրջանային կենտրոնները՝ պատրաստվել COVID-19 վարակին

Այժմ ճիշտ ժամանակն է պատրաստվել արտակարգ իրավիճակներին, ինչպիսին COVID-19 վարակն է: Կապվեք տարածաշրջանային կենտրոնի ձեր ծառայության համակարգողի հետ: Խնդրեք նրան օգնել ձեզ կազմել պլան այն դեպքերի համար, երբ ձեր խնամատուներն այլևս չեն կարողանա օգնել ձեզ COVID-19 վարակի պատճառով: Կարող եք հարցնել, թե ինչ է տեղի ունենալու, եթե որևէ ցերեկային ծրագրում խնամք եք ստանում, և ձեզ հայտնել են, որ այն պետք է փակվի:

IHSS և այլ խնամատուներ. Ի՞նչ պլան պետք է ունենամ, և ի՞նչ կարող է անել տարածարջանային կենտրոնը

Եթե ձեր հիմնական խնամքն իրականացվում է IHSS-ի կամ տարածա­շրջանային կենտրոնի կողմից չվճարվող ծրագրերի այլ խնամատուներ կողմից, խնդրեք ձեր խնամատուներին օգնել ձեզ պլան կազմել, եթե նրանք այլևս չեն կարող օգնել ձեզ:

Կարող եք դիմել նաև տարածաշրջանային կենտրոնի ձեր ծառայության համակարգողին՝ օգնել ձեզ պլան կազմելու հարցում: Տարածաշրջանա­յին կենտրոնը կարող է վճարել տարբեր ծառայությունների համար, եթե ձեր IHSS խնամատուն այլևս չկարողանա օգտակար լինել: Այդ ծառայություններն են.

• Անձնական խնամատուի կամ տնային գործեր կատարողի ծառայություններ՝ այս ծառայությունները մեծ մասամբ նման են IHSS ծառայություններին: Դրանց համար վճարում են ոչ թե վարչաշրջանները, այլ տարածաշրջանային կենտրոնները:
• Հանգիստ՝ այս ծառայությունն օգնում է ձեր խնամատուներին աջակցել ձեզ՝ համոզված լինելով, որ կարող են հանգիստ վերցնել:
• Ինքնուրույն կյանք վարելու հմտություններ կամ կենսակերպի աջակցման ծառայություններ՝ այս ծառայություններն օգնում են մարդկանց վարել հնարավորինս անկախ կեսակերպ իրենց սեփական տանը՝ ունենալով իրենց կարիքի համար անհրաժեշտ աջակցությունը:

Ձեր տարածաշրջանային կենտրոնից տեղեկացեք այս և այլ հնարավոր տարբերակների մասին: Այս ծառայություններից շատերը կարող են տրամադրվել ձեզ հետ բնակվող ընտանիքի անդամների կամ սենյակակիցների կողմից:

Ո՞րն է զարգացման խանգարումներ ունեցող անձանց սոցիալական ապահովության նահանգային վարչության դերը

Զարգացման խանգարումներ ունեցող անձանց սոցիալական ապահովության նահանգային վարչությունը բոլոր 21 տարածաշրջանային կենտրոնների համար պատասխանատու նահանգային մարմինն է: Այս գործակալությունը երբեմն կրճատ անվանում են DDS:

DDS-ի լիազորությունների մեջ մտնում է ասել տարածաշրջանային կենտրոններին՝ ինչ անել: COVID-19 վարակի պայմաններում DDS-ը տարածաշրջանային կենտրոններին հրահանգել է՝ ապահովել տարածաշրջանային կենտրոնի ծառայություններն ստացող մարդկանց առողջության պահպանումը և անվտանգությունը: Օրինակ`

• DDS-ը տերածաշրջանային կենտրոններին ասել է, որ նորմալ է մարդկանց հետ ֆիզիկապես չհանդիպելը: Փոխարենը՝ տարածաշրջանային կենտրոնները կարող են օգտագործել տեխնոլոգիաներ, օրինակ՝ հեռախոսներ, տեսակոնֆերանսներ, Skype և FaceTime: Կարող եք ձեր տարածաշրջանային կենտրոնի հետ խոսել այդ տարբերակների և դրանցից օգտվելու ձևերի մասին:
• DDS-ը տարածաշրջանային կենտրոններին լիազորություն է տվել բարձրացնել խնամատուների վճարումը՝ COVID-19 վարակի պայմաններում մարդկանց առողջության պահպանումը և անվտանգությունն ապահովելու համար: Դա կոչվում է «Ազատում առողջության պահպանման և անվտանգության ապահովման հրաժարումից»: Հարցրեք ձեր տարածաշրջանային կենտրոնին, թե արդյո՞ք դա ձեզ համար հարմար տարբերակ է:

Ի՞նչպես կարող եմ մանրամասն տեղեկանալ իմ իրավունքների մասին

Եթե ունեք հարց ձեր օրինական իրավունքների մասին կամ այն մասին, թե արդյոք տարածաշրջանային կենտրոնը չի օգնում ձեզ պատրաստվել COVID-19 վարակին.

• Զանգահարեք DRC-ի ընդունարան հետևյալ հեռախոսահամարով՝ 1-800-776-5746:
• Զանգահարեք DRC-ի Շահառուների իրավունքների պաշտպանության գրասենյակ (անգլ.՝ Clients’ Rights Advocacy, OCRA) հետևյալ հեռախոսահամարներով՝
  • Հյուսիսային Կալիֆորնիա՝ 1-800-390-7032 (հեռատիպ՝ 877-669-6023)
  • Հարավային Կալիֆորնիա՝ 1-866-833-6712 (հեռատիպ՝ 877-669-6023):