Qhov Kev Pab HIV/AIDS Medi-Cal Waiver yog dab tsi?

Qhov Kev Pab HIV/AIDS Medi-Cal Waiver (qhov “AIDS Waiver”) muab cov kev tswj hwm kev kho mob thiab cov kev pab cuam ncaj qha rau cov neeg uas muaj mob HIV/AIDS raws li qhov kev xaiv lub chaw kho mob lossis lub tsev pw kho mob. Koj tuaj yeem siv qhov kev pab no los pab koj kom nyob tau hauv tsev, lossis mus ntawm tsev rau tom tsev kho mob.

Leej twg yuav yog tus tsim nyog tau txais?

Cov neeg muaj cai tau txais yuav tsum:

• Muaj cov ntawv sau kev kuaj xyuas kab mob HIV lossis daim ntawv foos AIDS ntawm nws thawj tus kws kho mob; thiab
• Muaj qhov mob uas muaj cai tau txais qhov kev kho mob hauv tsev yam tsim nyog; thiab
• Yog ib tus muaj cai tau txais Medi-Cal nyob rau hnub rau npe nkag thiab txhua lub hli tom qab; thiab
• Tau txais kev lees paub tias haum raws li Theem Kev Kho Mob Hauv Tsev Kho Mob lossis siab dua thiab cov qhab nia 60 lossis tsawg dua uas siv cov qauv Ntsuas Kev Txawj Ntse thiab Rab Peev Xwm Kev Kawm

Hom kev pab twg uas muaj raws li qhov kev zam no?

• Tus tuav tswj ntaub ntawv cov kws saib xyuas neeg mob thiab cov pab cuam tib neeg
• Cov kev pab ntawm tes xws li npaj zaub mov noj thiab cov haujlwm niaj hnub ua hauv tsev, kev mus yuav khoom noj haus hauv khw, thiab lwm yam.
• Kev mob siab rau saib xyuas
• Kev yoog tus kheej lub cev hauv tsev xws li txav, tuav, mus rau ntawm qhov rooj, thiab lwm yam.
• Cov cuab yeej kho mob tshwj xeeb thiab cov khoom siv kho mob
• Cov kws paub saib xyuas neeg mob – RN/LVN
• Kev Kho Kev Puas Siab Ntsws
• Kev pab cuam nyiaj txiag rau cov menyuam yaus thiab cov menyuam mos coj los tu
• Sab laj txog khoom noj haus
• Kev caij tsheb mus los tsis yog kho mob xwm txheej kub ntxhov
• Cov zaub mov xa tuaj hauv koj lub tsev

Cov ntaub ntawv ntxiv:

Cov kev pab AIDs Waiver tau muab yam tsis sau nqi rau cov neeg mob, tab sis cov neeg uas muaj Medi-Cal sib pab them cov nqi yuav tsum haum raws li qhov kev sib pab them nqi hauv txhua lub hli kom muaj cai tau txais kev pab. Muaj ib qho nyiaj $25,727 toj xyoo siv tau txij Lub Ib Hlis 1, 2017.

Cov neeg YUAV TSIS rau npe nkag ib txhij rau hauv lossis tua txais cov kev pab los ntawm ib qho kev pab txuas ntxiv no: Qhov kev pab Medi-Cal Hospice; Lub Xeev Qhov Kev Npaj cov kev pab tswj kev kho mob; Cov tau txais kev tswj kev kho mob rau cov kev pab ntxiv AIDS Waiver; lossis lwm Cov Kev Pab Medi-Cal Hauv Tsev thiab Hauv Zej Zog Raws Li Cov Kev Pab Zam.

Cov neeg YUAV raug rau npe ib txhij hauv Medicare Hospice.

AIDS Waiver cov chaw haujlwm tuaj yeem muab cov ntaub ntawv ntxiv ntsig txog qhov kev muaj cai thiab cov haujlwm muab kev pab, kev rau npe nkag, thiab cov kev pab ncaj qha rau qhov kev pab tuav tswj kev kho mob los ntawm cov kws saib xyuas neeg mob thiab cov ua haujlwm pab cuam tib neeg. Yog tias koj tsis rau npe rau AIDS Waiver, koj yuav muaj cai rau lwm cov kev pab nyob hauv tib lub chaw haujlwm lossis nws lub tuam tsev haujlwm. Txog cov npe chaw haujlwm ntawm lub nroog saib hauv qab no. Kom paub cov chaw pab ntau ntxiv saib hauv https://www.cdph.ca.gov/Programs/CID/DOA/Pages/OA_care_mcwp.aspx.

Kom paub cov ntaub ntawv ntau ntxiv txog tau txais AIDS Waiver Cov Kev Pab, koj tuaj yeem hu rau koj lub chaw haujlwm hauv nroog, muaj npe hauv qab no.   Yog tias koj xav tau cov ntaub ntawv ntau ntxiv txog kev thov rau qhov Medi-Cal, koj tuaj yeem mus saib hauv http://www.dhcs.ca.gov/services/medi-cal/Pages/ApplyforMedi-Cal.aspx

COV CHAW MUAB KEV PAB AIDS WAIVER

California Lub Chaw Haujlwm Saib Xyuas Zej Tsoom Kev Noj Qab Haus Huv
Lub Chaw Haujlwm Muab Kev Pab AIDS, HIV