Ի՞նչ է ՄԻԱՎ/ՁԻԱՀ Medi-Cal այլընտրանքային ծրագիրը:

ՄԻԱՎ/ՁԻԱՀ Medi-Cal այլընտրանքային ծրագիրը («ՁԻԱՀ-ի այլընտրանքային ծրագիր») ՄԻԱՎ/ՁԻԱՀ-ով հիվանդ անձանց համար նախատեսում է հիվանդության հսկողություն և անմիջական խնամքը որպես շուրջօրյա խնամքի կենտրոնի կամ հիվանդանոցային բուժման այլընտրանք: Դուք կարող եք օգտվել այս ծառայությունից, որպեսզի մնաք տանը կամ վերադառնաք տուն որևէ բուժհաստատությունից կամ խնամքի կենտրոնից:

Ո՞վ է իրավունակ ծրագրի համար:

Իրավունակ անձինք պետք է.

• Ունենան ՄԻԱՎ հիվանդության կամ ՁԻԱՀ-ի գրավոր ախտորոշում՝ տրված իրենց առաջնային բուժող բժշկի կողմից,
• ունենան համապատասխան առողջական վիճակ, որը թույլ կտա ստանալ խնամք տնային պայմաններում,
• ունենան Medi-Cal-ի իրավունակություն այլընտրանքային ծրագրում ընդգրկվելու օրը և դրանից հետո յուրաքանչյուր ամիս,
• ունենան շուրջօրյա խնամքի կենտրոնի մակարդակին կամ ավելի բարձր մակարդակին և 60 կամ ավելի պակաս միավորին համապատասխանելու հավաստագրում, որը գնահատվել է Կոգնիտիվ և ֆունկցիոնալ ունակության մակարդակների գնահատման գործիքով:

Ի՞նչ ծառայություններ են մատուցվում այս այլընտրանքային ծրագրով:

• Բուժքույրական խնամք և սոցիալական ծառայություն
• Տան տնտեսվարի ծառայություններ, օրինակ ճաշի պատրաստում և առօրյա կենցաղային գործեր, գնումներ և այլն
• Տնային խնամք
• Փոքր ֆիզիկական հարմարեցումներ տանը, օրինակ թեքահարթակների, բռնակների տեղադրում, դռների բացվածքների լայնացում և այլն
• Հատուկ բժշկական սարքավորումներ/բժշկական պարագաներ
• Որակավորված բուժքույրական ծառայություն – բուժքույրեր/լիցենզավորված բուժքույրեր
• Հոգեթերապիա
• Ֆինանսական օգնություն երեխաների/խնամակալության տակ գտնվող փոքրահասակ երեխաների համար
• Սննդակարգի խորհրդատվություն
• Տեղափոխում ոչ շտապ բուժօգնության նպատակով
• Տուն առաքվող ճաշեր

Լրացուցիչ տեղեկատվություն.

ՁԻԱՀ Medi-Cal-ին փոխարինող այլընտրանքային ծրագրով նախատեսվող ծառայությունները շահառուներին տրամադրվում են անվճար, սակայն համավճարով Medi-Cal ծրագրում ընդգրկված անհատները պետք է յուրաքանչյուր ամիս վճարեն իրենց ծախսային մասնաբաժինը՝ այդ ծառայություններին իրավունակ լինելու համար 2017թ. հունվարի 1-ից գործում է տարեկան $25,727 գումարի չափով ծախսային սահմանափակումը:

Միաժամանակ ՀՆԱՐԱՎՈՐ ՉԷ ընդգրկվել հետևյալ ծրագրերում կամ ստանալ հետևյալ ծրագրերի ծառայությունները. Medi-Cal-ի Հոսպիսային ծրագիր, Պետական ապահովագրական ծրագրով նախատեսվող հիվանդության հսկողության ծառայություններ, Նպատակաուղղված հսկողություն որպես լրացում ՁԻԱՀ-ի այլընտրանքային ծրագրին կամ Medi-Cal-ի տնային և համայնքահեն ծառայությունների մեկ այլ այլընտրանքային ծրագիր:

ՀՆԱՐԱՎՈՐ Է միաժամանակ ընդգրկվել Medicare Հոսպիս ծրագրում:

ՁԻԱՀ-ի այլընտրանքային ծրագրի գործակալությունները կարող են տրամադրել լրացուցիչ տեղեկատվություն իրավունակության և ծրագրով տրամադրվող ծառայությունների, ընդգրկման և բուժքրոջ ու սոցիալական աշխատողի միջոցով հիվանդության անմիջական հսկողություն իրականացնելու վերաբերյալ: Եթե դուք իրավունակ չեք ՁԻԱՀ-ի այլընտրանքային ծրագրի համար, դուք կարող եք իրավունակ լինել նույն գործակալության կամ տվյալ գործակալության գլխավոր գրասենյակի այլ ծրագրերի համար: Գործակալությունների ցանկն ըստ վարչաշրջանների տե՛ս ստորև:  Այլ ռեսուրսների համար տե՛ս https://www.cdph.ca.gov/Programs/CID/DOA/Pages/OA_care_mcwp.aspx.

ՁԻԱՀ-ի այլընտրանքային ծրագրի ծառայություններն ստանալու մասին տեղեկատվություն ստանալու համար կարող եք զանգահարել ձեր վարչաշրջանի ստորև նշված գործակալությանը:  Եթե ձեզ անհրաժեշտ է տեղեկատվություն Medi-Cal-ին դիմելու կարգի վերաբերյալ, կարող եք այցելել՝ http://www.dhcs.ca.gov/services/medi-cal/Pages/ApplyforMedi-Cal.aspx

ՁԻԱՀ-Ի ԱՅԼԸՆՏՐԱՆՔԱՅԻՆ ԾՐԱԳՐԻ ՍՊԱՍԱՐԿՈՂՆԵՐ

Կալիֆորնիայի Առողջապահության վարչություն
ՁԻԱՀ-ի գրասենյակ, ՄԻԱՎ-ով հիվանդների խնամքի մասնաճյուղ