Muaj qee leej neeg tsis tuaj yeem tswj cov nyiaj lawv tau txais los ntawm Social Security Administration (SSA) vim muaj mob los sis muaj qhov kev tsis taus. Yog li ntawd, SSA xaiv ib tus neeg txheeb ze, tus phooj ywg, los sis lwm tus neeg los ua tus sawv cev txais nyiaj. Lawv kuj tseem muaj npe hu ua "neeg sawv cev them nyiaj." Muaj coob tshaj 8 lab tus tib neeg muaj tus neeg sawv cev them nyiaj. Koj kuj yuav muaj ib tus uas yog koj tus kheej. Yog tias tam sim no koj tuaj yeem tswj hwm tau koj tus kheej cov nyiaj, koj tus neeg sawv cev them nyiaj tau hais qhia rau SSA tias koj tsis tas yuav tus neeg sawv cev them nyiaj mus ntxiv lawm. Koj kuj tseem yuav thov rau SSA tias koj yuav los ua koj tus neeg them nyiaj los ntawm koj tus kheej.

Yuav Ua Li Cas Qhov Yuav Los Ua Koj Tus Neeg Them Nyiaj Los Ntawm Koj Tus Kheej

Yog tias koj xav los ua koj tus neeg them nyiaj los ntawm koj tus kheej, SSA yuav nug cov lus nug rau koj kom paub tseeb tias koj twb npaj txhij lawm los. Cov lus nug kuj yuav sib txawv yog nyob ntawm lub chaw ua hauj lwm SSA hauv koj cheeb tsam. Lawv yuav nug seb koj puas muaj peev xwm:

• Them rau koj tus kheej cov nuj nqis txhua hli, xws li nqi xauj tsev, nqi kho mob, nqi xov tooj thiab/los sis nqi internet;
• Tswj koj tus kheej tus as khauj hauv lub txhab nyiaj los sis tus neeg thov kev pab/daim npav rho nyiaj;
• Ntsib cov kev xav tau yooj yim ntawm koj tus keej; thiab
• Nrhiav cov phooj ywg los sis tsev neeg los pab koj sau ntawv txog cov cwj pwm kev siv nyiaj zoo ntawm koj.

Yam Uas Koj Yuav Xa Tau Los Ua Tus Neeg Them Nyiaj Los Ntawm Koj Tus Kheej

Koj yuav muaj ib tus neeg sawv cev them nyiaj vim qhov kev tsis taus ntawm lub cev los sis lub hlwb. Los ua koj tus kheej tus neeg them nyiaj, koj yuav tsum qhia rau SSA tias tam sim no koj tuaj yeem tswj tau koj cov nyiaj los ntawm tus kheej lawm.

Ntawm no yog cov piv txwv ua pov thawj uas yuav pab txhawb nqa koj qhov kev thov:

• Ib tsab ntawv sau los ntawm tus kws kho mob hais tias koj tuaj yeem tswj hwm tau koj cov nyiaj los ntawm tus kheej lawm; 
• lub tsev hais plaub hais tias lub tsev hais plaub ntseeg tias koj tuaj yeem saib xyuas koj tus kheej tau lawm; los sis
• Lwm yam pov thawj uas qhia pom tias koj muaj rab peev xwm saib xyuas koj tus kheej tau lawm.
  • Daim ntawv pov thawj kev txiav yeeb tshuaj;
  • Ntawv pov thawj ntawm kev them cov nuj nqis; thiab
  • Cov ntawv pab txhawb nqa tuaj ntawm cov neeg uas paub koj zoo.

Nco tseg: SSA yuav pom zoo tias koj tsis xav tau tus neeg sawv cev them nyiaj mus ntxiv lawm. Yog li ntawd, lawv kuj yuav saib seb koj puas tseem muaj cai tau txais cov nyiaj them pab rau qhov kev tsis taus.

Kev Pib Cov Txheej Txheem

Koj puas xav tias koj npaj tau tiav yuav los ua koj tus neeg them nyiaj los ntawm tus kheej? Koj tuaj yeem mus saib SSA Field Office hauv koj lub cheeb tsam txhawm rau pib cov txheej txheem. Hu rau tus xov tooj National SSA 1-800-772-1213 mus nrhiav koj Lub Chaw Hauj Lwm Hauv Cheeb Tsam (Field Office). Koj tseem tuaj yeem mus saib Social Security Office Locator (Qhov Chaw Nyob Ntawm Lub Chaw Ua Hauj Lwm Saib Xyuas Kev Ruaj Ntseg Hauv Sim Neej)

Cov ntaub ntawv no yog tau peev nyiaj txiag los ntawm Daim Ntawv Pom Zoo Pab Nyiaj Social Security ntawm cov neeg them nqi se. Txawm hais tias Social Security tau saib cov ntaub ntawv no rau qhov raug, nws tsis yog qhov kev sib txuas lus ntawm Social Security kev sib raug zoo.